Published on MAPNews (https://www.mapnews.ma/am)

Accueil > ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ ⵜⵙⵙⵉⵅⴼ ⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵓⵕⵣⵣⵓⵎ ⵏ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ ⵜⵙⵙⵉⵅⴼ ⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵓⵕⵣⵣⵓⵎ ⵏ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ

27 ⵛⵓⵜⴰⵏⴱⵉⵔ 2013 Version Imprimable
ⵎⵕⵕⴰⴽⵛ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵏ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴰⵙⵙ ⵏ ⵓⵙⵉⵎⵡⴰⵙ ⴳ ⵎⵕⵕⴰⴽⵛ ⵜⴰⴼⵓⴳⵍⴰ ⵏ ⵓⵕⵣⵣⵓⵎ ⵏ ⵓⴳⵔⴰⵡ ⵡⵉⵙⵙ 61 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⵏ ⵓⵎⴰⴹⴰⵍ.

ⴳ ⵜⴼⵓⴳⵍⴰ ⵏ ⵓⵕⵣⵣⵓⵎ ⵏ ⵓⴳⵔⴰⵡ ⴰⴷ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⵓⵣⵉⵏⵜ ⵉ ⵢⵉⵎⴷⵔⴰⵡⵏ ⵍⵍⵉ ⵜⵖⵔⴰ ⵜⵎⵛⵛⵉⵡⵕⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙⴰ ⵣⵓⵍⵉⵅⴰ ⵏⴰⵚⵕⵉ.

ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⵜⵉⴳⴰⵡⵜ ⵏ ⵜⴰⵎⵙⵎⵓⵏⵜ ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⴳ ⵍⵎⵖⵔⵉⴱ. ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⴹⴼⴰⵕ ⵍⵎⵖⵔⵉⴱ ⵢⴰⵏ ⴰⴱⵔⵉⴷ ⵉⴼⵓⵍⴽⵉⵏ ⴰⴼⴰⴷ ⴰⴷ ⵉⵍⴽⵎ ⵉ ⵜⵙⵙⵉⴽⵙⵉⵍⵜ ⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ , ⴰⵎⵎⴰⵙ ⵏ ⵉⵣⵔⴼⵏ ⴷ ⵉⵣⵓⵛⵛⵍⵏ, ⵣⵓⵏⴷ ⴰⵙⵍⴳⵏ ⵏ ⵏ ⵜⵡⴰⵛⵓⵏⵜ, ⴷ ⵓⵣⵣⵔⴰⵢ ⵏ ⵉⵏⵉⴳⵍ ⵏ ⵍⵊⵉⵏⵙⵢⵢⴰ ⴰⴼⴰⴷ ⴰⴷ ⵜⵥⴹⴰⵕ ⵜⵎⵖⴰⵔⵜ ⴰⴷ ⵜⴼⴽ ⵍⵊⵉⵏⵙⵢⵢⴰ ⵏⵏⵙ ⵜⴰⵎⵖⵔⴰⴱⵉⵜ ⵉ ⵉⵄⵢⵢⴰⵍ ⵏⵏⵙ ⵍⵍⵉ ⵢⵟⵟⴰⴼⵏ ⴰⵎⴰⵔⴰⵡ ⴰⴱⵕⵕⴰⵏⵉ, ⴷ ⵓⴷⵓⵙⵜⵓⵔ.

ⵉⵜⵜⵙⵏⵎⴰⵍⴰ ⵓⴳⵔⴰⵡ ⴰⴷ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵜⵏⵙⵙⵉⵅⴼⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ.ⵔⴰⴷ ⴳⵉⵙ ⵉⴷⵔⵓ ⵓⴳⴳⴰⵔ ⵏ 700 ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵉⵎⵙⵙⵏⵜⵉⵜⵉⵏ ⴳ 70 ⵏ ⵜⵎⵉⵣⴰⵔ.

 ⴳ ⵜⴳⵉⵔⴰ ⵏ ⵜⴼⵓⴳⵍⴰ ⵏ ⵓⵕⵥⵥⵓⵎ ⴰⴷ ⵜⵥⵕⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵉⵎ ⵢⴰⵏ ⵓⵙⴼⵙⵔⵍⵍⵉ ⵉⵜⵜⵙⵏⵎⴰⵍⴰⵏ ⵙ ⵓⵣⵎⵣⵣⵓ ⵏ ⵓⴳⵔⴰⵡ ⴰⴷ .ⵍⵍⴰⵏ ⴳⵉⵙ ⵉⵏⵙⴰⵡⵏ ⵏ ⵜⵉⵎⵙⵙⵏⵜⵉⵜⵉⵏ ⴷ ⵜⵎⵢⴰⵡⴰⵙⵉⵏ ⵍⵍⵉ ⴷⵔⵓⵏⵉⵏ ⴳ ⵓⵏⵎⴰⵇⵇⴰⵔ ⴰⴷ ⴰⴳⵔⴰⵖⵍⴰⵏ.

ⵔⴰⴷ ⵎⴹⴰⴽⴰⵕⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⵙⵍⴰⵡⴰⵏ ⴰⴽⴽⵯ ⵅⴼ « ⵉⵣⵎⵣⵏ ⵏ ⵓⵙⵙⴰⵔⵓ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵍⵅⴰⵍⵉⵊ » ⴷ « ⵜⴰⵏⴽⵔⴰ ⵙ ⵜⵉⵎⵙⵙⵏⵜⵉⵜⵉⵏ ⵏ ⵜⵎⵖⴰⵔⵉⵏ » ⴷ « ⴰⵙⵎⴰⵢⵏⵓ ⴷ ⵜⴰⴷⵍⵙⴰ ⵏ ⵓⵍⴰⵢ ».
 

Fichier attaché :
Icône paquet sar_lalla_meryem_marrakech_g.zip
Dernière modification : 27 ⵛⵓⵜⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%89%E2%B5%8E-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A3%E2%B5%A3%E2%B5%93%E2%B5%8E-%E2%B5%8F#comment-0