Published on MAPNews (https://www.mapnews.ma/am)

Accueil > ⴰⵙⴽⴽⵉⵔ ⵏ ⵓⵙⵇⵇⵉⵎ ⴰⵏⵎⵀⴰⵍ ⵡⵉⵙⵙ 38 ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵉ ⵉⵏⵖⵎⵉⵙⵏ 

ⴰⵙⴽⴽⵉⵔ ⵏ ⵓⵙⵇⵇⵉⵎ ⴰⵏⵎⵀⴰⵍ ⵡⵉⵙⵙ 38 ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵉ ⵉⵏⵖⵎⵉⵙⵏ 

04 ⵉⵏⵏⴰⵢⵔ 2024 Version Imprimable
ⵕⵕⴱⴰⵟ - ⵉⵜⵜⵉⵙⴽⴰⵔ ⴰⵙⵙ ⴰⴷ ⵏ ⵓⴽⵡⴰⵙ ⴰⵙⵇⵇⵉⵎ ⴰⵏⵎⵀⴰⵍ ⵡⵉⵙⵙ 38 ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵉ ⵉⵏⵖⵎⵉⵙⵏ,, ⵙ ⵓⵙⵙⵉⵅⴼ ⵏ ⵓⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⵓⵙⵙⵏⴰ ⴷ ⵓⵎⵢⴰⵡⴰⴹ, ⵎⵓⵃⵎⵎⴰⴷ ⵎⵀⴷⵉ ⴱⵏ ⵙⵄⵉⴷ.

ⴳ ⵓⵙⵇⵇⵉⵎ ⴰⴷ, ⵍⵍⵉⵖ ⵉⵍⵍⴰ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵢⵉⵏⵖⵎⵉⵙⵏ, ⴼⵓⵡⴰⴷ ⵄⴰⵔⵉⴼ, ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵉⵜⵜⵓⴳⵎⴰⴹ ⵅⴼ ⵜⴷⵔⵉⵎⵜ ⵏ ⵓⵙⴳⴳⵯⴰⵙ ⴰⴷⵔⵉⵎⴰⵏ 2024, ⴷ ⵓⵍⴰ ⵉⵏⵇⵇⵉⵙⵏ ⴰⵙⴽⵍⴰⵏ ⴷ ⵓⴷⵔⵉⵎⴰⵏ ⵏ ⵜⵙⵏⵓⵔⴰⵢⵜ ⴳ ⵓⵙⴳⴳⵯⴰⵙ ⴰⴷⵔⵉⵎⴰⵏ 2022.

ⴳ ⵢⴰⵜ ⵜⴳⵓⵔⵉ ⵙ ⵜⵎⵍⴷⴰ ⴰⴷ, ⵉⵏⵏⴰ ⵎⴰⵙⵙ ⴱⵏ ⵙⵄⵉⴷ ⵎⴰⵙⴷ ⵜⴰⵙⵏⵓⵔⴰⵢⵜ ⴷⴰⵔⵙ ⵢⴰⵜ ⵜⵡⵡⵓⵔⵉ ⵉⴳⴳⵓⵜⵏ, ⵍⵍⵉⵖ ⵜⴳⴰ ⵜⴰⵔⵙⵍⵜ ⵜⴰⵙⵏⵖⵎⴰⵙⵜ ⵜⴰⵙⵜⵔⴰⵜⵉⵊⵉⵜ, ⴰⵔ ⵜⵜⴰⵡⵙ ⴳ ⴳ ⵓⵙⵉⵙⵙⵏ ⵏ ⵉⵙⴽⴽⵉⵔ ⵍⵍⵉ ⵉⵙⴽⵔ ⵍⵎⵖⵔⵉⴱ ⴳ ⵉⴳⵔⴰⵏ ⴰⴽⴽⵯ, ⵙ ⵓⵙⵙⵉⵅⴼ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⴷ ⵓⵙⵏⵥⵕ ⵏ ⵜⴳⵍⴷⵉⵜ ⴳ ⵓⵎⴰⴹⴰⵍ.

ⵢⵉⵏⵉ ⴷⴰⵖ ⵓⵎⴰⵡⵙⴰⵙ ⵎⴰⵙⴷ ⵜⴰⵙⵏⵓⵔⴰⵢⵜ, ⵍⵍⵉ ⵉⴳⴰⵏ ⴰⴼⵓⵙ ⴰⴼⴰⵙⵉ ⵏ ⵜⴳⵍⴷⵉⵜ ⴳ ⵓⴳⵏⵙ ⵏ ⵜⵎⵓⵔⵜ ⵓⵍⴰ ⴱⵕⵕⴰ ⵏⵏⵙ, ⵜⵉⵡⵙ ⴳ ⵜⵙⵜⵔⴰⵜⵉⵊⵉⵜ ⵏ ⵡⴰⵔⴰⵢ ⵏ ⵍⵎⵖⵔⵉⴱ, ⵉⵜⵜⵔ ⴰⴷ ⵙⴱⵓⵖⵍⵓⵏ ⵜⴰⵡⵓⵔⵉ ⵏ ⵜⵙⵏⵓⵔⴰⵢⵜ ⴳ ⵢⵉⴳⵔ ⵏ ⵓⵙⵏⵖⵎⵙ ⴷ ⵓⵏⵎⴳⴰⵍ ⵏ ⵉⵏⵖⵎⵉⵙⵏ ⵉⴳⴰⵏ ⵜⵉⴽⵔⴽⴰⵙ.

ⵢⴰⵍⵖ, ⴳ ⵓⵎⵏⵉⴷ ⴰⴷ, ⵜⴰⵙⵏⵓⵔⴰⵢⵜ ⵅⴼ ⵜⵡⵡⵓⵔⵉ ⵏⵏⵙ ⴳ ⵓⵣⵎⵣ ⵏ ⴽⵓⴱⵉⴷ-19, ⴷ ⵓⵏⴷⵓⴷⵉ ⵏ ⵍⵃⵓⵣ.

ⵉⵙⵙⵓⵎⴰⵏ ⵎⴰⵙⵙ ⴱⵏ ⵙⵄⵉⴷ ⵎⴰⵙⴷ ⵜⴰⵙⵏⵓⵔⴰⵢⵜ, ⴷⴰⵔⵙ ⵜⴰⵏⵏⴰⵢⵜ ⵜⴰⵎⴰⵢⵏⵓⵜ, ⵜⵉⵔⵉ ⴰⴷ ⵜⴳ ⵓⴷⵎ ⴰⴷⵉⴱⵍⵓⵎⴰⵙⵉ ⵏ ⵓⵙⵏⵖⵎⵙ ⴰⵎⵖⵔⴰⴱⵉ, ⵙⵍⴰⵡⴰⵏ ⴷ ⴰⴽⴽⵯ ⴳ ⵓⵙⴱⵓⵖⵍⵓ ⵏ ⵜⵏⴷⵉⵜⵉⵏ ⵏ ⵜⵖⵓⵙⵉ ⵏ ⵢⵉⵎⴰⵏ, ⴷ ⵓⵙⵡⵓⵔⵉ ⵅⴼ ⵓⴱⵓⵖⵍⵓ ⵏ ⵎⵉⴷⴷⵏ ⵏⵏⵙ ⴼⴰⴷ ⴰⴷ ⵢⵉⵍⵉ ⵓⵙⵎⴰⵢⵏⵓ.

ⴳ ⵜⵙⴳⴰ ⵏⵏⵙ, ⵉⵎⵍⴰ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵢⵉⵏⵖⵎⵉⵙⵏ, ⴼⵓⵡⴰⴷ ⵄⴰⵔⵉⴼ, ⵎⴰⵙⴷ ⵜⴰⵙⵏⵓⵔⴰⵢⵜ ⵜⵔⴰ ⴰⴷ ⵜⵙⵙⵉⵎⵖⵓⵔ ⴰⴷⵖⴰⵔ ⵏⵏⵙ ⴳ ⵡⴰⵔⴰⵢ ⵏ ⵜⴳⵍⴷⵉⵜ ⵏⵏⵖ ⴳ ⵓⵙⴽⵉⵔ ⴰⵎⴰⴹⵍⴰⵏ.

ⵉⵏⵏⴰ ⵎⴰⵙⵙ ⵍⵄⴰⵔⴼ, ⴳ ⵓⵎⵏⵉⴷ ⴰⴷ, ⵎⴰⵙ ⵜⵙⵖⴰⵡⵙⴰ ⵜⵙⵏⵓⵔⴰⵢⵜ ⵙ ⵢⴰⵏ ⵓⵙⵜⴰⵍ ⴰⵎⴰⵜⵓ ⵉ ⴰⵢⵍⵍⵉ ⴰⴽⴽⵯ ⵜⵙⴽⴰⵔ, ⴼⴰⴷ ⴰⴷ ⵜⵎⵓⵏ ⴷ ⵉⴱⵖⵍⵓⵜⵏ ⵍⵍⵉ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⵏ ⵓⵙⵏⵖⵎⵙ ⴳ ⵓⵙⵡⵉⵔ ⴰⵏⴰⵎⵓⵔ ⵓⵍⴰ ⴰⵎⴰⴹⵍⴰⵏ, ⴷ ⵓⵏⵖⴰⵍ ⴰⵜⵉⴽⵏⵓⵍⵓⵊⵉ ⵍⵍⵉ ⵉⵍⵍⴰⵏ.

ⵉⵙⵎⴷ ⵎⴰⵙⴷ ⵜⴰⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵜⴱⴷⴷ ⵅⴼ "ⵜⵙⵏⵜⴰⵢ ⵉⵣⴳⴰⵏ, ⴰⴷ ⵜⵏⵜ ⵉⴳⴰⵏ ⴷ ⵜⴼⵍⵙⴰⴼⵜ ⵏⵏⵙ ⵉⴱⴷⴷⵏ ⵅⴼ ⵓⵍⵜⴰⵖ ⴳ ⵜⴷⵔⴰⵡⵜ ⴰⴽⴷ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵎⴰⵜⵓ", ⵉⵙⵙⵓⵎⴰⵏ ⵎⴰⵙⴷ ⵜⴰⵙⵏⵓⴷⴰⵢⵜ, ⵎⵇⵇⴰⵔ ⵜⴼⴽⴰ ⴳⵉⴳⴰⵏ ⵉ ⵜⵉⵔⵔⴰ ⵍⵍⵉ ⵉⴳⴰⵏ ⴰⵎⵎⴰⵙ ⵏ ⵜⴰⵖⴰⵔⴰⵙⵜ ⵏ ⵜⵡⵡⵓⵔⵉ ⵏⵏⵙ, ⵜⵔⴰ ⴰⴷ ⵜⴰⴷⴼ ⵉⴳⵔⴰⵏ ⵏ ⵓⴱⵉⴷⵢⵓ ⴷ ⵜⵡⵍⴰⴼⵉⵏ ⴷ ⵡⴰⵡⴰⵍ, ⵍⵍⵉ ⵉⴳⴰⵏ ⵜⴰⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⴳ ⵓⵙⵡⵉⵔ ⴰⵏⴰⵎⵓⵔ ⵓⵍⴰ ⴰⴳⵔⴰⵖⵍⴰⵏ

ⴳ ⵜⵙⴳⴰ ⵏⵏⵙ, ⵜⵙⵙⵏⴽⴷ ⵜⵎⴰⵔⴰⵜ ⵜⴰⵎⴰⵜⵓⵜ ⵏ ⵜⵙⵏⵓⵔⴰⵢⵜ, ⵙⴰⵏⴰ ⵣⵢⴰⴷ, ⴰⵏⵇⵇⵉⵙ ⵏ ⵜⴷⵔⵉⵎⵜ ⵏ ⵓⵙⴳⴳⵯⴰⵙ ⵏ 2022, ⴷ ⵓⵖⴰⵡⴰⵙ ⵏ ⵜⵡⵡⵓⵔⵉ ⴳ 2024.

ⵉⴱⴷⴷ ⵓⵖⴰⵡⴰⵙ ⴰⴷ ⵅⴼ ⵎⵏⵏⴰⵡⵜ ⵜⵔⵙⴰⵍ, ⵔⴰⵏⵜ ⴰⴷ ⴰⵡⵙⵏⵜ ⴳ ⵓⵙⴱⵓⵖⵍⵓ ⵏ ⵓⴷⴼⴰⵔ ⵏ ⵜⵙⵏⵓⵔⴰⵢⵜ ⴳ ⵓⵎⵣⴰⵖ ⵅⴼ ⵜⵙⵏⴱⴰⴹⵜ ⵏ ⵜⵎⵓⵔⵜ ⵏⵏⵖ ⴳ ⵢⵉⴳⵔ ⵏ ⵓⵙⵏⵖⵎⵙ, ⴷ ⵓⵙⵙⵏⴼⵍ ⵏ ⵡⴰⴷⴷⴰⴷ ⵏⵏⵙ ⴼⴰⴷ ⴰⴷ ⵜⴳ ⵜⴰⵎⵙⵙⵓⵔⵜ ⵜⴰⵔ ⵉⵙⵎ, ⴼⴰⴷ ⴰⴷ ⵜⴱⵓⵖⵍⵓ ⴽⵉⴳⴰⵏ ⴳ ⵓⵎⵏⵉⴷ ⴰⴷ ⵕⵥⵎⵏ ⴰⵙ ⵎⵏⵏⴰⵡ ⵉⴳⴳⵓⵔⴰ ⴰⴹⵏⵉⵏ.

ⵉⵣⴷⵉ ⵎⴰⵢⴰⴷ, ⵓⵍⴰ, ⴷ ⵓⵙⴽⴽⵉⵔ ⵏ ⵜⵙⵜⵔⴰⵜⵉⵊⵉⵜ ⵏ ⵓⵏⴼⴰⵍ ⴰⵎⵓⵟⵟⵓⵏ, ⴷ ⵡⴰⵍⵍⴰⵙ ⵏ ⵓⵙⵎⵏⵉⴷ ⴰⵎⵙⵍⵉⵥⵕⵉ, ⵙ ⵜⵏⴽⴷⴰ ⵏ ⵜⵓⵎⴰⵢⵜ ⵍⵍⵉ ⵔⴰⴷ ⵢⴰⵡⴽ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵉⵎⵥⵕⴰⵏ, ⴷ ⵓⵙⵎⵓⵜⵜⴳ ⵏ ⵉⵎⵙⵡⵓⵔⵉⵢⵜ ⴳ ⵉⵖⴰⵡⴰⵙⵏ ⴷⴰⵔ ⵉⵡⵜⵜⴰⵙⵏ ⴳ ⵓⵎⵏⵉⴷ ⴰⴷ, ⴷ ⴰⴷ ⵜⵍⴽⵎ ⴰⴽⴽⵯ ⵉⴷⵖⴰⵔⵏ ⵉⵏⵎⵏⴰⴹⵏ ⵓⵍⴰ ⵉⴳⵔⴰⵖⵍⴰⵏⵏ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B4%BD%E2%B4%BD%E2%B5%89%E2%B5%94-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8F%E2%B5%8E%E2%B5%80%E2%B4%B0%E2%B5%8D-%E2%B5%A1%E2%B5%89%E2%B5%99%E2%B5%99-38-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F%C2%A0