ⵉⵡⵉⵣ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵍⵇⵓⴷⵙ ⵉⴳⴰ ⵢⴰⵜ ⵜⵡⵡⵓⵔⵉ ⵉⵙⵎⴷⵏ ⵉⵜⵜⵡⴰⵙⵓⵜⴳⵏ (ⴰⵎⴰⵡⵙⴰⵙ ⴰⴼⴰⵍⵉⵚⵟⵉⵏⵉ)

28 ⵖⵓⵛⵜ 2023 Version Imprimable

ⵍⵇⵓⴷⵙ - ⵉⵏⵏⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵍⵇⵓⴷⵙ, ⴼⴰⴷⵉ ⵍⵀⴰⴷⵎⵉ, ⵎⴰⵙ ⵉⴳⴰ ⵉⵡⵉⵣ ⵏ ⵍⵎⵖⵔⵉⴱ, ⴷⴷⵓ ⵏ ⵜⵏⴰⵔⴰ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵢⵎⵎⵓⵏⵜ ⵏ ⵍⵇⵓⴷⵙ, ⵉ ⵍⵇⵓⴷⵙ ⴷ ⵜⵖⴰⵡⵙⵉⵡⵉⵏ ⵏ ⵉⵎⴰⵇⴷⵉⵙⵉⵢⵏ ⵢⴰⵜ ⵜⵡⵡⵓⵔⵉ ⵉⵙⵎⴷⵏ ⵉⵜⵜⵡⴰⵙⵓⵜⴳⵏ, ⵉⴱⵙⵉⵙⵙⵇ ⵙ ⵜⵚⵚⴱⵃ ⴳ ⵡⵓⴷⵎⴰⵡⵏ ⵜⵓⴷⵔⵜ ⴳ ⵜⵎⴷⵉⵏⵜ.

ⵉⴷⵜⵜⴻⵜ ⵓⵎⴰⵡⵙⴰⵙ ⴰⴼⵉⵍⵉⵙⵟⵉⵏⵉ ⴳ ⵡⴰⵡⴰⵍ ⵏⵏⵙ ⵉ ⵎⴰⵖⴱ ⵉⵍⴰ ⴷⵉⵏ ⵢⴰⵏ ⵓⵎⵙⴰⵡⴰⴹ ⴰⵍⴱⴷⴰⵏ ⴳⵔ ⵍⵇⵓⴷⵙ ⴷ ⵍⵎⵖⵔⵉⴱ, ⴰⵢⴰⵜ ⵉⵍⵍⴰ ⴳ ⵡⴰⵟⵟⴰⵚ ⵏ ⵜⵡⵓⵔⵉⵡⵉⵏ ⴷ ⵜⵙⵏⵜⴰⵢⵉⵏ, ⵎⴰⵏⵉ ⴰⵙⵇⵉⴹⵏ ⵏ ⵓⵏⴱⴷⵓ ⵏ ⵜⵙⵏⵓⵔⴰⵢⵜ ⵏ ⵓⵅⵅⴰⵎ ⵏ ⵜⵜⵎⵏⴰⵢⵜ ⵏ ⵍⵇⵓⴷⵙ ⴷ ⵉⵊⵊⵏ ⵣⵣⴰⴳⵙ.

ⵎⴰⵏⵉ ⵉⵙⵉⵎⵎⵔ, ⵉⵙⵙⵓⵜⴳ ⵜⵉⵍⴰⵍⵜ ⵉ ⵉⵜⵜⵉⵔⴰⵔ ⴱⴰⴱ ⵏ ⵡⵓⴷⴷⵓⵔ ⵃⵎⴰ ⴰⴷ ⵉⵎⵣⵣⵖ ⵅ ⵍⵇⵓⴷⵙ ⴷ ⵎⵉⵏ ⵜⴻⵜⵜⴳⴳ ⵜⵙⵏⵓⵔⴰⵢⵜ ⵏ ⵓⵅⵅⴰⵎ ⵏ ⵜⵜⵎⵏⵢⴰⵜ ⵏ ⵍⵇⵓⴷⵙ ⴳ ⵢⵉⴳⵔ ⴷ ⵜⵉⵣⵎⵎⴰⵔ ⵉⴷⵍⵉⵏ ⵓⴷⵎⴰⵡⵏ ⵉⵎⵙⴱⴹⴰⵏ ⵏ ⵜⵓⴷⵔⵜ.

ⴷⵔⵓⵏ ⴰⵙⴳⴳⵯⴰⵙ ⴰⴷ ⴳ ⵓⵙⵇⵉⴹⵏ ⵏ ⵜⵙⵏⵓⵔⴰⵢⵜ ⵏ ⵓⵅⵅⴰⵎ ⵏ ⵜⵜⵎⵏⵢⴰⵜ ⵏ ⵍⵇⵓⴷⵙ ⵛⴰ ⵏ 50 ⵏ ⵓⵃⵏⵊⵉⵔ ⴷ ⵜⵃⵏⵊⵉⵔⵜ ⴳⵔ 11 ⴷ 15 ⵏ ⵓⵙⴳⴳⵯⴰⵙ ⴰⴽⴷ ⵙⵎⵎⵓⵙ ⵏ ⵉⵎⵙⵙⴰⵜⵉⵢⵏ.

ⵜⴰⵡⴰⵍⴰⵜ ⴰⴷ ⵉⵙⵎⵎⴰ ⴱⴰⴱ ⵏ ⵡⵓⴷⴷⵓⵔ ⵙ ⵜⵡⴰⵍⴰⵜ ⵏ "ⵜⵉⴽⵍⵉ ⵜⴰⵣⴳⵣⴰⵡⵜ" ⵢⴰⵏ ⵉⵡⵉⵣ ⴰⴳⵍⴷⴰⵏ ⴰⵎⴰⵢⵏⵓ ⵉⵙⵙⵓⵜⴳⵏ ⴱⴰⴱ ⵏ ⵡⵓⴷⴷⵓⵔ ⵉ ⵉⴼⵉⵍⵉⵙⵟⵉⵏⵉⵢⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B5%A1%E2%B5%89%E2%B5%A3-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89-%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%89%E2%B4%B3%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%89%E2%B5%99%E2%B5%8E%E2%B4%B7%E2%B5%8F-%E2%B5%89%E2%B5%9C%E2%B5%9C%E2%B5%A1%E2%B4%B0%E2%B5%99%E2%B5%93%E2%B5%9C%E2%B4%B3%E2%B5%8F-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B4%BC%E2%B4%B0%E2%B5%8D%E2%B5%89%E2%B5%9A%E2%B5%9F%E2%B5%89%E2%B5%8F%E2%B5%89