Published on MAPNews (https://www.mapnews.ma/am)

Accueil > ⵄⴰⴱⴷⵍⵍⴰⵟⵉⴼ ⵊⵊⵡⴰⵀⵔⵉ ⵙⴳ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⵉ ⵢⵓⴼⵏ ⴳ ⵓⵎⴰⴹⴰⵍ (ⴳⵍⵓⴱⴰⵍ ⴼⴰⵢⵏⴻⵏⵙ)

ⵄⴰⴱⴷⵍⵍⴰⵟⵉⴼ ⵊⵊⵡⴰⵀⵔⵉ ⵙⴳ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⵉ ⵢⵓⴼⵏ ⴳ ⵓⵎⴰⴹⴰⵍ (ⴳⵍⵓⴱⴰⵍ ⴼⴰⵢⵏⴻⵏⵙ)

01 ⵛⵓⵜⴰⵏⴱⵉⵔ 2023 Version Imprimable
ⵏⵢⵓⵢⵓⵕⴽ - ⵜⵙⵜⵉ ⵜⴰⵙⵖⵓⵏⵜ ⵏ (ⴳⵍⵓⴱⴰⵍ ⴼⴰⵢⵏⴻⵏⵙ) ⵜⴰⵎⴰⵔⵉⴽⴰⵏⵜ ⵉⵍⴰ ⵍⵡⴰⵍⵉ ⵏ ⴱⴰⵏⴽ ⵏ ⵍⵎⵖⵔⵉⴱ, ⵄⴰⴱⴷⵍⵍⴰⵟⵉⴼ ⵊⵊⵡⴰⵀⵔⵉ, ⵙⴳ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⵉ ⵢⵓⴼⵏ ⴳ ⵓⵎⴰⴹⴰⵍ.

ⵉⵡⵡⵉ ⴷ ⵎⴰⵙⵙ ⵍⵊⵡⴰⵀⵔⵉ ⵜⴰⵙⴽⴼⵍⵜ "ⴰ-" ⴳ ⵜⴰⵏⴰⴹⵜ ⵉ ⴷ ⵉⴼⴼⵖⵏ ⵅⴼ ⵜⵙⵖⵓⵏⵜ ⵜⴰⵎⴰⵔⵉⴽⴰⵏⵜ, ⵏⵏⴰ ⵢⵓⵙⵉⵏ ⴰⵣⵡⵍ "central bank report cards 2023".

ⴳ ⵜⴰⵏⴰⴹⵜ ⵏⵏⴰ ⵜⵙⵙⵓⴼⵖ (ⴳⵍⵓⴱⴰⵍ ⴼⴰⵢⵏⴻⵏⵙ) ⴽⵓⵢ ⴰⵙⴳⴳⵯⴰⵙ ⵙⴳ 1994, ⵉⵙⵙⴰⵡⴰⵍ ⵅⴼ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⴳ 101 ⵏ ⵜⵎⴰⵣⵉⵔⵜ ⴷ ⵜⵙⴳⴰ ⴷ ⵜⵎⵏⴰⴹⵜ ⵜⴰⴷⵙⵍⴰⵏⵜ, ⵣⵣⴰⴳⵙ ⴰⵎⵓⵏ ⴰⵡⵔⵓⴱⴱⵉ, ⴷ ⵓⴱⴰⵏⴽ ⴰⵏⴰⵎⵎⴰⵙ ⵏ ⵓⵙⵏⵇⵔ ⵏ ⴽⴰⵔⴰⵢⵉⴱⵉ, ⴷ ⵓⴱⴰⵏⴽ ⴰⵏⴰⵎⵎⴰⵙ ⵏ ⵜⵎⵉⵣⴰⵔ ⵏ ⵓⵖⵍⵍⵓⵢ ⵏ ⵡⴰⴼⵔⵉⴽⴰ.

ⵉⵏⵏⴰ ⵊⵓⵣⵉⴼ ⵊⵢⴰⵔⴰⴱⵓⵜⵓ, ⴰⵎⵥⵕⴰⴳ ⴷ ⵓⵏⵎⵀⴰⵍ ⵏ ⵜⵉⵔⵔⴰ ⴳ (ⴳⵍⵓⴱⴰⵍ ⴼⴰⵢⵏⴻⵏⵙ) ⵉⵍⴰ ⴰⴱⴷⴷⵓ ⴳ ⵡⵓⴷⵎ ⵏ ⵜⴰⵙⵓⴼⵜ, ⵉⵜⵜⵎⵔⵏⵉⵢⵏ ⵙ ⵜⵓⵜⵔⴰ ⴷ ⵓⵙⴽⵛⵎ, ⵊⵊⵉⵏ ⵎⵔⵔⴰ ⴰⴷ ⵔⴰⵃⵏ ⵙ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⵃⵎⴰ ⴰⴷ ⵜⵜⵔⵏ ⵜⵡⵉⵣⴰ.

ⵉⵎⵍⴰ ⵓⵏⵎⵔⵙⴰⵍ ⵏ ⵜⵙⵖⵓⵏⵜ ⵜⴰⵎⴰⵔⵉⴽⴰⵏⵜ ⵉⵍⴰ ⴰⵙⵜⵜⴼ ⵏ ⴽⵓ ⴰⵙⴳⴳⵯⴰⵙ ⵏ (ⴳⵍⵓⴱⴰⵍ ⴼⴰⵢⵏⴻⵏⵙ) ⵉⵙⵙⵎⵖⴰⵔⴰ ⵙ ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉ ⵉⵍⵍⴰ ⵜⴰⵙⵜⵔⴰⵜⵉⵊⵉⵜ ⵏⵏⵙⵏ ⵜⵓⴼ ⵉⵏⵏⵉⴹⵏ ⵙ ⵓⵙⵏⴼⵍⵓⵍ ⵏⵏⵙⵏ ⴷ ⵜⵡⵓⵔⵉ ⵏⵏⵙⵏ.

ⵅⵏⵏⵉ ⵜⵙⵜⵜⴰⴼⵏ ⵙⴳ "ⴰ" ⴰⵔ "ⴼ" ⴳ ⵎⴰⵎⴽ ⵜⵜⵎⵙⵓⵔⵔⵓⴼⵏ ⴰⴽⴷ ⵜⴰⵙⵓⴼⵜ, ⴷ ⵡⴰⵡⴰⴹ ⵖⵔ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⴷⴰⵎⵙⴰⵏⵜ, ⴷ ⵓⵙⵣⴷⵖ ⵏ ⴰⵥⵔⴼⴰⵏ, ⴷ ⵓⵙⵓⴳⵓⵔ ⵏ ⵉⵙⵖⴰⵍⵏ ⵏ ⵍⴼⴰⵢⴷⵜ.

ⵜⵏⵏⴰ ⵜⵙⵖⵓⵏⵜ ⵎⴰⵙ ⴷ ⴰⵙⵜⵜⴼ "ⴰ" ⵉⵅⵙ ⴰⴷ ⵢⵉⵏⵉ ⴰⵎⵓⵔⵙ ⵉⵚⴱⵃⵏ ⴷ "ⴼ" ⵉⵜⵜⵓⵃⵙⴰⴱ ⴷ ⴰⴼⵛⴰⵍ.

ⵉⵎⵃⴹⴰⵢⵏ ⵏ ⴱⴰⵏⴽⴰⵡⴰⵜ ⵉⵏⴰⵎⵎⴰⵙⵏ ⵉ ⴷ ⵉⵡⵡⵉⵏ ⴰⵙⵜⵜⴼ "ⴰ-" ⴰⵎ ⵍⵢⵓⵏⴰⵔⴷⵓ ⴼⵉⵍⴰⵔ (ⴽⵓⵍⵓⵎⴱⵉⵢⴰ) ⴷ ⵀⵉⴽⵜⵓⵔ ⴼⴰⵍⴷⵉⵣ ⴰⵍⴱⵉⵣⵓ (ⴷⴷⵓⵎⵉⵏⵉⴽⴰⵏ) ⴷ ⴰⵙⵖⵉⵔ ⴷⵊⵓⵏⵙⵓⵏ (ⵉⵙⵍⴰⵏⴷ) ⴷ ⴱⵉⵔⵉ ⵡⴰⵔⴷⵊⵉⵡ (ⴰⵏⴷⵓⵏⵉⵙⵢⴰ) ⴷ ⴼⵉⴽⵜⵓⵔⵉⵢⴰ ⵔⵓⴷⵔⵉⴳⵉⴰ ⵙⵉⴳⴰ (ⵎⵉⵅⵉⴽⵓ) ⴷ ⵉⴷⴰ ⵡⵓⵍⴷⵏ ⴱⴰⵛ (ⵏⵏⵔⵡⵉⵊ) ⴷ ⵍⵉⵙⵉⵜⵢⴰ ⴽⴳⴰⵏⵢⴰⴳⵓ (ⵉⴼⴼⵓⵙ ⵏ ⵜⴼⵔⵉⴽⵜ) ⴷ ⵡⵓⵔⵉ ⵜⵛⴰⵏⴳⵢⵓⵏⴳ (ⴽⵓⵔⵉⵢⴰ ⵏ ⵉⴼⴼⵓⵙ) ⴷ ⵏⴰⴷⴰⵍⴰⵍ ⵡⵉⵔⴰⵙⵉⵏⴳ (ⵙⵉⵔⵉⵍⴰⵏⴽⴰ).

ⵜⴻⵜⵜⵡⴰⵃⵙⴰⴱ (ⴳⵍⵓⴱⴰⵍ ⴼⴰⵢⵏⴻⵏⵙ) ⵉⵜⵜⵓⴳⴳⵏ ⴰⵙⴳⴳⵯⴰⵙ ⵏ 1987 ⵢⴰⵏ ⵓⵙⴷⵡⵍ ⴰⵎⴰⴹⵍⴰⵏ ⴳ ⵉⵏⵖⵎⵉⵙⵏ ⵉⵥⵕⴼⴰⵏⵏ. ⵜⵙⴷⴰⵍ ⵜⴰⵙⵖⵓⵏⵜ, ⵏⵏⴰ ⴱⵟⵟⵓⵊ 50 ⵏ ⵉⴼⴹ ⴳ 193 ⵏ ⵜⵎⴰⵣⵉⵔⵜ, ⵉⵙⵏⵜⴰⵍ ⵉⵇⵇⵏⵏ ⵙ ⵓⵙⴷⵔⵎ ⵅⴼ ⵓⵙⵡⵉⵔ ⴰⴳⵔⴰⵖⵍⴰⵏ, ⴰⵎ ⵓⵙⴷⵔⵎ ⵏ ⵉⵙⵏⴼⴰⵔⵏ ⴷ ⵜⴷⵔⴰⵡⵉⵏ ⴷ ⵍⵙⵡⴰⵇ ⵏ ⵉⵔⴰⵙⵎⴰⵍⵏ ⴷ ⵓⵙⵓⴳⵓⵔ ⵏ ⵉⵎⵉⵣⵉⵜⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%84%E2%B4%B0%E2%B4%B1%E2%B4%B7%E2%B5%8D%E2%B5%8D%E2%B4%B0%E2%B5%9F%E2%B5%89%E2%B4%BC-%E2%B5%8A%E2%B5%8A%E2%B5%A1%E2%B4%B0%E2%B5%80%E2%B5%94%E2%B5%89-%E2%B5%99%E2%B4%B3-%E2%B5%89%E2%B5%8E%E2%B5%83%E2%B4%B9%E2%B4%B0%E2%B5%A2%E2%B5%8F-%E2%B5%8F-%E2%B4%B1%E2%B4%B0%E2%B5%8F%E2%B4%BD%E2%B4%B0%E2%B5%A1%E2%B4%B0%E2%B5%9C-%E2%B5%89%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99%E2%B5%8F-%E2%B5%89-%E2%B5%A2%E2%B5%93%E2%B4%BC%E2%B5%8F-%E2%B4%B3-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B4%B3%E2%B5%8D%E2%B5%93%E2%B4%B1%E2%B4%B0%E2%B5%8D-%E2%B4%BC%E2%B4%B0%E2%B5%A2%E2%B5%8F%E2%B4%BB%E2%B5%8F%E2%B5%99