Published on MAPNews (https://www.mapnews.ma/am)

Accueil > "ⴰⴷⵍⵉⵙ ⵓⵎⵍⵉⵍ ⵉ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ" ⵜⴰⵥⵕⵉⴳⵜ ⵜⴰⵎⴰⵢⵏⵓⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵣⵔⴰⵡⵉⵏ ⵜⵉⵙⵜⵔⴰⵜⵉⵊⵉⵏ

"ⴰⴷⵍⵉⵙ ⵓⵎⵍⵉⵍ ⵉ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ" ⵜⴰⵥⵕⵉⴳⵜ ⵜⴰⵎⴰⵢⵏⵓⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵣⵔⴰⵡⵉⵏ ⵜⵉⵙⵜⵔⴰⵜⵉⵊⵉⵏ

16 ⴽⵟⵓⴱⵕ 2023 Version Imprimable
ⵕⵕⴱⴰⵟ - ⵉⴼⵙⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵣⵔⴰⵡⵉⵏ ⵜⵉⵙⵜⵔⴰⵜⵉⵊⵉⵏ, ⴳ ⵜⴰⵙⵏⴰ ⵏⵏⵙ ⵜⵉⵍⵉⴽⵜⵔⵓⵏⵉⵜ, ⵢⴰⵏ ⵓⴷⵍⵉⵙ ⵉⴳⴰⵏ ⵙ ⵓⵣⵡⵍ "ⴰⴷⵍⵉⵙ ⵓⵎⵍⵉⵍ ⵉ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ".

ⵢⵉⵡⵉ ⴷ ⵓⵙⵉⵡⴹ ⵏ ⵓⵙⵉⵏⴰⴳ ⵎⴰⵙ ⴷ ⴰⴷⵍⵉⵙ ⴰⴷ, ⵍⵍⵉ ⵉⵍⵍⴰⵏ ⵙ ⵜⵄⵕⴰⴱⵜ ⴷ ⵜⴼⵕⴰⵏⵕⵉⵕⵜ ⴷ ⵜⵏⴳⵍⵉⵣⵜ ⴷ ⵜⵕⴱⵏⵢⵓⵍⵜ, ⵢⵓⵛⴽⴰ ⴷ ⴹⴰⵕⵜ ⵏ ⵎⴰⴷ ⵉⵍⵍⴰ ⵢⴰⵏ ⵓⵎⴰⵡⴰⵍ ⵙ ⵎⵏⵏⴰⵡⵜ ⵜⵓⵜⵍⴰⵢⵉⵏ ⵅⴼ ⵜⵎⵏⵜⵉⵍⵜ ⴰⴷ, ⵢⵉⵏⵉ ⵎⴰⵙ ⵙⵡⵡⵓⵔⵉⵏ ⵖⵉⵍⴰ ⵅⴼ ⵜⵓⵏⵖⵉⵍⵜ ⵜⴰⵎⴰⵣⵉⵖⵜ.

ⵉⵙⵙⵓⵎⴰⵏ ⵓⵙⴰⴳⵎ ⴰⴷ ⵏⵉⵜ ⵎⴰⵙⴷ ⴰⴷⵍⵉⵙ ⵓⵎⵍⵉⵍ "ⴰⵔ ⵉⵜⵜⵓⵔⵔⵉ ⵙ ⵉⵥⵓⵕⴰⵏ ⵏ ⵉⵎⵏⵖⵉ ⵉⵜⵜⵓⵙⴽⴰⵔⵏ ⵅⴼ ⵜⵏⵣⵔⵓⴼⵜ, ⴰⵔ ⴷ ⵉⵙⵙⴽⵜⴰⵢ ⵙ ⵜⵔⵙⴰⵍ ⵏ ⵜⵏⴱⴰⴹⵜ ⵏ ⵍⵎⵖⵔⵉⴱ ⵅⴼ ⵜⵙⴳⴰ ⴰⴷ, ⵢⴰⵡⵉ ⴷ ⵓⵍⴰ ⴰⴷⴷⴰⴷ ⵍⵍⵉ ⴳ ⴷⴷⵔⵏ ⵉⵎⵣⴷⴰⵖⵏ ⵏⵏⵙ ⵖⵉⵍⴰ, ⵉⵙⵙⵔⵖ ⵜⵉⴼⴰⵡⵜ ⵅⴼ ⵜⵏⴼⴰⵍⵉⵜ ⵉⵍⵍⴰⵏ ⵙ ⵓⴷⵡⴰⵙ ⵏ ⵜⴳⵍⴷⵉⵜ ⵏⵏⵖ ⵙ ⵓⵙⵙⵉⵅⴼ ⴰⵎⵉⵖⵉⵙ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵙ ⵓⵎⴳⴰⵍ ⵏ ⵥⵥⵍⴹ ⴷ ⴳⴰⵔ ⴰⴷⴷⴰⴷ ⵍⵍⵉⵖ ⵍⵍⴰⵏ ⵉⵎⵣⴷⴰⵖⵏ ⵏ ⵉⴳⵉⵟⴰⵏ ⵏ ⵜⵉⵏⴹⵓⴼ".

ⵜⵙⵎⵓⵏ ⵜⵥⵕⵉⴳⵜ ⴰⴷ ⴽⴽⵓⵥ ⵉⴳⵣⵎⴰⵏ, ⴰⵎⵣⵡⴰⵔⵓ ⵉⵍⴰ ⴰⵣⵡⵍ ⵏ "ⴰⵣⵍⵍⵓⵣⵣⵓ ⵏ ⵓⵎⴷⴷⵓⵔⵔⵓⵢ ⵉ ⵜⴳⵍⴷⵉⵜ ⵜⴰⴼⵓⵥⴰⵕⵜ ⵏ ⵍⵎⵖⵔⵉⴱ ⴳ ⵜⴰⵙⵓⵜⵉⵏ ⵜⵉⵙⵙ ⵜⵥⴰ ⴷ ⵎⵔⴰⵡ ⴷ ⵜⵉⵙⵙ ⵙⵉⵎⵔⴰⵡ", ⴰⵔ ⵉⵎⵎⴰⵍ ⵎⴰⵙⴷ ⵜⴰⴳⵍⴷⵉⵜ ⴰⴷ ⴷⴰⵔⵙ ⵉⵡⵜⵜⴰ ⵏⵏⴰ ⵙ ⵇⵕⵕⴰⵏ ⵜⵎⵉⵣⴰⵔ ⵏ ⵓⵎⴰⴹⴰⵍ ⴰⴽⴽⵯ ⴳ ⵜⵉⵣⵉ ⵏ ⵓⵙⴷⵓⵔⵔⵉ, ⵢⵉⵏⵉ ⵎⴰⵙⴷ ⵜⵉⵇⴱⵉⵍⵉⵏ ⵏ ⵜⵏⵣⵔⵓⴼⵜ ⴳⴰⵏⵜ ⴱⴷⴷⴰ ⵜⵉⵎⵖⵔⴰⴱⵉⵏ, ⴷ ⵍⵎⵖⵔⵉⴱ ⵉⵣⵔⴽ ⴱⴷⴷⴰ ⴰⵡⴰⵍ ⴰⴳⵔⴰⵖⵍⴰⵏ ⴳ ⵎⴰⴷ ⵉⵥⵍⵉⵏ ⵙ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ.

ⵣⴳ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ, ⴰⵔ ⵉⵎⵎⴰⵍ ⵓⴳⵣⵣⵓⵎ ⵡⵉⵙⵙ ⵙⵉⵏ ⵏ ⵓⴷⵍⵉⵙ ⵓⵎⵍⵉⵍ ⴰⴷⴷⴰⴷ ⵏ ⵖⵉⵍⴰ ⴳ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ, ⴷ ⵎⴰⵙ ⴰⵔ ⴷ ⵉⵙⵙⵉⵣⵡⴰⵔ ⵍⵎⵖⵔⵉⴱ ⵜⴰⵏⴼⴰⵍⵉⵜ ⵜⴰⴷⵖⵔⴰⵏⵜ ⵍⵍⵉ ⵉⴳⴰⵏ ⴰⴼⴳⴰⵏ ⴳ ⵡⴰⵎⵎⴰⵙ ⵏ ⵜⵙⵜⵔⴰⵜⵉⵊⵉⵜ ⴷ ⵜⵡⵡⵓⵔⵉ ⵏⵏⵙ.

ⵉⵙⵉⵡⵍ ⵓⴳⵣⵓⵎ ⵡⵉⵙⵙ ⴽⵕⴰⴹ ⵅⴼ ⵡⴰⴷⴷⴰⴷ ⵏ ⵉⴳⵉⵟⴰⵏ ⵏ ⵜⵉⵏⴹⵓⴼ ⴷ ⵉⵔⴰⵔ ⵅⴼ ⵊⵊⵉⴱ ⴱⵕⵕⴰ ⵏ ⵓⵙⵎⴳⴰⵏ ⵙⴳ ⵡⴰⴽⴰⵍ ⵏ ⴷⴷⵣⴰⵢⵔ ⴷ ⵓⵍⴰ ⵉⴱⴹⵓⵏ ⴳ ⵓⴳⵏⵙⵓ ⵏ ⵓⴳⵔⴰⵡ ⵏ ⵍⴱⵓⵍⵉⵥⵕⵢⵓ ⴷ ⵉⵙⴱⴰⵢⵏ ⵎⴰⵙ ⵉⵍⵍⴰ ⵜⵙⴽⵔ ⵏ ⵜⵉⵎⵓⴽⵔⵉⵙⵉⵏ ⴷⴰⵜ ⵏ ⵓⵔⴳⴳⵉⴳ ⴳ ⵜⵙⴳⴰ ⵏ ⵜⵖⴰⵔⵜ ⴷ ⵜⵏⵣⵔⵓⴼⵜ .

ⵉⴼⵔⴰ ⵏ ⵓⴳⵣⵓⵎ ⴰⵎⴰⴳⴳⴰⵔⵓ ⵏ ⵓⴷⵍⵉⵙ ⵓⵎⵍⵉⵍ ⵎⴰⵙ ⵜⴳⴰ ⴷⵣⴰⵢⵔ ⵜⵉⴼⵓⵍⵜ ⵜⴰⴷⵙⵍⴰⵏⵜ ⴳ ⵓⵎⵏⵣⴰⵖ ⵍⵍⵉ  ⵜⵙⵢⴰⴼⵓ  ⴷ ⵜⴱⵉⴷⴷ ⴳ ⵓⵎⵖⵍⴰⵍ ⵏ ⵓⵎⵏⵣⴰⵖ ⴳ ⵜⵏⵣⵔⵓⴼⵜ ⵙ ⵓⵎⵉⴹⴰⵍ ⵏ ⵜⴳⵎⵉ ⵜⴰⵎⵖⵔⴰⴱⵉⵜ ⴷ ⵜⵏⴳⴹ ⴳ ⵓⵙⵏⵎⴰⵍⴰ ⴰⴼⴼⵓⵙ ⵉⵜⵜⵓⴼⴽⴰⵏ ⵙⴳ ⵍⵎⵖⵔⵉⴱ ⵙⴳ ⵜⵙⵉⵎⴰⵏⵜ ⵏ ⵜⴳⵍⴷⵉⵜ .

ⵉⵎⵓⵏ ⵓⴷⵍⵉⵙ ⵓⵎⵍⵉⵍ ⵙ ⵉⴹⴼⵓⵕⵏ ⴰⴽⵓⴷⴰⵏ ⵏ ⵉⵙⴽⴽⵉⵏ ⴷ ⵜⵍⴳⴰⵎⵜ ⵏ ⵉⴷⵍⵉⵙⵏ ⵉⴱⵓⵖⵍⴰⵏ ⵉⵍⵍⴰ ⴳⵉⵙ ⵓⴳⴳⵔ 130 ⵓⴷⵍⵉⵙ ⵜⵓⴳⴳⵜ ⵏⵙⵏⵏ ⵉⴱⵕⵕⴰⵏⵢⵉⵏ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%B7%E2%B5%8D%E2%B5%89%E2%B5%99-%E2%B5%93%E2%B5%8E%E2%B5%8D%E2%B5%89%E2%B5%8D-%E2%B5%89-%E2%B5%9C%E2%B5%8E%E2%B5%8F%E2%B5%9C%E2%B5%89%E2%B5%8D%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%9C%E2%B4%B0%E2%B5%A5%E2%B5%95%E2%B5%89%E2%B4%B3%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F