Published on MAPNews (https://www.mapnews.ma/am)

Accueil > ⴰⵏⵎⵓⴳⴳⴰⵔ ⵏ ⵙⵉⴷⵉ ⵉⴼⵏⵉ ⵉ " ⵜⴷⵍⵙⴰ ⴷ ⵜⵥⵓⵕⵉ ⴷ ⵜⵓⵏⵏⵓⵏⵜ" ⵙⴳ 20 ⴰⵔ 29 ⵢⵓⵍⵢⵓⵣ

ⴰⵏⵎⵓⴳⴳⴰⵔ ⵏ ⵙⵉⴷⵉ ⵉⴼⵏⵉ ⵉ " ⵜⴷⵍⵙⴰ ⴷ ⵜⵥⵓⵕⵉ ⴷ ⵜⵓⵏⵏⵓⵏⵜ" ⵙⴳ 20 ⴰⵔ 29 ⵢⵓⵍⵢⵓⵣ

14 ⵢⵓⵍⵢⵓⵣ 2023 Version Imprimable
ⴰⴳⵯⵍⵎⵉⵎ - ⵜⵙⵙⴷⵍ ⵙⵉⴷⵉ ⵉⴼⵏⵉ ⴳ ⵡⴰⴽⵓⴷ ⴳⵔ 20 ⴰⵔ 29 ⵢⵓⵍⵢⵓⵣ, ⵜⵓⵏⵖⵉⵍⵜ ⵜⵉⵙⵙ ⵙⵏⴰⵜ ⵏ ⵓⵍⵎⵓⴳⴳⴰⵔ ⵏ ⵙⵉⴷⵉ ⵉⴼⵏⵉ ⵉ "ⵜⴷⵍⵙⴰ ⴷ ⵜⵥⵓⵕⵉ ⴷ ⵜⵓⵏⵏⵓⵏⵜ" ⴰⴷⵓ ⵓⵣⵡⵍ " ⴰⵎⵙⴰⵙⴰ ⴰⴷⵍⵙⴰⵏ ⴷ ⵡⵉⵏ ⵏ ⵜⵥⵓⵕⵉ ⴷ ⴰⵎⵙⵙⴰⵍⴰⵢ ⵉ ⵜⵏⴼⵍⵉⵜ ⵜⴰⴽⴰⵍⴰⵏⵜ ⴷ ⵜⵎⴰⵍⵍⴰⵢⴰⵏⵜ".

ⵜⴰⵎⵙⴽⴰⵏⵜ ⴰⴷ ⵉ ⵜⵙⴽⵔ ⵜⴰⵎⵏⴱⴰⴹⵜ ⵏ ⵙⵉⴷⵉ ⵉⴼⵏⵉ ⵙ ⵜⴷⵔⴰⵡⵜ ⴷ ⵓⵙⵡⵉⵣⵉ ⴰⴽⴷ ⵓⵙⵇⵇⵉⵎ ⵏ ⵜⵙⴳⴰ ⵏ ⴳⵯⵍⵎⵉⵎ ⵡⴰⴷ ⵏⵓⵏ, ⴷ ⵓⵙⵇⵇⵉⵎ ⴰⵙⴳⴰⵡⴰⵏ ⵏ ⵙⵉⴷⵉ ⵉⴼⵏⵉ, ⴷ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⵙⵉⴷⵉ ⵉⴼⵏⵉ, ⵉⵜⵜⵡⴰⴳⴳ ⴳⵙ ⵉⴳⵟⵟⵉⵎⵏ ⵏ ⵜⵥⵓⵕⵉ ⴷ ⵓⵥⴰⵡⴰⵏ ⴰⵎⴰⵣⵉⵖ ⴷ ⵓⵃⵙⵙⴰⵏⵉ ⴷ ⵓⵛⵖⴱⵉ, ⴷ ⵉⵎⵃⵉⵣⵡⴰⵔⵏ ⴳ ⵜⵓⵏⵏⵓⵏⵜ ⵏ ⵡⴰⵎⴰⵏ ⴷ ⵡⵉⵍⵍⵉ ⵏ ⵓⴼⵜⴰⵙ ⴷ ⵓⵏⴹⴰⵕ ⵏ ⵉⵃⴱⴱⵢⵏ ⴷ ⵜⴰⴽⵓⵔⵜ ⵏ ⵓⵣⵣⴰⵍ ⴷ ⵉⵎⵓⵙⵙⵓⵜⵏ ⵏ ⵜⴰⵢⵍⴰⵍⵜ ⵉⴼⵙⵓⵙⵏ ⴷ ⵡⵉⵏ ⵏ ⵜⵓⵏⵏⵓⵏⵜ ⴷ ⵜⴳⵎⵔⴰ ⵙ ⵓⵖⴰⵏⵉⵎ.

ⵜⴰⵡⴰⵍⴰ ⴰⴷ ⴰⴷ ⴳⵉⵙ ⵙⴽⵔⵏ ⵉⴼⵙⴰⵔⵏ ⵏ ⵜⵎⵏⴰⵢⵜ ⴷ ⵉⵎⵃⵉⵣⵡⴰⵔⵏ ⵏ ⵉⵍⵖⵎⴰⵏ, ⴰⵙⴽⴽⵉⵔ ⵏ ⵜⵉⵏⴰⵡⵜ ⴷ ⵓⵎⵃⵉⵣⵡⴰⵔ ⵏ ⵍⵇⵓⵔⴰⵏ ⴷ ⵉⵎⵓⵙⵙⵓⵜⵏ ⵉⵎⵓⵏⴰⵏⵏ ⴷ ⵢⴰⵏ ⵍⵎⵓⵙⵎ ⵏ ⵜⵙⴱⴱⴰⴱⵜ ⴷ ⵉⵙⴼⵙⴰⵔⵏ ⵏ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵉⴼⴰⵔⵙⵏ ⵏ ⵡⴰⴽⴰⵍ ⴷ ⵢⵉⵍⵍ ⴷ ⵓⵙⴰⵢⵔⴰⵔ ⵏ ⵓⵎⴹⴰⵢ ⴰⴽⴷ ⵜⵇⵉⴹⵓⵏⵜ ⵏ ⵓⵙⴼⵔⵓ ⴷ ⵓⴽⴰⵔⵏⵓⴼⴰⵍ.

ⵜⵡⴰⵍⴰ ⴰⴷ ⵜⵓⵜⵜⵙⴽⵔ ⵙ ⵜⴷⵔⴰⵡⵜ ⴰⴽⴷ ⵓⵅⵅⴰⵎ ⴰⵙⴳⴰⵡⴰⵏ ⵏ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵓⵅⵅⴰⵎ ⴰⵏⴼⵍⴰⵃ ⵏ ⵜⵙⴳⴰ ⵏ ⴳⵯⵍⵎⵉⵎ ⵡⴰⴷ ⵏⵓⵏ ⴷ ⵓⵅⵅⴰⵎ ⵯ ⵜⴳⵎⵔⴰ ⵜⴰⵢⵉⵍⴰⵏⵜ ⵜⴰⵟⵍⴰⵙⵉⵜ ⵜⴰⵍⵎⵎⴰⵙⵜ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵜⴰⵏⴼⵍⴰⵃⵜ ⴷ ⵜⵎⵀⵍⴰ ⵜⴰⵙⴳⴰⵡⵏⵜ ⵏ ⵜⴳⵎⵔⴰ ⵜⴰⵢⵉⵍⴰⵏⵜ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⴷⵍⵙⴰ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⵎⴰⵍⵍⴰⵢⵜ ⴷ ⵜⵎⵔⵙⵍⵜ ⵏ ⴼⵓⵙⴱⵓⴳⵔⴰⵄ ⴷ ⵜⵎⵔⵙⵍⵜ ⵏ ⵉⴼⴼⵓⵙ ⴷ ⵜⵎⵙⵎⵓⵏⵜ ⵏ ⵉⴼⵏⵉ ⵜⵉⵙⵏⵜⴰⵢⵉⵏ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B5%99%E2%B5%89%E2%B4%B7%E2%B5%89-%E2%B5%89%E2%B4%BC%E2%B5%8F%E2%B5%89-%E2%B5%89-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B4%B7-%E2%B5%9C%E2%B5%A5%E2%B5%93%E2%B5%95%E2%B5%89-%E2%B4%B7-%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C-%E2%B5%99%E2%B4%B3-20-%E2%B4%B0%E2%B5%94-29-%E2%B5%A2%E2%B5%93%E2%B5%8D%E2%B5%A2%E2%B5%93%E2%B5%A3