Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⵜⴰⵎⴰⵜⵓⵜ ⵉ ⵉⵎⴰⴷⵔⴰⵡⵏ ⴳ ⵓⵎⴰⴳⵔⴰⵡ ⴰⴱⵕⵍⴰⵎⴰⵏⵉ ⵏⵏⴰ ⵉⵍⵍⴰⵏ ⴳ ⵎⵕⵕⴰⴽⵛ ⵅⴼ "ⴰⵎⵙⴰⵡⴰⵍ ⵏ ⵉⵙⵖⴰⵏ: ⴰⴷ ⵏⵎⵢⴰⵡⴰⵙ ⵉ ⵢⵉⵎⴰⵍ ⵉⵛⵛⴰⵔⵏ"
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜ ⵜⴰⵎⴰⵜⵓⵜ ⵉ ⵉⵎⴰⴷⵔⴰⵡⵏ ⴳ ⵓⵎⴰⴳⵔⴰⵡ ⴰⴱⵕⵍⴰⵎⴰⵏⵉ ⵏⵏⴰ ⵉⵍⵍⴰⵏ ⴳ ⵎⵕⵕⴰⴽⵛ ⵅⴼ "ⴰⵎⵙⴰⵡⴰⵍ ⵏ ⵉⵙⵖⴰⵏ: ⴰⴷ ⵏⵎⵢⴰⵡⴰⵙ ⵉ ⵢⵉⵎⴰⵍ ⵉⵛⵛⴰⵔⵏ"

13 ⵢⵓⵏⵢⵓ 2023 Version Imprimable
ⵎⵕⵕⴰⴽⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵜⴰⴱⵔⴰⵜ ⵜⴰⵎⴰⵜⵓⵜ ⵉ ⵉⵎⴰⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵎⴰⴳⵔⴰⵡ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵅⴼ " ⴰⵎⵙⴰⵡⴰⵍ ⵏ ⵉⵙⵖⴰⵏ: ⴰⴷ ⵏⵎⵢⴰⵡⴰⵙ ⵉ ⵢⵉⵎⴰⵍ ⵉⵛⵛⴰⵔⵏ", ⵏⵏⴰ ⵎⵓ ⵙⵏⵜⵉⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⴰⴷ ⴰⵙⵉⵏⴰⵙ ⴳ ⵎⵕⵕⴰⴽⵛ

ⵖⵉⴷ ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⴰⵢⵜ ⵏⵏⴰ ⵉⵖⵔⴰ ⵎⴰⵙⵙ ⵔⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⴰⵏ:

ⵉⵍⴰ ⴰⵖ ⵡⴰⴷⴷⵓⵔ ⴰⵎⵇⵕⴰⵏ ⴷ ⵏⵎⵎⵔ ⴱⴰⵀⵔⴰ ⵍⵍⵉ ⴳ ⵜⵙⵜⵉⵎ ⴰⴽⴰⵍ ⵏ ⵜⴳⵍⴷⵉⵜ ⵏⵏⵖ ⵜⴰⵎⵖⵔⵉⴱⵉⵢⵜ ⴰⴷ ⴳⵉⵙ ⵉⵜⵜⴰⵡⵙⴽⴰⵔ ⵓⵎⴰⴳⵔⴰⵡ ⴰⴷ ⴰⴳⵔⴰⵖⵍⴰⵏ ⵏⵏⴰ ⵉⵥⵍⵉⵏ ⵙ ⵓⵙⵏⵜⵍ ⵏⵏⵙ ⴷ ⵉⵎⴰⴷⵔⴰⵡⵏ ⵏⵏⵙ , ⵎⵉⵏⵣⵉ ⵉⵙⵎⵓⵏ ⴳ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵉⴱⵕⵍⴰⵎⴰⵏⵉⵢⵏ ⵍⵍⵉ ⵉⵙⴰⵡⴰⵍⵏ ⵙ ⵢⵉⵙⵎ ⵏ ⵓⴳⴷⵓⴷ ⵏⵏⵙⵏ, ⴷ ⵜⵓⴳⵜⵜ ⵏ ⵉⵏⵙⵙⵉⵅⴼⵏ ⵏ ⵓⵙⵖⴰⵏ ⴷ ⵉⵎⴰⵙⵙⴰⵏⵏ ⴷ ⵉⵎⵙⵏⵓⴱⴱⵛⵏ ⴳ ⵓⵎⴰⴹⴰⵍ ⴰⴽⴽⵯ, ⴰⴼⴰⴷ ⴰⴷ ⵙⴰⵡⵍⵏ ⵎⵔⴰⵔⴰⵏ ⵅⴼ ⵜⴰⵏⵏⴰⵢⵉⵏ ⵏ ⵓⵙⵏⵜⵍ ⴰⴷ ⴰⴷⵙⵍⴰⵏ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ ⵜⴰⵎⴰⵜⴰⵢⵜ .

ⵎⴽ ⵍⵍⵉ ⵙ ⵏⵙⴱⵔⵔⴽ ⵙ ⵉⵎⴰⴷⵔⴰⵡⵏ ⴰⴽⴽⵯ ⴳ ⵓⵏⵎⵓⵇⵇⴰⵔ ⴰⴷ, ⴷ ⴰⴷ ⵏⵙⵙⵎⵖⵔ ⵙ ⵜⵙⵏⵜⴰⵢⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵡⴰⵎⵓⵏ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵏⵏⴰ ⵉⵙⴽⵔⵏ ⴰⵎⴰⴳⵔⴰⵡ ⴰⴷ ⵏ ⴰⵎⵙⴰⵡⴰⵍ ⵏ ⵉⵙⵖⴰⵏⵏ, ⴰⵙⵜⴰⵢ ⵉⵥⵉⵍⵏ ⵏ ⵓⵙⵏⵜⵍ ⵏⵏⵙ, ⴷ ⵡⴰⵎⵎⴰⵙ ⴰⴷⵙⵍⴰⵏ ⵏ ⵜⴽⵛⵛⵓⵎⵉⵏ ⵏⵏⴰ ⵙ ⵏⵙⵙⵉⵜⵉⵎ ⴰⴷ ⴳⵉⵙⵏ ⵏⴼⴼⴰⵖ ⵙ ⵜⵢⴰⴼⵓⵜⵉⵏ ⴷ ⵓⵣⴳⵣⵍ ⴳ ⵓⵙⵎⴰⵢⵏⵓ ⵏ ⵜⵎⵢⴰⴷⴰⵙⵉⵏ ⴷ ⵉⵖⴰⵡⴰⵙⵏ ⵏ ⵜⵓⵔⴰ ⵏ ⵓⵙⵖⴰⵏ, ⴰⵡⴷ ⴰⵙⵡⵓⵜⵜⵓ ⵏ ⵡⴰⵏⴰⵡ ⵏ ⵜⵣⴷⴰⵢⵉⵏ ⵏⵏⴰ ⵙ ⵉⵅⵙ ⴰⴷ ⵙⵎⵓⵏⵜ ⵉⵎⵏⴹⴼⵓⵕⵏ ⵏ ⵉⵙⵖⴰⵏ ⴰⴽⴽⵯ , ⴷ ⴰⴷ ⵢⵉⵍⵉ ⵓⴼⵔⴰ ⴷ ⵓⵡⵇⵇⵔ ⵊⴰⵔⴰⵜⵙⵏ ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵎⵓⵏ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵉⵙⵎⵓⵏ ⵜⵓⴳⵜⵜ ⵏ ⵜⵉⵔⵎⵉⵜⵉⵏ ⵏⵏⴰ ⴷ ⵢⵉⵡⵉⵏ ⴳ ⵜⵓⴳⵜⵜ ⵏ ⵉⵏⵎⵓⵇⵇⴰⵔⵏ ⵉ ⵉⴳⵔⴰⵡⵏ ⵏⵏⴰ ⵉⵙⴽⵔ ⵅⴼ ⵜⵓⴳⵜⵜ ⵏ ⵉⵙⵏⵜⴰⵍ ⴷ ⵜⵎⵏⵜⴰⵍ ⵏⵏⴰ ⴷⴰⵔ ⵜⴰⵣⴷⴰⵢⵜ ⵙ ⵓⵙⵏⵜⵍ ⵏ ⵓⴳⵔⴰⵡ ⵏⵏⵓⵏ, ⵏⵏⴰ ⵔⴰⴷ ⵉⴼⴽ ⵢⴰⵜ ⵜⵢⴰⴼⵓⵜ ⵉ ⵉⵎⵙⴰⵡⴰⵍⵏ ⵏⵏⵓⵏ, ⴷ ⵓⵙⵙⵏⴽⴷ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏⵏⴰ ⵔⴰⴷ ⵙⵙⵏⴽⴷⵏ ⵉⵙⴼⵙⴰⵔⵏ ⵏ ⵓⴳⵔⴰⵡ ⵅⴼ ⵜⵣⴷⴰⵢⵉⵏ ⵊⴰⵔ ⵉⵙⵖⴰⵏ, ⵏⵏⴰ ⵙ ⴷ ⵉⵇⵇⴰⵏ ⴰⴷ ⵜⴱⴷⴷ ⵅⴼ ⵓⵎⵙⴰⵡⴰⵍ ⵏⵏⴰ ⴷⴰⵔ ⴰⵡⵜⵜⴰⵙ ⴰⴷⵙⵍⴰⵏ.ⵉⴼⵔⴰⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵍⵍⴰⵏⵜ ⵜⵓⴳⵜⵜ ⵏ ⵜⵏⵎⵎⴰⵔ ⴳ ⵜⵏⴼⴳⴰⵏⵉⵢⵜ, ⴷ ⵜⴷⵔⵔ ⴳ ⵜⴰⵙⵙⴰⵙⵉⵏ ⵏ ⵓⴼⵔⴰ ⴷ ⵜⴷⵎⵙⴰ ⴷ ⵜⵙⵔⵜⵉⵜ ⴷ ⵜⵓⴷⵙⵉ ⴷ ⵜⵡⵏⵏⴰⴹⵜ, ⴷ ⵜⵉⵔⵉⵜ ⵜⴰⵙⵙⵖⵥⵏⵜ ⵙ ⵜⵓⴳⵜⵜ ⵏ ⵜⵎⴰⵎⴽⵉⵏ ⴷ ⵜⴱⵔⵉⴷⵉⵏ ⵉ ⵓⵙⵡⵓⴷⴷⵓ ⴷ ⵓⵙⵎⴽⵍ, ⴷ ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⴳⵔⴰⵡ ⵏⵏⵓⵏ ⴰⵙⵙ ⴰⴷ ⵉⴳⴰ ⵢⴰⵏ ⵖ ⵉⴼⵙⵙⴰⵢⵏ ⵏ ⵜⵏⵎⵎⴰⵔ ⴰⴷ, ⵎⵉⵏⵣⵉ ⵉⴽⵛⵎ ⴳ ⵓⵙⵡⵉⵏⴳⵎ ⴰⵏⴰⵎⵓⵏ ⵏⵏⴰ ⵉⵔⴰⵏ ⴰⴷ ⵉⵙⴱⵓⵖⵍⵓ ⴰⵙⵖⵉⵡⵙ ⵏ ⵜⵡⵓⵔⵉ ⵏ ⵉⴱⵕⵍⴰⵎⴰⵏⵉⵢⵏ ⴷ ⵡⵉⴷ ⵉⵙⵡⵓⵔⵉⵏ ⵅⴼ ⵓⵙⵖⴰⵏ ⴰⵎⵓⵔⴰⵏ ⴷ ⵓⴳⵔⴰⵖⵍⴰⵏ.ⵉⵙⵓⵍ ⵉⵏⵏⴰ ⴱⴰⴱ ⵏⵡ ⴰⴷⴷⵓⵔⴰ ⴳⵍⵍⵉⴷ .

ⵎⴽ ⴰⴷ ⴰⵙ ⵙⵙⵏⵜⴰⵍ ⵜⴰⵏⵏⴰⵢⵜ ⵜⴰⵎⴰⵜⵓⵜ ⵖⵉⴷ ⴷ ⵖⵉⵏ ⵎⴰⵙ ⵎⴰ ⴰⴷ ⴷⴰⵔⵙ ⵜⴰⵣⴷⴰⵢⵜ ⵙ ⵜⴰⵎⴰⵖⵜ ⵊⴰⵔ ⵉⵙⵖⴰⵏⵏ ⴷ ⵜⵖⵔⵎⴰ , ⵎⴰⵛⵛ ⵎⴽ ⵍⵍⵉ ⵙ ⵢⴰⴷ ⵏⴻⵏⵏⴰ ⵓⴳⴳⴰⵔ ⵏ ⵙⵉⵎⵔⴰⵡ ⵏ ⵓⵙⴳⴳⴰⵙ ⴳ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ ⵙⴰ ⴹⴰⵕⵜ ⵏ ⵜⵎⵉⴹⵉ ⵏ ⵓⴳⵔⴰⵡ ⵏ ⵡⴰⵎⵓⵏ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵎⴰⵙ ⴷ ⵎⴰⴷ ⵉⵍⵍⴰⵏ ⴳ ⵓⵎⴰⴹⴰⵍ ⵏⵏⵖ ⴰⵙⵙ ⴰⴷ ⵉⴳⴰ ⵜⴰⵎⴰⵖⵜ ⵏ ⵉⴷ ⵡⴰⵔ ⵜⵓⵙⵙⵏⴰ ⵓⵔ ⴷ ⵜⴰⵎⴰⵖⵜ ⵏ ⵜⵖⵔⵎⴰ.ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ 

ⵙ ⵓⵙⵃⵉⵙⵙⴼ ⵉ ⵣⵉ ⵏⵜⵜⵙⵍⴰ ⵅⴼ ⵜⵎⵊⵔⵉⵡⵉⵏ ⵏ ⵜⴽⵕⴹⵉ ⴷ ⵜⵕⵥⵉ ⴷ ⵜⵎⵏⵖⵉⵡⵜ ⵙ ⵓⵙⵔⴰⴳ ⵏ ⵉⵖⵉⵍⵏ ⵏ ⴷⴷⵉⵏ ⵏⵉⵖ ⵜⴰⴳⵯⵎⴰⵏⵉⵜ ⵜⴰⵖⵔⵎⴰⵏⵜ, ⴰⴷ ⵉⴷⵡⵍ ⴰⵎⵙⵄⴷⴰⵡ ⵏ ⴷⴷⵉⵏ ⴷ ⵢⴰⵜ ⵜⵎⵜⵜⴰ ⵉⵚⴱⵃⵏ ⵖⵔ ⵛⴰ ⵏ ⵉⵡⴷⴰⵏ ⴳ ⵉⵙⵜⴰⵢⵏ.

ⴰⵎⴽ ⵏⵙⵃⵉⵙⵙⴼ ⵓⵍⴰ ⵎⴰⵎⴽ ⵏⵜⵜⵡⴰⵍⴰ ⴳ ⵛⴰ ⵏ ⵉⵙⴰⵢⵔⴰⵔⵏ ⵉⴳⴷⵓⴷⴰⵏⵏ ⵓⵍⴰ ⴳ ⵛⴰ ⵏ ⵉⵎⴰⵙⵙⵏ ⵏ ⵜⵖⵎⵙⴰ ⵉⵙⵍⵉⵥⵕⵉⵜⵏ ⵅⵎⵉ ⵜⵜⵣⴱⴱⵍⵏ ⴳ ⵉⵏⵏⵉⴹⵏ ⵙ ⵓⵙⵔⴰⴳ ⵏ ⴷⴷⵉⵏ ⴷ ⵓⴽⵍⵓ ⴷ ⵉⵥⵓⵕⴰⵏ ⴰⴽⴷ ⵎⴰⵔⵔⴰ ⵉⵎⵉⵣⵉⵜⵏ ⵉ ⴷⴰⴳⵙ ⵉⵍⵍⴰⵏ ⵅⴼ ⵜⴷⵍⵙⴰ ⵏ ⵎⴷⴷⵏ, ⴷ ⵓⵙⵎⵓⵏⵉ ⵏ ⵉⵡⴷⴰⵏ, ⵜⴰⵎⴽⵜⵉⵜ ⵜⴰⵎⴰⴹⵍⴰⵏⵜ ⵄⴰⴷ ⵜⵃⴹⴰ ⵜⵉⵡⵓⵔⵉⵡⵉⵏ ⵏ ⵓⵎⵙⵉⵇⴹⵉ ⵜⴰⴳⵔⴰⵡⴰⵏⵜ ⴷ ⵉⵎⵙⴽⵙⵉⵜⵏ ⵉⵔⴷⴷⵍⵏ ⵎⴰⵏⵉ ⴳ ⵓⵎⵣⵡⴰⵔⵓ ⵏⵏⵙⵏ ⵜⵜⵓⵖⴰ ⵜⵏ ⴷ ⵛⴰ ⵏ ⵉⵏⴰⵡⵏ ⴷ ⵉⴷⵢⵓⵍⵓⵊⵉⵢⵏ, ⵓⴹⵓⴼ ⴷⴳ ⵉⵖⵉⵍⵏ, ⵏⵉⵖ ⴳ ⵜⵖⴰⵔⴰⵙⵉⵏ ⴷ ⵜⴱⵔⵉⴷⵉⵏ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⴰⵢⴰ ⵉⵜⵜⴱⴷⴷⴰ ⵙ ⵓⵏⵎⴳⴰⵍ ⴰⴽⴷ ⵉⵣⵔⴼⴰⵏ ⵏ ⵓⴼⴷⴰⵏ ⵉⵎⴰⴹⵍⴰⵏⵏ, ⵎⵉⵏ ⵅⴼ ⵎⵙⵜⴼⴰⵇⵏⵜ ⵜⵉⵎⵓⵔⴰ. ⴰⵙⵙ ⴰⴷ ⴱⴱⵓⵖⵍⴰⵏ ⵛⴰ ⵏ ⵉⵡⵏⵏⵉⵜⵏ ⴷ ⵉⴷⵢⵓⵍⵓⵊⵉⵢⵏ ⴷ ⵉⵏⴰⵡⵏ ⵏ ⵡⴰⵔ ⴰⵎⵇⵓⴷⴷⵉ ⴰⴳⴰⵎⴰⵏ ⵉⵜⵜⵙⵜⵜⴰⴼⵏ ⵉⵡⴷⴰⵏ ⵙ ⴷⴷⵉⵏ ⵏⵏⵙⵏ ⴷ ⵉⵥⵓⵕⴰⵏ ⵏⵏⵙⵏ ⴷ ⵓⴽⵓⵍⵓⵔ ⵏ ⵉⵍⵎ ⵏⵏⵙ ⵎⴰⵏⵉ ⵖⵔⵙⵏ ⵅⵣⵣⵔⵏ ⴰⵅⵎⵉ ⴷ ⵛⴰ ⵏ ⵜⵎⵥⵕⴰ ⵏⵓⵔⵎⴰⵍ ⵉⵍⵍⴰⵏⵜ.

ⵎⴰⵏⴰⵢⴰ ⵇⴰ ⴷ ⵛⴰ ⵏ ⵜⵓⵎⵍⴰⵢⵉⵏ ⴷ ⵜⵉⵄⴼⴼⴰⵏⵉⵏ ⵅⴼ ⵉⵎⴰⵍ ⵏ ⵜⵖⵓⵏⵉⵡⵉⵏ ⴳⵔ ⴷⴷⵉⵏ ⴷ ⵜⵖⵔⵎⵉⵡⵉⵏ, ⵎⴰⵏⵉ ⵉⵅⵚⵚ ⴰⴷ ⵎⵓⵏⵏⵜ ⵎⵔⵔⴰ ⵜⵉⵣⵎⵎⴰⵔ ⵉⵜⵜⴰⵎⵏⵏ ⵙ ⵓⵎⵇⵓⴷⴷⵉ ⵊⴰⵔ ⵜⴰⵔⵡⴰ ⵏ ⵡⴰⴷⴰⵎ, ⵃⵎⴰ ⴰⴷ ⴹⴼⵕⵏⵜ ⵛⴰ ⵏ ⵜⵙⵔⵜⴰⵢ ⵉ ⴷⵉ ⵖⴰ ⴱⴷⴷⵏ ⴷⴳ ⵡⵓⴷⵎ ⵏ ⵓⵢⴰ.ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵏⵜⵜⴰⵜ ⵜⴰⵔⴰⴷⵉⴽⴰⵍⵉⵜ ⵡⵔ ⵜⵍⵍⵉ ⴷⴳ ⵓⴼⵔⴰⴽ, ⵉⵅⵚⵚ ⵅⴰⴼⵙ ⵜⵡⵓⵔⵉ ⵜⴰⵙⴳⵎⴰⵏⵜ, ⵎⴰⵎⴽ ⵉⴱⴰ ⵣⴳ ⵉⴷⵍⵉⵙⵏ ⵏ ⴷⴷⵉⵏ ⴷ ⴰⵢⴰ ⵉⵇⵇⴰⵔ ⵕⴱⴱⵉ : « ⵉⵏⵉⵎ ⵏⵓⵎⵏ ⵙ ⵕⴱⴱⵉ ⵓⵔ ⴷ ⵏⵙⵙⵀⵡⵉ ⵖⵔⵏⵖ ⴷ ⵎⵉⵏ ⴷ ⵉⵙⵙⵀⵡⴰ ⵖⵔ ⴱⵕⴰⵀⵉⵎ ⴷ ⵙⵎⴰⵄⵉⵍ ⴷ ⵉⵙⵃⴰⵇ ⴷ ⵢⴰⵄⵇⵓⴱ ⴷ ⵍⴰⵙⴱⴰⵟ ⴷ ⵎⵉⵏ ⴷ ⵏⵡⵡⵢⴰ ⵉ ⵎⵓⵙⴰ ⴷ ⵄⵉⵙⴰ ⵏ ⵏⵏⴰⴱⵢⴰⵜ ⵙ ⵔⴱⴱⵉ ⵜⵙⵏ ⵓⵔ ⵏⴱⵟⵟⵉ ⵊⴰⵔ ⵓⵍⴰ ⴽⴰⴷ ⵉⵊⵊⵏ ⵣⵣⴰⴳⵙⵏ ⴷ ⵏⵛⵛⵉⵏ ⵉ ⵏⵜⵜⴰ ⴷ ⵉⵎⵙⵍⵎⵏ » (ⵜⴰⴼⵓⵏⴰⵙⵜ, ⴰⵢⴰ 136) ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵏⵓⵎⵎⵔ ⴰⵟⵟⴰⵙ ⵃⵓⵎⴰ ⴰⴷ ⵜⵉⵍⵉⵎ ⴳ ⵓⵙⴰⴳⵔⴰⵡ ⴰⴷ ⵎⴰⵔⵔⴰ ⵉⴷⵡⵏ, ⴷ ⴰⵖⵣⴷⵉⵙ ⵙⴳ ⵜⵓⴼⵔⵉⵏⵜ ⴰⴷ ⵜⴰⵙⵔⵜⴰⵏⵜ ⴷ ⵜⵏⴰⵔⵉⵡⵉⵏ ⵏ ⴷⴷⵉⵏ ⴷ ⵉⵎⵅⴰⵕⵕⵙⵏ ⵉⵜⵜⴰⵎⵏⵏ ⵉⵍⴰ ⴰⵙⵜⵅⵍⴼ ⴳ ⵜⵎⵓⵔⵜ, ⴰⵎⴽ ⵉ ⵜ ⵉⵔⵣⵣⵓ ⵕⴱⴱⵉ, ⵃⵎⴰ ⴰⴷ ⵢⵉⵍⵉ ⵓⵍⵓⵙⵙⵓⵏ ⴷ ⵓⵙⵡⵉⵣⵉ ⴷ ⵓⵎⵙⴷⴷⵔ, ⴳ ⵓⵙⴰⵜⵉ ⵏ ⵓⵎⵚⴱⴹⵉ ⵏ ⴷⴷⵉⵏ ⴷ ⵉⵊⵊⵏ ⵜⵎⴰⵙⵙⴰⵢⵜ ⵅ ⵢⵉⵔⵉ ⵏ ⵜⵡⴷⴰⵏⵉⵜ ⵎⴰⵔⵔⴰ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔⴰ ⴳⵍⵍⵉⴷ .

ⵏⵛⵛⵉⵏ ⵏⵓⵎⵏ, ⵎⴰⵍⴰ ⵎⵓⵏⵏ ⵉⵎⵣⵍⵉⵜⵏ ⵏ ⵜⵓⴼⵔⵉⵏⵜ ⴰⴷ, ⴰⵎⵙⴰⵡⴰⵍ ⵊⴰⵔ ⵍⴰⴷⵢⴰⵏ ⴷ ⵓⵎⵙⴷⴷⵔ ⴷ ⵓⵎⵙⴼⵀⴰⵎ ⵅⴼ ⵉⵡⵜⵜⴰⵙⵏ ⵉⵏⴼⴳⴰⵏⵏ ⴰⴷ ⵢⵉⵍⵉ ⴷ ⵉⵊⵊⴻⵏ ⵜⵎⵙⵙⴰⵍⵓⵜ ⵉ ⵖⴰ ⵊⵊⵏ ⵜⴰⵡⴷⴰⵏⵉⵜ ⴰⴷ ⵜⴼⴼⵖ ⵣⵉ ⵜⵓⵄⴼⴼⵏⴰ ⵏ ⵓⴽⵔⴼⵙ. ⵓⵔ ⵏⵣⵎⵎⵔ ⴰⴷ ⵏⴰⵡⴹ ⵖⵔ ⵓⵢⴰ - ⵙ ⵓⵙⴰⴳⵔⴰⵡ ⴰⴷ ⵏⵏⵓⵏ - ⵉⵍⴰ ⵎⴰⵍⴰ ⵏⵇⵇⵏ ⵜⵉⵎⵏⵏⴰ ⴰⴽⴷ ⵜⵎⴳⴳⴰ, ⴰⴷ ⵏⵙⵙⵎⵖⵔ ⵙⴳ ⵓⵎⵙⴰⵡⴰⵍ ⵏⴳⵔ ⵍⴰⴷⵢⴰⵏ, ⴰⴷ ⵏⵙⵎⵓⵜⵜⵉ ⵙⴳ ⵓⴼⵔⴰⴽ ⴰⴳⵔⴰⵡⴰⵏ ⴷ ⵓⵎⵙⴷⴷⴰⵔ ⴷ ⵓⵎⵙⴰⵡⴰⵍ ⵉⵜⵉⴼ ⵎⴰⵍⴰ ⴷⵉⵏ ⵜⴰⵔⴰⴷⵉⴽⴰⵍⵉⵜ. ⵎⴰⵢⴰⴷ ⵉⵙⵉⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵎⴰⵎⴽ ⵏⵔⵣⵣⵓ ⴰⴷ ⵢⵉⵍⵉ ⴰⴳⵔⴰⵡ ⵏ ⵎⵕⵕⴰⴽⵛ ⴷ ⵉⵊⵊⵏ ⵜⵎⵔⴰⵔⵓⵜ ⵉⵖⵥⴰⵏⵏ ⵅⴼ ⵉⵎⵣⵍⵉⵜⵏ ⵏ ⵜⵔⴰⴷⵉⴽⴰⵍⵉⵜ ⴷ ⵍⴽⵔⵓⵀⵀⵉⵢⵜ ⴷ ⵓⵙⵀⵡⵉ ⵙⴳ ⴷⴷⵉⵏ ⴷ ⵓⵎⵙⵓⵔⵔⵓⴼ ⴰⴽⴷ ⵉⵡⴷⴰⵏ ⴰⵍⴰⵃⵙⴰⴱ ⴷⴷⵉⵏ ⵏⵏⵙⵏ ⴷ ⵓⴽⵓⵍⵓⵔ ⵏ ⵢⵉⵍⵎ ⵏⵏⵙⵏ ⴷ ⵓⵥⵓⵕ ⵏⵏⵙⵏ.

ⵏⵛⵛⵉⵏ ⴰⵇⵇⴰ ⵏⵙⵙⵏ ⵉⵍⴰ ⴰⵎⵙⴱⴹⵉ ⵏ ⵉⵔⴰⵇⵇⵏ ⵏⵏⵓⵏ ⴷ ⵜⵎⵙⵙⴷⵡⴰⵍ ⵜⵉⵙⵔⵜⴰⵢ ⵏⵏⵡⵏ ⵜⵉⵏⵏⵉ ⵏ ⴷⴷⵉⵏ, ⴰⴷ ⵢⵉⵍⵉ ⴷ ⴰⴱⵔⵉⴷ ⵃⵎⴰ ⴰⴷ ⵏⴰⵡⴹ ⵖⵔ ⵓⵡⵜⵜⴰⵙ ⴰⴷ, ⵎⴰⵍⴰ ⵉⴱⵔⵍⴰⵎⴰⵏⵢⵏ ⵣⵎⵎⵔⵏ ⴰⴷ ⵚⴰⴹⵇⵏ ⵅⴼ ⵉⵣⵔⴼⴰⵏ ⵉ ⵖⴰ ⵉⵙⵙⵀⵡⵏⵏ ⴰⵎⵙⴰⵡⴰⵍ ⴰⴷ ⵜⴱⴷⴷ ⴷⴳ ⵡⵓⴷⵎ ⵏ ⵍⴽⵔⵓⵀⵀⵉⵢⵜ, ⴰⵇⵇⴰ ⵉⵎⴰⵙⴰⵢⵏ ⵏ ⵜⵎⵔⵙⴰⵍ ⴷ ⵜⵏⴰⵔⵉⵡⵉⵏ ⵏ ⴷⴷⵉⵏ ⵖⵔⵙⵏ ⵜⵡⵓⵔⵉ ⵏ ⵓⵙⵡⴰⵍⵉ ⴷ ⵓⵙⵓⴼⵖ ⵏ ⵎⴷⴷⵏ ⵙⴳ ⵉⵃⵍⵓⵍⵍⴰⴹ ⵉⵜⵜⴰⵡⵉⵏ ⴰⵎⵙⴷⴷⴰⵔ ⴷ ⵓⵎⵙⴰⵡⴰⵍ ⵊⴰⵔ ⵍⴰⴷⵢⵏ ⵖⵔ ⵉⵖⵣⵔ.ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

 

Dernière modification : 13 ⵢⵓⵏⵢⵓ 2023
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B5%93%E2%B5%9C-%E2%B5%89-%E2%B5%89%E2%B5%8E%E2%B4%B0%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B5%8E%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%B1%E2%B5%95%E2%B5%8D%E2%B4%B0%E2%B5%8E%E2%B4%B0%E2%B5%8F%E2%B5%89-%E2%B5%8F%E2%B5%8F%E2%B4%B0-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B