ⵜⵓⵎⵣ ⵜⵏⴱⴰⴹⵜ ⵓⴳⵔⴰⵡ ⵏ ⵉⵎⴰⴽⵏ ⵏ ⵓⵣⵣⵉⴳⵔ ⵏ ⵓⵚⵏⵚⵉⴱ ⴰⵎⴰⴷⴷⵓⴷ ⵏ ⵜⴰⵎⴰⵣⵉⵖⵜ (ⴱⴰⵢⵜⵜⴰⵙ)

23 ⵏⵓⵡⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵉⵎⵢⴰⵙⵙⴰⵏ ⵏ ⵓⴱⵕⵍⴰⵎⴰⵏ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⵎⵚⵟⴰⴼⴰ ⴱⴰⵢⵜⵜⴰⵙ ⵡⴰⵙⵙ ⵏ ⵓⴽⵡⴰⵙ ⵎⴰⵙ ⵜⵓⵎⵣ ⵜⵏⴱⴰⴹⵜ ⴳ ⵙⵉⵏ ⵉⵙⴳⴳⴰⵙⵏ ⵉⵣⵔⵉⵏ ⵓⴳⵔⴰⵡ ⵏ ⵉⵎⴰⴽⵏ ⵏ ⵉⵙⵡⵓⴷⴷⵓⵏ ⵏ ⵓⵣⵣⵉⴳⵔ ⴷ ⵓⵚⵏⵚⵉⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵉⵏⵏⴰ ⵎⴰⵙⵙ ⴱⴰⵢⵜⵜⴰⵙ ⵍⵍⵉⵖ ⵉⵔⴰⵔ ⵅⴼ ⵉⵙⵇⵙⵉⵜⵏ ⵏ ⵉⵏⵖⵎⴰⵙⵏ ⴳ ⵓⵏⵎⵓⴳⴳⴰⵔ ⵏ ⵜⵏⵖⵎⴰⵙⵣⵜ ⴷⴼⴼⵉⵔ ⵏ ⵜⵙⵎⵓⵏⵉ ⵉⴰⵎⵍⵍⴰⵙ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵎⴰⵙ ⵜⴰⵙⴰⵡⵔⵜ ⴰⴷ " ⴰⵣⵓⵛⵍ ⴰⴷⵓⵙⵜⵓⵔⵉ ⴷ ⵉⵙⵏⵡⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ" ⵉⵣⵎⵎⵉⵎ ⵎⴰⵙ ⵜⴰⵏⴱⴰⴹⵜ ⵜⵣⵔⵉ ⵙ ⵓⵣⵣⵉⴳⵔ ⵏ ⵜⵓⵎⴰⵢⵉⵏ ⵏⵏⵙ " ⵙ ⵉⵎⵉⴽ ⵏ ⵉⵎⵉⴽ " .

ⴳ ⵓⵙⴰⵜⵉ ⴰⴷ ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⵏⵏⵓⵔⵣⵎⵏ ⴰⵎⴰⴷⴷⵓⴷ ⵏ ⵉⵙⵏⵜⵉⵏ ⵉⵣⵍⵉⵏ ⵏ ⵓⵙⴷⵓⵙ ⵏ ⵓⵙⵎⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵙⴳⴳⵓⵔⵉⵏ ⵜⵉⴳⴷⵓⴷⴰⵏ ⴷ ⵓⵙⵉⴷⴼ ⵏⵏⵙ ⴳ ⵉⴳⵔⴰⵡⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⵉⴼⵔⴰ ⵢⵉⵏⵏⴰ ⵎⴰⵙ ⵜⵢⴰⴽⴽⴰ ⵏ ⵜⵏⴰⴼⵓⵜ ⵏ ⵓⵙⵏⵓⴱⴳ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⵔⴰⵡ ⵏ ⵜⵎⵙⴳⴳⵓⵔⵉⵏ ⵜⵉⴳⴷⵓⴷⴰⵏ ⵍⵍⵉⵖ ⵜⵥⵍⵉ 460 ⴰⵎⵙⵖⴰⵏ ⵏ ⵓⵙⵏⵓⴱⴳ ⵏ ⵎⵉⴷⴷⵏ ⵉⵙⴰⵡⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵙⵡⵓⵀⵏ ⵏ ⵜⵏⴰⴼⵓⵜⵉⵏ ⵜⵉⴳⴷⵓⴷⴰⵏ ⴷ ⵉⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⵙⵖⵎⵏ ⵏ ⵜⵎⵙⴳⴳⵓⵔⵉⵏ ⴷ ⵜⵎⵔⵙⴰⵍⵉⵏ ⵜⵉⴳⴷⵓⴷⴰⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%93%E2%B5%8E%E2%B5%A3-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%89%E2%B5%8E%E2%B4%B0%E2%B4%BD%E2%B5%8F-%E2%B5%8F-%E2%B5%93%E2%B5%A3%E2%B5%A3%E2%B5%89%E2%B4%B3%E2%B5%94-%E2%B5%8F-%E2%B5%93%E2%B5%9A%E2%B5%8F%E2%B5%9A%E2%B5%89%E2%B4%B1-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B1%E2%B4%B0%E2%B5%A2%E2%B5%9C%E2%B5%9C%E2%B4%B0%E2%B5%99