Published on MAPNews (https://www.mapnews.ma/am)

Accueil > ⵜⵓⵣⵉⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ
  1. Accueil
  2. Activités royales

ⵜⵓⵣⵉⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ

27 ⵛⵓⵜⴰⵏⴱⵉⵔ 2013 Version Imprimable
ⵎⵕⵕⴰⴽⵛ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⵓⵣⵉⵏⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ, ⵍⵍⵉ ⵢⵍⵍⴰⵏ ⵙⴳ 25 ⴰⵔ 27 ⵛⵓⵜⴰⵏⴱⵉⵔ ⴰⴷ ⴳ ⵎⵕⵕⴰⴽⵛ.

ⵍⵍⵉⵖ ⵉⴳⴰ ⴰⴳⵔⴰⵡ ⴰⴷ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏⵏⵙ, ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵙⵎⵖⵔ ⴱⴰⵀⵔⴰ ⵉ ⵜⴰⵎⵙⵎⵓⵏⵜ ⵏ ⵜⵎⵖⴰⵔⵉⵏ ⵜⴰⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍⵏ ⵍⵍⵉ ⵢⵡⵓⵔⵉⵏ, ⵙⴳ ⵜⵓⴳⵉ ⵏⵏⵙ ⵙⴳ 68 ⵓⵙⴳⴳⵯⴰⵙ ⴰⵢⴰⴷ, ⴰⴼⴰⴷ ⴰⴷ ⵜⵙⵉⵍⵉ ⵜⴰⵎⵙⵙⵏⵜⵉⵜ ⵓⵏⵜⵉⵜ, ⵜⵍⵍⴰ ⴼ ⵖⵉⴽⴰⵏⵏ ⴳ ⵓⴳⴳⴰⵔ ⵏ 70 ⵜⵎⴰⵣⵉⵔⵜ ⴳ ⵙⵎⵎⵓⵙ ⵏ ⵉⵎⵏⵥⴰⵡⵏ ⴰⴷ.

ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵜⵉⴳⴰⵡⵜ ⵏ ⵜⴰⵎⵙⵎⵓⵏⵜ ⵏ ⵜⵎⵖⴰⵔⵉⵏ ⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⴳ ⵍⵎⵖⵔⵉⴱ. ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⴹⴼⴰⵕ ⵍⵎⵖⵔⵉⴱ ⵢⴰⵏ ⴰⴱⵔⵉⴷ ⵉⴼⵓⵍⴽⵉⵏ ⴰⴼⴰⴷ ⴰⴷ ⵉⵍⴽⵎ ⵉ ⵜⵙⵙⵉⴽⵙⵉⵍⵜ ⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ , ⴰⵎⵎⴰⵙ ⵏ ⵉⵣⵔⴼⵏ ⴷ ⵉⵣⵓⵛⵛⵍⵏ,  ⵣⵓⵏⴷ ⴰⵙⵍⴳⵏ ⵏ ⵜⵡⴰⵛⵓⵏⵜ, ⴷ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵍⵊⵉⵏⵙⵢⵢⴰ ⴰⴼⴰⴷ ⴰⴷ ⵜⵥⴹⴰⵕ ⵜⵎⵖⴰⵔⵜ ⴰⴷ ⵜⴼⴽ ⵍⵊⵉⵏⵙⵢⵢⴰ ⵏⵏⵙ ⵜⴰⵎⵖⵔⴰⴱⵉⵜ ⵉ ⵉⵄⵢⵢⴰⵍ ⵏⵏⵙ ⵍⵍⵉ ⵢⵟⵟⴰⴼⵏ ⴰⵎⴰⵔⴰⵡ ⴰⴱⵕⵕⴰⵏⵉ, ⴷ ⵓⴷⵓⵙⵜⵓⵔ.

ⵉⵏⵏⴰ ⴱⴰⴱ ⵏ ⵡⴰⴷⴷⵉⵔ ⵉⵙ ⵉⴱⴰⵢⵏ ⵓⵙⵓⵖⵏ ⵏ ⵜⵎⵖⴰⵔⵉⵏ ⴳ ⴽⵓⵍⵍⵓ ⵜⴰⵎⵏⴰⴹⵉⵏ ⵏ ⵜⴳⵍⴷⵉⵜ, ⴳ ⴽⵔⴰ ⵢⴳⴰⵜ ⴰⴷⵖⴰⵔ ⵓⵍⴰ ⴰⴼⴰⵔⴰⵏ. ⵉⵖⴰⵡⴰⵙⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ ⵔⴰⵏⵜ ⴰⴷ ⵏⵏⴰⵍⵏ ⵜⴰⵎⵖⴰⵔⵜ ⵜⴰⴼⴰⵔⴰⵏⵜ ⴰⴼⴰⴷ ⴰⴷ ⵜⴳⵎⵉ ⵜⵉⵎⵙⵓⵜⴰⵍ ⵏ ⵜⵓⴷⵔⵜ ⵏⵏⵙ.

ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⴼⴽⴰ ⵢⴰⵏ ⵓⵙⴷⵓⵔ ⴰⵎⵇⵔⴰⵏ ⵉ ⵜⴰⵏⴽⵔⴰ ⵙ ⵓⵙⵖⵓⵔⵉ ⵏ ⵜⴼⵔⵅⵉⵏ ⴳ   ⵓⵎⴰⴹⴰⵍ ⴰⴼⴰⵔⴰⵏ. ⵉⵅⵚⵚⴰ ⴰⴷ ⵉⵅⵎⵎⵕ ⵓⵙⴳⵎⵉ ⴷ ⴰⵙⵎⵓⵜⵜⴳ ⵢⴰⵜ ⵜⵉⵍⴰⵍⵜ ⵉⵎⵙⴷⴷⵓⵔⵏ ⴰⴼⴰⴷ ⴰⴷ ⵙⵖⵉⵡⵙⵏ ⴷⴰⵔ ⵉⵄⵔⵔⵉⵎⵏ ⴷ ⵜⵉⵄⵔⵔⵉⵎⵉⵏ ⵜⴰⵙⵏⵜⴰⵢⵜ ⴷ ⵜⴰⵖⵉⵡⴰⵏⵜ ⵏ ⵓⵎⵙⵙⵏⵜⵉ.

ⵉⵔⵜⴰ ⴱⴰⴱ ⵏ ⵡⴰⴷⴷⵓⵔ ⴰⵎⴷⴰⵣ ⴰⵎⵇⵔⴰⵏ ⵉ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴷ ⵉ ⵙⵙⵉⵜⵎ ⴷⴰⵖ ⴰⵛⴽ ⵉⴼⵓⵍⴽⵉⵏ ⵉ ⵢⵎⵉⵍⴰⵏ ⵏ ⵓⴳⵔⴰⵡ ⴰⴷ ⴳ ⵍⵎⵖⵔⵉⴱ.
 

Dernière modification : 27 ⵛⵓⵜⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%A1%E2%B5%89%E2%B5%99%E2%B5%99-61-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%89%E2%B5%8F-%E2%B5%9C%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%89%E2%B5%8F-%E2%B5%8F#comment-0