Published on MAPNews (https://www.mapnews.ma/am)

Accueil > ⵎⵏⵉⴷ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵜⵓⴳⴳⴰ ⴷ ⵜⵅⵏⴷⴰⵍⵍⴰⵙⵜ ⵏ ⴷⵣⴰⵢⵔ ⵉⵔⴰⵏ ⴰⴷ ⴰⴽⴽⵯ ⵜⵙⵏⵏⵙⵜⵎ ⵉⵥⵥⵍⵎⴹ ⵏ ⵜⴼⵔⵉⵇⵜ.

ⵎⵏⵉⴷ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵜⵓⴳⴳⴰ ⴷ ⵜⵅⵏⴷⴰⵍⵍⴰⵙⵜ ⵏ ⴷⵣⴰⵢⵔ ⵉⵔⴰⵏ ⴰⴷ ⴰⴽⴽⵯ ⵜⵙⵏⵏⵙⵜⵎ ⵉⵥⵥⵍⵎⴹ ⵏ ⵜⴼⵔⵉⵇⵜ.

27 ⴽⵟⵓⴱⵕ 2023 Version Imprimable
ⵜⵉⵎⵓⵔⴰ ⵎⵓⵏⵏⵉⵏ (ⵏⵢⵓⵢⵓⵕⴽ) - ⴳ ⵓⵎⵙⴰⵡⴰⵍ ⵏ ⵓⵙⵇⵇⵉⵎ ⵏ ⵓⴼⵔⴰ ⴰⴳⵔⴰⵖⵍⴰⵏ ⴳ ⵏⵢⵓⵢⵓⵕⴽ ⵅⴼ ⵜⴷⵔⴰⵡⵜ ⵏ ⵜⵎⵖⴰⵔⵜ ⴳ ⵓⴼⵔⴰ ⴰⴳⵔⴰⵖⵍⴰⵏ, ⵜⵓⴳⴳⴰ ⴷ ⵜⵅⵏⴷⴰⵍⵍⴰⵙⵜ ⵏ ⵜⵣⴰⵢⵔ ⵉⵔⴰⵏ ⴰⴷ ⴰⴽⴽⵯ ⵜⵙⵏⵏⵙⵜⵎ ⵉⵥⵥⵍⵎⴹ ⵏ ⵜⴼⵔⵉⵇⵜ.

ⴳ ⵓⵏⵎⵓⵇⵇⴰⵔ ⴰⴷ ⵉⵍⵍⴰⵏ ⴰⵙⵙ ⵏ ⵓⴽⵡⴰⵙ, ⵜⵏⵏⴰ ⵎⴰⵊⴷⴰ ⵎⵓⵜⵛⵓ, ⵜⴰⵎⴰⵡⴰⵙⵜ ⵉⵍⵍⴰⵏ ⴳ ⵜⵎⴰⵣⴰⵏⵜ ⵏ ⴰⴱⴷⴰ ⵜⴰⵎⵖⵔⴰⴱⵉⵜ ⴳ ⴷⴰⵔ ⵜⵎⵓⵔⴰ ⵎⵓⵏⵏⵉⵏ, ⴳ ⵜⵎⵔⴰⵔⵓⵜ ⵅⴼ ⵜⴽⵛⵛⵓⵎⵜ ⵏ ⴷⵣⴰⵢⵔ ⴰⴽⴽⵯ ⵉⴳⴰⵏ ⵉⴱⴰⴹⴰⵏ ⴷ ⵜⴽⵔⴽⴰⵙ ⵅⴼ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ, ⵎⴰⵙⴷ "ⴷⵣⴰⵢⵔ, ⵖⵉⴽⵍⵍⵉ ⴱⴷⴷⴰ, ⵜⵔⴰ ⴰⴷ ⵜⵔⵡⵉ ⴰⵎⵙⴰⵡⴰⵍ ⵜⵙⴽⵔ ⴳⵉⵙ ⴰⵢⵍⵍⵉ ⵜⵔⴰ ⴼⴰⴷ ⴰⴷ ⵜⵙⵏⵏⵙⵜⵎ ⵉⵥⵥⵍⵎⴹ ⵏ ⵜⴼⵔⵉⵇⵜ"

ⵜⵙⵎⴷ ⵎⴰⵙⴷ "ⴷⵣⴰⵢⵔ ⵉⵇⵇⴰⵏ ⴷ ⴰⴷ ⵜⵎⵔⴳ ⵉⵖ ⵔⴰⴷ ⵜⴰⴷⴷⵔ ⵜⴰⵏⵣⵔⵓⴼⵜ ⵜⴰⵎⵖⵔⴰⴱⵉⵜ, ⴰⵛⴽⵓ ⵜⵇⵇⵏⵏ ⵉⵎⵣⴷⴰⵖⵏ ⵉⴳⴳⵓⵜⵏ, ⴳⵉⵙⵏ ⵜⴰⵣⵣⴰⵏⵉⵏ ⴷ ⵜⵎⵖⴰⵔⵉⵏ, ⴳ ⵓⴱⵏⵉⵇⵇ ⵍⵍⵉ ⵎⵎⵉ ⵙⵙⴰⵖⵏ ⵉⴳⵉⵟⴰⵏ ⵏ ⵜⵉⵏⴹⵓⴼ", ⵜⵣⵎⵎⵉⵎ ⵓⵍⴰ ⵎⴰⵙⴷ ⵜⵉⵎⵖⴰⵔⵉⵏ ⵖⵉⵏⵏ ⴷ ⵜⴼⵔⵅⵉⵏ ⵍⵍⴰⵏⵜ ⴷⴷⵓ ⵓⴼⵓⵙ ⵏ ⴷⵣⴰⵢⵔ ⴷ ⴱⵓⵍⵉⵥⴰⵕⵢⵓ ⵉⵍⴰⵏ ⵜⴰⵣⴷⴰⵢⵜ ⴷ ⵜⵖⵡⵡⴰⵖⵜ, ⵙⴽⵔⵏ ⴳⵉⵙⵏⵜ ⴰⵎ ⵜⵉⵡⵉⵡⵉⵏ.

ⵜⵉⵏⵉ ⵜⴷⵉⴱⵍⵓⵎⴰⵙⵉⵜ, ⵙⴳ ⴰⵢⵍⵍⵉ ⴷ ⵜⵓⵙⵉ ⴷⴰⵔ ⵜⵙⵏⵖⵎⴰⵙⵜ ⵜⴰⴳⵔⴰⵖⵍⴰⵏⵜ, ⵎⴰⵙⴷ ⵓⴳⴳⴰⵔ ⵏ 150 ⵏ ⵜⴼⵔⵓⵅⵜ ⵜⵜⵢⴰⵎⴰⵥⵏⵜ ⴱⵍⴰ ⵔⴰⵏⵜ ⴳ ⵉⴳⵉⵟⴰⵏ ⴰⴷ, ⴳⵉⵙⵏⵜ ⵎⴰⵄⵍⵓⵎⴰⵜ ⵎⵓⵔⴰⵍⵉⵙ, ⴷ ⴷⴰⵔⵢⴰ ⵎⴱⴰⵔⴽ ⵙⴰⵍⵎⴰ, ⴷ ⵏⴰⵊⵢⴰ ⵎⵓⵃⵎⵎⴰⴷ ⴱⵍⵇⴰⵙ, ⴷ ⴽⵓⵔⵢⴰ ⴱⵉⴷⴱⴰⴷ ⵃⴰⴼⴹ, ⴷ ⴽⵉⴳⴰⵏ ⴰⴹⵏⵉ ⴱⵍⴰ ⵅⵜⵉⴷ ⵉⴳⴰⵏ ⵜⵓⵏⴳⵉⵙⵉⵏ ⵏ "ⴱⵓⵍⵉⵥⴰⵕⵢⵓ" ⵎⵎⵉ ⵉⴳⴰ ⴰⵏⵙⵙⵉⵅⴼ ⵏⵏⵙ "ⵉⴱⵕⴰⵀⵉⵎ ⵖⴰⵍⵉ", ⵍⵍⵉ ⵜⴹⴼⵕ ⵜⵏⵣⵣⴰⵔⴼⵓⵜ ⵜⴰⵡⵕⵓⴱⴱⵉⵜ ⵙ ⵜⵓⵍⵎⴰⵙ ⵎⴰⵙ ⵉⵙⴽⵔ ⵉⴱⴽⴽⵉⴹⵏ ⵎⴳⴰⵍ ⵜⵏⴰⴼⴳⴰⵏⵜ, ⴷ ⵉⴱⴽⴽⴰⴹⵏ ⵅⴼ ⵜⵎⵖⴰⵔⵉⵏ ⵙⵍⴰⵡⴰⵏⴷ ⴰⴽⴽⵯ ⵅⴰⴷⵉⵊⴰ ⵎⴰⵃⵎⵓⴷ.

ⴰⵢⵍⵍⵉ ⵖⵉⵏ ⵉⵙⴰⵔⵏ ⵉ "ⵜⴰⵣⵣⴰⵏⵉⵏ, ⵙⵍⴰⵡⴰⵏⴷ ⴰⴽⴽⵯ ⵜⵉⴼⵔⵅⵉⵏ ⵎⵥⵥⵉⵏⵉⵏ ⴳ ⵉⴳⵉⵟⴰⵏ ⵏ ⵜⵉⵏⴹⵓⴼ, ⵍⵍⵉ ⵙ ⵔⴰⵏ ⴰⴷ ⴳⵉⵙⵏ ⵙⴽⵔⵏ ⵉⵙⵔⴷⴰⵙⵏ", ⵜⵉⵏⵉ ⵎⴰⵙⴷ ⴰⵎⴰⴹⴰⵍ ⵉⵥⵎⴰ ⵍⵍⵉⵖ ⵉⵥⵕⴰ ⵉⴱⵉⴷⵢⵓⵜⵏ ⵏ ⵜⴰⵣⵣⴰⵏⵉⵏ ⵉⵍⵍⴰⵏ ⴳ ⵜⴽⵔⵔⴰⵢⵜ ⵏ ⵜⵙⵔⴷⴰⵙⵜ, ⵣⴳ ⴷⴰⵔ "ⴱⵓⵍⵉⵥⴰⵕⵢⵓ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B5%9C%E2%B5%93%E2%B4%B3%E2%B4%B3%E2%B4%B0-%E2%B4%B7-%E2%B5%9C%E2%B5%85%E2%B5%8F%E2%B4%B7%E2%B4%B0%E2%B5%8D%E2%B5%8D%E2%B4%B0%E2%B5%99%E2%B5%9C-%E2%B5%8F-%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B5%89%E2%B5%94%E2%B4%B0%E2%B5%8F-%E2%B4%B0%E2%B4%B7-%E2%B4%B0%E2%B4%BD%E2%B4%BD%E2%B5%AF-%E2%B5%9C%E2%B5%99%E2%B5%8F%E2%B5%8F%E2%B5%99%E2%B5%9C%E2%B5%8E-%E2%B5%89%E2%B5%A5%E2%B5%A5%E2%B5%8D%E2%B5%8E%E2%B4%B9-%E2%B5%8F