Published on MAPNews (https://www.mapnews.ma/am)

Accueil > ⵍⵃⵓⵣ: ⴰⵏⵏⵓⵕⵥⵎ ⵏ ⵜⵏⵣⵡⴰⵢⵜ ⵜⴰⵎⵙⵎⵓⵏⴰⵏⵜ "UNES'Kom" ⵉ ⵎⵉⴷⴷⵏ ⵍⵍⵉ ⵢⵓⵜ ⵓⵏⴷⵓⴷⵉ

ⵍⵃⵓⵣ: ⴰⵏⵏⵓⵕⵥⵎ ⵏ ⵜⵏⵣⵡⴰⵢⵜ ⵜⴰⵎⵙⵎⵓⵏⴰⵏⵜ "UNES'Kom" ⵉ ⵎⵉⴷⴷⵏ ⵍⵍⵉ ⵢⵓⵜ ⵓⵏⴷⵓⴷⵉ

14 ⴷⵓⵊⴰⵏⴱⵉⵔ 2023 Version Imprimable
ⵜⴰⴳⵔⴰⵡⵜ ⵡⵣⴳⵉⵜⴰ (ⵜⴰⵙⴳⴰ ⵏ ⵍⵃⵓⵣ) - ⵉⵜⵜⵉⵢⵙⴽⴰⵔ ⴰⵙⵙ ⵏ ⵓⴽⵡⴰⵙ ⴳ ⵜⴳⵔⴰⵡⵜ ⵏ ⵡⵣⴳⵉⵜⴰ ⴳ ⵜⵙⴳⴰ ⵏ ⵍⵃⵓⵣ ⴰⵏⵏⵓⵕⵥⵎ ⵏ ⵓⵙⵏⴼⴰⵕ ⵏ ⵜⵏⵣⵡⴰⵢⵜ ⵜⴰⵎⵙⵎⵓⵏⴰⵏⵜ "UNES'Kom" ⵙ ⵜⵙⵏⵜⴰⵢⵜ ⵏ ⵜⵎⴰⴳⵔⴰⵡⵜ ⵜⵉⵎⵓⵔⴰ ⵎⵓⵏⵏⵉⵏ ⵏ ⵓⵙⴳⵎⵉ ⵏ ⵜⵓⵙⵏⴰ ⴷ ⵉⵔⵍⵙ (ⵢⵓⵏⵉⵙⴽⵓ), ⵎⴰⵢⴰⴷ ⴼⴰⴷ ⴰⴷ ⵎⵍⵉⵏ ⵉ ⵎⵉⴷⴷⵏ ⵜⵉⵙⵏⵜⴰⵢ ⵍⵍⵉ ⵉⵙⴽⴰⵔ ⵡⴰⵡⴰⵏⴽ ⴼⴰⴷ ⴰⴷ ⵜⵙⴳⴰⴷⴷⴰ ⵖⵉⵍⵍⵉ ⵢⵓⵜ ⵓⵏⴷⵓⴷⵉ ⴳ ⵜⵙⴳⴰ ⴰⴷ ⵛⵓⵜⴰⵏⴱⵉⵔ ⵉⵣⵔⵉⵏ, ⵜⴰⵡⵙ ⴳ ⵜⵓⵙⴽⴰ ⵏⵏⵙ ⴷⴷⵓ ⵓⴼⵓⵙ ⵏ ⵜⵏⴱⴰⴹⵜ.

ⵢⵓⵛⴽⴰ ⴷ ⵓⵙⵉⵡⴹ ⴰⴷ ⵏ ⵢⵓⵏⵉⵙⴽⵓ ⵎⴰⵙ ⵜⴳⴰ ⵜⵏⵣⵡⴰⵢⵜ ⴰⴷ ⵍⵍⵉ ⵉⵜⵜⵉⵢⵙⴽⴰⵔⵏ ⵙ ⵜⵡⵉⵙⵉ ⴷ ⵜⵎⵙⵎⵓⵏⵜ ⵜⵉⵙⵏⵜⴰⵢ ⵜⵉⵏⴰⵎⵓⵔⵉⵏ, ⵜⵔⴰ ⴰⴷ ⵜⵣⵓⵣⵣⵔ ⵉⵏⵖⵎⵉⵙⵏ ⵉⴼⵓⵍⴽⵉⵏ ⴷ ⵉⴳⴰⵏ ⵜⵉⴷⵜ ⵅⴼ ⵓⵏⴷⵓⴷⵉ, ⵜⴰⵡⵙ ⴳ ⵉⴷⵡⴰⵙⵏ ⵉⵜⵜⵉⵢⵙⴽⴰⵔⵏ ⵅⴼ ⵡⴰⵍⵍⴰⵙ ⵏ ⵜⵓⵙⴽⴰ ⵍⵍⵉ ⵜⵙⴽⴰⵔ ⵜⵏⴱⴰⴹⵜ.

ⵔⴰⴷ ⵜⵙⴽⴰⵔ "UNES'Kom" (ⵜⴰⴳⵓⵔⵉ ⴰⴷ ⵜⵓⵛⴰ ⴷ ⵣⴳ ⵜⴳⵓⵔⵉⵡⵉⵏ "ⵢⵓⵏⵉⵙⴽⵓ" ⴷ "ⵍⴰⴽⵓⵎ", ⵍⵍⵉ ⵉⴳⴰⵏ "ⵉ ⴽⵏⵏⵉ" ⵙ ⵜⵎⴰⵣⵉⵖⵜ) ⵉⴷ ⴱⵓⴷⴽⴰⵙⵜ ⴷ ⵉⵔⵓⴱⵓⵔⵜⴰⵊⵏ ⵙ ⵜⵓⵜⵍⴰⵢⵉⵏ ⵜⴰⵎⴰⵣⵉⵖⵜ ⴷ ⴷⴰⵔⵉⵊⴰ ⵜⴰⵎⵖⵔⵉⴱⵉⵜ, ⵔⴰⴷ ⵜⵣⵓⵣⵣⵔ ⴳ ⵕⴰⴷⵢⵓ ⵡⵉⴱ ⵍⵍⵉ ⵉⴹⴼⵕⵏ ⵉ Kech Radio ⴷ ⵜⴰⵏⵙⵉⵡⵉⵏ ⵏ ⵜⵏⵣⵡⴰⵢⵜ ⴰⴷ.

ⵢⵉⵏⵉ ⵓⵖⴱⴰⵍⵓ ⴰⴷ ⵏⵉⵜ ⵎⴰⵙⵜ ⵜⴰⵏⵣⵡⴰⵢⵜ ⴰⴷ ⵔⴰⴷ ⵜⵡⴰⵍⴰ ⴰⵣⵓⵣⵣⵔ ⵏ ⵜⵓⴳⴳⵉⵡⵉⵏ ⵉⴼⵓⵍⴽⵉⵏ ⴷ ⵜⵉⵔⵎⵉⵜⵉⵏ ⵅⴼ ⵜⴰⵥⵥⵉⴹⵕⴰ ⵏ ⵓⴷⵖⴰⵔ ⴰⴷ, ⵜⵙⴷⵓⵙ ⵉⵎⴰⵏ ⵏ ⵎⵉⴷⴷⵏ, ⵜⴼⴽ ⴰⵙⵏ ⴰⵙⵢⴰⴼⴰ ⵙ ⵓⵏⴰⵔⵓⵣ ⴷ ⵜⵡⵉⵙⵉ, ⵙⵍⴰⵡⵏⴷ ⴰⴽⴽⵯ ⵍⵍⵉⵖ ⵜⴳⴰ ⵜⴰⵖⴰⵔⴰⵙⵜ ⵜⴰⵎⵣⵡⴰⵔⵓⵜ ⵏ ⵉⵏⵖⵎⵉⵙⵏ ⴳ ⵜⵉⵣⵉ ⵏ ⵓⵏⴷⵓⴷⵉ.

ⵉⵙⵎⴷ ⵓⵙⵉⵡⴹ ⵎⴰⵙⴷ ⴰⵣⵡⵍ ⵎⵇⵇⵓⵔⵏ ⵍⵍⵉ ⵙⵜⵉⵏ ⵉ ⵓⵙⵏⴼⴰⵔ ⵙ ⵜⵎⴰⵣⵉⵖⵜ ⴷ ⴷⴰⵔⵉⵊⴰ ⵉⴳⴰ ⵜ "ⵜⴰⴳⵓⵔⵉ ⴰⵏⴰⵔⵓⵣ ⵉ ⴽⵏⵏⵉ", ⵢⵉⵏⵉ ⵎⴰⵙⴷ ⵜⴰⵔⴰⴱⴱⵓⵜ ⵍⵍⵉ ⵔⴰⴷ ⵉⵙⵡⵓⵔⵉ ⴳ ⵓⴱⴰⵔⴰⵣ ⴳⴰⵏ ⵉⵎⵖⵔⵉⴱⵉⵏ, ⵙⵍⴰⵡⵏⴷ ⴰⴽⴽⵯ ⵎⵉⴷⴷⵏ ⵍⵍⵉ ⵉⴳⴰⵏ ⵣⴳ ⵉⴷⵖⴰⵔⵏ ⴰⴷ ⵉⵜⵜⵓⵜⵏ ⵙ ⵓⵏⴷⵓⴷⵉ.

ⵙ ⵜⵡⵉⵙⵉ ⵏ ⵉⵎⴰⵙⵙⵏ ⵏ ⵓⴼⴰⵔⵙ ⵍⵍⵉ ⴰⵙⵏ ⵜⴼⴽⴰ ⵢⵓⵏⵉⵙⴽⵓ, ⵔⴰⴷ ⵢⴰⵡⵙ ⵓⵙⵏⴼⴰⵔ ⵉ ⵉⵏⵖⵎⴰⵙⵏ ⵉⴷⵖⵔⴰⵏⵏ, ⴼⴰⴷ ⴰⴷ ⵙⴽⵔⵏ ⵉⵏⵇⵇⵉⵙⵏ ⵏⵏⵙⵏ ⵣⴳ ⵜⵉⵍⵍⴰⵡⵜ.

ⵎⴽⵍⵍⵉ ⵔⴰⴷ ⵙⵙⵍⴽⴰⵎⵏ ⵉⵏⵖⵎⴰⵙⵏ ⵉ ⵉⵎⵣⴷⴰⵖⵏ ⵉⵏⵖⵎⵉⵙⵏ ⵏ ⵜⵙⵏⵜⴰⵢ ⵏⵏⴰ ⵜⵙⴽⴰⵔ ⵜⵏⴱⴰⴹⵜ ⵖⴰⴷ ⴰⴷ ⵜⴰⴼ ⵉⴼⵙⵙⴰⵢⵏ ⵉ ⵎⵉⴷⴷⵏ ⵏ ⵖⵉⵏⵏ, ⴼⴰⴷ ⴰⴷ ⵜⵉⵍⵉ ⵜⴼⵍⵙⵜ ⴷⴰⵔ ⵎⵉⴷⴷⵏ, ⴷ ⵔⴰⴷ ⴰⵙⵏ ⵜⵎⵎⴰⵍ ⵎⴰⵏⵉⴽ ⵙ ⵔⴰⴷ ⵜⵙⴽⵓ ⵜⵏⴱⴰⴹⵜ ⵉⴷⵖⴰⵔⵏ ⴰⴷ.

ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ "UNES'Kom", ⵍⵍⵉ ⵉⵜⵜⵉⵢⵙⴽⴰⵔⵏ ⵙ ⵜⵉⵍⵉⵜ ⵏ ⵜⵓⴳⵜⵜ ⵏ ⵉⵏⵎⵖⵓⵔⵏ ⵉⴷⵖⵔⴰⵏⵏ, ⵉⵜⵜⵓⵙⴽⴰⵔ ⴳⵉⵙ ⵢⴰⵏ ⵉⴳⵉⵡⵔ ⵏ ⵓⵎⵙⴰⵡⴰⵍ ⴳ ⵜⴳⵔⴰⵡⵜ ⵏ ⵡⴰⵣⴳⵉⵜ ⵜⵡⴰⵜⵜⵙ ⴰⴷ ⵜⵙⵎⵓⵏ ⵉⵎⴷⵔⴰⵡⵏ ⴰⴽⴽⵯ, ⵙⵍⴰⵡⴰⵏⴷ ⴰⴽⴽⵯ ⵉⵏⵖⵎⴰⵙⵏ ⵉ ⵉⵎⵙⵡⵓⵔⵉⵏ ⵏ ⵜⴳⵔⴰⵡⵉⵏ, ⴼⴰⴷ ⴰⴷ ⵎⵔⴰⵔⴰⵏ ⴰⵡⴰⵍ ⵅⴼ ⵜⵡⵡⵓⵔⵉⵡⵉⵏ ⴰⴽⴽⵯ ⵍⵍⵉ ⵔⴰⴷ ⵖⵉⵏ ⵉⵜⵜⵉⵢⵙⴽⴰⵔ, ⴷ ⵓⵍⴰ ⵜⵉⵖⴰⵔⴰⵙⵉⵏ ⵏ ⵓⵣⵓⵣⵣⵔ ⴷ ⵓⵙⵙⵍⴽⵎ ⵏ ⵉⵏⵖⵎⵉⵙⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%8D%E2%B5%83%E2%B5%93%E2%B5%A3-%E2%B4%B0%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%9C%E2%B5%8F%E2%B5%A3%E2%B5%A1%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F%E2%B4%B0%E2%B5%8F%E2%B5%9C-uneskom-%E2%B5%89-%E2%B5%8E%E2%B5%89%E2%B4%B7%E2%B4%B7%E2%B5%8F-%E2%B5%8D%E2%B5%8D%E2%B5%89-%E2%B5%A2%E2%B5%93%E2%B5%9C-%E2%B5%93%E2%B5%8F%E2%B4%B7%E2%B5%93%E2%B4%B7%E2%B5%89