Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵙⵓⵜⵍⵜ ⵜⵉⵙⵙ ⴽⴽⵓⵣ ⵏ ⵓⵙⴳⵔⴰⵡ ⵏ ⵓⵙⵙⴰⵔⵓ ⴰⴼⵔⵉⵇⵉ 
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵙⵓⵜⵍⵜ ⵜⵉⵙⵙ ⴽⴽⵓⵣ ⵏ ⵓⵙⴳⵔⴰⵡ ⵏ ⵓⵙⵙⴰⵔⵓ ⴰⴼⵔⵉⵇⵉ 

08 ⵏⵓⵡⴰⵏⴱⵉⵔ 2023 Version Imprimable
ⵎⵕⵕⴰⴽⵯⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵡⴰⵙⵙ ⵏ ⵓⴽⵕⴰⵙ ⵜⴰⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵙⵓⵜⵍⵜ ⵜⵉⵙⵙ ⴽⴽⵓⵣ ⵏ ⵓⵙⴳⵔⴰⵡ ⵏ ⵓⵙⵙⴰⵔⵓ ⴰⴼⵔⵉⵇⵉ ⵏⵏⴰ ⵜⵎⵓⵏ ⵜⵉⵡⵉⵔⵉⵡⵉⵏ ⵏⵏⵙ ⴳ ⵎⵕⵕⴰⴽⵯⵛ ⵙⴳ 8 ⴰⵔ 10 ⵏⵓⵡⴰⵏⴱⵉⵔ ⴰⴷ ⴷⴷⵓ ⵏ ⵜⵎⴰⵜⴰⵔⵜ " ⵜⴰⴷⵔⵓⴼⵉ ⵏ ⵓⵙⴷⴷⵉ ⵏ ⵡⴰⵜⵉⴳ ⴳ ⵉⴼⵔⵉⵇⵢⴰ " 

ⵀⴰ ⵎⴰⴷ ⵢⵓⵛⴽⴰⵏ ⴳ ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵏⵏⴰ ⵉⵖⵔⴰ ⵎⴰⵙⵙ ⵄⵓⵎⴰⵔ ⵍⵇⴱⴰⵊ ⴰⵎⵛⵛⵉⵡⵉⵕ ⵏ ⴱⴰⴱ ⵏ ⵡⴰⴷⴷⵓⵔ 

ⵉⵙⵓⵙⵎⵉ ⴰⴷ ⵏⵡⵣⵏ ⵉⵏⴰⵡ ⴰⴷ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ ⴽⴽⵓⵣ ⵏ ⵓⵙⴳⵔⴰⵡ ⵏ ⵓⵙⵙⴰⵔⵓ ⴳ ⵉⴼⵔⵉⵇⵢⴰ ⵎⴰⵢⴷ ⵉⵎⴰⵏ ⴳ ⵜⴽⵍⵉⵜ ⵜⴰⵎⴰⵣⵡⴰⵔⵓⵜ ⴳ ⵍⵎⵖⵔⵉⴱ ⴷ ⵏⴼⴽⴰ ⵉⵡⵉⵣ ⵏⵏⵖ ⵢⴰⵜⵜⵓⵢⵏ ⵉ ⵓⵙⴳⵔⴰⵡ ⴰⴷ ⴰⵎⵏⵣⴰⵡ ⵎⴰⵔⴰ ⴰⴷ ⵏⵙⴷⴷⵉⴷ ⴰⴷⴷⵓⵔ ⵍⵍⵉ ⵏⴼⴽⴰ ⴳ ⵡⴰⵏⵏⴰⵍ ⴰⵛⴽⵓ ⵉⴳⴰ ⵡⴰⵏⵙⴰ ⵏ ⵓⵏⵎⵓⵇⵇⴰⵔ ⴷ ⵉⵛⵛⴰⵔⵏ ⵏ ⵉⵔⵎⵉⵏ ⴷ ⵉⵎⵓⵣⴰⵢⵏ ⵉⴼⵔⵉⵇⵢⵉⵏ ⴰⴼⴰⴷ ⵏ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵉⵙⵙⴰⵔⵓⵏ ⴳ ⵓⵎⵏⵣⴰⵡ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ ⵜⴰⵎⴰⵜⴰⵢⵜ .

ⵜⴳⴰ ⵜⵓⵎⵔⵜ ⵙ ⵓⵣⵎⵎⵣⵓ ⴷⵖ ⴰⴷ ⵏⵣⵓⵍ ⴽⵉⵢⵓⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵖⵔⵎⵜ ⵜⴰⵣⴳⴳⴰⵖⵜ  ⵎⴰⵢⴰⴷ ⵜⵜⵢⵓⵙⵙⴰⵏ ⴳ ⵡⴰⵢⴷⴰ ⵏⵏⵙ ⴰⵎⵣⵔⵓⵢ ⴷ ⴰⴷⵎⵙⴰⵏ ⴷ ⵉⵜⵉⴳⵏ ⵏ ⵜⴰⵣⴷⵓⵢⵜ ⴷ ⵜⴰⴱⴷⴰⵜ ⵎⴰⵢⴰⴷ ⴳⴰⵏⵜ ⴳ ⵓⵎⵖⵍⴰⵍ ⴳ ⵓⵎⵎⴰⵙ ⵏ ⵜⴰⵏⴰⵢⵜ ⵏⵏⵖ ⴰⴼⴰⴷ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴰⵎⵙⴽⴰⵔ ⴷ ⵓⵏⴱⴷⴰⴷ ⴳ ⴰⴽⴽⵯ ⵉⴳⵔⵏ . 

 ⵜⵎⵓⵏ ⵜⴰⵙⵓⵜⵍⵜ ⴰⴷ ⵏ ⵓⵙⴳⵔⴰⵡ ⵏ ⵉⵙⵙⴰⵔⵓⵏ ⴳ ⵉⴼⵔⵉⵇⵢⴰ ⴳ ⵓⵙⴰⵜⵉ ⴰⵎⴰⴹⵍⴰⵏ ⴷⴰⵜ ⵏ ⵓⵎⵏⵣⴰⵡ ⵏ ⵉⴼⵔⵉⵇⵢⴰ ⴷⴰⵜ ⵏ ⵜⵥⴰⵕⵉⵏ ⵜⵉⴷⵎⵙⴰⵏⵏ ⵉⵛⵇⵇⴰⵏ ⵎⴰⵢⴰⴷ ⵢⵓⴷⴷⵊⴰⵏ ⵏ ⵜⵉⵎⵓⴽⵔⵉⵙⵉⵏ ⴰⵊⵢⵓ ⵉⵙⵔⵜⴰⵏ ⴰⴷ ⵣⵔⵉⵏ ⵉⵡⵜⵜⵓ ⵏⵏⵖ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ 

ⴷ ⵉⵣⴰⵢⴷ ⵅⴼ ⵓⵢⴰ ⵜⵏⴰⵥⵔⵉⵏ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵎⴰⵢⴰⴷ ⵜⴹⵉⵚ ⴳ ⵜⴳⵎⵉ ⵏ ⵓⵎⵏⵣⴰⵡ ⵎⵇⵇⴰⵕ ⵎⴰⵙ ⵓⵙⵖⵍ ⵏ ⵜⴷⵔⴰⵡⵜ ⴳ ⴰⴳⴰⵣ  ⵉⵔⵖⴰⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵓⵔ ⵜⵓⴳⴳⵔ 4%. 

 ⴳ ⵓⵎⵎⴰⵙ ⵏ ⵓⵙⵙⴰⵏ ⵓⵔ ⵉⵣⵡⵓⵔⵏ ⴷ ⵜⵜⵓⵜⵔⴰ ⵏ ⵓⵙⵥⵔⴼ ⵏ ⵜⴳⵎⵉ ⵏ ⵓⵎⵏⵣⴰⵡ ⵉⴼⵔⵉⵇⵉ ⵉⵣⴰⵢⴷ ⵏ ⵜⵉⵍⴰⵍⵜ ⵖⵓⵔ ⵉⴳⵔ ⵓⵙⵍⵉⴳ ⵎⴰⵔⴰ ⴰⴷ ⵉⵍⴽⵎ ⵏ ⵉⵡⵜⵜⴰⵏ ⵏ ⵓⵏⴳⵎⵓ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴰⵛⴽⵓ ⵉⴳⵔ ⴰⵎⴰⵜⵜⵢ ⵓⵔ ⵉⵥⴹⴰⵕ ⵖⴰⵙ ⵏⵜⵜⴰ ⴰⴷ ⵉⴼⴽⴰ ⵓⴳⵔⴰⵡ ⵏ ⵉⵙⵙⴰⵔⵓⵏ ⵉⵅⵚⵚⴰⵏ ⵉⵍⵍⴰ ⴳⵉⵙⵏ ⵡⵉⵏⵏ ⵉⴷⴷⴰⵏ ⵏ ⵉⴳⵔⴰⵏ ⵏ ⵉⵎⴰⵍ ⴷ ⵜⵉⵥⴹⵕⵏ  ⵢⴰⵜⵜⵓⵢⵏ ⴷ ⵉⴳⵍⴰⵏ ⴳ ⵉⵣⵎⵣ ⵏ ⵜⵡⵓⵔⵉ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵓⵔ ⵉⵍⵉ ⵛⵛⵉⴽ ⵎⴰⵙ ⴰⵙⴽⵔ ⵏ ⵜⵉⵥⵟⵟⴰ ⵉⵙⵉⴷⴼⵏ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵉⴳⴰ ⵜⴰⴼⴰⴷⴰ ⵜⴰⴷⵍⵙⴰⵏⵜ ⵏ ⵜⵓⴳⵉ ⵏ ⵓⵙⴷⴷⵉ ⵡⴰⵜⵉⴳ ⴳ ⵓⵙⵡⵉⵔ ⴰⵙⴳⴰⵡⵏ ⵉⵅⵚⵚⴰ ⴰⴷ ⵏⵉⵏⵉ ⵎⴰⵙ ⵍⵄⴰⵣⵊ ⵉⵜⵜⵓⵣⵎⵎⵉⵎ ⴳ ⵜⵓⵚⴽⵉⵡⵜ ⵏ ⵜⵏⴰⴷⴷⵉⵏ ⴳ ⵓⵙⵡⵉⵔ ⴰⵎⵏⵣⴰⵡ ⵉⴳⴰ ⵢⴰⵏ ⵉⴼⵔⴷⵉⵙⵏ ⵉⴷⵍⵙⴰⵏⵏ ⴰⴷ ⵓⵔ ⴷⴷⵊⵉⵏ ⵉⵙⵙⴰⵔⵓⵏ ⴳ ⵉⴼⵔⵉⵇⵢⴰ ⵏ ⴽⵓⵍ ⵏ ⵜⵉⴹⵕⴰ ⵏⵙⵏⵏ ⴳ ⵜⵎⵔⵏⵉⵡⵜ ⴷ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ.

ⵉⵙⴱⴰⵢⵏ ⴳ ⴰⵙⵎⵣⴰⵣⴰⵍ ⴳ ⵜⵎⴰⵜⴰⵔⵉⵏ ⵏ ⵜⵏⴽⵔⴰⵙ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵜⴽⵏⵉⵜ ⵏⵏⵙ ⴳ ⵜⵎⵏⴰⴹⵉⵏ ⵢⴰⴹⵏ ⴳ ⵓⵎⴰⴹⴰⵍ ⵎⴰⵙ ⵉⵍⵍⴰ ⴳ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⵉⵅⵚⵚⴰⵏ ⴰⵅⴰⵜⴰⵔ ⴳ ⵉⴳⵔⴰ ⴰⴷ .

 ⵉⴳⴰ ⵉⴳⵔ ⵏ ⵜⵉⵥⴹⵕⴰ ⴳ ⵜⵡⵍⴰⴼⵜ ⵜⵓⵙⵍⵉⴳⵜ ⴳ ⵉⴳⵔⵏ ⵎⴰⵢⴰⴷ ⵉⵙⴱⴰⵢⵏ ⵏ ⵓⵄⵟⵕ ⵉⵍⵍⴰⵏ ⴳ ⵉⴼⵔⵉⵇⵢⴰ ⵎⴰⴷ ⵉⵣⵍⵉⵏ ⵏ ⵜⵏⴽⵔⵙ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵉⵏ ⵎⵇⵇⴰⵕ ⵎⴰⴷ ⵉⵍⴰⵍⵏ ⵏ ⵜⵉⵥⴷⵕⴰ ⵉⵎⵇⵇⵓⵕⵏ ⴳ ⵉⴳⵔ ⵏ ⵜⵥⴹⴰⵕⵜ ⵏ ⵡⴰⴽⴰⵍ ⴷ ⵉⵙⵎⴰⵢⵏⵓⵏ ⴷ ⵓⵙⵖⵍ ⵏ ⵜⵉⴽⴽⵉ ⵏ ⵡⴰⵙⵉⴷ ⵉⵇⴰⵎⵎⴰ ⵉⴷⵔⵓⵙ ⴱⴰⵀⵔⴰ ⴰⵎⵎ ⵉⵍⵍⴰⵏ ⴳ ⵜⵉⴷⵜ ⴳ ⵜⵉⵎⵏⴰⴹⵉⵏ ⴳ ⵓⵎⴰⴹⴰⵍ ⵏ ⵉⵃⵔⵛⵏ  

ⵉⵅⵚⵚⴰ ⴰⴷ ⵏⵉⵏⵉ ⵜⴰⵎⵓⴽⵔⵉⵙⵜ ⵜⴰⵎⵇⵇⵕⴰⵏⵜ ⴰⴷ ⴷ ⵓⵣⵛⵛⵍ ⴳ ⵜⵡⵓⵔⵉ ⵏ ⵓⴼⵙⵙⴰⵢ ⵏⵏⵙ ⴳ ⵜⵡⵍⴰⴼⵜ ⵉⵜⵜⴰⵎⴰⵏ ⴷ ⵜⵖⵔⴰ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵉⵏ ⵓⵔ ⵜⴷⵔⴰ ⵖⴰⵙ ⴳ ⵜⴳⵎⵉ ⵜⴰⴷⵎⵙⴰⵏⵜ ⵎⴰⵛⵛⴰ ⵓⵍⴰ ⵖⵓⵔⵙ ⵜⵉⵍⴰⵍⵜ ⵉⴷⴷⵓⵔⵏ ⴳ ⵜⴳⵎⵉ ⵜⴰⵏⴼⴳⴰⵏⵜ ⴷ ⴰⴷⵔⵓ ⴳ ⵓⵙⵍⴽⵎ ⵏ ⵜⴰⵏⴰⴼⵓⵜⵉⵏ ⵜⵉⴷⵓⵙⴰⵏ ⴷ ⵡⵉⵏⵏ ⵙⵓⵙⵍⵎⴰⴷ ⴷ ⵓⵎⵓⵙⵙⴰⵏ ⵏ ⵓⵙⵢⴰⴼⵓ ⵏ ⵜⵎⴰⵙⵙⵏⵜⵉⵏ  ⵜⵉⵎⵣⵢⴰⵏⵉⵏ ⴷ ⵜⵉⵎⵊⵀⴷⵉⵏ .

ⴰⵄⵟⵟⵔ ⵜⵜⵓⵣⵎⵎⵉⵎ ⴳ ⵜⵎⵔⵏⵉⵡⵜ ⵏ ⵜⵓⵚⴽⵉⵡⵜ ⵏ ⵜⵏⴰⴷⴷⵉⵏ ⴳ ⵉⴼⵔⵉⵇⵢⴰ ⵍⵍⵉ ⵖ ⵉⵍⵍⴰ ⴰⵡⴰⵍ ⵉⴳⴳⵓⵜⵏ ⵉⵙⵇⵙⵉ ⴰⵖ ⴰⴽⴽⵯ ⴷ ⵉⵅⵚⵚⴰ ⵏ ⵓⵖⴰⵡⵍ ⴰⴷ ⵏⵣⵔⵉ ⴰⴼⴰⴷ ⵏ ⵓⵙⵔⵇⴱ ⵏ ⵜⵓⴳⵉ ⵏ ⵓⵙⴷⵉ ⵏ ⵡⴰⵜⵉⴳ ⴰⵙⴳⴰⵡⴰⵏ ⵎⴰⵢⴷ ⵢⵓⴷⴷⵊⴰⵏ ⵏ ⵓⵖⴰⵡⴰⵍ ⵏ ⵓⵙⵏⴼⵍ ⵏ ⵓⵙⵢⴰⴼⵓ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ.

ⴳ ⵓⵙⴰⵜⵉ ⴷⵖ ⵎⴰⵙ ⵓⵙⴳⵔⴰⵡ ⵏ ⵓⵙⵙⴰⵔⵓ ⴳ ⵉⴼⵔⵉⵇⵢⴰ ⵉⴳⴰ ⴰⵎⵎⴰⴽ ⵏ ⵜⵡⵓⵔⵉ ⴳ ⵉⴼⵔⵉⵇⵢⴰ ⴰⴼⴰⴷ ⵏ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵜ ⵏ ⵓⵙⵙⵥⵕⴼ ⵏ ⵉⵙⵙⴰⵔⵓⵏ ⴳ ⵓⵣⴷⵉ ⴳⵔ ⵉⵎⵙⵔⵓⵏ ⵙⴰⵍⴰⵡⵏ ⴰⴽⴽⵯ ⵓⵙⵍⵉⴳⵏ ⴷ ⵡⵉⵏⵏ ⵖⵓⵔⵙⵏ ⵉⵙⵏⵜⵉⵏ ⵎⴰⵢⴰⴷ ⵥⴷⴰⵕⵏ ⴰⴷ ⵓⵎⵎⵣⵏ ⵏ ⵡⴰⵏⵏⴰⵍ ⴰⵜⵉⵇⵉ ⵉ ⵉⵎⵙⵔⴰⵡⵏ ⴳ ⵉⴳⵔ ⵏ ⵜⵉⴳⵎⵉ.  

 

Dernière modification : 08 ⵏⵓⵡⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%A3-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%99%E2%B5%99%E2%B4%B0%E2%B5%94%E2%B5%93-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%C2%A0