ⵙⴳ ⵡⴰⵢⴷⴰ ⵏ ⵜⵣⴷⴰⵢⵉⵏ ⴷ ⵓⵎⵓⵔⵙ ⵏ ⵜⵉⵔⵎⵉⵜ ⵏ ⵓⵙⵙⵔⵏⵓ ⵏ ⵜⵎⵓⵔⴰ ⵜⵉⵄⵕⴰⴱⵏ ⵉⵎⴰⵏⵏ ⴳ ⵍⵎⵖⵔⵉⴱ, ⴷ ⵡⴰⵏⵏⴰⵍ ⵏⵏⵙ ⵉ ⵡⴰⵀⵉⵍ ⵏ ⵜⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵎⵓⵏⴰⵏⵜ ⵏ ⵉⵙⴳⴳⵯⴰⵙⵏ 2024-2029, ⴷ ⵓⴹⴼⵓⵕ ⵏ ⵓⴱⵓⵖⵍⵓ ⵏ ⵓⵏⵎⴰⵍⵍⵓ ⵏ ⵓⵙⵏⵎⴰⵍⴰⵢ ⵏⵏⴰ ⴳ ⵍⵍⴰⵏⵜ ⵜⵙⵏⵜⴰⵢⵉⵏ ⵏ ⵓⵙⵙⵔⵏⵓ, ⴷ ⵡⴰⵢⴷⴰ ⵏ ⵜⵡⵡⵓⵔⵉⵡⵉⵏ ⵜⵉⵎⴰⵜⴰⵢⵉⵏ, ⵏⵏⴰⵏ ⵉⵏⵙⵙⵉⵅⴼⵏ ⵏ ⵙⵉⵏ ⵉⵡⴰⵏⴽⵏ ⴰⴷ ⴰⴷ ⵜⵏ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ ⴳ ⵉⵎⴰⵍ ⵏ ⵜⵎⵢⴰⵇⵇⴰⵏⵜ ⵏⵏⴰ ⵉⵜⵜⵓⵙⴳⵎⴹⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⵙ ⵜⴷⵔⴰⵡⵉⵏ ⵏ ⵓⵙⵙⵔⵏⵓ ⵉⴷⵓⵙⵏ ⴳⵔ ⵍⵎⵖⵔⵉⴱ ⴷ ⵜⵎⵓⵔⴰ ⵢⴰⴷ.

ⴰⵎⵣⵡⴰⵔⵓ : ⵉⵡⵜⵜⴰⵙⵏ :

1- ⵉⵡⵜⵜⴰⵙⵏ ⵏ ⵜⴷⵔⴰⵡⵜ ⴰⴷ :

ⴰ- ⴰⵙⵡⵓⵔⵉ ⵅⴼ ⵜⴷⵔⴰⵡⵜ ⵉⴷⵓⵙⵏ ⴷ ⵓⵙⵙⵔⵏⵓ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ, ⴰⵙⴱⵓⵖⵍⵓ ⵏ ⵜⴷⵔⴰⵡⵉⵏ ⴷ ⵜⵣⴷⴰⵢⵉⵏ ⴳ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⵙⴱⴱⴰⴱⵜ ⴷ ⵜⵎⴳⵓⵔⵉ ⵙ ⵉⵏⵢⴰⵜⵏ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⵉⴷⵓⵙⵏ, ⵙ ⵜⵏⴰⴼⵓⵜ ⵏ ⵜⵣⵎⵎⴰⵔ ⴷ ⵉⵡⵜⵜⴰⵙⵏ ⵉⵎⴰⵙⵙⴰⵔⵏ .

ⴱ- ⴰⵙⴽⵓ ⵏ ⵓⵏⵎⴰⵍⵍⵓ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵡⵉⵏ ⵓⵙⵙⵔⵏⵓ ⵉⵎⵙⴰⵙⴰⵏ, ⵏⵏⴰ ⵉⵏⵏⵓⵕⵥⵎⵏ ⵅⴼ ⵉⴳⵔⴰⵏ ⵓⵙⵍⵉⴳⵏ ⵉⵙⴽⴰⵔⵏ ⵜⴰⵡⵡⵓⵔⵉ ⵉⴷⵓⵙⵏ ⵉ ⵜⵏⵍⵉⵜ ⵉ ⴽⵓⵢⴰⵏ .

ⵊ- ⴰⵙⴽⵓ ⵏ ⵜⵎⵢⴰⵡⴰⵙⵜ ⵉⴷⵓⵙⵏ, ⵙⴳ ⵉⵙⵏⴼⴰⵕⵏ ⵏⵏⴰ ⴳ ⵍⵍⴰⵏⵜ ⵜⵢⴰⴼⵓⵜⵉⵏ ⵉ ⵙⵉⵏ ⵉⵎⵏⴰⴷⵏ ⴰⴷ, ⴳ ⵉⴳⵔⴰⵏ ⵏ ⵜⵓⵙⴽⵉⵡⵜ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵏⴼⵍⵉⵜ ⵏ ⵜⴼⵍⵍⴰⵃⵜ, ⵜⴰⵔⵏⴰ,ⵜⴰⵎⴰⵍⵍⴰⵢⵜ, ⴷ ⵉⵙⵏⴰⵕⵏ ⵏ ⵜⵓⵙⴽⵉⵡⵜ ⴳ ⵉⴳⵔⴰⵏ ⵏ ⵓⵙⵎⵓⵜⵜⴳ ⴷ ⵓⵙⵡⵡⵓⵔⵉ .

2- ⵉⵡⵜⵜⴰⵙⵏ ⵏ ⵜⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵜⵎⵓⵔⴰ ⵏ ⵡⴰⵄⵕⴰⴱⵏ ⵉⵎⵓⵏⵏ :

ⴰ- ⴰⵙⵏⵜⵉ ⵏ ⵜⵡⵡⵓⵔⵉ ⵏ ⵜⴷⵔⴰⵡⵉⵏ ⴷ ⵓⵙⵙⵔⵏⵓ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ, ⵙⴳ ⵉⵙⵍⴳⴰⵏⵏ ⴷ ⵜⵎⵢⴰⵇⵇⴰⵏⵉⵏ ⵏⵏⵙⵏⵜ ⴷ ⵜⵎⵉⵣⴰⵔ ⵜⵉⴳⵔⴰⵖⵍⴰⵏⵉⵏ .

ⴱ- ⵉⵡⵜⵜⴰⵙⵏ ⵉⵎⴰⵙⵙⴰⵔⵏ ⴳⵔ ⵜⵎⵉⵣⴰⵔ ⴰⴷ, ⴷ ⵓⵙⴱⵓⵖⵍⵓ ⵏ ⵜⴼⵍⵙⵜ ⴰⴼⴰⴷ ⴰⴷ ⵙⵙⵉⴷⵉⵔⵏ ⴰⵎⵢⴰⵡⴰⵙ ⵏⵏⴰ ⴳ ⵜⵍⵍⴰ ⵜⵏⴼⵍⵉⵜ ⵙ ⵢⴰⵏ ⵓⵔⵏⵏⵓ ⴰⵎⴰⵙⵙⴰⵔ .

ⵊ- ⴰⵙⴽⵓ ⵏ ⵜⴷⵔⴰⵡⵜ ⵏ ⵓⵎⵙⴰⵙⴰ ⴰⵎⴰⵙⵙⴰⵔ, ⴷ ⵡⴰⵏⵏⴰⵍ ⵏ ⵉⵙⵏⴼⴰⵔⵏ ⴷ ⵓⵙⵙⵉⴷⵔ ⵏ ⵡⴰⵏⵏⴰⵍ ⴷ ⵓⵙⴼⵍⵙ ⵏ ⵢⵉⴳⵔⴰⵏ ⵓⵙⵍⵉⴳⵏ,ⴷ ⵜⴷⵔⵉⵎⵜ ⵏ ⵓⵙⵙⵔⵏⵓ .

ⵡⵉⵙⵙ ⵙⵉⵏ : ⵉⴼⵕⴹⵉⵙⵏ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ :

ⵔⴰⴷ ⵙⵡⵡⵓⵔⵉⵏ ⵙⵉⵏ ⵉⵎⵏⴰⴷⵏ ⴰⴷ ⵙⴳ ⵓⵎⵙⴰⵙⴰ ⴷ ⵜⵉⴽⴽⵉ ⵏ ⵜⵣⵎⵎⴰⵔ ⵉ ⵢⵉⴳⵔⴰⵏ ⴰⴷ :

1- ⴰⵔⵣⵣⵓ ⵏ ⵜⵎⵍⴷⵉⵡⵉⵏ ⵏ ⵓⵙⵙⵔⵏⵓ ⵏ ⵉⵙⵏⴼⴰⵕⵏ ⴳ ⵉⴳⵔ ⵏ ⵜⵓⵙⴽⵉⵡⵜ :

ⴰ- ⴰⵙⴽⵓ ⵏ ⵡⴰⵢⴷⴰ ⵏ ⵜⵜⵔⴰⵏ ⵉⵣⵔⴱⵏ ⴳⵔ ⵍⵇⵏⵉⵟⵕⴰ ⴷ ⵡⴰⵎⵓⵔ ⵏ ⵡⴰⴽⵓⵛ .

ⴱ- ⴰⵙⴱⵓⵖⵍⵓ ⵏ ⵉⵣⴰⴳⴳⵯⵣⵏ, ⵙⴳ ⴳⵉⵙⵏ ⵡⵉⵏ ⵜⴳⵎⵎⵉ ⵜⵓⵎⵍⵉⵍⵜ, ⴰⵎⵓⵔ ⵏ ⵡⴰⴽⵓⵛ, ⴷⴷⴰⵅⵍⴰ Dakhla Hub ⴷ ⵡⵉⵏ ⵏⵏⴰⴹⵓⵕ .

ⵊ- ⴰⵙⴽⵓ ⵏ ⵉⵙⵕⵙⵉⵡⵏ ⴷ ⵓⵙⵙⵔⵏⵓ ⵏ ⵓⵙⵏⵎⴰⵍⴰ ⵏⵏⵙⵏ, ⵙⵍⴰⵡⴰⵏ ⴰⴽⴽⵯ ⵡⵉⵏ ⵏⵏⴰⴹⵓⵕ ⴷ ⵡⵉⵏ ⴷⴷⴰⵅⵍⴰ .

ⴷ- ⵉⵙⵏⴼⴰⵔⵏ ⴰⴽⴽ ⵔⴰⴷ ⵎⵔⴰⵔⴰⵏⵜ ⵙⵏⴰⵜ ⵜⵎⵉⵣⴰⵔ ⴰⴷ ⵅⴼ ⵜⵢⴰⴼⵓⵜⵉⵏ ⵏⵏⵙⵏ .

2- ⴰⵙⵏⵓⵏⴼ ⵏ ⵜⵎⵍⴷⵉⵡⵉⵏ ⵏ ⵓⵙⵙⵔⵏⵓ ⴳ ⵉⴳⵔ ⵏ ⵡⴰⵎⴰⵏ, ⴷ ⵜⴰⵔⵏⴰ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ .

ⴰ- ⵉⵙⵏⴼⴰⵕⵏ ⵏ ⵓⵙⵏⴼⵍ ⵏ ⵡⴰⵎⴰⵏ ⴷ ⵓⵙⴽⵓ ⵏ ⵓⴳⴳⵓⴳⵏ ⵏⵏⴰ ⴳ ⵍⵍⴰⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⵉⵏ ⵜⴰⵢⵢⵔⵣⴰ ⴷ ⵓⴳⴳⵓⴳⵏ ⵏ ⵡⴰⵙⵉⴷⴷ ⴷ ⵡⵉⵏ ⵉⵎⴰⵍ .

ⴱ- ⵜⴰⵔⵏⴰ ⵉⵙⵎⴰⵢⵏⵓⵏ ⴷ ⵓⴼⴰⵔⵙ ⵏ ⵍⵀⵉⴷⵕⵓⵊⵉⵏ ⴰⵣⴳⵣⴰⵡ ⴷ ⵉⵙⵙⵓⴼⵓⵖⵏ ⵏⵏⵙ .

ⵊ- ⴰⵙⵎⵓⵜⵜⵉ ⵏ ⵜⴰⵔⵏⴰ, ⵙⵍⴰⵡⴰⵏ ⴰⴽⴽⵯ ⴰⵙⴷⵓⵙ ⵏ ⵓⵏⵎⴰⵍⵍⵓⵜⵏ ⵏ ⵡⴰⵙⵙⴰⵢ ⵏ ⵡⴰⵙⵉⴷⴷ.

ⴷ- ⵉⵙⵏⴼⴰⵕⵏ ⵉⵎⴰⵙⴰⵔⵏ ⵏⵏⴰ ⴷ ⴷⴰⵔ ⵜⴰⵣⴷⴰⵢⵜ ⵔⴰⴷ ⴼⵍⵍⴰⵙⵏ ⵎⵔⴰⵔⴰⵏ ⵉⵎⵏⴰⴷⵏ ⴰⴷ .

3- ⴰⵔⵣⵣⵓ ⵏ ⵜⵎⵍⴷⵉⵡⵉⵏ ⵏ ⵓⵎⵢⴰⵡⴰⵙ ⴰⵙⵜⵕⴰⵜⵉⵊⵉ ⴳ ⵉⴳⵔ ⵏ ⵜⵏⴼⵔⵓⵜ ⵏ ⵓⵙⴰⴷⵓⵔ, ⴷ ⵓⵔⵣⵣⵓ ⴷ ⵡⴰⵙⵉⴷⴷ ⴰⴳⵯⵔⵔⴰⵎ ⵏ ⵍⴼⵓⵚⴼⴰⵟ ⴳ ⵉⴳⵔ ⵏ ⵉⵎⵙⴱⵓⵖⵍⵓⵜⵏ ⵏ ⵜⴽⵔⵣⴰ .

4-ⴰⵔⵣⵣⵓ ⵏ ⵓⵙⴱⵓⵖⵍⵓ ⵏ ⵉⵙⵏⴼⴰⵕⵏ ⵉⵎⴰⵙⵙⴰⵔⵏ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⴷ ⵜⵓⵙⴽⵉⵡⵜ, ⵙⵍⴰⵡⴰⵏ ⴰⴽⴽⵯ ⵅⴼ ⵢⵉⵍⵍ ⴰⵎⵍⵍⴰⵍ ⴰⵏⴰⵎⵎⴰⵙ ⴷ ⵜⵙⴳⴳⵉⵡⵉⵏ ⵏ ⴷⴷⴰⵅⵍⴰ ⴷ ⵟⵕⴼⴰⵢⴰ .

5- ⴰⵔⵣⵣⵓ ⵏ ⵓⵎⵢⴰⵡⴰⵙ ⵏ ⵜⵏⴼⵍⵉⵜ ⴷ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵉⵎⵓⵏⴰⵏⵏ ⵉⴷⵎⵙⴰⵏⵏ :

ⴰ- ⴰⵍⴰⵙ ⵏ ⵓⵙⴽⵓ ⵏ ⵜⵙⴳⴳⵉⵡⵉⵏ ⵏⵏⴰ ⵢⵓⵜ ⵓⵎⴷⵓⴷⵉ ⵏ ⵡⴰⴽⴰⵍ ⵏ ⵍⵃⵓⵣ ;

ⴱ- ⴰⵙⵏⵓⵏⴼ ⵏ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵏ ⵜⵎⵔⵙⴰⵍ ⵏ ⵓⵙⵙⵍⵎⴷ ⴷ ⵜⵙⴷⴰⵡⵉⵜⵉⵏ ⴷ ⵡⵉⵏ ⵜⴷⵓⵙⵉ;

ⵊ- ⴰⵔⵣⵣⵓ ⵏ ⵉⵙⵏⴼⴰⵕⵏ ⵏ ⵓⵙⴼⵍⵙ ⵏ ⵉⵙⵏⴼⴰⵕⵏ ⵏ ⵓⵎⵢⴰⵡⴰⴹ ⴷ ⵜⴷⵎⵙⴰ ⵜⵓⵟⵟⵓⵏⴰⵏⵜ ;

ⴷ- ⴰⵔⵣⵣⵓ ⵏ ⵉⵙⵏⴼⴰⵕⵏ ⵢⴰⴹⵏⵉⵏ ⵉⴷⵎⵙⴰⵏⵏ ⴷ ⵓⵎⵢⴰⵡⴰⵙ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏ ⵉⴳⵔ ⴰⵎⴰⵜⴰⵢ ⴷ ⵓⵙⵍⵉⴳ,

6- ⴰⵎⵢⴰⵡⴰⵙ ⴷ ⵜⴷⵔⴰⵡⵜ ⴳ ⵉⴳⵔ ⵏ ⵜⴰⵔⵏⴰ ⴷ ⵜⴽⵔⵣⴰ ⴷ ⵜⵎⴳⵓⵔⵉ ⵏ ⵓⵙⴰⴷⵓⵔ, ⴷ ⵓⵙⴱⵓⵖⵍⵓ ⵏ ⵜⵡⵉⵙⵉ ⵏ ⵉⴳⵔⴰⵏ ⴰⴷ ⴳ ⵜⵡⵉⵙⵉ ⵜⴰⴷⵎⵙⴰⵏⵜ ⴷ ⵡⵉⵏ ⵜⵙⴱⴱⴰⴱⵜ ;

7- ⵜⴰⵣⵔⴰⵡⵜ ⵏ ⵜⴷⵔⴰⵡⵉⵏ ⴳ ⵉⴳⵔⴰⵏ ⵏ ⵜⴷⵔⵉⵎⵜ ⴷ ⵉⴳⴰⴷⴰⵣⵏ ⵏ ⵓⵙⴼⵍⵙ ,

8- ⴰⵔⵣⵣⵓ ⵏ ⵜⴷⵔⴰⵡⵜ ⴷ ⵉⵎⴰⵍ ⵏ ⵜⴷⵔⴰⵡⵉⵏ ⵏ ⵓⵙⴷⵓⵙ ⵏ ⵉⴼⵏⵉⵇⵏ ⵏ ⵓⵙⵙⵔⵏⵓ ⵏ ⵜⵎⵉⵣⴰⵔ ⴰⴷ ⵙ ⵙⵏⴰⵜ ,

9- ⵜⴰⵣⵔⴰⵡⵜ ⵏ ⵜⴷⵔⴰⵡⵜ ⴳ ⵉⴳⵔ ⵏ ⵜⴷⵔⴰⵡⵜ ⵜⴰⴷⵎⵙⴰⵏⵜ ⴷ ⵓⵙⴱⵓⵖⵍⵓ ⵏ ⵜⵓⵙⴽⵉⵡⵜ ⴷ ⵜⴰⵔⵏⴰ ⴷ ⵜⵎⵓⵔⴰ ⵏ ⵉⴼⵔⵉⵇⵢⴰ ⵙⴳ ⵓⵏⵎⴰⵍⵍⵓ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⵙⵍⴰⵡⴰⵏ ⴰⴽⴽⵯ :

ⴰ- ⴰⵙⵏⴼⴰⵕ ⵏ ⵓⵇⵇⴰⴷⵓⵙ ⵏ ⵍⴳⴰⵣ ⴰⴼⵔⵉⵇⵉ-ⴰⵟⵍⴰⵙⵉ;

ⴱ- ⴰⵙⴱⵓⵖⵍⵓ ⵏ ⵓⵙⵏⴼⴰⵕ ⴰⵎⵢⴰⴷⴰⵙ ⵏ ⴷⴷⴰⵅⵍⴰ Dakhla Gateway to Africa

ⵊ- ⴰⵙⴽⵓ ⵏ ⵓⵏⵎⴰⵍⵍⵓ ⵏ ⵢⵉⵍⵍ ⵏ ⵜⵙⴱⴱⴰⴱⵜ;

10- ⵉⵙⵏⴼⴰⵕⵏ ⵏⵏⴰ ⴷ ⴷⴰⵔ ⵜⴰⵣⴷⴰⵢⵜ ⵔⴰⴷ ⵙⵓⵍ ⴼⵍⵍⴰⵙⵏ ⵎⵔⴰⵔⴰⵏ ⵉⵎⵏⴰⴷⵏ ⴰⴷ ⵙ ⵙⵉⵏ .

ⵡⵉⵙⵙ ⴽⵕⴰⴹ: ⵜⵉⵎⵙⵙⴽⵜⵉⵜⵉⵏ ⵏ ⵓⵎⵙⴰⵙⴰ :

ⵔⴰⴷ ⵙⵡⵡⵓⵔⵉⵏ ⵉⵎⵏⴰⴷⵏ ⴰⴷ ⵙⴳ ⵜⵎⵔⵙⴰⵍ ⵜⵉⵎⵙⵜⴳⴳⴰⵔⵉⵏ ⵅⴼ ⵓⵔⵣⵣⵓ ⴰⵙⵜⵕⴰⵜⵉⵊⵉ ⵏ ⵓⵍⵖⵓ ⴰⴷ, ⵔⴰⴷ ⴳⵉⵏ ⵉⵙⵏⴼⴰⵕⵏ ⴰⴷ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⴰⵎⴰⵙⵙⴰⵔ ⴰⴼⴰⴷ ⴰⴷ ⵜⵏⵜ ⵙⵙⵉⴷⵉⵔⵏ ⵉⵎⵏⴰⴷⵏ ⴷ ⵜⵎⵉⵣⴰⵔ ⴰⴷ ⵙ ⵙⵏⴰⵜ, ⵔⴰⴷ ⵉⵍⵉⵏⵜ ⵜⴼⵔⴰⵙ ⵏ ⵉⵙⵏⴼⴰⵕⵏ ⴰⴷ ⴳ ⵢⴰⵏ ⵡⴰⴽⵓⴷ ⴷ ⵓⵙⴼⵍⵙ ⴷ ⵓⵎⵙⴰⵙⴰ ⴳⵔ ⵜⵎⵉⵣⴰⵔ, ⵔⴰⴷ ⵜⵜⵓⵙⴽⴰⵔ ⵜⵣⵔⴰⵡⵜ ⴳ ⵜⵎⴽⵜⵉⵜ ⴰⴷ ⵏⵏⴰ ⵔⴰⴷ ⵓⵔ ⵉⵣⵔⵉ ⴽⵕⴰⴷ ⵢⵉⵔⵏ ⵙⴳ ⵡⴰⴽⵓⴷ ⵏ ⵓⵍⵖⵓ ⴰⴷ.

ⵡⵉⵙⵙ ⴽⴽⵓⵥ: ⵜⵉⵖⴰⵔⴰⵙⵉⵏ ⵏ ⵓⵙⴷⵔⵉⵎ :

1- ⵔⴰⴷ ⵎⵙⴰⵙⴰⵏ ⵙⵉⵏ ⵉⵎⵏⴰⴷⵏ ⴰⴷ, ⵅⴼ ⵜⵖⴰⵔⴰⵙⵉⵏ ⵏ ⵓⵙⴷⵔⵉⵎ ⵏ ⵉⵙⵏⴼⴰⵕⵏ ⴰⴷ ⵙⴳ ⵜⴰⵏⵏⴰⵢⵉⵏ ⵏⵏⴰ ⵅⴼ ⵎⵙⴰⵙⴰⵏ .

2- ⵎⵙⴰⵙⴰⵏ ⵉⵎⵏⴰⴷⵏ ⴰⴷ ⵙ ⵙⵉⵏ ⵎⴰⵙⴷ ⴰⵙⴷⵔⵉⵎ ⵏ ⵉⵙⵏⴼⴰⵕⵏ ⵔⴰⴷ ⵉⵙⵎⵓⵏ ⴳⵔ :

ⴰ- ⵜⴰⴷⵔⵉⵎⵜ

ⴱ- ⵉⵕⵟⵟⴰⵍⵏ

ⵊ- ⵉⵕⵟⵟⴰⵍⵏ ⵉⵙⴱⴱⴰⴱⴰⵏⵏ ⵏ ⵓⵏⴰⵣⴰⵕ

ⴷ- ⵜⵉⵎⴰⵎⴽⵉⵏ ⵏ ⵓⵙⴼⵍⵙ

ⵀ- ⵜⵉⴽⴽⵉ

ⵡⵉⵙⵙ ⵙⵎⵎⵓⵙ : ⵜⵉⵎⴰⵎⴽⵉⵏ ⵏ ⵓⵙⵙⵉⴷⵔ ⵏ ⵉⵙⵏⴼⴰⵕⵏ ⴷ ⵓⴹⴼⵓⵕ :

1- ⵔⴰⴷ ⵙⴽⵔⵏ ⵉⵎⵏⴰⴷⵏ ⴰⴷ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⴷ ⵓⴹⴼⵓⵕ ⵏ ⵉⵙⵏⴼⴰⵕⵏ ⴰⴷ ⴷ ⵓⵙⵎⵀⵍ ⵏⵏⵙⵏ ⵙⴳ ⵜⵎⵜⵜⵉⵡⵉⵏ ⵏ ⵓⵍⵖⵓ ⴰⴷ .

2- ⵜⵉⵎⴰⵎⴽⵉⵏ ⴰⴷ ⴳⵉⵙⵏ ⵉⴳⵎⴰⵎⵏ ⵔⴰⴷ ⵜⵜⵓⵙⴽⴰⵔⵏ ⴳ ⵉⵎⴰⵍ ⵉⵖ ⵉⵍⵍⴰ ⵓⵙⵖⵉⵡⵙ.

3- ⵔⴰⴷ ⵎⵓⵏⵏ ⵉⴳⵎⴰⵎⵏ ⴰⴷⵎⵙⴰⵙⴰⵏ ⴳⵔⴰⵜⵙⵏ ⵙ ⵜⵖⴰⵔⴰⵙⵜ ⵉⵜⵜⵓⵙⵏⵎⴰⵍⴰⵏ ⴳ ⵍⵎⵖⵔⵉⴱ ⴷ ⵍⵉⵎⴰⵕⴰⵜ ⵔⴰⴷ ⴰⴽⴽⴰⵏ ⵉⵏⵇⵇⵉⵙⵏ ⵉ ⵉⵉⵎⵙⵜⴳⴳⴰⵔⵏ ⴷ ⵓⵥⵍⴰⵢⵏ ⵏ ⵉⴳⵔⴰⵏ ⴰⴷ.