« ⴹⴰⵕ ⵍⵃⴰⵢⴰⵜ » ⵜⵙⵎⴰⵏ ⵢⴰⵏ ⴰⵙⵙⴰⵔⵓ ⵏ 1.7 ⵓⵎⵍⵢⵓⵏ ⵓⴷⵔⵀⵎ ⴷ ⵔⴰⴷ ⵜⵟⵟⴼ ⵢⴰⵜ ⵜⵥⵥⵉⴹⵕⴰ ⵏ 36 ⵜⵉⵙⵉⵏ. ⵔⴰⴷ ⵜⵚⴽⴰ ⴷⴷⴰⵡⴰⵜ ⵏ ⵓⵙⴳⵏⴰⴼ ⴰⵙⴳⴰⵡⴰⵏ ⵏ ⵎⵓⵍⴰⵢ ⵄⵍⵉ ⵛⵛⵔⵉⴼ ⴷ ⵔⴰⴷ ⵉⴼⴽ ⵜⵉⴼⴰⴷⴰⵏ ⴷ ⵉⵡⵏⴰⴹⵏ ⴰⵏⴰⵎⵓⵏ ⵉⴼⵓⵍⴽⵉⵏ ⵅⴼ ⴰⵙⵏⵓⴱⴳ ⵏ ⵉⴳⵎⴰⵎⵏ ⵏ ⵜⵡⴰⵛⵓⵏⵉⵏ ⵏ ⵉⵎⴰⴹⵓⵏⵏ ⵉⵍⵍⴰⵏ ⴳ ⵓⵎⵎⴰⵙ ⵉⵙⴳⵏⴰⴼⵏ ⵏ ⵜⵉⵎⵓⴹⵉⵏⵉⵏ ⵉⵛⵇⵇⴰⵏ ⴷ ⵡⵉⵍⵍⵉ ⵢⵜⵎⴰⵟⴰⵍⵏ.
ⵉⴷⵔⵓ ⵡⵎⵎⴰⵙ ⵏ ⵓⵙⵉⵣⴷⴳ ⵏ ⵉⴷⴰⵎⵎⵏ ⵏ ⵓⵙⴳⵏⴰⴼ ⴰⵙⴳⴰⵡⴰⵏ ⵏ ⵎⵓⵍⴰⵢ ⵄⵍⵉ ⵛⵛⵔⵉⴼ, ⵍⵍⵉ ⵢⵔⵣⴼ ⵓⴳⵍⵍⵉⴷ ⴰⴽⵡⴰⵙ ⴰⴷ, ⵅⴼ ⵜⵎⵔⵏⵉⵡⵜ ⵏ ⵉⵊⵎⵉⵍⵏ ⵏ ⵜⴰⴷⵓⵙⵉ ⵉⵜⵜⵓⴼⴽⴰⵏ ⵉ ⵢⴼⴳⴰⵏⵏ ⵍⵍⵉ ⵢⵎⵎⵕⵉⴹⵏ ⴷ ⵢⴰⵡⵙⵜⵏ ⴰⴼⴰⴷ ⴰⴷ ⵓⵔ ⴷⴷⵓⵏ ⵙ ⵜⵎⴷⵉⵏⵉⵏ ⵢⴰⴹⵏⵉⵏ (ⵎⴽⵏⴰⵙ, ⴼⴰⵙ, ⵕⵕⴱⴰⵟ).
ⵉⵙⵎⴰⵏ ⵚⵚⴱⵉⵟⴰⵕ ⴰⴷ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 8,2 ⵓⵎⵍⵢⵓⵏ ⵏ ⴷⴷⵔⵀⵎ ⴷ ⵉⵥⴹⴰⵕ ⴰⴷ ⵉⵙⵏⵓⴱⴳ ⴰⵔ 44 ⵓⴼⴳⴰⵏ ⴽⵔⴰ ⵢⴳⴰⵜ ⴰⵙⵙ.
ⴰⵎⵎⴰ ⴰⵎⵎⴰⵙ ⴰⵏⴰⵎⵓⵏ ⴷ ⴰⵙⵎⴳⵎⵉ ⵏ ⵉⵄⵔⵔⵉⵎⵏ ⵉⵍⵍⴰⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵍⵍⵉ ⵢⵕⵥⵎ ⵖⴰⵚ ⴰⴷ ⵓⴳⵍⵍⵉⴷ, ⵉⵙⵎⴰⵏ ⵢⴰⵏ ⵓⵙⵙⴰⵔⵓ ⵏ 2,5 ⵓⵎⵍⵢⵓⵏ ⵏ ⴷⴷⵔⵀⵎ ⴷ ⵔⴰⴷ ⵉⵟⵟⴼ ⴽⵕⴰⴹ ⵏ ⵜⵉⴷⴰⵍⵉⵏ ⵜⵉⴱⵉⴷⴰⵖⵉⵊⵉⵢⵏ, ⴷ ⵢⴰⵜ ⵜⴰⴷⴰⵍⴰ ⵏ ⵓⵃⵕⵕⵛ, ⴷ ⵎⵏⵏⴰⵡ ⵏ ⵜⵉⵙⴰⵡⵔⵉⵏ, ⴷ ⵢⴰⵏ ⵓⵙⴰⵢⵔⴰⵔ ⵏ ⵉⵔⴰⵔⵏ, ⴷ ⵢⴰⵜ ⵜⴰⴷⴰⵍⴰ ⵏ ⵜⴰⵙⵎⵓⵏⵉ, ⴷ ⵢⴰⵏ ⵓⵏⵡⴰⵍ ⴷ ⵢⴰⵏ ⵓⴱⴰⵔⴰⵣ ⵏ ⵜⵓⵏⵏⵓⵏⵜ. ⵓⴳⴳⵯⴰⵔ ⵏ 50 ⵓⵄⵔⵔⵉⵎ ⵔⴰⴷ ⵙⵙⴱⵖⵔⵏ ⴰⵎⵎⴰⵙ ⴰⴷ.
ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵜⵜⵉⵡ ⵉⵙⴰⴼⴰⵔⵏ ⴰⵜⵉⵇⵏⵉ ⵉ ⵓⵙⴰⵔⵎ ⵏ ⵓⵙⴼⵙⵉ ⵏ ⵜⵙⵏⵉⵊⵊⵉⵜ ⵏ ⵜⵜⵛⵔⵉⵃ ⵏ ⵓⵙⴳⵏⴰⴼ ⴰⵙⴳⴰⵡⴰⵏ ⵏ ⵎⵓⵍⴰⵢ ⵄⵍⵉ ⵛⵛⵔⵉⴼ, ⵓⵍⴰ ⴽⵕⴰⴹ ⵉⴳⵣⵣⵓⵎⵏ ⵉⵙⴰⴼⴰⵔⵏ ⵉⵜⵜⵎⵓⵜⵜⵓⵢⵏ ⵉⵙⵎⴰⵡⴰⵏ ⵉ ⵜⴰⵎⵓⵔⴰⵢⵜ ⴰⵙⴳⴰⵡⴰⵏ ⵏ ⵜⴰⴷⵓⵙⵉ. ⵜⵜⵓⵚⵖⴰⵏ ⵉⵎⴰⵡⴰⵏ ⴰⴷ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ ⵙ ⵢⴰⵏ ⴰⵙⵙⴰⵔⵓ ⴰⵖⵣⵓⵔⴰⵏ ⵏ 2,4 ⵓⵎⵍⵢⵓⵏ ⵏ ⴷⴷⵔⵀⵎ.