Published on MAPNews (https://www.mapnews.ma/am)

Accueil >  ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵉⵎⴷⵔⴰⵡⵏ ⴳ ⵜⴰⵜⵜⵓⵢⵜ ⵜⴰⵄⵔⴰⴱⵜ ⵜⵉⵙⵍⴰⵎⵉⵜ ⵜⴰⵎⴰⵙⵙⴰⵔⵜ ⴳ ⵕⵕⵢⴰⴹ 
  1. Accueil
  2. Activités royales

 ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵉⵎⴷⵔⴰⵡⵏ ⴳ ⵜⴰⵜⵜⵓⵢⵜ ⵜⴰⵄⵔⴰⴱⵜ ⵜⵉⵙⵍⴰⵎⵉⵜ ⵜⴰⵎⴰⵙⵙⴰⵔⵜ ⴳ ⵕⵕⵢⴰⴹ 

11 ⵏⵓⵡⴰⵏⴱⵉⵔ 2023 Version Imprimable
ⵕⵕⵢⴰⴹ - ⵉⴼⴽⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵏ ⵉⵏⴰⵡ ⴰⵎⴰⵜⴰⵢ ⵉ ⵉⵎⴷⵔⴰⵡⵏ ⴳ ⵜⴰⵜⵜⵓⵢⵜ ⵜⴰⵄⵕⴰⴱⵜ ⵜⵉⵙⵍⴰⵎⵉⵜ ⵜⴰⵎⴰⵙⵙⴰⵔⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵕⵕⵉⵢⴰⴹ ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ .

ⵡⴰⴷ ⴰⴹⵕⵉⵙ ⵏ ⵉⵏⴰⵡ ⴰⴳⵍⴷⴰⵏ ⵏⵏⴰ ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ 

ⵜⵜⵓⵙⵏⵎⴰⵍⴰ ⵜⴰⵜⵜⵓⵢⵜ ⴰⴷ ⵜⵓⵙⵍⵉⴷⵜ ⵜⴰⵄⵕⴰⴱⵜ ⵜⵉⵙⵍⴰⵎⵉⵜ, ⵏⵏⴰ ⵎⵓ ⵜⵖⵔⴰⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵉⵢⵢⴰ, ⴳ ⵓⵙⴰⵜⵉ ⵏ ⵡⴰⵔ ⴰⵎⵙⴰⵙⴰ ⴳ ⵖⴰⵣⵣⴰ ⴷ ⵎⴰⴷ ⴷ ⴰⴽⴽ ⵜⴼⵍ ⴷ ⵉⵎⵜⵜⵉⵏ ⴷ ⵡⴰⵔ ⴰⵡⵇⵇⵔ ⵉ ⵉⵜⴳⴰⵔⵏ ⵉⴳⵔⴰⵖⵍⴰⵏⵏ ⴷ ⵉⵏⴰⴼⴳⴰⵏⵏ .ⵎⴰⵢⴰⴷ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ 

ⵎⵇⵇⴰⵔ ⵍⵍⴰⵏ ⵉⵖⵉⵢⵢⵉⵜⵏ ⵏ ⵙⴷ ⵉⵇⵇⴰⵏ ⴰⴷ ⵉⴳⴰⴷⴷⴰ ⵡⴰⴷⴷⴰⴷ ⵙⵓⵍⵏ ⵓⴽⴰⵏ ⵙⵓⵍ ⵓⵍⵓⴼⵏ ⵏ ⵉⵙⵕⴰⵢⵉⵍ ⵏⵏⴰ ⵉⴽⴽⴰⵜⵏ ⵉⵏⵎⵓⵔⵉⵏ ⴷ ⵜⴰⵣⵣⴰⵏⵉⵏ ⴷ ⵜⵓⵜⵎⵉⵏ ⴷ ⵉⵡⵙⵙⴰⵔⵏⴷ ⵜⵓⵙⴽⵉⵡⵉⵏ ⵏ ⵓⵙⴳⴷ ⵡⵍⴰ ⵡⵉⵏ ⵉⵎⵙⴳⵏⴰⴼⵏ .ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ 

ⵏⵖⵔⴰ ⵏⴽⴽⵯⵏⵉ ⵏⴳⴰ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⴰⴼⴰⴷ ⴰⴷ ⵉⵜⵜⵓⵙⵎⵔⴰⵙ ⵓⵏⵍⵍⵉ ⴰⵏⴰⴼⴳⴰⵏ ⴰⴼⴰⴷ ⴰⴷ ⵉⴱⵉⴷⴷ ⵓⵍⵓⴼ ⴰⴼⴰⴷ ⴰⴷ ⵏⵎⵎⴰⵙⵙ ⴰⴷ ⵏⵙⵉⴷⴷⵔ ⴽⴽⵓⵥⵜ ⵜⴻⵜⴳⴰⵔⵉⵏ ⵜⵉⵏⴼⴳⴰⵏⵉⵏ :

ⵜⴰⵎⵍⵣⵡⴰⵔⵓⵜ: ⴰⵙⴱⵉⴷⴷ ⵏ ⵓⵍⵓⴼ ⵙⴳ ⵉⵜⴳⴰⵔⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵜⴼⴳⴰⵏⵉⵢⵢⵜ ;

ⵜⵉⵙⵙ ⵙⵏⴰⵜ: ⴰⴼⵔⴰⴳ ⵏ ⵉⵏⵎⵓⵔⵉⵏ ⵙⴳ ⵉⵜⴳⴰⵔⵏ ⵉⴳⵔⴰⵖⵍⴰⵏⵏ ⴷ ⵡⵉⵏ ⵜⴼⴳⴰⵏⵉⵢⵜ ;

ⵜⵉⵙⵙ ⴽⵕⴰⴹⵜ : ⴰⵙⵙⵍⴽⵎ ⵏ ⵜⵡⵉⵙⵉ ⵜⵉⵏⴼⴳⴰⵏⵉⵏ ⵉ ⵉⵎⵣⴷⴰⵖ ⵏ ⵖⴰⵣⵣⴰ ,

ⵜⵉⵙⵙ ⴽⴽⵓⵙⵟ : ⴰⵙⴷⵓⵙ ⵏ ⵓⵜⴳⴰⵔ ⴰⵙⵔⵜⴰⵏ ⵏ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ,ⴰⴼⴰⴷ ⴰⴷ ⵢⵉⵍⵉ ⵓⵙⵙⴼⵙⵉ ⵏ ⵙⵉⵏ ⵉⵡⴰⵏⴽⵏ ⵙⴳ ⵉⵜⴳⴰⵔⵏ ⵉⵎⴰⴹⵍⴰⵏⵏ,

ⵏⵍⵍⴰ ⵎⵏⵉⴷ ⵏ ⵢⴰⵜ ⵜⴰⵙⵙⴰⵙⵜ,ⵍⵍⵉⵖ ⵜⵙⴷⴷⵔ ⵉⵙⵕⴰⵢⵉⵍ ⵓⵍⵓⴼ ⵏⵏⵙ ⵅⴼ ⵉⵏⵎⵓⵔⵉⵢⵢⵏ ⵉⴼⵙⵜ ⵡⴰⵎⵓⵏ ⴰⵎⴰⴹⵍⴰⵏ ⵎⵏⵉⴷ ⵏ ⵜⴰⵙⵙⴰⵙⵜ ⵜⴰⴼⴳⴰⵏⵉⵜ ⵏⵏⴰ ⵜⵜⵉⴷⵉⵔⵏ ⵉⵏⵎⵓⵔⵉⵏ ⵏ ⵖⴰⵣⵣⴰ .ⵎⴰⵢⴰⴷ ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⵉⵇⵇⴰⵏⴷ ⴰⴷ ⵏⴰⵙⵉ ⴰⴽⴽⵯ ⵜⴰⵎⴰⵙⴰⵢⵜ ⴰⴼⴰⴷ ⴰⴷ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵏⴼⴳⴰⵏ ⵙⴳ ⴽⵉⴳⴰⵏ ⵏ ⵉⵜⴳⴰⵔⵏ :

-ⵉⵇⵇⴰⵏⴷ ⴰⴷ ⵢⴰⵎⵓ ⵓⴼⵔⴰ ⵜⴰⵙⴳⴰ ⴰⴷ, ⵏⵏⴰ ⵔⴰⴷ ⵉⴼⴽ ⵉ ⵉⴼⵉⵍⵉⵙⵟⵉⵏⵉⵏ ⵉⵣⵔⴼⴰⵏ ⵏⵏⵙⵏ ⵙⴳ ⵓⵙⴰⵜⵉ ⵏ ⵓⵙⴼⵙⵉ ⵏ ⵙⵉⵏ ⵉⵡⴰⵏⴽⵏ

-ⵉⵇⵇⴰⵏⴷ ⴰⴷ ⵢⵉⵍⵉ ⵓⵡⴰⵏⴽ ⴰⴼⴰⵍⵉⵙⵟⵉⵏⵉ ⵉⴳⴰⵏ ⴰⵏⵙⵉⵎⴰⵏ ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵜⴰⴳⵔⵔⴰⵎⵜ ,

-ⵉⵇⵇⴰⵏⴷ ⴰⴷ ⵜⴷⵓⵙ ⵜⴰⵜⵜⵓⵢⵜ ⵜⴰⴼⵉⵍⵉⵙⵟⵉⵏⵉⵜ, ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⴳⵯⵎⴰ ⵎⴰⵃⵎⵓⴷ ⵄⴰⴱⴱⴰⵙ ⴰⴱⵓ ⵎⴰⵣⵉⵏ,

-ⵉⵇⵇⴰⵏⴷⴷ ⴰⴷ ⵉⵍⵉⵏ ⵉⵜⴳⴰⵔⵏ ⴷ ⵉⵎⴰⵙⵙⵏ ⵏ ⵓⴼⵔⴰ ⵏ ⵜⵎⵏⴰⴹⵜ ⴰⴷ, ⵏⵏⴰ ⵔⴰⴷ ⵉⵡⵇⵇⵔ ⵉⵜⴳⴰⵔⵏ ⵉⴳⵔⴰⵖⵍⴰⵏⵏ ⴷ ⵉⵙⴰⵖⵓⵍⵏ ⵓⵏⴱⵉⴹⵏ ⵏⵏⴰ ⵉⵜⵜⴰⵡⵙⵙⴰⵏⵏ .

ⴰⵙⴱⵉⴷⴷ ⵏ ⵓⵍⵓⴼ ⵅⴼ ⵜⵎⵏⴰⴹⵜ ⴰⴷ ⵉⵇⵇⴰⵏⴷ ⴰⴷ ⵉⵜⵜⵓⵙⴷⴷⵉⴷ ⴰⴼⴰⴷ ⴰⴷ ⵏⵙⴱⵉⴷⴷ ⵜⴰⵖⵡⵡⴰⵖⵜ ⵏⵏⴰ ⵉⴱⵔⵔⵉⵏ ⴽⵉⴳⴰⵏ ⵏ ⵉⴷⵎⵍⵢⴰⵔ ⵏ ⵉⵎⵓⵙⵍⵎⵏ .ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ.

ⴰⵔ ⴱⴷⴷⴰ ⴱⴷⴷⵔⵖ ⵏⴽⴽⵉⵏ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⵜⴰⵡⴰⵖⵉⵜ ⴰⴷ ⴷ ⵓⵙⴷⵓⵔⵔⵉ ⵏ ⵉⵙⵕⴰⵢⵉⵍ ⴷ ⵉⵎⵓⴽⵔⵉⵙⵏ ⵏⵏⴰ ⵜⵙⴽⴰⵔ ⵉ ⵜⵎⵏⴰⴹⵜ ⴰⴷ .

ⴰⵔ ⵏⵙⵡⵡⵓⵔⵉ ⴳ ⵜⵙⵏⵓⵔⴰⵢⵜ ⵏ ⵜⴷⵔⵉⵎⵜ ⵏ ⵍⵇⵓⴷⵙ, ⴰⴼⴰⴷ ⴰⴷ ⵏⴼⵔⴳ ⵜⵉⵖⵔⵎⵜ ⵜⴰⴳⵯⵔⵔⴰⵎⵜ ⴷ ⵓⴼⵔⴰⴳ ⵏ ⵡⴰⴷⴷⴰⴷ ⵏⵏⵙⵏ ⴰⵎⵣⵔⵓⵢⴰⵏ ⴷ ⵓⵙⵍⴳⴰⵏ .

ⵎⴽⵍⵍⵉ ⴷ ⵉⴷⴷⴰⵏ ⴳ ⵓⵖⵓⵕⵉ ⵏ ⵍⵇⵓⴷⵙ ⵏⵏⴰ ⵅⴼ ⵏⵙⵙⴳⵎⴹ ⴷ ⵍⵇⵉⴷⴷⵉⵙ ⵍⴱⴰⴱⴰ ⴼⵕⴰⵏⵙⵉⵙ, ⵉⵇⵇⴰⵏⴷ ⴰⴷ ⴰⴽⴽⵯ ⵏⴼⵔⴳ ⵜⵉⵖⵔⵎⵜ ⵏ ⵍⵇⵓⴷⵙ ⵜⴰⴳⵔⵔⴰⵎⵜ, ⴷⴼⴼⵉⵔ ⵍⵍⵉⵖ ⵜⴳⴰ ⵢⴰⵏ ⵓⴽⵓⵙ ⴰⵎⴰⵙⵙⴰⵔ ⵏ ⵜⴼⴳⴰⵏⵉⵜ ⴷ ⵡⴰⵎⵎⴰⵙ ⵏ ⵉⵜⴳⴰⵔⵏ ⵏ ⵓⵡⵇⵇⵔ ⴰⵎⴰⵙⵙⴰⵔ .ⵎⴰⵢⴰⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ.

Dernière modification : 11 ⵏⵓⵡⴰⵏⴱⵉⵔ 2023
Source URL: https://www.mapnews.ma/am/activites-royales/%C2%A0%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B5%84%E2%B5%94%E2%B4%B0%E2%B4%B1%E2%B5%9C-%E2%B5%9C%E2%B5%89%E2%B5%99%E2%B5%8D%E2%B4%B0%E2%B5%8E%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%94%E2%B5%9C