Published on MAPNews (https://www.mapnews.ma/am)

Accueil > ⵜⴰⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⵜⴱⵓⵖⵍⴰ ⵙ ⵉⵎⴰⵍ ⵉⵣⴷⴷⵉⴳⵏ ⴷ ⵓⵏⵏⵓⵔⵣ ⵉⴷⵓⵙⵏ

ⵜⴰⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⵜⴱⵓⵖⵍⴰ ⵙ ⵉⵎⴰⵍ ⵉⵣⴷⴷⵉⴳⵏ ⴷ ⵓⵏⵏⵓⵔⵣ ⵉⴷⵓⵙⵏ

16 ⴷⵓⵊⴰⵏⴱⵉⵔ 2023 Version Imprimable
ⵕⵕⴱⴰⵟ - ⵉⵏⵏⴰ ⵓⵎⴰⵡⴰⵙ ⵏ ⵜⵡⵡⵓⵔⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵜⴼⵔⵉⵇⵜ ⴷ ⵉⵎⵖⵔⵉⴱⵉⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵏⴳⴳⵓ ⵏⵏⵙ ⴰⵚⴱⵍⵢⵓⵏ, ⵅⵓⵙⵉ ⵎⴰⵏⵡⵉⵍ ⴰⵍⴱⴰⵕⵉⵥ, ⴳ ⵜⵉⵏⴰⵡⵜ ⵜⴰⵙⵏⵖⵎⴰⵙⵜ ⵉⵜⵜⵓⴷⵔⴰⵏ ⴳⵔⴰⵜⵙⵏ, ⵎⴰⵙⴷ ⵜⴷⵔⴰⵡⵜ ⴳⵔ ⵜⵎⵉⵣⴰⵔ ⴰⴷ ⵜⴼⵜⴰ ⵏⵏ ⴰⵔ ⵜⵜⴰⵡⴹ ⴰⴼⴰⵜⵏ ⴷ ⵉⵏⴰⵥⴰⵕⵏ ⵉⵎⴰⵢⵏⵓⵜⵏ, ⵙ ⵓⵙⵔⴰⴳ ⵏ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ, ⵎⵍⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵍⵍⵉ ⵉⵣⴷⵉⵏ ⴷ ⵜⵙⴳⴰ ⵜⴰⵟⵍⴰⵚⵉⵜ ⴷ ⵓⴱⵓⵖⵍⵓ ⴰⴷⴰⵎⵙⴰⵏ ⵏ ⵍⵎⵖⵔⵉⴱ, ⴷ ⵓⴷⵖⴰⵔ ⵏⵏⵙ ⴳ ⵓⴳⴰⴷⴰⵣ ⵏ ⵜⴼⵔⵉⵇⵜ.

ⵎⵍⵏ ⵎⴰⵙ ⵜⵍⵍⴰ ⵢⴰⵜ ⵜⵉⵔⵉⵜ ⵉⴷⵓⵙⵏ ⵏ ⵕⵕⴱⴰⵟ ⴼⴰⴷ ⴰⴷ ⵜⴳ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵜⵉⵔⵙⵍⵜ ⵏ ⵓⴱⵓⵖⵍⵓ ⵏ ⵙⵏⴰⵜ ⵜⵎⵉⵣⴰⵔ ⴰⴷ ⴷ ⵓⵙⴽⴽⵉⵔ ⵏ ⵜⵓⴳⵜⵜ ⵏ ⵉⵙⵏⴼⴰⵕⵏ ⵉⵎⴰⵢⵏⵓⵜⵏ, ⵙ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⴼⵔⴰ ⵏ ⵙⵏⴰⵜ ⵜⵎⵉⵣⴰⵔ ⴰⴷ ⴷ ⵜⵏⴼⴰⵍⵉⵜ ⵏⵏⵙⵏ ⵜⴰⵙⴳⴰⵡⴰⵏⵜ.

ⵎⵍⴰⵏ ⵉⵎⴰⵡⴰⵙⵏ ⵙ ⵙⵉⵏ ⵎⴰⵙⴷ ⵜⵓⴷⵔⴰ ⴰⴷ ⵔⴰⴷ ⵜⴰⴽⵙ ⵉ ⵍⵎⵖⵔⵉⴱ ⵓⵍⴰ ⵚⴱⵍⵢⵓⵏ ⴼⴰⴷ ⴰⴷ ⵙⵙⵉⵎⵖⵓⵔⵏ ⵉⴷⵡⴰⵙⵏ ⵏⵏⵙⵏ ⴳ ⵓⵎⵏⵉⴷ ⵏ ⵜⵓⵙⴽⴰ ⵏ ⵜⵎⵉⵣⴰⵔ ⴰⴷ ⴳ ⴽⵉⴳⴰⵏ ⵏ ⵉⴳⵔⴰⵡ, ⵓⵍⴰ ⵜⴰⵙⴳⴰ ⵜⵓⵕⵓ-ⵜⴰⵏⴰⵎⵎⴰⵙⵜ ⴷ ⵜⴼⵔⵉⵇⵜ, ⵓⵍⴰ ⴳ ⵓⴳⵏⵙ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵎⴰⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵙ ⵜⵖⴰⵔⴰⵙⵜ ⵍⵍⵉ ⵔⴰⴷ ⴰⵙⵏⵜ ⵢⴰⵡⵙ ⵖⵉⵍⴰ ⵓⵍⴰ ⵉⵎⴰⵍ.

ⵏⵏⴰⵏ ⵉⵎⴰⵡⴰⵙⵏ ⵙ ⵙⵉⵏ ⵎⴰⵙ ⴰⵍⵜⴰⵖ ⵏ ⵜⵎⵉⵣⴰⵔ ⴰⴷ ⵉⴷⵓⵙⵏ ⴼⴰⴷ ⴰⴷ ⵢⵉⵍⵉ ⵓⵎⵢⴰⵡⴰⵙ ⴳⵔⴰⵜⵙⵏⵜ ⵅⴼ ⵓⵙⴽⴽⵉⵔ ⵏ ⴰⵢⵍⵍⵉ ⵙ ⴼⴼⵓⵖⵏ ⴳ ⵜⴽⴰⵕⴹⴰ ⵏ ⵓⴱⵔⵉⴷ ⵉⵜⵜⵉⵢⵙⴽⴰⵔⵏ ⴳ ⵓⵙⵉⵡⴹ ⵉⵜⵜⵓⴷⵔⴰⵏ ⵡⵉⵙⵙ ⵙⴰ ⴰⴱⵔⵉⵍ 2022, ⴷ ⵓⵙⵏⵓⴱⴱⵛ ⵅⴼ ⵜⵖⴰⵔⴰⵙⵉⵏ ⴼⴰⴷ ⴰⴷ ⴰⴼⵉⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵏ ⵜⵓⴷⵉⴰ ⵉⴼⵜⴰⵏ ⴷ ⴰⵢⵍⵍⵉ ⵙ ⵉⵏⵏⴰ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⴳ ⵓⵏⵎⵓⵇⵇⴰⵔ ⵏⵏⵙ ⴷ ⵓⵙⵍⵡⴰⵢ ⵏ ⵜⵏⴱⴰⴹⵜ ⵏ ⵚⴱⵍⵢⵓⵏ, ⵎⴰⵙⵙ ⴱⵉⴷⵔⵉ ⵙⴰⵏⵛⵉⵣ.

ⵙ ⵜⵎⵍⴷⴰ ⴰⴷ, ⵉⵏⵏⴰ ⵎⴰⵙⵙ ⴰⵍⴱⴰⵔⵉⵥ, ⵜⵉⴽⴽⵍⵉⵜ ⴰⴹⵏⵉ, ⵎⴰⵙⴷ ⵚⴱⵍⵢⵓⵏ ⵜⴹⴼⵕ ⵏⵉⵜ ⵙⵓⵍ ⴰⵙⵙⵓⴷⵙ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴰⴽⴷ ⵍⵎⵖⵔⵉⴱ, ⵉⵏⵏⴰ ⵎⴰⵙ ⵜⴼⵓⵍⴽⵉ ⵜⴷⵔⴰⵡⵜ ⴰⴷ ⴷ ⵔⴰⴷ ⵜⴼⴽ ⵜⴰⵢⴰⴼⵓⵜ ⵉⴳⴳⵓⵜⵏ ⴳ ⵉⵎⴰⵍ ⵙ ⵜⵉⵔⵉⵜ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⵍⵍⵉ ⵉⵎⵍⴰ ⴳ ⵓⵏⵎⵓⵇⵇⴰⵔ ⴰⴷ.

ⵢⵓⵛⴽⴰ ⴷ ⵓⴷⵓⴼ ⴰⴷ ⵏ ⵎⴰⵙⵙ ⴰⵍⴱⴰⵕⵉⵥ ⵙ ⵍⵎⵖⵔⵉⴱ ⴳ ⵜⵉⵣⵉ ⴳ ⵜⵍⵍⴰ ⵜⵉⵔⵉⵜ ⵉⴳⴳⵓⵜⵏ ⴷⴰⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⴼⴰⴷ ⴰⴷ ⴼⴽⵉⵏⵜ ⴰⴷⵡⴰⵙ ⵉ ⵜⴷⵔⴰⵡⵜ ⴰⴷ ⵏⵏⵙⵏⵜ, ⵍⵍⵉ ⵉⵙⴽⴰⵏ ⵅⴼ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴳⵔ ⵜⴳⵍⴷⴰⵢ ⵙ ⵙⵏⴰⵜ ⴳ ⵉⴳⵔⴰⵏ ⴰⴽⴽⵯ ⵍⵍⵉ ⵅⴼ ⴷ ⵎⵛⵓⵛⴽⴰⵏⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%99%E2%B5%9C%E2%B5%95%E2%B4%B0%E2%B5%9C%E2%B5%89%E2%B5%8A%E2%B5%89%E2%B5%9C-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9A%E2%B4%B1%E2%B4%B0%E2%B5%8F%E2%B5%A2%E2%B4%B0-%E2%B5%9C%E2%B4%B1%E2%B5%93%E2%B5%96%E2%B5%8D%E2%B4%B0-%E2%B5%99-%E2%B5%89%E2%B5%8E%E2%B4%B0%E2%B5%8D-%E2%B5%89%E2%B5%A3%E2%B4%B7%E2%B4%B7%E2%B5%89%E2%B4%B3%E2%B5%8F-%E2%B4%B7-%E2%B5%93%E2%B5%8F%E2%B5%8F%E2%B5%93%E2%B5%94%E2%B5%A3-%E2%B5%89%E2%B4%B7%E2%B5%93%E2%B5%99%E2%B5%8F