Published on MAPNews (https://www.mapnews.ma/am)

Accueil > ⴰⵙⵜⵉ ⴰⵎⵣⵔⵓⵢ ⵏ ⵍⵎⵖⵔⵉⴱ , ⴼⴰⴷ ⴰⴷ ⵉⵙⵙⵉⵅⴼ ⴰⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵓⵔⴰ ⵎⵓⵏⵏⵉⵏ ⴳ ⵓⵙⴳⴳⵯⴰⵙ ⵏ 2024

ⴰⵙⵜⵉ ⴰⵎⵣⵔⵓⵢ ⵏ ⵍⵎⵖⵔⵉⴱ , ⴼⴰⴷ ⴰⴷ ⵉⵙⵙⵉⵅⴼ ⴰⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵓⵔⴰ ⵎⵓⵏⵏⵉⵏ ⴳ ⵓⵙⴳⴳⵯⴰⵙ ⵏ 2024

10 ⵉⵏⵏⴰⵢⵔ 2024 Version Imprimable
ⵊⵓⵏⵉⴼ - ⵜⴻⵜⵜⵓⵙⵜⴰⵢ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴼⴰⴷ ⴰⴷ ⵜⵙⵙⵉⵅⴼ ⴰⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵓⵔⴰ ⵎⵓⵏⵏⵉⵏ ⴳ ⵓⵙⴳⴳⵯⴰⵙ ⵏ 2024, ⴳ ⵢⴰⵏ ⵓⵙⵜⴰⵢ ⵉⵜⵜⵉⵙⴽⴰⵔⵏ ⴰⵙⵙ ⴰⴷ ⵏ ⵓⴽⵕⴰⵙ ⴳ ⵊⵓⵏⵉⴼ

ⵜⵏⵏⴰ ⵜⵎⴰⵡⴰⵙⵜ ⵏ ⵜⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⴳ ⵓⵙⵉⵡⴹ ⵏⵏⵙ ⵎⴰⵙⴷ 30 ⵏ ⵓⵎⵍⵜⴰⵖ ⵣⴳ 47 ⵏ ⵢⴰⵏ ⴳ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵓⵔⴰ ⵎⵓⵏⵏⵉⵏ, ⴼⵜⴰⵏ ⴷ ⵍⵎⵖⵔⵉⴱ, ⵎⴳⴰⵍ ⵏ ⵉⴼⴼⵓⵙ ⵏ ⵜⴼⵔⵉⵇⵜ ⵍⵍⵉ ⴷⴰ ⴼⵜⴰⵏ ⵖⴰⵙ 17 ⵏ ⵓⵎⵍⵜⴰⵖ.

ⵉⵙⵙⵓⵎⴰⵏ ⵓⵙⵉⵡⴹ ⵎⴰⵙⴷ ⴰⵙⵜⴰⵢ ⵏ ⵍⵎⵖⵔⵉⴱ, ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏⵏⵙ, ⴼⴰⴷ ⴰⴷ ⵉⵙⵙⵉⵅⴼ ⴰⵙⵇⵇⵉⵎ ⴰⴷ ⴰⵎⵇⵔⴰⵏ, ⵉⴳⴰ ⴰⵏⵥⴰ ⵣⴳ ⴷⴰⵔ ⵓⵎⵓⵏ ⴰⴳⵔⴰⵖⵍⴰⵏ ⵎⴰⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⵜⴷⵓⵙ ⴳ ⵢⵉⴳⵔ ⵏ ⵡⴰⵔⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⵙⵎⴷ ⵉⵖⴱⴰⵍⵓ ⴰⴷ ⵏⵉⵜ, ⵎⴰⵙⴷ ⵍⵎⵖⵔⵉⴱ, ⵙ ⵓⵙⵙⵉⵅⴼ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵏⵏⵖ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴽⴰ ⴰⵡⴰⵏⴽ ⵏ ⵓⵣⵔⴼ ⴷ ⵓⵙⴰⴹⵓⴼ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵎⴰⵢⴰⴷ ⵢⵓⵎⴰⵏ ⴳ ⵓⴷⵓⵙⵜⵓⵔ ⵏ 2011, ⴷ ⴽⵉⴳⴰⵏ ⵏ ⵓⵙⴼⴰⵍⴽⵉ ⴷ ⵓⵙⵎⴰⵢⵏⵓ ⵍⵍⵉ ⵉⵙⴽⵔ ⴳ ⵎⵏⵏⴰⵡ ⵉⴳⵔⴰⵔ, ⴼⴰⴷ ⴰⴷ ⵉⵙⴷⵓⵙ ⵜⴰⴷⵉⵎⵓⴽⵔⴰⵙⵉⵜ ⴷ ⵓⵏⴳⴰⴷⴷⴰ ⴳⵔ ⵉⵔⵥⴰⵣⵏ ⴷ ⵜⵎⵖⴰⵔⵉⵏ, ⵉⵙⴱⵓⵖⵍⵓ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵡⵙ ⵉ ⵉⵄⵔⵔⵉⵎⵏ.

ⵎⴽⵍⵍⵉ ⵉⵎⵎⴰⵍ ⵓⵙⵜⴰⵢ ⵏ ⵜⴳⵍⴷⵉⵜ, ⴷ ⵜⵡⵉⵙⵉ ⵏ ⴽⵉⴳⴰⵏ ⵏ ⵜⵎⵓⵔⴰ ⵣⴳ ⵓⵎⴰⴹⴰⵍ ⴰⴽⴽⵯ, ⵎⵇⵇⴰⵔ ⵜⵏ ⵜⵙⴽⵙⴰⵔ ⴷⵣⴰⵢⵔ ⴷ ⵉⴼⴼⵓⵙ ⵏ ⵜⴼⵔⵉⵇⵜ, ⵜⴰⴼⵍⵙⵜ ⵍⵍⵉ ⵉⵍⵍⴰⵏ ⴷⴰⵔ ⵍⵎⵖⵔⵉⴱ ⴳ ⵓⵎⴰⴹⴰⵍ ⵙ ⵓⵙⵙⵉⵅⴼ ⴰⴳⵍⴷⴰⵏ ⴳ ⵜⴼⵔⵉⵇⵜ ⵓⵍⴰ ⴳ ⵓⵎⴰⴹⴰⵍ ⴰⴽⴽⵯ.

ⵜⴰⴳⵍⴷⵉⵜ ⵏ ⵍⵎⵖⵔⵉⴱ, ⵍⵍⵉ ⵉⵙⴽⴰⵔⵏ ⵜⴰⵡⵡⵓⵔⵉ ⵎⵇⵇⵓⵕⵏ ⴳ ⵓⴳⵏⵙ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏⴷ ⴰⴽⴽⵯ ⵜⵉⵡⵉⵙⵉ ⵏⵏⵙ ⴳ ⵓⵙⴱⵓⵖⵍⵓ ⵏ ⵜⵎⵔⵙⵍⵜ ⴰⴷ, ⵜⵓⵎⵔ ⴽⵉⴳⴰⵏ ⵙ ⵜⴼⵍⵙⵜ ⵍⵍⵉ ⴳⵉⵇ ⴳⴰⵏⵜ ⵜⵎⵉⵣⴰⵔ ⴰⴷ ⵏ ⵓⵎⴰⴹⴰⵍ. ⵎⴰⵢⴰⴷ ⵉⴳⴰ ⵜⴰⵎⴰⵜⴰⵔⵜ ⵎⴰⵙ ⵜⴷⵓⵙ ⵜⵎⵢⴰⴷⴰⵙⵜ ⵏ ⵜⵎⴰⵣⵉⵔⵜ ⵏⵏⵖ, ⵅⴼ ⵅⵎⵏⵜⴰⵍ ⵣⵓⵏⴷ ⴰⵎⵙⴰⵡⴰⵏ ⵏ ⵓⵙⴳⴷ, ⴷ ⵓⵙⴰⵔⵓⴼ, ⴷ ⵓⵣⵔⴼ ⴳ ⵜⵡⵏⵏⴰⴹⵜ ⵉⵖⵓⵙⵏ, ⴷ ⵉⵣⵔⴼⴰⵏ ⵏ ⵉⵎⵣⵡⴰⴳ ⴷ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ.

ⵉⴼⴼⵓⵖ ⵓⵙⵉⵡⴹ ⵎⴰⵙⴷ ⵜⴰⴳⵍⴷⵉⵜ ⵏⵏⵖ, ⴳ ⵜⵉⵣⵉ ⵏ ⵓⵙⵙⵉⵅⴼ ⵏⵏⵙ ⵉ ⵓⵙⵇⵇⵉⵎ ⴰⴷ ⵔⴰⴷ ⴱⴷⴷⴰ ⵜⵣⵣⵡⴰⵔ ⴰⵎⵙⴰⵡⴰⵍ ⴷ ⵓⵎⵢⴰⵡⴰⵙ, ⵎⴽⵍⵍⵉ ⴱⴷⴷⴰ ⵜⵙⴽⴰⵔ ⴳ ⴽⵕⴰⴹⵜ ⵜⵙⵓⵜⴰⵍ ⴰⴷ ⵉⵣⵔⵉⵏ. ⵙ ⵎⴰⵢⴰⴷ ⵜⵔⴰ ⵜⴳⵍⴷⵉⵜ ⴰⴷ ⵜⵙⵎⴷ ⵜⴰⵡⵡⵓⵔⵉ ⵏⵏⵙ ⵙ ⵓⴷⵡⴰⵙ ⵉⴳⴳⵓⵜⵏ, ⵏⵜⵜⴰⵜ ⵓⵍⴰ ⵉⵎⵍⵜⴰⵖ ⴰⴽⴽⵯ ⵏ ⵓⵙⵇⵇⵉⵎ, ⴼⴰⴷ ⴰⴷ ⵜⴱⵓⵖⵍⵓ ⵜⵎⵔⵙⵍⵜ ⴰⴷ ⵍⵍⵉ ⴷⴰⵔ ⵉⵙⴽⴰⵔⵏ ⵜⴰⵡⵓⵔⵉ ⴱⴰⵀⵔⴰ ⵉⵍⴰⵏ ⴰⵜⵉⴳ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%9C%E2%B5%89-%E2%B4%B0%E2%B5%8E%E2%B5%A3%E2%B5%94%E2%B5%93%E2%B5%A2-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B5%89%E2%B4%B9%E2%B4%BC%E2%B5%95%E2%B5%8F-%E2%B5%89-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B5%8E%E2%B5%93%E2%B5%8F%E2%B5%8F%E2%B5%89%E2%B5%8F-%E2%B4%B3