ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ: ⵙⴱⴰⵏⵢⴰ ⵜⵙⵎⴰⵢⵏⵓ ⴰⵙⵖⵥⵏ ⵏⵏⵙ ⵅⴼ ⵓⵙⵏⴱⴹ ⴰⵏⵉⵎⴰⵏ ⵎⴰⵙ ⵉⴳⴰ ⴰⴼⵙⵙⴰⵢ ⴰⵙⵔⵜⴰⵏ ⵏ ⵓⴼⵙⵙⴰⵢ ⵏ ⵓⵎⵓⴽⵔⵉⵙ ⵏ ⵜⵏⵣⵔⵓⴼⵜ

15 ⴷⵓⵊⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵙⵎⴰⵢⵏⵓ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵡⵕⵓⴱⴱⵉ ⴷ ⵓⵎⵢⴰⵡⴰⵙ ⵏ ⵜⴳⵍⴷⵉⵜ ⵏ ⵙⴱⴰⵏⵢⴰ, ⵎⴰⵙⵙ ⵅⵓⵙⵉ ⴰⵍⴱⴰⵔⵉⵥ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⴰⵙⵖⵥⵏ ⵅⴼ ⵓⵡⵏⵏⵉ ⵏ ⵜⵎⴰⵣⵉⵔⵜ ⵏⵏⵙ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

ⵉⵏⵏⴰ ⵓⵏⵙⵙⵉⵅⴼ ⴰⴷⵉⴱⵍⵓⵎⴰⵙⵉ ⵏ ⵙⴱⴱⴰⵏⵢⴰ, ⴳ ⵢⴰⵜ ⵜⵉⵏⴰⵡⵜ ⵜⴰⵏⴰⵖⵎⴰⵙⵜ ⵜⴰⵎⴰⵙⵙⴰⵔⵜ ⴳ ⵕⵕⴱⴰⵟ ⴳ ⵓⵙⴰⵜⵉ ⵏ ⵓⵔⵣⵣⵓⵜⵏ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙⴷⴷ ⴰⵡⵏⵏⵉ ⵏ ⵙⴱⴱⴰⵏⵢⴰ ⵏⵏⴰ ⴰⴷⵍⵍⵉ ⵉⵜⵜⵓⵏⵏⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴳ ⵢⴰⵏ ⵓⵙⵎⴰⵍ ⴰⵎⴰⵙⵙⴰⵔ ⵏⵏⴰ ⵉⵜⵜⵓⵙⴳⵎⴹⵏ ⴳ 7 ⵉⴱⵔⵉⵔ 2022 ⴷ ⵓⵖⵍⵓ ⵏ ⵜⵙⵙⵓⵜⵍⵜ ⵜⵉⵙⵙ 12 ⵏ ⵓⴳⵔⴰⵡ ⴰⵎⴰⵜⴰⵢ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ ⵏⵏⴰ ⵉⵜⵜⵓⴳⴰⵏ ⴳ ⴱⵕⴰⵢⵕ 2023.

ⴰⵍⵖⵓ ⴰⵎⴰⵙⵙⴰⵔ ⵏⵏⴰ ⵉⵜⵜⵓⵙⴳⵎⴹⵏ ⴳ ⵉⴱⵔⵉⵔ 2022 ⴳ ⵓⵏⵎⵓⵇⵇⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⴳⵍⴷⵉⵜ ⵏ ⵙⴱⴱⴰⵏⵢⴰ ⵎⴰⵙⵙ ⴱⵉⴷⵔⵓ ⵙⴰⵏⵛⵉⵥ, ⵎⴰⵙⴷ ⵙⴱⴱⴰⵏⵢⴰ ⵜⵏⵏⴰ ⵎⴰⵙⴷ ⴰⵙⵏⴱⴹ ⴰⵏⵉⵎⴰⵏ ⵏⵏⴰ ⵉⵜⵜⵓⵙⵏⵜⴰⵏ ⴳ 2007 ⵉⴳⴰ ⴰⴼⵙⵙⴰⵢ ⴰⵙⵔⵜⴰⵏ ⴷ ⵡⵉⵏ ⵜⵉⴷⵜ ⵏⵏⴰ ⵔⴰⴷ ⵉⴼⵙⵉ ⴰⵎⵓⴽⵔⵉⵙ ⵏ ⵜⵏⵣⵓⴼⵜ ⵜⴰⵎⵖⵔⵉⴱⵉⵜ.

ⵙⴱⴱⴰⵏⵢⴰ ⵜⵏⵏⴰ ⵎⴰⵙⴷ ⵜⴰⵏⵣⵔⵓⴼⵜ ⵜⵍⴰ ⴰⵜⵉⴳ ⴷⴰⵔ ⵍⵎⵖⵔⵉⴱ, ⴷ ⵜⵣⵎⵎⴰⵔ ⵉⴷⵓⵙⵏ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵉⵎⵙⴰⵙⴰⵏ ⴳⵔ ⵉⵎⵏⴰⴷⵏ ⴰⴽⴽⵯ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%99%E2%B4%B1%E2%B4%B0%E2%B5%8F%E2%B5%A2%E2%B4%B0-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B0%E2%B5%99%E2%B5%96%E2%B5%A5%E2%B5%8F-%E2%B5%8F%E2%B5%8F%E2%B5%99-%E2%B5%85%E2%B4%BC-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8E%E2%B4%B0%E2%B5%99-%E2%B5%89%E2%B4%B3%E2%B4%B0-%E2%B4%B0%E2%B4%BC%E2%B5%99%E2%B5%99%E2%B4%B0%E2%B5%A2-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F