Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⵓⵜⵜⵓⵢ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⵏⵙⵙⵉⵅⴼ ⴳ ⵍⵇⵏⵉⵟⵕⴰ ⵜⴰⴼⵓⴳⵍⴰ ⵏ ⵓⵙⵓⴼⵖ ⵏ ⵜⴷⴰⵍⴰ ⵜⵉⵙⵙ 23 ⵏ ⵓⵙⴰⴽⴰ ⵢⴰⵜⵜⵓⵢⵏ ⵏ ⵓⵏⵣⴰⵖ ⴷ ⵜⴷⴰⵍⴰ ⵜⵉⵙⵙ 57 ⵏ ⵓⵙⴰⴽⴰ ⵏ ⵜⴷⵡⴰⵙ 
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴱⴰⴱ ⵏ ⵡⵓⵜⵜⵓⵢ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵉⵏⵙⵙⵉⵅⴼ ⴳ ⵍⵇⵏⵉⵟⵕⴰ ⵜⴰⴼⵓⴳⵍⴰ ⵏ ⵓⵙⵓⴼⵖ ⵏ ⵜⴷⴰⵍⴰ ⵜⵉⵙⵙ 23 ⵏ ⵓⵙⴰⴽⴰ ⵢⴰⵜⵜⵓⵢⵏ ⵏ ⵓⵏⵣⴰⵖ ⴷ ⵜⴷⴰⵍⴰ ⵜⵉⵙⵙ 57 ⵏ ⵓⵙⴰⴽⴰ ⵏ ⵜⴷⵡⴰⵙ 

22 ⵢⵓⵏⵢⵓ 2023 Version Imprimable
ⵍⵇⵏⵉⵟⵕⴰ -  ⵉⴱⴷⵔ ⵓⵙⵉⵡⴹ ⵏ ⵜⵏⴰⵔⴰ ⵢⴰⵜⵜⵓⵢⵏ ⵏ ⵜⴷⵡⴰⵙ ⵜⵉⵙⵔⴷⴰⵙ ⵜⵉⴳⵍⴷⴰⵏⵉⵏ, ⵙ ⵉⵏⵖⵎⵉⵙⵏ ⵓⵄⵍⴰⵏ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵚ, ⴰⵎⵖⴰⵔ ⴰⵅⴰⵜⴰⵔ ⴷ ⵓⵏⵙⵙⵉⵅⴼ ⵏ ⵜⴷⵡⴰⵙ ⵏ ⵓⵎⵏⵖⵉ ⵏ ⵜⴷⵡⴰⵙ ⵜⵉⵙⵔⴷⴰⵙ ⵜⵉⴳⵍⴷⴰⵏⵉⵏ, ⵉⵏⵙⵙⵉⵅⴼ ⴱⴰⴱ ⵏ ⵡⵓⴷⴷⵓⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⴽⵡⴰⵙ 22 ⵢⵓⵏⵢⵓ 2023 ⴳ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵙⵔⴷⴰⵙ ⴳ ⵍⵇⵏⵉⵟⵕⴰ, ⵜⴰⴼⵓⵀⵍⴰ ⵏ ⵓⵙⵓⴼⵖ ⵏ ⵜⴷⴰⵍⴰ ⵜⵉⵙⵙ 23 ⵏ ⵓⵙⴰⴽⴰ ⵢⴰⵜⵜⵓⵢⵏ ⵏ ⵓⵏⵣⴰⵖ ⴷ ⵜⴷⴰⵍⴰ ⵜⵉⵙ 57 ⵏ ⵓⵙⴰⴽⴰ ⵏ ⵜⴷⵡⴰⵙ.  

ⴰⵙⵎⵉ ⵉⵡⵡⴹ ⵖⵔ ⵓⵔⴰⵇ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵙⵔⴷⴰⵙ ⵢⴰⵜⵜⵓⵢⵏ, ⵉⵙⵙⴰⵣⵓⵍ ⵅⴼ ⴱⴰⴱ ⵏ ⵡⵓⴷⴷⵓⵔ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵜⴰⵚⴹⵎⴰ ⴰⵎⴳⴳⵉⵡⵙ ⴰⵎⴰⵜⵓ ⵏ ⵜⴷⵡⴰⵙ ⵜⵉⵙⵔⴷⴰⵙ ⵜⵉⴳⵍⴷⴰⵏⵉⵏ ⴷ ⵓⵎⵖⴰⵔ ⵏ ⵜⵎⵏⴰⴹⵜ ⵏ ⵉⴼⴼⵓⵙ, ⴷ ⵓⵍⵉⵡⴰ ⴰⵏⵎⵀⴰⵍ ⵏ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵙⵔⴷⴰⵙ ⵢⴰⵜⵜⵓⵢⵏ, ⴷ ⵓⵏⴱⴷⴰⴷ ⴰⵎⵖⴰⵔ ⵏ ⵍⵎⵃⴰⵍⵍⴰ ⵜⴰⵙⵔⴷⴰⵙⵜ ⵏ ⵍⵇⵏⵉⵟⵕⴰ, ⵎⴰⵏⵉ ⵉ ⵖⴰ ⵉⴼⵙⵔ ⴱⴰⴱ ⵏ ⵡⵓⴷⴷⵓⵔ ⵜⵜⴰⵛⴽⵉⵍⴰ ⵏ ⵜⴷⵡⴰⵙ ⵜⵉⴳⵍⴷⴰⵏⵉⵏ ⵏ ⵓⵊⵏⵏⴰ ⵏⵏⴰ ⵉ ⵜ ⵉⵙⵙⴰⵣⵓⵍⵏ. 

ⴰⵎⴽ ⴼⵍⵍⴰⵙ ⵉⵙⵍⵍⵎ ⴱⴰⴱ ⵏ ⵡⵓⴷⴷⵓⵔ ⵜⴰⵚⴹⵎⴰ ⴰⵎⵣⵡⴰⵔⵓ ⵏ ⵓⵎⵖⴰⵔ ⵏ ⵉⵊⴰⴹⴰⵔⵎⵉⵢⵏ ⴷ ⵓⵎⵇⵇⵔⴰⵏ ⵏ ⵜⵏⴰⵔⴰ ⵜⴰⵎⴰⵜⵓⵜ ⵏ ⵜⴷⵡⴰⵙ ⵜⵉⵙⵔⴷⴰⵙ ⵜⵉⴳⵍⴷⴰⵏⵉⵏ, ⴷ ⵓⵡⴰⵍⵉ ⵏ ⵜⵙⴳⴰ ⵏ ⵟⵟⴱⴰⵟ - ⵙⵍⴰ - ⵍⵇⵏⵉⵟⵕⴰ ⴷ ⵓⵎⵏⴱⴰⴹ ⵏ ⵜⵙⴳⴰ ⵏ ⵍⵇⵏⵉⵟⵕⴰ ⴷ ⵓⵇⴷⵉⵎ ⵏ ⵓⵎⴹⴼⴰⵔ ⵉⵙⵔⴷⴰⵙⵏ ⵖⵔ ⵜⵎⵙⵇⴰⴷⵉⵏ ⵜⵉⴱⵕⵕⴰⵏⵉⵢⵉⵏ ⵉⵍⵍⴰⵏ ⴳ ⵜⴳⵍⴷⵉⵜ, ⴷ ⵉⵙⵍⵎⴰⴷⵏ ⵉⵙⴷⴰⵡⴰⵏⵏ ⴳ ⵓⵙⴰⴽⴰ ⵏ ⵓⵙⵙⵖⵔ ⴳ ⵜⵖⵉⵡⴰⵏⵜ. 

ⵙ ⵓⵎⵡⴰⵊⴱ ⴰⵙ ⵉⵡⵛⴰ ⵓⵍⵉⵡⴰ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵙⵔⴷⴰⵙⵉⵏ ⵣⵣⴰⵜ ⵉ ⴱⴰⴱ ⵏ ⵡⵓⴷⴷⵔ ⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⴳⵎⵓⴹ ⵏ ⵓⵙⴳⴳⵯⴰⵙ ⵏ ⵉⵎⵓⵙⵙⵓⵜⵏ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ, ⴷ ⵜⵔⵣⵣⵓⵜⵉⵏ ⵉ ⵢⵓⴼⵏ ⴳ ⵜⴷⴰⵍⴰ ⵉ ⵢⴰⵜⵜⵓⵢⵏ ⵏ ⵓⵏⵣⴰⵖ ⴷ ⵓⵟⵟⵓⵏ ⴰⵎⵣⵡⴰⵔⵓ ⵏ ⵜⵙⵖⵓⵏⵜ ⵏ ⵜⵖⵉⵡⴰⵏⵜ ⵜⴰⴳⵍⴷⴰⵏⵜ ⵏ ⵜⵖⵓⵔⵉⵡⵉⵏ ⵜⵉⵙⵔⴷⴰⵙ ⵉ ⵢⴰⵜⵜⵓⵢⵏ, ⴷ ⴷⴷⵔⵄ ⵏ ⵜⵖⵉⵡⴰⵏⵜ ⵎⴰⵏⵉ ⵉ ⵉⵏⵏⴰ ⵜⵉⴳⵓⵎⴰⴹ ⵉ ⴷ ⵡⵡⵉⵏ ⵉⴼⵙⵢⴰⵏⵏ ⵉⵙⵍⵖⵎⴰⵢⵏ. 

ⴰⵡⵔⵏ ⴰⵙ, ⵉⴳⴳⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⴷⴰⵏ ⵎⵓⵍⴰⵢ ⵍⵃⴰⵙⴰⵏ, ⵉⵊⵊⵏ ⵜⵡⵍⴰⴼⵜ ⵏ ⵓⵙⵎⴽⵜⵉ ⴰⴽⴷ ⵜⴷⴰⵍⵉⵡⵉⵏ ⵉⵎⵓⴼⴰⵖ. 

ⵜⴰⴷⴰⵍⴰ ⴰⴷ ⵡⵉⵙ 23 ⵏ ⵓⵙⴰⴽⴰ ⵉ ⵢⴰⵜⵜⵓⵢⵏ ⴷ ⵜⴷⴰⵍⴰ ⵡⵉⵙ 57 ⵏ ⵓⵙⴰⴽⴰ ⵏ ⵉⵙⵔⴷⴰⵙ ⵏⵍⵍⴰⵏ ⴷⵉⵙ 285 ⵏ ⵓⵎⵓⴼⴰⵖ ⵣⵉ 24 ⵏ ⵜⵎⴰⵣⵉⵔⵜ ⵉⵍⵍⴰⵏ ⴷ ⵜⵉⵎⴷⴷⵓⴽⴰⵍ ⵏ ⵜⴳⵍⴷⵉⵜ, ⴷ ⵜⴰⴳⵍⴷⵉⵜ ⵜⴰⵄⵔⴰⴱⵜ ⵜⴰⵙⴰⵄⵓⴷⵉⵜ, ⵜⴰⴳⵍⴷⵉⵜ ⵜⴰⵙⴱⴰⵏⵢⵓⵜ, ⵜⴰⵎⴰⵣⵉⵔⵜ ⵏ ⵍⵉⵎⴰⵔⴰⵜ ⵜⴰⵄⵔⴰⴱⵜ ⵉⵎⵓⵏⵏ, ⵜⴰⵎⵓⵔⵜ ⵏ ⵇⴰⵟⴰⵕ, ⴰⵏⴳⵓⵍⴰ, ⴱⵉⵏⵉⵏ, ⵍⴽⴰⵎⵉⵔⵓⵏ, ⵉⴼⵔⵉⵇⵉⵢⴰ ⵏ ⵡⴰⵎⵎⴰⵙ, ⴽⵓⵜ ⴷⵉⴼⵡⴰⵔ, ⴷⵊⵉⴱⵓⵜⵉ, ⵎⴰⵙⵕ, ⵉⵜⵢⴱⵉⵢⴰ, ⴳⴰⴱⵓⵏ, ⴳⵉⵏⵢⴰ ⴽⵓⵏⴰⴽⵔⵉ, ⵎⴰⵍⵉ, ⵎⵓⵔⵉⵜⴰⵏⵉⵢⴰ, ⵏⵏⵉⵊⵔ, ⵍⴽⵓⵏⴳⵓ ⵜⴰⴷⵉⵎⵓⴽⵕⴰⵟⵉⵜ, ⵙⵙⵉⵏⵉⴳⴰⵍ, ⵜⴰⵏⵣⴰⵏⵉⵢⴰ, ⵜⵓⴳⵓ, ⵜⵛⴰⴷ.

Dernière modification : 22 ⵢⵓⵏⵢⵓ 2023
Source URL: https://www.mapnews.ma/am/activites-princieres/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B5%93%E2%B5%9C%E2%B5%9C%E2%B5%93%E2%B5%A2-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%8D%E2%B5%87%E2%B5%8F%E2%B5%89%E2%B5%9F%E2%B5%95%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%93%E2%B4%BC%E2%B5%96-%E2%B5%8F