ⵢⵓⵙ ⴷ ⵓⵢⴰ ⴳ ⵢⴰⵏ ⵓⵡⵏⵏⵉ ⵉ ⵉⵏⵏⴰ ⵎⴰⵙⵙ ⴰⵅⵏⵏⵓⵛ ⵉ ⵜⵖⵎⵙⴰ ⵣⴳⴳⴰ ⵉⵎⵙⴰⵡⴰⵍ ⴰⴽⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵀⵓⵍⴰⵏⴷⵉ, ⵎⴰⵔⴽ ⵔⵓⵜ, ⵉⵜⵜⴳⴳⵏ ⵉⵊⵊⵏ ⵜⵔⵣⵣⵉⴼⵜ ⵏ ⵜⵡⵓⵔⵉ ⵉ ⵍⵎⵖⵔⵉⴱ ⴰⴽⴷ ⵉⵊⵊⵏ ⵓⴽⴰⴱⴰⵔ ⴷ ⴰⵅⴰⵜⴰⵔ ⵙⴳ ⵉⵎⴹⴱⴱⵕⵏ ⴷ ⵉⵔⴳⴰⵣⵏ ⵏ ⵜⵡⵓⵔⵉ.
ⵉⵙⵙⵏⴰⵍ ⵓⵙⴱⴷⴰⴷ ⴰⵀⵓⵍⴰⵏⴷⵉ ⵜⵉⵣⵎⵎⴰⵔ ⵏ ⵓⵎⴰⵣⴰⵏ ⵏ ⵜⵎⵜⵜⴰ ⵓⵙⵍⵉⴳ, ⵎⴰⵏⵉ ⵉⵏⵏⴰ ⵉⵍⴰ ⵜⴰⵙⵓⵎⵔⵜ ⵏ ⵓⵟⵓⵏⵓⵎⵉⵢⴰ ⵉ ⵉⵡⵛⴰ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2007, ⴷ ⴰⵙⵡⵉⵣⵉ ⴷ ⴰⵎⵇⵇⵔⴰⵏ ⴳ ⵓⵙⴷⴷⵉ ⴰⵙⵔⵜⴰⵏ ⵉ ⵜⵙⴳⴳⵓⵔ ⵜⴰⵎⵓⵔⴳⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⴳ ⵜⵖⴰⵡⵙⴰ ⴰⴷ.
ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵍⴰ ⴰⵎⵍⵇⵉ ⵏ ⵜⵢⵓⴳⴰ ⴷ ⴰⵣⵣⵔⴳ ⵏ ⵓⵎⵀⵔⵡⴰⴹ ⵅ ⵜⴱⵔⵉⴷⵉⵏ ⵏ ⵜⵉⴷⴷⵓⴽⵍⴰ ⵊⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵓⵙⵄⵔⵏⵉ ⵏ ⵓⵙⵡⵉⵣⵉ ⴳ ⵉⴳⵔⴰⵏ ⵉⵎⵚⴱⴹⴰⵏ ⴳ ⵢⵉⴳⵔ ⵏ ⵜⵎⵓⵖⵍⵉ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵃⵎⴰ ⴰⴷ ⵙⵎⵢⴰⵏⴰⵡⵏ ⵜⵉⵎⴷⵔⴰⵡⵉⵏ ⴳ ⵓⴳⵏⵙ ⵏ ⵢⵉⴳⵔ ⴰⵡⵔⵓⴱⴱⵉ.