Published on MAPNews (https://www.mapnews.ma/am)

Accueil > ⴰⴳⵍⴷⵓⵏ ⵉⵎⵓⵎⵏⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵅⴼ ⵓⵙⵏⵜⵍ "ⵉⵙⴱⴷⴰⴷⵏ ⵏ ⵍⴼⵜⵡⴰ ⵜⴰⵣⵔⴼⴰⵏⵜ ⴳ ⵓⵙⴰⵜⴰⵍ ⴰⴼⵔⵉⴽⴰⵏ"
  1. Accueil
  2. Activités royales

ⴰⴳⵍⴷⵓⵏ ⵉⵎⵓⵎⵏⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵢⵓⵣⵏ ⵜⴰⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵅⴼ ⵓⵙⵏⵜⵍ "ⵉⵙⴱⴷⴰⴷⵏ ⵏ ⵍⴼⵜⵡⴰ ⵜⴰⵣⵔⴼⴰⵏⵜ ⴳ ⵓⵙⴰⵜⴰⵍ ⴰⴼⵔⵉⴽⴰⵏ"

08 ⵢⵓⵍⵢⵓⵣ 2023 Version Imprimable
ⵎⵕⵕⴰⴽⵯⵛ -  ⵢⵓⵣⵏ ⴰⴳⵍⴷⵓⵏ ⵉⵎⵓⵎⵏⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵔⴱⴱⵉ, ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵉⵜⵜⵓⵙⴽⵔⵏ ⵣⵖ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵉⵎⵓⵙⵙⵏⴰⵡⵏ ⴰⴼⵔⵉⴽⴰⵏⵏ ⵅⴼ ⵓⵙⵏⵜⵍ “ⵉⵙⴱⴷⴰⴷⵏ ⵏ ⵍⴼⵜⵡⴰ ⵜⴰⵣⵔⴼⴰⵏⵜ ⴳ ⵓⵙⴰⵜⴰⵍ ⴰⴼⵔⵉⴽⴰⵏ”, ⵉ ⵜⴳⴳⴰ ⵜⵎⴷⵉⵏⵜ ⵏ ⵎⵔⵔⴰⴽⵛ ⵙⴳ 08 ⴰⵔ 10 ⵢⵓⵍⵢⵓⵣ ⵉⴳⴳⵓⵔⵏ.

ⵖⵉⴷ  ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵏⵏⴰ ⵉⵖⵕⴰ ⵓⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⵎⴰ ⵎⴰⵙⵙ ⴰⵃⵎⴰⴷ ⵜⵜⴰⵡⴼⵉⵇ 

ⵉⵎⵖⵔ ⴰⵏⵖ ⵡⵓⴷⴷⵓⵔ ⴰⴷ ⴰⵡⵏ ⵏⴰⵣⵏ ⵜⴰⴱⵔⴰⵜ ⴰⴷ, ⴽⵏⵏⵉⵡ ⵉⵎⵓⵏⵏ ⵃⵎⴰ ⴰⴷ ⵜⵖⵔⵎ ⵢⴰⵏ ⵓⵙⵏⵜⵍ ⵖⵔⵙ ⵢⴰⵏ ⵓⴷⵖⴰⵔ ⵉⵥⵍⵉⵏ ⵖ ⵓⴳⴰⵢⵢⵓ ⵏⵏⵖ, ⵏⵜⵜⴰ ⴰⵙⵏⵜⵍ ⵏ ⵍⴼⴰⵜⵡⴰ ⴳ ⵍⴰⵃⴽⴰⵎ ⵏ ⵜⵣⵔⴼⵜ ⴷ ⵏⵏⴰⵡⴰⵣⵉⵍ ⵉⵎⴰⵢⵏⵓⵜⵏ, ⴰⵢⴰ ⵢⵓⵛⴽⴰ ⴷ ⵙⴳ ⵍⴰⵎⴰⵏⵜ ⵏⵏⴰ ⵖ ⵉⴼⴽⴰ ⵕⴱⴱⵉ ⴳ ⵓⵃⵟⵟⵓ ⵏ ⴷⴷⵉⵏ ⵙⴳ ⵜⵔⴰⴷⵉⴽⴰⵍⵉⵜ ⴷ ⵓⴱⵍⵍⵄ ⴷ ⵉⵎⵏⵜⵉⵍⵏ ⵏ ⵍⴼⵉⵜⵏⴰ.ⵎⴰⵢⴰⴷ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ ⵜⴰⴳⵍⴷⴰⵏⵜ .

ⵎⴰⴷ ⵉⵣⴰⵢⴷⵏ ⴳ ⵜⴼⵍⵙⵜ ⵏⵏⵖ, ⵜⵉⵖⵔⵉ ⵏⵏⵓⵏ ⵃⵎⴰ ⴰⴷ ⵜⵖⵔⵎ ⴰⵙⵏⵜⵍ ⴰⴷ, ⵏⵏⴰ ⴷ ⵉⴼⴼⵖⵏ ⵙⴳ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵉⵎⵓⵙⵙⵏⴰⵡⵏ ⴰⴼⵔⵉⴽⴰⵏⵏ. ⵜⵉⵎⵔⵙⵍⵜ ⴰⴷ ⵏⵏⴰ ⵏⵙⴽⵔ ⴷⴰⵜ ⵉ ⵜⴰⵎ ⵏ ⵉⵙⴳⴳⵓⵙⴰ, ⵜⴻⵜⵜⴰⴽⴽⵯⴰⴹ ⵖⵔ ⵉⵡⵜⵜⴰⵙⵏ ⵏⵏⴰ ⴷⴰⵙ ⵏⴳⴳⴰ, ⵉ ⵉⵍⵍⴰⵏ ⴷ ⴰⵙⵎⵓⵏⵉ ⵏ ⵜⵣⵎⵎⴰⵔ ⵏ ⵉⵎⵓⵙⵙⵏⴰⵡⵏ ⴰⴼⵔⵉⴽⴰⵏⵏ ⵉⵎⵙⵍⵎⵏ ⵙⴳ ⵍⵎⵖⵔⵉⴱ ⴷ ⵜⵎⵉⵣⴰⵔ ⵢⴰⴹⵏⵉⵏ ⵏ ⵉⴼⵔⵉⴽⵉⵢⴰ, ⵃⵎⴰ ⴰⴷ ⵙⵓⵙⵙⵏⵏ ⵙ ⵉⵣⴰⵍⵏ ⵏ ⵍⵉⵙⵍⴰⵎ ⵉⵚⴱⵃⵏ, ⴰⴷ ⵜⵜⵡⴰⴳⴳⵏⵜ ⵜⵙⵏⵜⴰⵢ ⵉ ⵖⴰ ⵉⵙⴱⴷⴷⵏ ⵜⴰⵍⵎⵎⴰⵙⵜ ⴳ ⵓⵄⴷⴷⵓⵍ ⵎⵉⵏ ⵅⴼ ⵜⴱⴷⴷ ⵜⴳⵎⵉ ⴳ ⵡⴰⴼⵔⵉⴽⵉⵢⴰ, ⴳ ⵓⵎⵏⵥⴰⵡ ⵏⵖⴷ ⴳ ⴽⵓ ⵜⴰⵎⴰⵣⵉⵔⵜ ⵙⴳ ⵜⵎⵉⵣⴰⵔ ⵏⵏⵙ .ⵉⵙⵓⵍ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔ ⴰⴳⵍⵍⵉⴷ .

ⵓⵔⵅⴰⴼⵡⵏ ⵏⵙⵏⵓⴼⴼⵓⵔ ⴰⴱⵔⵉⴷ ⵏⵏⵛ ⵃⵎⴰ ⴰⴷ ⵏⴳⴳ ⵜⵉⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵉⵎⵓⵙⵙⵏⴰⵡⵏ ⴰⴼⵔⵉⴽⴰⵏⵏ, ⴰⴷ ⵏⵉⵙⵙⴰⵏ ⴰⵢⴷⴰ ⵉⴱⴱⵓⵖⵍⴰⵏ, ⵙ ⵜⵖⵓⵏⵡⵉⵏ ⵉⵊⵀⴷⵏ ⴳⵔ ⵉⵍⴰⴳⴳⵡⴰⵊⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵡⴰⴼⵔⵉⴽⴰ ⴰⴷⵓ ⵚⵚⵃⵔⴰ. ⵜⵉⵖⵓⵏⵉⵡⵉⵏ ⵉⴱⴷⴷⵏ ⵅ ⵎⵉⵏ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴰⵢⵜⵎⴰⵙ ⴰⴼⵔⵉⴽⴰⵏⵏ ⴳ ⵜⵉⵖⵉⵍⵜ ⴷ ⵓⵖⴰⵔⴰⵙ ⴰⵙⵓⵏⵏⵉ. ⵉⵙⴱⴷⴰⴷⵏ ⴰⴷ ⵏⵜⵜⴰⴼ ⵉⵜⵏ ⵓⵍⴰ ⴳ ⵜⵖⴰⵔⴰⵙⵉⵏ ⵜⵉⵚⵓⴼⵉⵢⵉⵏ, ⵅⴼ ⵜⵓⵙⵙⵏⴰ ⵜⴰⵣⵔⴼⴰⵏⵜ. ⵉⴼⵔⴰ ⵢⵉⵏⵏⴰ ⴱⴰⴱ ⵏⵡ ⴰⴷⴷⵓⵔ ⴰⴳⵍⵍⵉⴷ .

ⴰⵎⵚⴰⵡⴰⴹ ⴳⵔ ⵍⵉⵎⴰⵔⴰ ⵏ ⵉⵎⵓⵎⵏⵏ ⴳ ⵍⵎⵖⵔⵉⴱ ⴷ ⵍⵎⵛⵢⴰⵅⴰⵜ ⵏ ⵜⴱⵔⵉⴷⵉⵏ ⵏ ⵓⵚⵡⵡⴼ ⴳ ⵜⵎⵉⵣⴰⵔ ⵏ ⵡⴰⴼⵔⵉⴽⴰⵏⵏ ⵄⴰⴷ ⵉⵍⵍⴰ, ⵙ ⵓⵢⵏⵏⵉ ⵏⴳⴳⴰ ⵉⵊⵊⵏ ⵓⵙⴰⵜⵉ ⴷ ⵜⵉⵎⵔⵙⵍⵜ ⵏ ⵓⵎⵚⴰⵡⴰⴹ ⴳⵔ ⵉⵎⵓⵙⵙⵏⴰⵡⵏ ⴷ ⵍⴼⵇⵀⴰ ⴷ ⵉⵎⵓⴼⵉⵜⵢⵏ ⵃⵎⴰ ⴰⴷ ⵏⵓⴳⵓⵔ ⴰⴽⴷ ⵎⵉⵏ ⵉⵙⵎⴰⵢⵏⴰⵏ, ⵉⵇⵇⵏⵏ ⵙ ⵓⴱⵓⵖⵍⵓ ⵏ ⵜⵓⴷⵔⵜ ⵜⴰⵏⴰⵎⵓⵏⵜ ⴷ ⵜⴰⵖⵔⵎⴰⵏⵜ ⴷ ⵓⵙⵀⵡⵉ ⵏ ⵓⵣⵔⴼⴰⵏ ⵣⵣⴰⴳⵙ.ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⵜⴰⵎⴰⵙⴰⵢⵜ ⴽⵙⵙⵉⵏ ⵜⵜ ⵉⵎⵓⵙⵙⵏⴰⵡⵏ ⵏ ⴷⴷⵉⵏ ⵍⴱⴷⴰ, ⴷ ⵢⴰⵜ ⵜⵎⴰⵙⴰⵢⵜ ⴷ ⵜⴰⵎⵇⵇⵔⴰⵏⵜ ⵜⵎⵎⵔⵏⵉ ⴳ ⵓⵙⵙⴰⵏ ⴰⴷ, ⴷ ⵉⵊⵊⵏ ⵍⴰⵎⴰⵏⵜ ⴷ ⵜⴰⵎⵇⵇⵔⴰⵏⵜ ⵣⵣⴰⵜ ⵉ ⵕⴱⴱⵉ ⵉ ⵉⵅⵣⵣⵔⵏ ⵖⵔ ⵉⵎⵓⵙⵙⵏⴰⵡⵏ ⵉⵍⴰ ⴷ ⵜⴰⵎⵙⵙⴷⵡⵍⵜ ⵃⵎⴰ ⴰⴷ ⵙⵙⵉⵡⴹⵏ ⴷⴷⵉⵏ ⵏ ⵕⴱⴱⵉ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⴷ ⴰⴽⵓⵎⴰⵙⵉ ⵙⴳ ⵜⵉⵍⴰⵡⵜ ⴰⴷ, ⵉⵅⵚⵚ ⵓⵖⵉⵍ ⴰⴷ ⵏⵃⴹⴰ ⴷⴷⵉⵏ ⵏ ⵕⴱⴱⵉ, ⵏⴳⴳⴰ ⴳ ⵜⴳⵍⴷⵉⵜ ⵏⵏⵖ ⵜⴰⴳⵯⵔⵔⴰⵎⵜ ⴳ ⵓⵙⵎⵔⵙⵍ ⵏ ⵍⴼⵜⵡⴰ, ⵏⴳⴳ ⵉⵜ ⴷ ⵜⴰⴳⵔⴰⵡⴰⵏⵜ ⵙⴳ ⵜⵓⵥⵍⴰⵢⵉⵏ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ, ⵏⵏⴰ ⵜⵜⵙⵇⵙⴰⵏ ⵎⴷⴷⵏ ⴳ ⵜⵖⴰⵡⵙⵉⵡⵉⵏ ⵉⵣⴷⵉⵏ ⵙ ⴷⴷⵉⵏ, ⵎⴰⵏⵉ ⵜⵜⴳⴳⵏ ⵉⵎⵓⵙⵙⵏⴰⵡⵏ ⴳ ⵓⵙⵎⵏⴷ ⵏ ⵎⴷⴷⵏ. ⴷ ⴰⵢⴰ ⵉⵅⵚⵚ ⴰⴷ ⴳⴳⵏ ⴳ ⵎⴰⵔⵔⴰ ⵜⵉⵎⵉⵣⴰⵔ ⵏ ⵡⴰⴼⵔⵉⴽⴰⵏⵏ, ⵎⴰⵏⵉ ⵜⵅⵚⵚ ⵍⴼⵜⵡⴰ ⴰⴷ ⵜⵉⵍⵉ ⴷ ⵜⵓⵥⵍⴰⵢⵜ ⵏ ⵢⴰⵜ ⵜⴳⵔⴰⵡⵜ ⵏ ⵜⵎⵔⵙⵍⵜ.ⵎⴰⵢⴰⴷ ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⴰⵎⵙⴰⴳⴰⵔ ⴰⴷ ⵏⵏⵓⵏ ⴰⵎⴱⴰⵔⴽⵉ ⴳ ⵓⵙⵏⵜⵍ ⵏ ⵍⴼⵜⵡⴰ, ⵉⵅⵚⵚ ⴰⴷ ⵉⵙⵙⵉⵍⵍⵖ ⵖⵔ ⵉⵎⵙⵍⵎⵏ ⴰⵙⵙ ⴰⴷ ⵓⵎⵉ ⵇⵇⴰⵜⵏ ⵜⴰⵍⵎⵎⴰⵙⵜ, ⴰⵎⴽ ⵉⵏⵏⴰ ⵕⴱⴱⵉ : “ⵏⵔⵔⴰ ⴽⵏⵏⵉⵡ ⵢⴰⵏ ⵓⵖⵔⵎⴼ ⴰⵍⵎⵎⴰⵙ”. ⵙ ⵓⵢⴰ ⵉⵅⵚⵚ ⴰⵏⵖ ⴰⴷ ⵏⴰⴳⴳⵓⴳ ⵉ ⵜⵔⴰⴷⵉⴽⴰⵍⵉⵜ, ⴰⴷ ⵏⵍⴰⵖⴰ ⵎⴷⴷⵏ ⵖⵔ ⵜⵍⵎⵎⴰⵙⵜ, ⴰⴷ ⵢⵉⵍⵉ ⵓⵎⵛⵉⵡⵉⵕ ⵏⴳⵔ ⵉⵎⴰⵙⵙⴰⵏⵏ ⵏ ⴷⴷⵉⵏ ⵃⵎⴰ ⴰⴷ ⵉⵜⵜⵓⴹⴼⵕ ⵓⵎⴰⵢⵏⵓ ⴳ ⵜⵡⵡⵓⵔⵜ ⵏ ⵍⴼⵜⵡⴰ, ⴰⴷ ⵏⵥⵕ ⵎⴰⵎⴽ ⵓⴷⵍⵙⴰⵏ ⴰⴷ ⵢⴰⴷⴼ ⴳ ⵓⵣⵔⴼⴰⵏ ⵎⴰⵍⴰ ⵓⵔ ⵉⵍⵍⵉ ⵓⵏⵎⴳⴰⵍⴰ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⴳ ⵢⵉⴳⵔ ⴰⴷ - ⴳ ⵓⵙⵉⴷⴼ ⵏ ⵜⵉⵍⴰⵡⵜ ⴳ ⴷⴷⵉⵏ- ⵜⵜⵓⵙⵙⵏⵏ ⵉⵎⴰⵙⵙⴰⵏⵏ ⵏ ⵜⴳⵍⴷⵉⵜ ⵜⴰⴳⵯⵔⵔⴰⵎⵜ ⴷ ⵢⴰⵏ ⵓⵎⴽⵏⴰⵡ, ⵎⴰⵏⵉ ⴳⴳⵉⵏ ⵍⴼⵉⵇⵀ, ⵙ ⵜⵙⵓⵜⴰⵍ ⵉⵣⵔⵉⵏ, ⵙ ⵓⵔⵎⵎⵓⵙ ⵉⵜⵜⵓⵙⵙⵏⵏ “ⴰⵎⴽ ⵉⵜⵜⵓⵙⵅⴷⵎ” ⵉⵜⵜⵙⵎⴰ ⴰⴷ ⵉⵜⵜⵓⴽⵙⵉ ⵓⵙⴽⴽⵉⵔ ⴰⴷⵍⵙⴰⵏ ⵏ ⵉⵡⴷⴰⵏ, ⴰⴽⴷ ⵉⴳⵔ ⵓⵎⴰⵍⵉⴽⵉ, ⵃⵎⴰ ⴰⴷ ⵉⵍⵉ ⵉⵏⵎⴳⵓⴷⴷⵉ ⴳⵔ ⴷⴷⵉⵏ ⴷ ⵜⵏⴼⵙⵉⵜ. ⵉⵙⵓⵍ ⵉⵏⵏⴰ  ⴱⴰⴱ ⵏ ⵡⴰⴷⴷⵓⵔ 

ⴰⵎⴽ ⵉ ⴷⴰⵙⵏ ⵉⵅⵚⵚ ⵉ ⵉⵎⵓⵙⵙⵏⴰⵡⵏ ⵉⵜⵜⴳⵏ ⵍⵉⴼⵜⴰ ⵅ ⵓⵙⵡⵉⵔ ⴰⴼⵔⵉⴽⴰⵏ, ⵉ ⵉⵇⵇⵏⵏ ⵖⵔ ⵍⴼⵉⵇⵀ ⵏ ⵜⵉⵍⴰⵡⵜ, ⴷ ⵓⵣⵎⵎⴻⵎ ⵏ ⵜⵔⵣⵣⵓⵜ ⵏⵏⵙⵏ ⵅⴼ “ⵉⴽⵙⵙⵓⵢⵏ” ⵉⵍⵉⴽⵟⵕⵓⵏⵉⵢⵏ.

ⴰⴽⴷ ⵎⴰⵏⴰⵢⴰ, ⵃⵎⴰ ⴰⴷ ⵜⵉⵍⵉ ⵍⴼⴰⵜⵡⴰ, ⵉⵅⵚⵚ ⴰⴷ ⵉⵍⵉⵏ ⵉⵎⵙⵙⵏⴰⵡⵏ ⵙⴳ ⵜⵓⵥⵍⴰⵢⵉⵏ ⵢⴰⴹⵏⵉⵏ, ⴰⵢⴰ ⴷ ⵉⵛⵜ ⵜⵙⴽⴽⵉⵔⵜ ⵜⴻⵜⵜⵡⴰⵙⵙⵏ ⴳ ⵜⵎⴰⵣⵉⵔⵜ ⵏⵏⵖ.

ⴰⵖⴰⵡⴰⵙ ⵏⵏⴰ ⵜⵉⵡⵉⵎ ⵉ ⵜⵉⵏⴰⵡⵜ ⵏⵏⵡⵎ, ⵉⵅⵚⵚ ⴰⴷ ⵢⴰⵡⵉ ⵢⴰⵏ ⵓⵣⵣⵔⴳ ⴳ ⵓⵙⴰⵢⵔⴰⵔ ⴰⴼⵔⵉⴽⴰⵏ, ⵎⵉⵏⵣⵉ ⵉⵜⵜⴳⴳ ⵜⵉⵣⵎⵎⴰⵔ ⵃⵎⴰ ⴰⴷ ⵏⵉⵙⵙⴰⵏ ⵓⵎⵉ ⵇⵇⴰⵔⵏ ⵍⵉⴼⵜⴰ, ⴷ ⵓⴷⵎⴰⵡⵏ ⵏ ⵓⵏⵓⵃⵢⵓ ⵃⵎⴰ ⴰⴷ ⵉⵍⵉ ⴰⵢⴰ ⵉⵎⵙⴰⵙⴰ ⴰⴽⴷ ⵉⵣⴼⵔⴰⵏ ⴷ ⵜⵓⵥⵍⴰⵢⵉⵏ ⵏ ⵎⴷⴷⵏ ⴰⴷ ⴰⴳⴳⵯⵊⵏ ⵉ ⴽⵓⵍⵍⵓ ⵎⴰⴷ ⵉⴳⴰⵏ ⴷ ⴰⵔⴰⴷⵉⴽⴰⵍ. ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵉⵅⵚⵚ ⵄⴰⵡⴷ ⴰⴷ ⵢⵉⵍⵉ ⵓⵎⵚⴰⵡⴰⴷ ⴳ ⵉⵖⴰⵔⴰⵙⵏ ⵉⵍⵍⴰⵏ ⴷ ⵉⵜⵉⴽⵏⵓⵍⵓⵊⵉⵢⵏ ⵏ ⵡⴰⵙⵙ ⴰⴷ ⵃⵎⴰ ⵓⵔ ⵉⵜⵜⵉⵍⵉ ⵍⴼⴰⵜⵡⴰ ⴰⴷ ⵜⵜ ⵇⵇⴰⵔⵏ ⵎⴷⴷⵏ ⵉ ⵓⵔ ⵖⵔ ⵉⵍⵍⵉ ⵜⵓⵥⵍⴰⵢⵜ ⴷ ⵜⵣⵓⵏⵉ ⵏ ⵜⵔⵣⵣⵓⵜ, ⵙ ⵓⵢⴰ ⴰⴷ ⵙⵙⵎⵖⵔⵏ ⵉⵏⴰⵡ ⵏ ⵍⴽⵔⵓⵀⵀⵉⵢⵜ.ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⴳ ⵎⴰⵏⴰⵢⴰ, ⵉⵅⵚⵚ ⴰⴷ ⵏⵙⵙⵢⴰⴼⵓ ⵜⵉⵚⴱⵃⴰⵏⵉⵏ ⵏ ⵓⵎⵢⴰⵡⴰⴹ ⵃⵎⴰ ⴰⴷ ⵏⵙⵉⵖⴰ ⴳ ⵡⴰⵡⴰⵍ ⴳ ⵓⵙⵏⵜⵍ ⵏ ⵜⵉⵏⴰⵡⵜ. ⴳ ⵓⵎⵚⴰⵡⴰⴹ ⴰⴷ ⴰⴷ ⵜⴰⴼⵎ ⴰⵟⵟⴰⵙ ⵏ ⵜⵉⵔⵎⵉⵜⵉⵏ, ⴽⵓ ⵜⴰⴳⵔⴰⵡⵜ ⵏ ⵉⵎⴰⵙⵙⴰⵏⵏ ⴰⴷ ⵣⵣⴰⴳⵙ ⵜⵙⵜⴰⴼⴷ, ⵙⴳ ⵎⴰⵔⵔⴰ ⵉⵎⴰⵙⵙⴰⵏⵏ ⴰⴼⵔⵉⴽⴰⵏⵏ ⵉⵍⵍⴰⵏ ⴳ ⵜⵙⵏⵜⴰⵢⵜ ⴰⴷ ⴷ ⵓⵃⵟⵟⵓ ⵏ ⵉⵣⵔⴼⴰⵏ ⵏⵏⵙ.ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ .

 

Dernière modification : 08 ⵢⵓⵍⵢⵓⵣ 2023
Source URL: https://www.mapnews.ma/am/activites-royales/%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B5%93%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%85%E2%B4%BC-%E2%B5%93%E2%B5%99%E2%B5%8F%E2%B5%9C%E2%B5%8D-%E2%B5%89%E2%B5%99%E2%B4%B1%E2%B4%B7%E2%B4%B0%E2%B4%B7%E2%B5%8F