Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

26 ⵛⵓⵜⴰⵏⴱⵉⵔ 2023 Version Imprimable
ⵕⵕⴱⴰⵟ - ⵡⴰⴷ ⴰⴷ ⵉⴳⴰⵏ ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

“ⵉⵙⵙⵎⵏⴷ ⵓⴳⵍⴷⵓⵏ ⵏ ⵉⵎⵓⵎⵏⵏ, ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴰⴱⵔⴰⵜ ⵜⴰⵜⵜⵓⵢⴰⵏⵜ ⵉ ⵎⴰⵙⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵜⵇⵇⵏ ⵖⵔ ⵓⵄⴰⵡⴷ ⵏ ⵜⵎⵓⵖⵍⵉ ⴳ ⵜⵓⴳⵔⵉⵡⵜ ⵏ ⵜⵡⵊⴰ. 

ⵜⴰⵜⵜⵙ ⴷ ⵜⴱⵔⴰⵜ ⴰⴷ ⵜⴰⴳⵍⴷⴰⵏⵜ ⵙ ⴰⵙⴷⵜⵜⴻⵜ ⵉ ⵜⵖⵜⴰⵙⵜ  ⵢⴰⵜⵜⵓⵢⵏ ⵏⵏⴰ ⵎⴰ ⵅⴼ ⵉⵙⴼⵔ ⴱⴰⴱ ⵏ ⵡⴰⴷⴷⵓⵔ ⴳ ⵢⵉⵏⴰⵡ ⵏ ⵓⴷⴰⴱⵓ ⴰⵙⴳⴳⵯⴰⵙ ⵏ 2022, ⴷ ⴰⵙⵙⵎⵖⵔ ⵉ ⵜⴰⵢⵏⵉⵜ ⵏⵏⵙ ⵏⵏⴰ ⵢⴰⴽⴽⴰ, ⴰⴷ ⵜ ⵉⵄⵣⵣⴰ ⵕⴱⴱⵉ, ⵉ ⵜⵏⴽⵔⴰ ⵙ ⵜⵖⴰⵡⵙⵉⵡⵉⵏ ⵏ ⵜⵎⵖⴰⵔⵜ ⴷ ⵜⵡⵊⴰ ⵙ ⵓⵎⴰⵜⴰ. 

ⴰⵊⴷ ⵓⴽⵍⵍⴼ ⵏⵏⵙ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵜⴱⵔⴰⵜ ⴰⴷ, ⵉⵡⵛⴰ ⴱⴰⴱ ⵏ ⵡⵓⴷⴷⵓⵔ ⴰⵙⵙⵓⵊⴷ ⵏ ⵓⵄⴷⴰⵍ ⴰⴷ ⴰⵎⵇⵇⵔⴰⵏ ⵙ ⵢⴰⵜ ⵜⵖⴰⵔⴰⵙⵜ ⵉⵏⵏⵊⵄⵏ ⵉⴷⵔⵓⵏ, ⵉ ⵜⵎⴰⵡⵙⴰⵙⵜ ⵏ ⵜⵣⵔⴼⵜ ⴷ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵣⵔⴼⵜ ⴷ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵏⵜ ⵜⴰⵎⴰⵜⵓⵜ, ⵎⵉⵏⵣⵉ ⵜⵍⵍⴰ ⵜⵏⴰⵎⵎⴰⵙⵜ ⵏ ⵉⵍⴰⴳⴳⵯⴰⴼⵏ ⵉⵣⴼⵔⴰⵏⵏ ⴷ ⵜⵣⵔⴼⴰⵏⵜ ⴳ ⵓⵙⵏⵜⵍ ⴰⴷ. 

ⵉⵖⵔⴰ ⴱⴰⴱ ⵏ ⵡⵓⴷⴷⵓⵔ ⵉ ⵜⵎⵔⵙⴰⵍ ⵉ ⴷ ⵉⴱⴷⵔ ⵃⵎⴰ ⴰⴷ ⴷⵔⵓⵏⵜ ⴳ ⵓⵄⴷⴷⵓⵍ ⵣⵣⵉⴳⵙⵜ ⴰⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ, ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴷⴰⴱⵓ ⵓⵏⴱⵉⴹ ⵉⵇⵇⵏⵏ ⵙ ⵜⵡⵉⵣⴰ ⴷ ⵓⵙⵙⵉⴷⴼ ⴰⵎⵓⵏⴰⵏ ⴷ ⵜⵡⴰⵛⵓⵏⵜ ⴷ ⵓⵏⵓⵕⵥⵎ ⴰⴽⴷ ⵓⴳⴷⵓⴷ ⴰⵎⴰⴷⴰⵏ ⴷ ⵉⵎⵔⵣⵓⵜⵏ ⵉⵥⵍⵉⵏ. 

ⵜⵓⵎⵍⴰⵢⵓⵏ ⵏ ⴱⴰⴱ ⵏ ⵡⵓⴷⴷⵓⵔ, ⵜⵜⴰⵙⵏⵜ ⵉⴷ ⴰⴼⴰⴷ ⴰⴷ ⵢⵉⵍⵉ ⵓⵎⵛⵛⵉⵡⵕ ⴰⵎⵇⵇⵔⴰⵏ ⵃⵎⴰ ⴰⴷ ⴳⵄⵄⴷⵏⵜ ⵖⵔ ⴱⴰⴱ ⵏ ⵡⵓⴷⴷⵓⵔ, ⵡⴰⵏⵏⴰ ⵉⴹⵎⵏⵏ ⵉⵣⵔⴼⴰⵏ ⴷ ⵜⵍⴻⵍⵍⵉⵢⵉⵏ ⵏ ⵉⵏⴰⵎⵓⵔⵏ ⴳ ⵚⴹⵉⵚ ⵏ ⴰⵢⵢⵓⵔⵏ ⴷⴰⵜ ⵎⴰ ⴰⴷ ⵜⵙⵙⵓⵊⴷ ⵜⴰⵏⴱⴰⴹⵜ ⵓ ⵓⵙⵏⴼⴰⵔ ⵏ ⵓⵣⵔⴰⴼ ⴰⴷ ⵜ ⴼⵙⵔⵏ ⵅⴼ ⵓⴱⵕⵍⴰⵎⴰⵏ ⴰⴼⴰⴷ ⴰⴷ ⵜ ⵙⴷⵜⵜⴻⵜⵏ.

 

Dernière modification : 26 ⵛⵓⵜⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%C2%A0-14