Published on MAPNews (https://www.mapnews.ma/am)

Accueil > ⵜⴰⵡⵊⵊⴰ ⵏ ⵓⴹⴰⵕ: ⵉⴱⵓⵖⵍⴰ ⵙ ⵜⵙⵎⵖⵓⵔⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵓⵙⴳⴳⵯⴰⵙ ⵏ 2023

ⵜⴰⵡⵊⵊⴰ ⵏ ⵓⴹⴰⵕ: ⵉⴱⵓⵖⵍⴰ ⵙ ⵜⵙⵎⵖⵓⵔⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵓⵙⴳⴳⵯⴰⵙ ⵏ 2023

12 ⴷⵓⵊⴰⵏⴱⵉⵔ 2023 Version Imprimable
ⵎⵕⵕⴰⴽⵯⵛ - ⵎⵇⵇⴰⵔ ⵢⵉⵡⵉ ⵓⵏⵉⵊⵉⵔⵉ ⴼⵉⴽⵜⵓⵕ ⵓⵙⵉⵎⵉⵏ ⵜⴰⵙⵎⵖⵓⵔⵜ ⵏ ⵓⵎⵓⵔⴰⵔ ⴰⵎⵓⴼⴰⵢ ⵍⵍⵉⵖ ⵉⵔⵏⴰ ⴰⵎⵖⵔⵉⴱⵉ ⴰⵛⵕⴰⴼ ⵃⴰⴽⵉⵎⵉ (ⴱⴰⵔⵉⵣ ⵙⴰⵏⵊⵉⵕⵎⴰⵏ) ⴷ ⵓⵎⵉⵚⵕⵉ ⵎⵓⵃⵎⵎⴰⴷ ⵚⴰⵍⴰⵃ (ⵍⵉⴼⵉⵔⴱⵓⵍ), ⵎⴰⵛⴰⵏ ⵜⴰⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⵜⴱⵓⵖⵍⴰ ⴳ ⵉⵡⵉⵣ ⵏ ⵓⴱⵟⵟⵓ ⵏ ⵜⵙⵎⵖⵓⵔⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵓⵙⴳⴳⵯⴰⵙ ⵏ 2023 ⵏⵏⴰ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ ⵓⵢⵏⴰⵙ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ.

ⵜⴻⵜⵜⵓⴼⴽⴰ ⵜⵙⵎⵖⵓⵔⵜ ⵉ ⵢⵉⵣⵎⴰⵡⵏ ⵏ ⵡⴰⵟⵍⴰⵙ ⵙ ⵜⵡⵡⵓⵔⵉ ⵏⵏⵙⵏ ⵉⵖⵓⴷⴰⵏ ⴳ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵉⴳⴳⵯⵔⴰⵏ ⴳ ⵜⴼⵓⴳⵍⴰ ⴰⴷ ⵏⵏⴰⴳ ⵉⵜⵜⵓⵙⴼⵓⴳⵍⵓ ⵙ ⵓⵖⵓⴷⵓ ⴷ ⵡⴰⴷⴷⵓⵔ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⴼⵔⵉⵇⵉⵜ, ⵎⴽⵍⵍⵉ ⵜⵓⵎⵥ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵙⵎⵖⵓⵔⵜ ⵏ ⵜⵔⴰⴱⴱⵓⵜ ⴰⴽⴽ ⵢⵓⴼⵏ ⴳ ⵓⵙⴳⴳⵯⴰⵙ ⴰⴷ, ⴷⴼⴼⵉⵔ ⵍⵍⵉⵖ ⵉⴳⴰ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵍⵉⵏ ⵙ ⵓⵣⴳⵏ ⵏ ⵜⴳⵉⵔⴰ.

ⵜⵓⵍⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵅⴼ ⵜⵔⴰⴱⴱⵓⵜ ⵏ ⴳⴰⵎⴱⵢⴰ ⴷ ⵙⵙⵉⵏⵉⴳⴰⵍ ⴳ ⵓⵙⵜⴰⵢ ⵏ ⵜⵙⵎⵖⵓⵔⵉⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ, ⵉⵔⵏⵓ ⵓⵎⵙⵙⴰⵏⵓⵏ ⴰⵏⴰⵎⵓⵔ ⵡⴰⵍⵉⴷ ⵔⵔⴳⵔⴰⴳⵉ ⵜⴰⵙⵎⵖⵓⵔⵜ ⵏ ⵓⵎⵙⵙⵙⴰⵏⵓⵏ ⵏ ⵓⵙⴳⴳⵯⴰⵙ ⴰⴷ ⴳ ⵜⵔⴰⴱⴱⵓⵜ ⵏ ⵉⵡⵜⵎⴰⵏ ⵍⵍⵉⵖ ⵢⵓⵍⵉ ⵅⴼ ⵓⵎⵙⵙⴰⵏⵓⵏ ⵏ ⴷⴷⵣⴰⵢⵔⵄⴱⴷⵍⵃⴰⵇ ⴱⵏⵛⵉⵅⴰ ⴷ ⵡⴰⵍⵢⵓ ⵙⵉⵙⵉ ⴰⵎⵙⵙⴰⵏⵓⵏ ⵏ ⵙⵙⵉⵏⵉⴳⴰⵍ.

ⵉⵎⵓⵔⵙ ⵡⴰⵍⵉⴷ ⵔⵔⴳⵔⴰⴳⵉ ⵍⵍⵉ ⵉⵍⵍⴰⵏ ⵅⴼ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴷⴼⴼⵉⵔ ⵏ ⴽⵔⴰ ⵏ ⵢⵉⵔⵏ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ 2022 ⴰⴼⴰⴷ ⴰⴷ ⵉⵙⴽⵔ ⵜⴰⵢⴰⴼⵓⵜ ⵏⵏⴰ ⵓⵔ ⵣⴹⴰⵕⵏ ⵉⵎⵙⵙⴰⵏⵓⵏⵏ ⵏⵏⴰ ⴷ ⴷⴰⵔ ⵜⵉⵣⵎⵎⴰⵔ ⵉⴷⵓⵙⵏ ⴰⴼⴰⴷ ⴰⴷ ⵢⴰⵡⵉⵉ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵙ ⵉⵙⵡⵉⵔⵏ ⴱⴰⵀⵔⴰ ⵢⴰⵜⵜⵓⵢⵏ ⴳ ⵓⵙⵡⵉⵔ ⴰⵎⴰⴹⵍⴰⵏ.

ⵉⵏⵏⴰ ⵎⴰⵙⵙ ⵡⴰⵍⵉⴷ ⵔⴳⵔⴰⴳⵉ ⵙ ⵜⵎⵍⴷⴰ ⴰⴷ, ⵉⵇⵇⴰⵏⴷ ⴰⴷ ⵏⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵅⴼ ⵜⵣⵎⵎⴰⵔ ⴷ ⵜⴰⵏⵏⴰⵢⵜ ⵏⵏⵙ ⵅⴼ ⵓⵙⴱⵓⵖⵍⵓ ⵏ ⵜⴳⵍⴷⵉⵜ ⵙ ⵓⵎⴰⵜⴰ ⴷ ⵜⵡⵊⵊⴰ ⵏ ⵓⴹⴰⵕ ⵙ ⵜⵓⵥⵍⴰⵢⵜ ⵉⵙⵏⵉⵎⵎⵔ ⵓⵍⴰ ⵉⵎⵓⵔⴰⵔⵏ ⵏⵏⴰ ⵉⵖⴰⵍⵏ ⵙ ⵓⵙⵏⴼⴰⵔ ⵏⵏⵙⵏ ⴳ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵉⵙⵏⵉⵎⵎⵔ ⵓⵍⴰ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙⵙ ⴼⴰⵡⵣⵉ ⵍⵇⵊⵄ ⵅⴼ ⵜⴼⵍⵙⵜ ⵏⵏⵙ.

ⵉⵣⴰⵢⴷ ⵉⵏⵏⴰ ⵎⴰⵙ ⵜ ⵉⵙⵙⵓⵙⵎ ⵓⵙⵎⵖⵕ ⴰⴷ ⵉⵏⵏⴰ ⴰⵡⴷ ⵎⴰⵙⴷ ⵉⵎⵙⵙⴰⵏⵓⵏⵏ ⵉⴼⵔⵉⵇⵉⵏ ⵖⵓⴷⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵍⵍⵉⵖ ⵓⵔⴰⵔⵏ ⵙ ⵡⴰⵙⵙⴰⵖ ⵏ ⵉⴼⵔⵉⵇⵢⴰ ⴰⴷ ⴰⴽⴽⵯ ⵏⵎⵢⴰⵡⴰⵙ ⴰⴼⴰⴷ ⴰⴷ ⵉⴷⵓⵙ.

ⴳ ⵓⵙⵡⵉⵔ ⵏ ⵓⵏⴹⴰⴼ ⵉⵖⵓⴷⴰⵏ ⵢⵉⵡⵉⵜ ⵓⵏⴹⴰⴼ ⴰⵎⵖⵔⵉⴱⵉ ⵢⴰⵙⵉⵏ ⴱⵓⵏⵓ ⵍⵍⵉⵖ ⵢⵓⴼ ⴰⵏⴷⵔⵉ ⵓⵏⴰⵏⴰ (ⵍⴽⴰⵎⵉⵕⵓⵏ- ⵎⴰⵏⵛⵉⵙⵜⵔ ⵢⵓⵏⴰⵢⵜⵉⴷ) ⴷ ⵎⵓⵃⵎⵎⴰⴷ ⵛⵛⵏⵏⴰⵡⵉ (ⵍⴰⵀⵍⵉ - ⵎⴰⵚⵕ).

ⵉⴼⴽⴰ ⵓⵏⴹⴰⴼ ⵏ ⵍⵀⵉⵍⴰⵍ ⵏ ⵙⵙⴰⵄⵓⴷⵉⵢⴰ ⵏ ⵖⵉⵍⴰ ⵜⴰⵢⴰⴼⵓⵜ ⵉⵥⵉⵍⵏ ⴳ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⴳ ⵇⴰⵟⴰⵕ ⵙ ⵜⵣⵎⵎⴰⵔ ⵏ ⵜⴽⵛⵛⵓⵎⵉⵏ ⵏⵏⵙ ⵉⴷⵓⵙⵏ ⵎⵏⵉⴷ ⵏ ⵜⵔⴰⴱⴱⵓⵜ ⵏ ⵙⴱⴱⴰⵏⵢⴰ.

ⵓⵔ ⴱⵉⴷⴷⵏⵜ ⵜⵙⵎⵖⵓⵔⵉⵏ ⵏⵏⴰ ⵢⵉⵡⵉ ⵍⵎⵖⵔⵉⴱ ⴳ ⵜⴼⵓⴳⵍⴰ ⴰⴷ, ⵜⵉⵡⵉ ⴰⵡⴷ ⵜⵎⵓⵔⴰⵔⵜ ⴼⴰⵟⵉⵎⴰ ⵜⵜⴰⴳⵏⴰⵡⵜⵉ ( ⵜⴰⵔⴰⴱⴱⵓⵜ ⵏ ⵉⵙⵔⴷⴰⵙ ⵉⴳⵍⴷⴰⵏⵏ) ⵜⴰⵙⵎⵖⵓⵔⵜ ⵏ ⵜⵎⵓⵔⴰⵔⵜ ⵢⵓⴼⵏ ⵏ ⵉⵙⵉⵔⴰⵜⵏ ⵍⵍⵉⵖ ⵜⵓⴼ ⵍⵉⴼⵉⵔⵢⵓ ⵜⵓⵍⴰⴽⵉⵍⵉ (ⴱⵓⵜⵙⵡⴰⵏⴰ-ⵙⴰⵏⴷⴰⵡⵏⵣⴰ) ⴷ ⵍⵉⴱⵓⵀⴰⵏⵊ ⵔⴰⵎⴰⵍⵉⴱⵉ (ⵉⴼⴼⵓⵙ ⵏ ⵉⴼⵔⵉⵇⵢⴰ-ⵎⴰⵎⵉⵍⵓⴷⵉ ⵙⴰⵏⴷⴰⵡⵏⵣⴰ).

ⵜⴰⵡⵉ ⵜⵏⵎⵓⵔⵉⵜ ⵏⵏⵖ ⵏⵉⵙⵔⵉⵏ ⵛⵛⴰⴷ ⵏⵏⴰ ⵉⵜⵜⵓⵔⴰⵔⵏ ⴳ ⵜⵔⴰⴱⴱⵓⵜ ⵏ ⵍⵉⵍ ⵏ ⴼⵕⴰⵏⵙⴰ ⵜⴰⵙⵎⵖⵓⵔⵜ ⵏ ⵜⵎⵓⵔⴰⵔⵜ ⵜⴰⵎⵓⴼⴰⵢⵜ ⵜⴹⴼⵕⵜⵜ ⵉⴷ ⵢⵉⴱⵡⴰⵀ (ⵖⴰⵏⴰ ⴷⴰⵔⴽⵓ) ⴷ ⴷⵉⴱⵓⵔⴰ ⴰⴱⵢⵓⴷⵓⵏ (ⵏⵉⵊⵉⵔⵢⴰ-ⴱⵉⵜⵙⴱⵓⵔⴳ).

ⵔⴰⴷ ⵏⵙⵙⴽⵜⵉ ⵎⴰⵙⴷ ⵍⵎⵖⵔⵉⴱ ⵉⵙⵏⵓⴱⴳ ⵜⴰⴼⵓⴳⵍⴰ ⴰⴷ ⵜⵉⵙⵙ ⵙⵏⴰⵜ ⵏ ⵜⵉⴽⴽⴰⵍ ⵎⵎⴹⴼⵕⵏⵉⵏ ⴷⴼⴼⵉⵔ ⵏ ⵜⵙⵙⵓⵜⵍⵜ ⵏ 202 ⵏⵏⴰ ⵉⵜⵜⵓⴳⴰⵏ ⴳ ⵓⴷⴷⵉⵙ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵜⵡⵊⵊⴰ ⵏ ⵓⴹⴰⵔ ⴳ ⵍⵎⵄⵎⵓⵕⴰ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%89%E2%B4%B1%E2%B5%93%E2%B5%96%E2%B5%8D%E2%B4%B0-%E2%B5%99-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%94%E2%B5%89%E2%B5%8F-%E2%B5%8F-%E2%B5%9C%E2%B4%BD%E2%B5%93%E2%B5%8F%E2%B4%BC%E2%B5%89%E2%B4%B7%E2%B5%89%E2%B5%95%E2%B4%B0%E2%B5%8D%E2%B5%89%E2%B5%9C-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B5%8F-2023