Published on MAPNews (https://www.mapnews.ma/am)

Accueil > ⴰⵙⵇⵇⵉⵎ ⵏ ⵉⵎⵖⴰⵕⵏ ⵉⴱⴷⴷ ⵅⴼ ⵡⴰⵏⵏⴰⵍ ⵏ ⵓⵙⵖⵉⵡⵙ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ

ⴰⵙⵇⵇⵉⵎ ⵏ ⵉⵎⵖⴰⵕⵏ ⵉⴱⴷⴷ ⵅⴼ ⵡⴰⵏⵏⴰⵍ ⵏ ⵓⵙⵖⵉⵡⵙ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ

07 ⵢⵓⵏⵢⵓ 2023 Version Imprimable
ⴱⵕⴰⵣⵉⵍⵢⴰ -  ⵉⴱⴷⴷ ⵓⵙⵇⵇⵉⵎ ⵏ ⵉⵎⵖⴰⵕⵏ ⴰⴱⵕⴰⵣⵉⵍⵉ, ⴰⵙⵉⵏⴰⵙ, ⵅⴼ ⵡⴰⵏⵏⴰⵍ ⵏ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵏⵣⵔⵓⴼⵜ, ⵉⵖⵔ ⵉ ⵡⴰⵏⵏⴰⵍ ⵉ ⵜⵣⵎⵎⴰⵔ ⵏ ⵜⴳⵍⴷⵉⵜ ⴳ ⵓⵙⵏⵓⴱⴱⵛ ⵏ ⵓⴼⵙⵙⴰⵢ ⵉ ⵓⵎⵓⴽⵔⵉⵙ ⴰⴷ ⴰⵏⵎⵏⴰⴹ

ⵙⴳ ⵜⵎⵢⴰⵇⵇⴰⵏⵜ ⵏⵏⴰ ⵉⵙⴳⵎⴹ 28 ⵏ ⵓⴳⵎⴰⵎ ⴳ ⵓⵙⵇⵇⵉⵎ ⵏ ⵉⵎⵖⴰⵕⵏ ⴰⴱⵕⴰⵣⵉⵍⵉ ⵏⵏⴰ ⵉⵍⵍⴰⵏ ⴳ ⵜⵓⴳⵜ ⵏ ⵉⵏⴰⵡⵏ ⵉⵙⵔⵜⴰⵏ, ⵍⴱⵕⴰⵥⵉⵍ ⵜⵓⵙⵉ ⵢⴰⵏ ⵡⴰⴷⴷⴰⴷ ⴰⵎⴷⴷⴰⴷ ⵏⵏⴰ ⵉⵥⵍⵉⵏ ⵙ ⵓⵎⵓⴽⵔⵉⵙ ⴰⴷ ⴰⵏⵎⵏⴰⴹ. ⵜⵉⵡⴹ ⵜⵉⵣⵉ ⵉ ⵜⵎⴰⵣⵉⵔⵜ ⵏⵏⵖ ⴰⴷ ⵏⴰⵙⵉ ⴰⵎⵏⴰⴷ ⵏ ⵓⵏⴱⴰⴹ ⴰⵏⵉⵎⴰⵏ ⵏⵏⴰ ⵉⵙⵙⵏⴽⴷ ⵍⵎⵖⵔⵉⴱ, ⴰⴷ ⵉⴳ ⴰⵏⴱⴷⴰⴷ ⵉ ⵓⴼⵙⵙⴰⵢ ⵏⵏⴰ ⴷ ⵢⵓⵙⴰⵏ ⴷ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵓⴼⵔⴰ ⵏ ⵓⵎⴰⵎ ⵍⵎⵓⵜⵜⴰⵃⵉⵔⴰ.

ⵜⵙⴷⴷⵉⴷ ⵜⵏⵜⴰⵎⵜ ⵎⴰⵙ ⴷ ⴰⵏⵣⵡⵉ ⵏ ⵜⵎⵢⵉⵎⴰⵏⵜ ⵊⴰⵔ ⵍⵎⵖⵔⵉⴱ ⴷ ⵍⴱⵕⴰⵥⵉⵍ ⵔⴰⴷ ⵉⴷⵓⵙ ⴱⴰⵀⵔⴰ ⵙⴳ ⵡⴰⵏⵏⴰⵍ ⵏ ⵍⴱⵕⴰⵥⵉⵍ ⴰⴳⵏⵙⵓ ⵏ ⵓⵙⵇⵇⵉⵎ ⵏ ⵓⴼⵔⴰ ⵏⵏⴰ ⵉⴹⴼⵕⵏ ⵍⵓⵎⴰⵎ ⵍⵎⵓⵜⵜⴰⵃⵉⵔⴰ ⵉ ⵜⵣⵎⵎⴰⵔ ⵏⵏⴰ ⵉⵙⴽⵔ ⵍⵎⵖⵔⵉⴱ ⴳ ⵓⵙⵏⵓⴱⴱⵛ ⵅⴼ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⴼⵔⴰⵏ ⵉ ⵓⵎⵓⴽⵔⵉⵙ ⴰⵏⵎⵏⴰⴹ ⴳ ⵜⵏⵣⵔⵓⴼⵜ.

ⴳ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵅⴼ ⴷ ⵎⵙⴰⵙⴰⵏ ⴳ ⵜⵙⵇⵇⵉⵎⵜ ⵜⴰⵎⴰⵜⵓⵜ, ⵉⵙⴰⵡⵍ ⵓⵙⵇⵇⵉⵎ ⵏ ⵉⵎⵖⴰⵕⵏ ⴰⴱⵕⴰⵣⵉⵍⵉ ⵅⴼ ⵡⴰⵏⵏⴰⵍ ⵏⵏⵙⵏ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵏⵓⴱⴱⵛ ⵅⴼ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵎⵙⴰⵙⴰ ⴷ ⵓⴼⵔⴰ ⴰⵙⵓⵍⴰⵏ ⵏ ⵓⵎⵓⴽⵔⵉⵙ ⴰⴷ ⵏ ⵜⵏⵣⵔⵓⴼⵜ, ⵙ ⵜⵣⵎⵎⴰⵔ ⵜⵓⴳⴳⴰⵙ ⵏⵏⴰ ⵓⵜⵏ ⴳ ⵓⵙⴰⵜⵉ ⴰⴷ.

ⵉⵙⴷⴷⵉⴷ ⵓⵙⵇⵇⵉⵎ ⵏ ⵉⵎⵖⴰⵕⵏ ⴰⴱⵕⴰⵣⵉⵍⵉ:" ⵏⴽⵯⵏⵉ ⴰⵔ ⵏⵜⵜⵉⵏⵉ ⵎⴰⵙ ⴷ ⴰⴷⴷⴰⴷ ⵓⵎⵏⵉⴳ ⵏ ⵍⴱⵕⴰⵥⵉⵍ ⵔⴰⴷ ⵉⵕⵥⵎ ⵢⴰⵏ ⵉⵎⴰⵍ ⵉ ⵜⵎⵉⵣⴰⵔ ⴰⴷ ⵙⵎⴷⵏ ⵜⵓⵚⴽⴰ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ ⵜⴰⵎⵢⴰⵡⴰⵜ ⵜⴻⵟⵟⴼ ⵜⵉⵏⴷⵉ.

ⵜⵣⵎⴻⵎⵎ ⵜⵎⵢⴰⵇⵇⴰⵏⵜ ⵎⴰⵙ ⴷ " ⵍⴱⵕⴰⵥⵉⵍ ⴷ ⵍⵎⵖⵔⵉⴱ ⴰⵔ ⵙⴱⵓⵖⵍⵓⵏ ⵙ ⵢⵉⵎⴰⵏ ⵏ ⵜⵎⵢⵉⵎⴰⵏⵜ ⴷ ⵓⵡⵇⵇⵔ ⴰⵎⴰⵙⵙⴰⵏ, ⵜⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ ⵜⴰⵎⵢⴰⵡⴰⵜ ⵏⵏⴰ ⵉⴱⴷⴷⵏ ⵅⴼ ⵓⵙⵙⵓⵔⴼ ⴷ ⵓⵏⵏⵓⵕⵥⵎ ⵏⵏⴰ ⴷⵔⴰⵏ ⵜⵎⵉⵣⴰⵔ, ⴰⵡⴷ ⵜⴰⵏⵏⴰⵢⵜ ⵏⵏⵙⵏ ⵉⵛⵛⴰⵔⵏ ⵉ ⵉⵣⵎⴰⵣ ⴷ ⵜⵏⵎⵎⴰⵔ ⴳ ⵓⵎⴰⴹⴰⵍ ⴰⵜⵔⴰⵔ.

ⵙⴷⴷⵉⴷⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵖⴰⵕⵏ ⵉⴱⵕⴰⵥⵉⵍⵉⵢⵏ ⵎⴰⵙ ⴷ " ⵜⵉⵎⵉⵣⴰⵔ ⴷⴰⵔⵙⵏⵜ ⵜⵉⵎⴰⵎⴽⵉⵏ ⵉⵎⵇⵇⵓⵔⵏ ⵏ ⵓⵎⵢⴰⵡⴰⵙ ⴳ ⵜⵓⴳⵜⵜ ⵏ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⴰⴼⵔⴰ ⵏ ⵓⵜⵜⵛⵉ, ⴰⵡⴷ ⵍⴱⵕⴰⵥⵉⵍ ⴷ ⵍⵎⵖⵔⵉⴱ, ⵙⵔⵙⵏ ⴳ ⵉⵙⴳⴳⴰⵙⵏ ⵉⵎⴳⴳⵓⵔⴰ ⵢⴰⵏ ⵓⵙⴰⵜⵉ ⴰⵣⵔⴼⴰⵏ ⵏⵏⴰ ⵉⴷⵍⵏ ⵜⵓⴳⵜⵜ ⵏ ⵉⴳⵔⴰⵏ, ⵣⵓⵏⴷ ⴰⵙⵙⵔⵅⵓ ⵏ ⵜⵙⴰⵔⵡⴰ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%96%E2%B4%B0%E2%B5%95%E2%B5%8F-%E2%B5%89%E2%B4%B1%E2%B4%B7%E2%B4%B7-%E2%B5%85%E2%B4%BC-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%93%E2%B5%99%E2%B5%96%E2%B5%89%E2%B5%A1%E2%B5%99-%E2%B5%8F-%E2%B5%93%E2%B5%8F%E2%B4%B1%E2%B4%B0%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C