Published on MAPNews (https://www.mapnews.ma/am)

Accueil > ⵎⴰⵙⵙ ⴰⵏⴷⵔⵉ ⴰⵥⵓⵍⴰⵢ ⵉⵙⵡⴰⵍⴰ ⵜ ⵉⵏⵏ ⵓⴳⵍⵍⵉⴷ ⴳ ⵓⵙⴳⵔⴰⵡ ⵏ ⴱⴰⵔⵉⵣ ⵉ ⵓⴼⵔⴰ

ⵎⴰⵙⵙ ⴰⵏⴷⵔⵉ ⴰⵥⵓⵍⴰⵢ ⵉⵙⵡⴰⵍⴰ ⵜ ⵉⵏⵏ ⵓⴳⵍⵍⵉⴷ ⴳ ⵓⵙⴳⵔⴰⵡ ⵏ ⴱⴰⵔⵉⵣ ⵉ ⵓⴼⵔⴰ

10 ⵏⵓⵡⴰⵏⴱⵉⵔ 2023 Version Imprimable
ⴱⴰⵔⵉⵣ -  ⵉⵙⵡⴰⵍⴰ ⵏⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⵎⵛⵛⵉⵡⵕ ⵏⵏⵙ, ⴳ ⵜⵙⵇⵉⵎⵜ ⵏ ⵓⵏⵏⵓⵕⵥⵎ ⴳ ⵓⵙⴳⵔⴰⵡ ⵏ ⴱⴰⵔⵉⵣ ⵉ ⵓⴼⵉⴰ, ⵍⵍⵉ ⵉⵜⵜⵉⵍⵉⵏ ⴽⴰ ⵉⴳⴰⵜ ⴰⵙⴳⴳⵯⴰⵙ, ⴷ ⵍⵍⵉ ⴳ ⴰⵔ ⴷⵔⵔⵓⵏ ⵉⵙⵍⵡⴰⵢⵏ ⵏ ⵜⵎⵉⵣⴰⵔ ⴷ ⵜⵏⴱⴰⴹⵉⵏ ⴷ ⵉⵎⵙⴽⴰⵔⵏ ⵉⵎⴰⴷⴰⵏⵉⵏ (ⵙⵍⴰⵡⵏⴷ ⴰⴽⴽⵯ ⵜⵉⵎⴰⴳⵔⴰⵡⵉⵏ ⵓⵔ ⵉⴹⴼⵕⵏ ⵉ ⵜⵏⴱⴰⴹⵜ, ⴷ ⵜⵔⵓⴱⴱⴰ ⵏ ⵓⵙⵡⵉⵏⴳⵎ, ⴷ ⵉⵎⴰⵙⵙⴰⵏⵏ, ⴷ ⵉⵙⵏⵖⵎⴰⵙⵏ..) ⵙⴳ ⵜⵎⵉⵣⴰⵔ ⵏ ⵢⵉⴼⴼⵓⵙ ⴷ ⵉⵥⵥⵍⵎⴹ ⴼⴰⴷ ⴰⴷ ⵙⵙⴷⵓⵙⵏ ⵜⵉⵏⵏⵓⴱⴹⴰ ⵜⴰⵎⴰⴹⵍⴰⵏⵜ.

ⵔⴰⴷ ⵜⵉⵍⵉ ⵜⵙⵓⵜⵍⵜ ⵜⵉⵙⵙ ⵚⴹⵉⵙⵜ ⵏ ⵓⵙⴳⵔⴰⵡ ⵏ ⴱⴰⵔⵉⵣ ⵓⵙⵙⴰⵏ ⵏ 10 ⴷ 11 ⵏⵓⵡⴰⵏⴱⵉⵔ ⴳ ⵏⵍⵍⴰ, ⵙ ⵜⵎⴰⵜⴰⵔⵜ "ⴰⴷ ⴰⴽⴽⵯ ⵏⵙⵙⴽⵓ ⴳ ⵢⴰⵏ ⵓⵎⴰⴹⴰⵍ ⴳ ⵜⵍⵍⴰ ⵜⵎⵃⵉⵣⵡⴰⵔⵜ". ⵔⴰⴷ ⵜⵉⵍⵉ ⵜⴰⵢⵏⵉⵜ ⴳ ⵉⵎⵙⴰⵡⴰⵍⵏ ⵅⴼ ⵢⴰⵜ ⵜⵖⴰⵡⵙⴰ ⵉⴷⴷⵓⴷⵔⴰⵏ ⵅⴼ ⵜⵙⵏⴱⴹⴰⵢⵜ ⵏ ⵉⵙⴰⵢⵔⵓⵔⵏ ⵉⵜⵜⵓⴷⵔⴰⵏ, ⴷ ⵡⴰⵢⴷⴰ ⵉⴳⴰⵏ ⴰⵎⴰⴹⵍⴰⵏ ⴳ ⵢⵉⴳⵔⴽⵯⵏ ⴰⵎ ⴰⵏⵏⴼⵍ ⵏ ⵓⵏⵣⵡⵉ, ⴷ ⵓⵙⴰⵢⵔⵓⵔ ⵏ ⴱⵕⵕⴰ.

ⵉⴳⴰ ⵓⵎⵙⴰⵡⴰⵍ ⴰⴷ ⵡⴰⴷ ⵉⵔⴰⵏ ⴰⴷ ⵢⴰⴼ ⴰⵢⵍⵍⵉ ⵉⵜⵜⵓⴷⵔⴰⵏ ⴳⵔ ⵜⵎⵉⴷⴰⵔ, ⴷ ⴰⵢⵍⵍⵉ ⵙ ⵣⵎⵔⵏⵜ ⴰⴷ ⴳⵉⵙ ⵎⵢⴰⵡⴰⵙⵏⵜ, ⴼⴰⴷ ⴰⴷ ⴷⵓⵙⵏⵜ ⵎⴳⴰⵍ ⵉⵏⴰⵥⴰⵕⵏ ⵏ ⵓⵣⵎⵣ ⴰⴷ.

ⵉⴱⴷⴷ ⵓⵙⴳⵔⴰⵡ ⵅⴼ ⵉⵎⵍⵜⴰⵖⵏ ⵏⵏⵙ ⴷ ⵉⵎⴷⵔⴰⵡⵏ ⴳⵉⵙ, ⵓⵍⴰ ⵉⵎⴰⵙⵙⴰⵏⵏ ⵍⵍⵉ ⴳⵉⵙ ⵉⵜⵜⵉⵍⵉⵏ, ⴼⴰⴷ ⴰⴷ ⵙⵔⴱⵉⵏ ⵜⵉⵙⵏⵜⴰⵢ ⵉⴳⵓⵜⵏ ⵎⵏⵉⴷ ⵏ ⵉⵏⴰⵥⴰⵕⵏ ⵉⵎⴰⴹⵍⴰⵏⵏ.

ⴳⵏⵜ ⵜⵣⵡⴰⵔⵉⵏ ⵏ ⵜⵡⵡⵓⵔⵉ ⴰⴷ ⵏ ⵓⵙⴳⴳⵯⴰⵙ ⵏ 2023, ⴳ ⵢⵉⵔⵉ ⵏ ⵡⴰⴽⴰⵍ ⴷ ⵉⵎⴰⴷⴰⵏ, ⴷ ⵓⵙⵔⴱⵉ ⵏ ⵓⵙⴽⴽⵉⵔ ⵏ ⵉⵡⵜⵜⴰⵙⵏ ⵏ ⵜⵏⴼⴰⵍⵉⵜ, ⴷ ⵓⵙⴱⴷⴷ ⵏ ⵓⴼⵔⴰ ⴰⵎⴰⴹⵍⴰⵏ, ⴷ ⵜⴼⵍⵙⵜ ⴳ ⵓⵎⴰⴹⴰⵍ ⴰⵎⵓⵟⵟⵓⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%8F%E2%B4%B7%E2%B5%94%E2%B5%89-%E2%B4%B0%E2%B5%A5%E2%B5%93%E2%B5%8D%E2%B4%B0%E2%B5%A2-%E2%B5%89%E2%B5%99%E2%B5%A1%E2%B4%B0%E2%B5%8D%E2%B4%B0-%E2%B5%9C-%E2%B5%89%E2%B5%8F%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B4%B1%E2%B4%B0%E2%B5%94%E2%B5%89%E2%B5%A3-%E2%B5%89-%E2%B5%93%E2%B4%BC%E2%B5%94%E2%B4%B0