Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ..ⵜⴰⵎⵢⴰⵇⵇⴰⵏⵜ ⵏ ⵓⵏⵣⴰⵖ ⵅⴼ ⵜⵖⵡⵡⴰⵖⵜ ⵙⴳ ⵓⵏⵎⴰⵍⵍⵓ ⵏ ⵓⵙⴳⵎⵉ

ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ..ⵜⴰⵎⵢⴰⵇⵇⴰⵏⵜ ⵏ ⵓⵏⵣⴰⵖ ⵅⴼ ⵜⵖⵡⵡⴰⵖⵜ ⵙⴳ ⵓⵏⵎⴰⵍⵍⵓ ⵏ ⵓⵙⴳⵎⵉ

23 ⵏⵓⵡⴰⵏⴱⵉⵔ 2023 Version Imprimable
ⵕⵕⴱⴰⵟ -  ⵉⵙⵙⵉⵅⴼ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⴰⵙⵙ ⵏ ⵓⴽⵡⴰⵙ ⵜⵉⵡⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵙⴳ ⵜⵓⴳⴳⵓⴳⵜ ⴰⴼⴰⴷ ⴰⴷ ⵙⵙⵏⵜⵉⵏ ⵜⴰⵙⵏⵜⴰⵢⵜ ⵏ ⵓⴱⵔⴰⴳⵔⴰⵡ ⴰⵎⴰⴷⵍⴰⵏ ⵏ ⵓⵥⵣⵓ ⴳ ⵜⵖⵡⵡⴰⵖⵜ, ⵙ ⵓⵙⵎⵔⵙ ⵏ ⵓⵙⴳⵎⵉ .

ⵉⵏⵏⴰ ⵓⵙⵉⵡⴹ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵏⵏⴰ ⵉⵜⵜⵓⵙⵏⵜⴰⵏⵙ ⵜⴷⵔⴰⵡⵜ ⴷ ⵡⴰⵎⵎⴰⵙ ⵏ ⵓⴱⵓⵖⵍⵓ ⵀⵉⴷⴰⵢⴰ ⴷ ⵜⵡⵉⵙⵉ ⴷ ⴽⵉⴳⴰⵏ ⵏ ⵉⵎⵙⵡⵡⵓⵔⵉⵏ ⵏⵏⴰ ⵉⵡⴰⵍⴰⵏ ⵉ ⵓⴱⵔⴰⴳⵔⴰⵡ ⴰⴼⴰⴷ ⴰⴷ ⵥⵥⵓⵏ ⴳ ⵜⵖⵡⵡⴰⵖⵜ ⵙ ⵓⵙⵎⵔⵙ ⵏ ⵓⵙⴳⵎⵉ .

ⵉⵏⵏⴰ ⵓⵙⴰⴳⵯⵎ ⴰⴷ ⵏⵉⵜ ⵎⴰⵙⴷ ⵜⵙⵏⵜⴰⵢⵜ ⴰⴷ ⵜⵍⴰ ⴰⵡⵜⵜⴰⵙ ⵏ ⵜⵉⴽⴽⵉ ⵏ ⵉⴼⵙⵙⴰⵢⵏ ⵙⴳ ⴷⴰⵔ ⵉⵡⵡⵓⵔⴰⵏⵏ ⵏ ⵉⴳⵔ ⵏ ⵓⵙⴳⵎⵉ ⴷ ⵓⵙⵙⵍⵎⴷⴷ ⵉⵎⵙⵜⴳⴳⴰⵔⵏ ⵏ ⵡⴰⵎⵓⵏ ⴰⵎⴰⴷⴰⵏ, ⵉⵏⵏⴰ ⴰⵡⴷ ⵎⴰⵙ ⵔⴰⴷ ⵜⵜⵓⵙⴽⴰⵔⵏⵜ ⵜⵣⵔⴰⵡⵉⵏ ⴳ ⵉⴼⵔⵉⵇⵢⴰⴳ ⵉⴳⵔ ⵏ ⵓⵥⵥⵓ ⴳ ⵜⵓⵎⴰⵏⵜ ⵏ ⵜⵖⵡⵡⴰⵖⵜ ⴷ ⵡⴰⵔⴰⵢ ⵣⵣⴳⵉⵙ .

ⵜⴰⵙⵏⵜⴰⵢⵜ ⴰⴷ ⵜⴷⴷⴰⴷ ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏ ⵓⵣⵣⵓⴳⵣ ⵏ ⵜⵏⴼⵓⵍⵉⵏ ⵜⵉⵎⵙⵙⵓⴳⵓⵔⵉⵏ ⵏ ⵓⵙⴽⴽⵉⵔ ⵏ ⵓⴱⵔⴰⴳⵔⴰⵡ ⴰⵎⴰⴹⵍⴰⵏ ⵏ ⵓⵥⵥⵓ ⴳ ⵜⵖⵡⵡⴰⵖⵜ ⵙⵍⴰⵡⴰⵏ ⴰⴽⴽⵯ ⵜⴰⵎⵙⵙⴽⵜⵉⵜ ⵏ ⴰⴱⵓⴹⴰⴱⵉ ⴳ ⵎⴰⴷ ⵉⵥⵍⵉⵏ ⵙ ⵜⵡⵡⵓⵔⵉⵡⵉⵏ ⵉⵖⵓⴷⴰⵏ ⴳ ⵉⴳⵔ ⵏ ⵓⵙⴳⵎⵉ ⴰⴼⴰⴷ ⴰⴷ ⵉⵊⵊⵏⵊⵎ ⵙⴳ ⵜⵖⵡⵡⴰⵖⵜ .

ⵉⵏⵏⴰ ⵓⵙⵉⵡⴹ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵔⴰⴷ ⵜⴽⴽ ⵙⵉⵏ ⵉⵙⴳⴳⵯⴰⵙⵏ ⵙⴳ 2023 ⴰⵔ 2025, ⵙ ⵢⴰⵏ ⵡⴰⵀⵉⵍ ⵏ ⵓⵙⵎⵓⵜⵜⴳ ⵉ ⵉⵡⵡⵓⵔⴰⵏⵏ ⵏ ⵉⴳⵔ ⵏ ⵓⵙⴳⵎⵉ, ⴰⴼⴰⴷ ⴰⴷ ⵖⵉⵏ ⴰⴷ ⵙⴽⵔⵏ ⵜⵉⵡⵡⵓⵔⵉⵡⵉⵏ ⴳ ⵉⴳⵔ ⴰⴷ ⵏ ⵓⵥⵥⵓ ⵙⴳ ⵜⵖⵡⵡⴰⵖⵜ, ⵎⴽⵍⵍⵉ ⵔⴰⴷ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵎⴰⵎⴽⵉⵏ ⴰⴼⴰⴷ ⴰⴷ ⴰⵡⵙⵏⵜ ⵉ ⵢⵉⵏⵎⴰⵍⵍⵓⵜⵏ ⴷ ⵉⵙⵏⴼⴰⵕⵏ ⵓⵏⴱⵉⴹⵏ ⵙ ⵜⵙⵔⵜⵉⵜⵉⵏ ⵜⵉⵎⴰⵢⵏⵓⵜⵉⵏ ⴳ ⵉⴳⵔ ⴰⴷ ⵏ ⵓⵙⴳⵎⵉ .

ⵙⴳ ⵓⵙⵏⵜⵉ ⴰⵎⴰⴷⴷⵓⴷ ⵏ ⵜⵙⵏⵜⴰⵢⵜ ⴰⴷ ⵙⴳ ⴷⴰⵔ ⵓⵎⴰⵡⵙⴰⵙ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵉⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⵜⵎⴰⵡⴰⵙⵜ ⴰⴷ ⵏⵉⵜ ⴳ ⵓⵕⵓⴱⴱⴰ ⵎⴰⵙⵙ ⵊⵓⵥⵉⴱ ⴱⵉⵔⵉⵍ, ⵏⵏⴰⵏ ⵉⵎⵏⴰⴷⵏ ⴰⴷ ⵎⴰⵙ ⴷⵓⵙⵏⵜ ⵜⵣⵎⵎⴰⵔ ⵏ ⵓⵙⴳⵎⵉ ⴰⴼⴰⴷ ⴰⴷ ⵜⵥⵥⵓ ⴳ ⵜⵖⵡⵡⴰⵖⵜ ⵙ ⴽⵉⴳⴰⵏ ⵏ ⵜⵎⴰⵎⴽⵉⵏ, ⴷ ⵜⵓⴽⴽⵙⴰ ⵏ ⵜⴷⵢⵓⵍⵓⵊⵉⵢⵉⵏ ⵏ ⵜⵖⵡⵡⴰⵖⵜ ⵙ ⵜⵣⵎⵎⴰⵔ ⵏ ⵜⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⴰⴼⴰⴷ ⴰⴷ ⵉⴱⵓⵖⵍⵓ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⵏⴼⵍⵉⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%A1%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C%E2%B5%9C%E2%B4%B0%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%8F%E2%B5%A3%E2%B4%B0%E2%B5%96-%E2%B5%85%E2%B4%BC-%E2%B5%9C%E2%B5%96%E2%B5%A1%E2%B5%A1%E2%B4%B0%E2%B5%96%E2%B5%9C-%E2%B5%99%E2%B4%B3-%E2%B5%93%E2%B5%8F%E2%B5%8E%E2%B4%B0%E2%B5%8D%E2%B5%8D%E2%B5%93-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89