ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵍⴰⵢ ⵍⵃⴰⵙⴰⵏ ⴰⵎⵣⵡⴰⵔⵓ ⴳ ⵕⵕⴰⵛⵉⴷⵢⵢⴰ

04 ⴽⵟⵓⴱⵕ 2013 Version Imprimable

ⵕⵕⴰⵛⵉⴷⵢⵢⴰ - ⵉⵥⵓⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⵎⵓⵍⴰⵢ ⵍⵃⴰⵙⴰⵏ ⴰⵎⵣⵡⴰⵔⵓ ⴳ ⵕⵕⴰⵛⵉⴷⵢⵢⴰ.

ⴰⵎⵎⴰⵙ ⵏ ⵉⵏⴰⵡ ⵏⵏⵙ, ⵉⵏⵏⴰ ⵍⵉⵎⴰⵎ ⵉⵙ ⵉⵙⵏⴼⵍ ⵕⴱⴱⵉ ⴰⴼⴳⴰⵏ ⵉⴼⴽⴰ ⵢⴰⵜ ⴰⵙⵖⵍⴼ ⴰⵙⴳⴷ ⵏ ⵜⵓⵜⵔⴰ ⵏ ⵕⴱⴱⵉ ⵡⵍⴰ ⵉⵏⴰⵎⵓⵢⵏ ⵉⵣⵓⵛⵛⵍⵏ ⵍⵍⵉ ⵢⵅⵚⵚⴰ ⴰⴷ ⵉⵙⴽⵔ ⴰⴼⴰⴷ ⴰⴷ ⵏⵏⵔⵓⵏⵜ ⵜⵣⵔⴼⵜ ⴷ ⵜⵏⴼⵔⵓⵜ ⴷ ⵜⴰⵏⴰⴳⵔⵉⵜ.

ⵜⵉⵎⵙⴽⵉⵔⵉⵏ ⴰⴷ ⴳⴰⵏⵜ ⴰⵙⵖⵍⴼ ⴰⵎⵇⵕⴰⵏ ⵍⵍⵉ ⵢⵜⵜⵓⴼⴽⴰⵏ ⵉ ⵡⴼⴳⴰⵏ ⴷ ⵍⵍⵉ ⵢⵓⵊⵊⴰⵏ ⵉ ⵡⵎⵓⵙⵍⵎ, ⵉⴳ ⴰⵢⵜⵏ ⵉⵙⵙⵏ ⵣⵓⵏⴷ ⵖⵉⴽ ⵍⵍⵉ ⵢⵅⵚⵚⴰ, ⴰⴷ ⵉⴷⴷⵔ ⴳ ⵜⵎⵙⴰⵙⵉⵜ ⴷ ⵉⵅⴼ ⵏⵏⵙ ⴷ ⴽⵓⵍⵍⵓ ⵎⴷⴷⵏ.

ⵉⵔⵏⵓ ⵢⵏⵏⴰ ⵍⵉⵎⴰⵎ ⵉⵙ ⴳⴰⵏ ⴰⵙⴳⵎⵉ ⴷ ⴰⵙⵍⵎⴷ ⴷ ⴰⵙⵡⴰⵍⴰ ⵏ ⵉⵄⵔⵔⵉⵎⵏ ⵢⴰⵏ ⵓⵙⵖⵍⴼ ⵉⵙⴳⴷⴰⵏ ⴰⵎⵇⵕⴰⵏ ⴷ ⵢⴰⵜ ⵜⵉⴳⴰⵡⵜ ⵜⴰⵏⴰⵎⵓⵏⵜ ⴷ ⵜⴰⴱⵉⴷⴰⵖⵓⵊⵉⵜ ⴷ ⵜⴰⵏⴼⴳⴰⵏⵜ ⴷ ⵜⴰⵖⵔⵎⴰⵜ ⵍⵍⵉ ⵢⵅⵚⵚⴰ ⴽⵔⴰ ⵢⴳⴰⵜ ⴰⵎⵓⵙⵍⵎ ⴰⴷ ⵉⵅⵔⴽ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 04 ⴽⵟⵓⴱⵕ 2013

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B4%B3#comment-0