Published on MAPNews (https://www.mapnews.ma/am)

Accueil > ⴰⵎⴷⵓⴷⵉ ⵏ ⵡⴰⴽⴰⵍ ⵏ ⵍⵃⵓⵣ : ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⴰⵔⵣⴰⴼ ⵉ ⵉⵎⵓⴳⴰⵙ ⵉⴼⴽ ⵉⴷⴰⵎⵎⵏ ⵏⵏⵙ
  1. Accueil
  2. Activités royales

ⴰⵎⴷⵓⴷⵉ ⵏ ⵡⴰⴽⴰⵍ ⵏ ⵍⵃⵓⵣ : ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⴰⵔⵣⴰⴼ ⵉ ⵉⵎⵓⴳⴰⵙ ⵉⴼⴽ ⵉⴷⴰⵎⵎⵏ ⵏⵏⵙ

12 ⵛⵓⵜⴰⵏⴱⵉⵔ 2023 Version Imprimable
ⴰⵎⵓⵔ ⵏ ⵡⴰⴽⵓⵛ -  ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵜⴰⵣⵣⵡⵉⵜ ⵏ ⵡⴰⵙⵙ ⵏ ⵓⵙⵉⵏⴰⵙ ⵢⴰⵏ ⵓⵔⵣⴰⴼ ⵉ ⵡⴰⵎⵎⴰⵙ ⵏ ⵓⵊⵉⵊⵊⵉ ⴰⵙⴷⴰⵡⴰⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵡⴰⵎⵓⵔ ⵏ ⵡⴰⴽⵓⵛ, ⵍⵍⵉⵖ ⵉⵔⴰ ⴰⴷ ⵉⵥⵕ ⴰⴷⴷⴰⴷ ⴰⴷⵓⵙⴰⵏ ⵏ ⵉⵎⵓⴳⴰⵙ ⴷⴼⴼⵉⵓⵔ ⵏ ⵓⵎⴷⵓⴷⵉ ⵏ ⵡⴰⴽⴰⵍ ⵏ ⵡⴰⵙⵙ ⵏ ⵓⵙⵉⵎⵡⴰⵙ ⵉⵣⵔⵉⵏ 8 ⵛⵓⵜⴰⵏⴱⵉⵔ 2023 ⵏⵏⴰ ⵉⵙⵔⴳⵏ ⵉ ⴽⵉⴳⴰⵏ ⵏ ⵉⵎⵜⵜⵉⵏ ⴷ ⵉⵎⵓⴳⴰⵙ ⴳ ⴽⵓ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ .

ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⵙ ⵓⵙⴳⵏⴰⴼ ⵏⵏⴰⵖ ⵍⵍⴰⵏ ⵉⵎⵓⴳⴰⵙ ⵏ ⵓⵎⴷⵓⴷⵉ ⴰⴷ, ⵉⵙⵇⵇⵙⴰ ⴼ ⵡⴰⴷⴷⴰⴷ ⵏⵏⵙⵏ ⴰⴷⵓⵙⴰⵏ ⴷ ⵓⵊⵉⵊⵊⵉ ⵏⵏⴰ ⴰⵙⵏ ⵙⴽⵔⵏⵜ ⵜⵔⵓⴱⴱⴰ ⵏ ⵓⵊⵉⵊⵊⵉ ⴷ ⵉⵎⵙⴳⵏⴰⴼⵏ .

ⵜⴰⵙⵏⵜⴰⵢⵜ ⴰⴷ ⵜⴰⴳⵍⴷⴰⵏⵜ ⵜⴳⴰ ⵢⴰⵏ ⵡⴰⵏⵏⴰⵍ ⴰⵏⵉⵎⴰⵏ ⴰⴼⴰⴷ ⴰⴷ ⵜⵙⵙⴷⵓⵙ ⵜⵉⵙⵏⵜⴰⵢⵉⵏ ⴰⴽⴽⵯ ⵏⵏⴰ ⵉⵜⵜⵓⴳⴰⵏ ⴳ ⵉⴳⵔ ⴰⴷ, ⴰⴼⴰⴷ ⴰⴷ ⵢⵉⵍⵉ ⵓⴹⴼⵓⵕ ⵏ ⵉⵎⵓⴳⴰⵙ ⵏ ⵓⵎⴷⵓⴷⵉ ⵏ ⵍⵃⵓⵣ .

ⵜⵜⵓⵙⵏⵓⴱⴳⵏ ⵎⴰⴷ ⵉⵜⵜⴳⴳⴰⵏ 2171 ⵏ ⵓⵎⴰⴳⵓⵙ ⴳ ⴽⵉⴳⴰⵏ ⵏ ⵡⴰⵎⵎⴰⵙⵏ ⵏ ⵓⵙⴳⵏⴼ ⴳ ⵡⴰⵎⵓⵔ ⵏ ⵡⴰⴽⵓⵛ-ⴰⵙⴼⵉ ⵙⴳ ⴳⵉⵙⵏ 484 ⵏⵏⴰ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ ⴷ 1570 ⵡⴰⴷⴷⴰⴷ ⵉⴼⵙⵓⵙⵏ ⴷ ⵉⵇⵇⴰⵎⴰ 248 ⵓⴼⴳⴰⵏ ⴰⴼⴰⴷ ⴰⴷ ⴰⵎⵥⵏ ⴰⵙⴳⵏⴼ ⵏⵏⵙⵏ .

ⵉⴼⴽ ⴰⵡⴷ ⴱⴰⴱ ⵏ ⵡⴰⴷⴷⵓⵔ ⵉⴷⴰⵎⵎⵏ ⵏⵏⵙ ⵏⵏⴰ ⵉⴳⴰⵏ ⵢⴰⵜ ⵜⵙⵏⵜⴰⵢⵜ ⵉⵥⵉⵍⵏ ⴷ ⵜⵖⴹⴼⵜ ⵏⵏⴰ ⵢⴰⴽⴽⴰ ⴱⴰⴱ  ⵏ ⵡⴰⴷⴷⵓⵔ ⵉ ⵉⵎⵓⴳⴰⵙ ⵏ ⵓⵎⴷⵓⴷⵉ ⴰⴷ ⵏ ⵡⴰⴽⴰⵍ ⴳ ⵜⵎⴰⵣⵉⵔⵜ ⵏⵏⵖ .

ⴰⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵓⵙⴳⵏⴼ ⵏ ⵡⴰⵎⵓⵔ ⵏ ⵡⴰⴽⵓⵛ ⵍⴰ ⵉⵎⵎⴰⵍⴰ ⵜⴰⵖⴹⴼⵜ ⵏⵏⵙ ⵉ ⵉⵎⵓⴳⴰⵙ ⵏ ⵓⵎⴷⵓⴷⵉ ⴷ ⵓⵎⵢⴰⵡⴰⵙ ⴷ ⵡⴰⵏⵏⴰⵍ ⵏⵏⵙ ⵉ ⵓⵖⵔⴼ ⵏⵏⵙ ⴳ ⵎⴰⴷ ⵉⴼⵓⵍⴽⵉⵏ ⴷ ⵎⴰⴷ ⵉⵀⵔⵛⵏⴰⴼⴰⴷ ⴰⴷ ⵜⵣⵔⵉ ⵜⴳⵍⴷⵉⵜ ⵏⵏⵖ ⵜⴰⵙⵙⴰⵙⵜ ⴰⴷ ⴰⴼⴰⴷ ⴰⴷ ⵉⴱⵓⵖⵍⵓ ⵉⵎⴰⵍ ⵏⵏⵙ .

Dernière modification : 12 ⵛⵓⵜⴰⵏⴱⵉⵔ 2023
Source URL: https://www.mapnews.ma/am/activites-royales/%E2%B4%B0%E2%B5%8E%E2%B4%B7%E2%B5%93%E2%B4%B7%E2%B5%89-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F-%E2%B5%8D%E2%B5%83%E2%B5%93%E2%B5%A3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B4%BD%E2%B5%94-%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B5%89-%E2%B5%89%E2%B5%8E%E2%B5%93%E2%B4%B3%E2%B4%B0%E2%B5%99-%E2%B5%89%E2%B4%BC%E2%B4%BD-%E2%B5%89%E2%B4%B7%E2%B4%B0%E2%B5%8E%E2%B5%8E%E2%B5%8F-%E2%B5%8F%E2%B5%8F%E2%B5%99