ⵉⵏⵏⴰ ⵡⵙⵉⵡⴹ ⵏ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ " ⵉⵙⵏⵉ ⵏ ⵡⵓⵔⵖ" ⴰⵎⴰⴹⵍⴰⵏ ⵏ ⵍⴼⵉⵍⵎ ⴰⵎⴰⵣⵉⵖ ⵎⴰⵙ ⵄⵍⵍⴰ ⴳ ⵜⵙⵓⵜⵍⵜ ⴰⴷ ⵜⵜⵓⵙⵏⵎⴰⵍⴰ ⵙ ⵜⴷⵔⴰⵡⵜ ⵏ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴷ ⵡⴰⵏⵏⴰⵍ ⵏ ⵓⵙⵇⵇⵉⵎ ⵏ ⵜⵎⵏⴰⴷⵜ ⵏ ⵙⵓⵙ ⵎⴰⵙⵙⵜ ⴷ ⴰⵎⵎⴰⵙ ⵏ ⵙⵙⵉⵏⵉⵎⴰ ⴰⵎⴰⵖⵔⴱⵉ ⵙⵉⵏ ⵏ ⵉⵎⵃⵉⵣⵡⴰⵔ ⵉⵣⵍⵉⵏ ⵙ ⵍⴼⵉⵍⵎ ⴰⵎⴰⵣⵉⵖ ⴷ ⵓⵎⵃⵉⵣⵡⴰⵔ ⴰⵎⴰⴷⵍⴰⵏ ⵓⵍⴰ ⴰⵙⴼⵙⵔ ⵏ ⵓⴳⴳⵔ ⵏ 40 ⴼⵉⵍⵎ ⵉⵎⵢⴰⵏⴰⵡⵏ ⵉⵍⵍⴰ ⴳⵉⵙⵏ ⵉⵙⵢⴰⴼⵓⵏ ⵉⵏⴰⵎⵓⵔⵉⵏ ⵉⵎⴰⴹⵍⴰⵏ .
ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵔⴰⴷ ⵉⴳ ⵓⵏⵎⵓⴳⴳⴰⵔ ⴰⴷ ⵙⴳ ⵜⵖⵔⵎⵜ ⵏ ⵓⴳⴳⴰⴷⵉⵔ ⵡⴰⵏⵙⴰ ⵏ ⵓⵙⵡⵉⵏⴳⵎ ⴷ ⵉⵙⵏⴼⵍⵏ ⴰⴷⵍⵙⴰⵏ ⵍⵍⵉⵖ ⵔⴰⴷ ⵉⴷⵔⵓ ⴳⵉⵙ ⵉⵏⴱⴳⵉⵡⵏ ⵏ ⵓⵏⵎⵓⴳⴳⴰⵔ ⵙⴳ ⵎⵛⵜⴰ ⵏ ⵉⵏⵙⴰⵏ ⵏ ⵓⵎⴰⴹⴰⵍ ⴳ ⵉⵔⵉⵎⵏ ⵏⵙⵏⵏ ⴷ ⵉⵙⵡⵉⵏⴳⵎⵏ ⵏⵙⵏⵏ ⵅⴼ ⵙⵙⵉⵏⵉⵎⴰ ⴷ ⵓⴳⵔⴰⵡ ⵉⵎⵢⴰⵏⵡⴰⵏ ⵙⴳ ⵜⵖⴰⵡⵙⵉⵡⵉⵏ ⵏ ⵓⵙⵡⵉⵏⴳⵎ ⵔⴰⴷ ⵉⵙⴼⵓⴳⵍⵓ ⵓⵏⵎⵓⴳⴳⴰⵔ ⵓⵍⴰ ⵙ ⵓⵎⵢⴰⵏⴰⵡ ⴰⴷⵍⵙⴰⵏ ⵉⵖⴱⴰⵏ ⴳ ⵜⵙⴳⴰ ⵏ ⵙⵓⵙ .