ⵢⵓⵎⵥ ⵍⵎⵖⵔⵉⴱ ⴰⴷⴷⴰⴷ ⵏ ⵓⵎⴰⵙⵙⴰⵔ ⵏ ⵓⵎⵔⴰⵔⴰ ⴰⵏⵎⵏⴰⴹⴰⵏ ⵙⴳ ⴷⴰⵔ ⵜⵣⵍⵖⴰ ⵏ ⵜⵎⵓⵔⴰ ⵏ ⵉⵣⵣⵍⵎⴹ ⵏ ⵓⵙⴰⵎⵎⵔ ⵏ ⴰⵙⵢⴰ (ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ)

05 ⵛⵓⵜⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⴷⴷ ⵉⵎⴰⵡⵙⴰⵙⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵜⵎⵓⵔⴰ ⵏⵏⴰ ⵍⵍⴰⵏⵉⵏ ⴳ ⵜⵣⵍⵖⴰ ⵏ ⵜⵎⵓⵔⴰ ⵏ ⵉⵣⵣⵍⵎⴹ ⵏ ⵓⵙⴰⵎⵎⵔ ⵏ ⴰⵙⵢⴰ (ⴰⵙⵢⴰⵏ) ⵏⵏⴰⵏ ⵙ ⵜⵖⴰⵔⴰⵙⵜ ⵜⴰⵎⴰⴷⴷⵓⴷⵜ, ⴳ ⵓⵏⵎⵓⵇⵇⴰⵔ ⵏ ⵡⴰⵙⵙ ⵏ 4 ⵛⵓⵜⴰⵏⴱⵉⵔ ⴰⴷ ⴳ ⵊⴰⴽⴰⵕⵟⴰ, ⴰⴼⴰⴷ ⴰⴷ ⵜⴼⴽ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷⴷⴰⴷ ⵏ ⵓⵎⴰⵙⵙⴰⵔ ⵏ ⵓⵎⵢⴰⵡⴰⴹ ⴰⵏⴰⵎⵏⴰⴹ ⵙⴳ ⴷⴰⵔ ⵜⴰⵎⵓⵏⵜ ⴰⴷ.

ⵉⵙⵎⴰⵍ ⵓⵙⵉⵡⴹ ⵎⴰⵙⴷ ⵍⵎⵖⵔⵉⴱ ⵉⴳⴰ ⵙ ⵓⵙⵎⵖⵕ ⴰⴷ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⵉⵣⵡⴰⵔⵏ ⵏⵏⴰ ⵢⵓⵎⵥⵏ ⴰⵏⵏⴰⵍ ⴰⴷ ⵉⵙⵙⴷⵓⵙ ⴰⴷⴷⴰⴷ ⵏⵏⵙ ⵙⴳ ⴷⴰⵔ ⵓⴳⵔⴰⵡ ⴰⴷ ⴰⵙⵔⵜⴰⵏ ⴷ ⵓⴷⵎⵙⴰⵏ ⵏⵏⴰ ⵉⵍⴰⵏ ⴰⵜⵉⴳ ⴰⴽⵙⵡⴰⵜ.

ⵉⵣⴰⵢⴷ ⵓⵙⵉⵡⴹⵎⴰⵙⴷ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⵏⴰⴷ ⵏ ⵓⵎⵢⴰⵡⴰⴹ ⴰⵎⴰⵙⵙⴰⵔ ⵏⵏⴰ ⵉⵎⵎⴰⵍⴰⵏ ⵉⵙⵙⴷⵓⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ, ⵏⵏⴰ ⵉⵙⵙⴷⵓⵙⵏ ⵜⵉⴷⵔⴰⵡⵉⵏ ⴷ ⵓⵏⵏⵓⵕⵥⵎ ⵏ ⵜⴳⵍⴷⵉⵜ ⵅⴼ ⵉⴳⵔⴰⵏ ⵉⵊⵢⵓ ⵉⵙⵔⵜⴰⵏⵏ ⴷ ⵓⵎⵏⴰⴷ ⵉⵎⵙⴰⵙⴰⵏ ⴳ ⵉⴼⵔⵉⵇⵢⴰ ⴰⵎⵇⵔⴰⵏ ⵏⵏⴰ ⵉⵎⵎⴰⵍⴰⵏ ⵜⴰⴷⵉⵏⴰⵎⵉⵜ ⵏ ⵜⴷⵔⴰⵡⵉⵏ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵉⵣⵣⵍⵎⴹ ⵏ ⵓⵙⴰⵎⵎⵔ ⵏ ⴰⵙⵢⴰ.

ⵉⵏⵏⴰ ⵓⵙⵉⵡⴹⵎⴰⵙ ⵉⵜⵜⵓⴼⴽⴰ ⵡⴰⴷⴷⵓⵔ ⴰⴷ ⵉ ⵜⵎⴰⵣⵉⵔⵜ ⵏⵏⵖ ⵙ ⵡⴰⴷⴷⴰⴷ ⵏ ⵓⵎⵢⴰⵡⴰⴹ ⴰⵎⴰⵙⵙⴰⵔ ⴳ ⵓⴳⵔⴰⵡ ⵡⵉⵙⵙ 56 ⵏ ⵉⵎⴰⵡⴰⵙⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵜⵎⵉⵣⴰⵔ ⵏ ⵉⵣⵣⵍⵎⴹ ⵏ ⴰⵙⵢⴰ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 111ⴷ 12 ⵢⵓⵍⵢⵓⵣ 2023 ⴳ ⵊⴰⴽⴰⵕⵟⴰ.

ⵏⵏⴰⵖ ⵉⵜⵜⵓⴼⴽⴰ ⵡⴰⴷⴷⴰⴷ ⴰⴷ ⴷ ⵡⴰⴷⴷⵓⵔ ⴰⴷ ⵏⵏⴰ ⵉⵜⵜⵓⴼⴽⴰ ⵉ ⵍⵎⵖⵔⵉⴱ ⵉ ⵉⴼⴼⵓⵙ ⵏ ⵉⴼⵔⵉⵇⵢⴰ ⴷ ⵜⵎⵓⵔⴰ ⵉⵎⵓⵏⵏ ⵏ ⵡⴰⵄⵕⴰⴱⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%A2%E2%B5%93%E2%B5%8E%E2%B5%A5-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B5%94%E2%B4%B0%E2%B5%94%E2%B4%B0-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9%E2%B4%B0%E2%B5%8F-%E2%B5%99%E2%B4%B3-%E2%B4%B7%E2%B4%B0%E2%B5%94-%E2%B5%9C%E2%B5%A3%E2%B5%8D%E2%B5%96%E2%B4%B0-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0-%E2%B5%8F-%E2%B5%89%E2%B5%A3%E2%B5%A3%E2%B5%8D%E2%B5%8E%E2%B4%B9-%E2%B5%8F