Published on MAPNews (https://www.mapnews.ma/am)

Accueil > ⵜⴰⵙⴷⴰⵡⵉⵜ ⵜⴰⵄⵕⴰⴱⵜ: ⴰⵙⵎⵔⵙⵍ ⵏ "ⵜⴰⵎⵚⵕⵉⵜ ⵜⴰⵎⵖⵔⴰⴱⵉⵜ" ⴷⴼⴼⵉⵔ ⵉ ⵓⵙⵎⴰⵢⵏⵓ ⵏⵏⵙ ⴷ ⵓⵃⵢⵢⵍ ⵏⵏⵙ

ⵜⴰⵙⴷⴰⵡⵉⵜ ⵜⴰⵄⵕⴰⴱⵜ: ⴰⵙⵎⵔⵙⵍ ⵏ "ⵜⴰⵎⵚⵕⵉⵜ ⵜⴰⵎⵖⵔⴰⴱⵉⵜ" ⴷⴼⴼⵉⵔ ⵉ ⵓⵙⵎⴰⵢⵏⵓ ⵏⵏⵙ ⴷ ⵓⵃⵢⵢⵍ ⵏⵏⵙ

06 ⵛⵓⵜⴰⵏⴱⵉⵔ 2023 Version Imprimable
ⵍⵇⴰⵀⵉⵕⴰ - ⵉⵜⵜⵡⴰⴳⴳ ⴳ ⵡⴰⵙⵙ ⵏ ⵓⴽⵡⴰⵙ ⴳ ⵡⴰⵏⵙⴰ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ ⴳ ⵍⵇⴰⵀⵉⵕⴰ ⴰⵙⵎⵔⵙⵍ ⵏ “ⵜⴰⵎⵚⵕⵉⵜ ⵜⴰⵎⵖⵔⴰⴱⵉⵜ” ⵙⴳⴳⴰ ⵉ ⵜⵜ ⵙⵎⴰⵢⵏⵓⵏ, ⵃⵢⵢⵍⵏ ⵜⵜ ⵙⴳ ⵍⵎⵖⵔⵉⴱ, ⵙ ⵜⵡⴰⵙⵉⵜ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵕⴰⵏⵉⵢⵉⵏ ⴷ ⵓⵎⵢⴰⵡⴰⵙ ⴰⴼⵔⵉⴽⴰⵏ ⴷ ⵉⵎⵖⵔⴰⴱⵉⵢⵏ ⵉⵣⴷⴷⵖⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ ⴰⵃⵎⴰⴷ ⴰⴱⵓ ⵍⵖⴰⵢⵟ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵍⵇⴰⵙⵀⵉⵔ ⴷ ⵓⵏⵎⵀⴰⵍ ⵏⵏⵙ ⴰⵍⴱⴷⴰⵏ ⴳ ⵜⵙⴷⴰⵡⵉⵜ ⵜⴰⵄⵔⴰⴱⵜ ⵎⴰⵙⵙ ⴰⵃⵎⴰⴷ ⵜⵜⴰⵣⵉ ⴷ ⵛⴰ ⵙⴳ ⵉⴷⵉⴱⵍⵓⵎⴰⵙⵉⵢⵏ.

ⵉⵜⵜⴰⵙ ⴷ ⵓⵏⵓⵕⵥⵎ ⵏ ⵜⵎⵚⵕⵉⵜ ⴰⴽⴷ ⵜⵡⴰⴳⴳⵉⵜ ⵏ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⵏ ⵜⵎⵉⵣⴰⵔ ⵜⵄⵔⴰⴱⵉⵏ ⵅⴼ ⵓⵙⵡⵉⵔ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵙ ⵜⵏⵙⵙⵉⵅⴼⵜ ⵏ ⵍⵎⵖⵔⵉⴱ.

ⵏⵜⵜⴰⴼ ⴳ ⵜⵎⵚⵕⵉⵜ ⵜⴰⵎⵖⵔⴱⴰⵉⵜ ⵉⵍⵍⴰⵏ ⵜⴰⵎⴰ ⵉ ⵓⵅⵅⴰⵎ ⴰⵎⵇⵇⵔⴰⵏ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ, ⴰⵥⵥⵍⵉ ⵏ ⵜⵖⵔⵎⴰ ⵜⴰⵎⵖⵔⴰⴱⵉⵜ ⴷ ⵓⴱⵓⵖⵍⵓ ⴷ ⵓⵎⵢⴰⵏⴰⵡ ⵏ ⵜⴷⵍⵙⴰ ⵜⴰⵎⵖⵔⴰⴱⵉⵜ, ⵜⴳⴰ ⵢⴰⵏ ⵡⴰⵏⵙⴰ ⴰⴱⵍⴷⵉ ⵅⴼ ⵜⵖⴰⵔⴰⵙⵜ ⵜⴰⵎⵖⵔⴰⴱⵉⵜ ⵜⴰⵣⴰⵢⴽⵓⵜ.

ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ, ⴳ ⵡⴰⵡⴰⵍ ⵏⵏⵙ ⵉ ⵎⴰⴱ, ⵉⵍⴰ ⵜⴰⵎⵚⵕⵉⵜ “ⵜⴽⵙⵙⵉ ⴰⵟⵟⴰⵚ ⵏ ⵜⵥⵓⵕⵉ ⴷ ⵛⵉⴳⴰⵏ ⵏ ⵜⴼⵔⴰⵙ ⵜⵉⵎⵖⵔⴰⴱⵉⵢⵉⵏ”, ⵉⵔⵏⴰ ⵉⵏⵏⴰ “ⴰⵙⵙⴰ ⵙ ⵓⵙⵎⴰⵢⵏⵓ ⵏ ⵜⵎⵚⵕⵉⵜ ⴰⴷ ⵜⴷⵡⵍ ⵜⵥⵉⵍ ⴽⵉⴳⴰⵏ ⵙ ⵓⵎⵙⴰⵙⴰ ⵏ ⵉⴽⵯⵍⴰⵏ ⴷ ⵜⵍⵡⵉⵃⵉⵏ ⵏⵏⴰ ⴳⵉⵙ ⵉⵍⵍⴰⵏ ⴷ ⵓⵙⵡⵉⵣⵉ ⵏ ⵍⵎⵖⵔⵉⴱ ⵉ ⵜⵙⴷⴰⵡⵉⵜ ⵜⴰⵄⵔⴰⴱⵜ”.

ⵉⵏⵏⴰ ⵎⴰⵙ ⴷ ⵢⵓⵎⵎⵔ ⴽⵉⴳⴰⵏ ⵙ ⵓⵙⵏⵓⴱⴳ ⵏ ⵡⴰⵀⵍⵉ ⵏ ⵉⵏⵡⴳⵉⵡⵏ ⵙⴳ ⵓⵎⴰⴹⴰⵍ ⴳ ⵜⵎⵚⵕⵉⵜ ⴰⴷ ⴷ ⴰⵙⴷⵜⵜⴻⵜ ⵉ ⵍⴰⴳⴳⵯⴰⵊ ⴰⵖⵔⵎⴰⵏ ⵏⵏⴰ ⵉⵙⵙⵏ ⵍⵎⵖⵔⵉⴱ.

ⵙⴳ ⵜⴰⵎⴰ ⵏⵏⵙ, ⵉⵏⵏⴰ ⴰⵏⴼⵍⵓⵙ ⴰⵎⴰⵜⴰⵢ ⴰⵎⴰⵡⴰⵙ, ⴰⵏⵙⵙⵉⵅⴼ ⵏ ⵉⴳⵔ ⵏ ⵜⵖⵎⵙⴰ ⴷ ⵓⵎⵢⴰⵡⴰⴹ ⴳ ⵜⵙⴷⴰⵡⵉⵜ ⵜⴰⵄⵔⴰⴱⵜ ⴰⵃⵎⴰⴷ ⵕⴰⵛⵉⴷ ⵅⵟⵟⴰⴱⵉ ⵉⵍⴰ ⵜⴰⵎⵚⵕⵉⵜ ⴰⴷ ⴷ ⴰⵙⵙⴷⵓⵙ ⵉ ⵜⵡⴰⵙⵉⵜ ⵜⴰⵎⵖⵔⴰⴱⵉⵜ ⴳ ⵜⵙⴷⴰⵡⵉⵜ ⵜⴰⵄⵔⴰⴱⵜ ⵎⵉⵏⵣⵉ ⵍⵎⵖⵔⵉⴱ ⵖⵔⵙ ⵢⴰⵜ ⵜⵉⵍⴰⵍⵜ ⵜⵎⵇⵇⵓⵔ ⴳ ⵓⵏⴳⵔⴰⵡ ⴰⵄⵔⴰⴱ, ⵏⵜⵜⴰⴼ ⴳⵙ ⴰⵎⵢⴰⵏⴰⵡ ⵉⵍⵍⴰⵏ ⴳ ⵡⴰⵢⴷⴰ ⴰⵎⵖⵔⴰⴱⵉ “ⵙ ⵓⴼⵓⵍⴽⵉ ⵉⵍⵍⴰⵏ ⴳ ⵜⵍⵡⵉⵃⵉⵏ ⴷ ⵜⴰⵍⵖⵉⵡⵉⵏ ⵏⵏⴰ ⵢⵓⵊⵊⴰⵏ ⵢⴰⵏ ⵉⵏⵉⴳⵍ ⴰⵎⵖⵔⴰⴱⵉ ⵉⵥⵍⵉⵏ ⴷ ⵓⵃⴰⴷⵉ ⴰⵖⵔⵎⴰⵏ ⴷ ⵓⴷⵍⵙⴰⵏ ⵙ ⵓⵖⴱⴰⵢ ⴰⵙⵔⵜⴰⵏ”.

ⴰⵏⵓⵕⵥⵎ ⵏ ⵜⵎⵚⵕⵉⵜ ⴰⴷ ⵉⴳⴰ ⴰⵙⵙⴷⵓⵙ ⵉ ⵜⵉⵍⴰⵍⵜ ⵏⵏⴰ ⵉⵜⵜⵓⵔⴰⵔ ⵍⵎⵖⵔⵉⴱ ⵖ ⵓⴳⵯⵏⵙ ⵏ ⵜⵎⵉⵣⴰⵔ ⵜⵉⵄⵔⴰⴱⵉⵏ ⴷ ⵓⴱⴷⴷⵉ ⵏⵏⵙ ⴰⴽⴷ ⵜⵖⴰⵡⵙⵉⵡⵉⵏ ⵜⵉⵄⵔⴰⴱⵉⵏ ⵓ ⵓⵏⴳⵎⴹ ⵜⴰⵖⴰⵡⵙⴰ ⵜⴰⴼⵉⵍⵉⵙⵟⵉⵏⵉⵜ ⵙ ⵜⵉⵍⴰⵍⵜ ⵜⴰⴷⵙⴰⵍⵏⵜ ⵜⴰⵎⵇⵇⴰⵔⵏⵜ ⵏⵏⴰ ⵉⵙⴽⴰⵔ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵢⵎⵎⵓⵏⵜ ⵏ ⵓⵕⵛⴰⵍⵉⵎ ⴳ ⵉⴳⵔ ⴰⴷ.

ⵉⴼⴼⵖ ⵎⴰⵙ ⵅⵟⵟⴰⴱⵉ ⵉⵍⴰ ⴰⵏⵓⵕⵥⵎ ⵏ ⵜⵎⵙⵕⵉⵜ ⴰⴷ ⵢⵓⵛⴰ ⴷ ⴰⴽⴷ ⴰⵙⵏⵜⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ ⵅⴼ ⵓⵙⵡⵉⵔ ⴰⵏⵎⴰⵡⵙⴰⵙ ⵎⴰⵏⵉ ⵍⵎⵖⵔⵉⴱ ⵉⵟⵟⴼ ⴳ ⵉⵙⴷⴱⴰⴷⵏ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵉⵜ ⵏⵏⵙ ⵉⵙⵙⴷⵓⵙ ⴰⵏⴰⴳⵔⴰⵡ ⴰⵙⴳⴰⵡⴰⵏ ⴰⵄⵔⴰⴱ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C-%E2%B4%B0%E2%B5%99%E2%B5%8E%E2%B5%94%E2%B5%99%E2%B5%8D-%E2%B5%8F-%E2%B5%9C%E2%B4%B0%E2%B5%8E%E2%B5%9A%E2%B5%95%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%89-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F%E2%B5%8F%E2%B5%99-%E2%B4%B7-%E2%B5%93%E2%B5%83%E2%B5%A2%E2%B5%A2%E2%B5%8D-%E2%B5%8F%E2%B5%8F%E2%B5%99