Published on MAPNews (https://www.mapnews.ma/am)

Accueil > ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵙⴼⵓⴳⴳⵓⵍ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⵉ ⵓⵎⵙⴰⵡⴰⵍ ⴷ ⵜⵏⴼⵍⵉⵜ

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵙⴼⵓⴳⴳⵓⵍ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⵉ ⵓⵎⵙⴰⵡⴰⵍ ⴷ ⵜⵏⴼⵍⵉⵜ

25 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵉⵙⴼⵓⴳⴳⵍ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⴽⵯⵡⴰⵙ, ⵙ ⵡⴰⵙⵙ ⴰⴳⵔⴰⵖⵍⴰⵏ ⵉ ⵓⵎⵙⴰⵡⴰⵍ ⴷ ⵜⵏⴼⵍⵉⵜ, ⵉⵜⵜⵎⵚⴹⴰⴼⵏ ⴰⴽⴷ 21 ⵎⴰⵢ ⵙⴳ ⴽⵓ ⴰⵙⴳⴳⵯⴰⵙ, ⵙ ⵓⵙⴷⵓⵙ ⵏ ⵢⴰⵏ ⵓⵎⵙⴰⴳⴰⵔ ⴰⴽⴷ ⵉⵏⴰⵥⵓⵕⵏ ⴷ ⵉⵎⵓⵙⵉⴽⵉⵢⵏ, ⵙⴰⵏⴰ ⵊⴷⴷⵓⴱⵉ, ⵄⵍⵉ ⴼⴰⵢⵇ, ⵏⴰⵚⵕ ⴷⴷⵉⵏ ⵍⵡⵄⵣⵉⵣⵉ, ⴰⴷ ⵙⵙⵉⵡⵍⵏ ⵅⴼ ⵜⴽⵍⵉⵡⵉⵏ ⵏⵏⵙ ⴷ ⵜⵖⴰⵡⵙⵉⵡⵉⵏ ⵉ ⵉⴳⴳⵉⵏ ⵉⵏⴰⵥⵓⵕⵏ ⴰⴷ.

ⴰⵙⴼⵓⴳⴳⵍ ⴰⴷ, ⵉⵜⵜⵡⴰⴳⴳⵏ ⵙⴳ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵉⵏ ⵉⴹⴼⵕⵏ ⵉ ⵓⵙⵉⵏⴰⴳ, ⵉⵜⵜⵅⵙ ⴰⴷ ⵉⵙⵙⵔⵙ ⵉⴷⵍⵙ ⵏ ⵓⵎⵢⴰⵏⴰⵡ ⴷ ⵓⵙⵏⴰⵍ ⵏ ⵡⴰⵜⵉⴳⵏ ⵏ ⵓⵎⵙⴰⵡⴰⵍ ⴷ ⵜⵏⴼⵍⵉⵜ ⴰⴳⵏⵙ ⵏ ⵡⴰⵎⵓⵏ.

ⴳ ⵉⵊⵊⵏ ⵡⴰⵡⴰⵍ, ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵃⵎⴰⴷ ⴱⵓⴽⵓⵙ, ⵉⵍⴰ ⴰⵙⴷⴷⵔ ⵏ ⵓⴽⵜⴰⵢ ⴰⴷ ⵉⵜⵜⴰⴷⴼ ⴳ ⵓⵙⴰⵜⵉ ⵏ ⵜⴼⵓⴳⵍⵉⵡⵉⵏ ⵏ ⵜⵎⵓⵔⴳⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵜⴳⵎⵉ ⴷ ⵜⵓⵙⵙⵏⵉⵡⵉⵏ ⴷ ⵉⴷⵍⵙ "ⵢⵓⵏⵉⵙⴽⵓ", ⵉⵎⵎⵔⵙⵏ ⵅⴼ ⵓⵙⵉⵡⴹ ⴰⴳⵔⴰⵖⵍⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵓⵙⴳⴳⵯⴰⵙ ⵏ 2001.

ⵅⴼ ⵓⵙⵡⵉⵔ ⴰⵏⴰⵎⵓⵔ, ⵉⵙⵙⴼⴰⵡ ⴱⵓⴽⵓⵙ, ⵉⵍⴰ ⴰⵙⴷⴷⵔ ⴰⴷ ⵉⵜⵜⴰⵙ ⴳ ⵉⴳⵔ ⵏ ⵜⵙⵉⵍⴰⵡⵜ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉⵇⵇⴰⵔⵏ ⴷⴳ ⵜⵉⵣⵡⵉⵔⵉ ⵏⵏⵙ ⵙ ⵓⵎⵏⵣⴰⵢ ⵏ ⵓⵎⵢⴰⵏⴰⵡ ⴰⴷⵍⵙⴰⵏ, ⴷ ⵉⵅⴼ ⵡⵉⵙ ⵙⵎⵎⵓⵙ ⵏⵏⵙ, ⴰⴽⴷ ⵓⵙⵍⴳⵏ ⴰⵎⵙⵙⵓⴷⵙ 26.16 ⵉⵇⵇⵏⵏ ⵙ ⵓⵙⴳⵎⵉⵔ ⵏ ⵜⴼⵔⴽⵉⵡⵉⵜ ⵏ ⵜⵙⵉⵍⴰⵡⵜ ⵏ ⵡⵓⴷⵎ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.

ⵣⴳⴳⴰ ⵉⵣⵎⵎⴻⵎ ⵓⵎⵔⵔⵓⴽ, ⵛⴰ ⵏ ⵉⵙⵓⵔⴰⴼ ⴳ ⵓⵙⵡⵉⵔ ⴰⵣⵔⴼⴰⵏ, ⴰⵙⵙ ⴰⴷ ⵜⵉⵍⴰⵡⵜ ⵏ ⵉⵣⵔⴼⴰⵏ ⵉⵙⵏⵉⵍⵙⵏ ⴷ ⵉⴷⵍⵙⴰⵏⵏ “ⴰⵇⵇⴰ ⵜⵏ ⵎⵍⵉⵃ”, ⵅⵏⵏⵉ ⵉⵏⵏⴰ ⵎⴰⵙⵙ ⴱⵓⴽⵓⵙ ⵉⵍⴰ ⴰⵙⵉⵏⴰⴳ ⵉⵜⵜⵄⴼⴼⴰⵔ ⵙ ⵓⵙⵡⵉⵣⵉ ⵏⵏⵙ ⵉ ⵉⵎⴳⴳⴰⵢⵏ ⵉⵅⴷⵎⵏ ⵅ ⵓⵎⵢⴰⵏⴰⵡ ⴰⴷⵍⵙⴰⵏ.

ⵙⴳ ⵓⵖⵣⴷⵉⵙ ⵏⵏⵙ, ⵉⵏⵏⴰ ⵓⵏⵎⵀⴰⵍ ⵏ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵉⵏ ⵉⴹⴼⵕⵏ ⵉ ⵓⵙⵉⵏⴰⴳ, ⵍⵅⴰⵟⵉⵕ ⴰⴱⵓ ⵍⵇⴰⵙⵉⵎ, ⴳ ⵉⵊⵊⵏ ⵡⴰⵡⴰⵍ ⵏⵏⵙ ⵉ ⵜⵡⵡⵓⵔⵜ ⵜⴰⵎⴰⵣⵉⵖⵜ ⵏ ⵎⴰⴱ, ⵉⵍⴰ ⴰⵎⵙⴰⴳⴰⵔ ⴰ ⵉⵜⵜⴰⴷⴼ ⴳ ⵉⵏⵀⵣⵣⵉⵜⵏ ⵉⵏⴼⴰⵡⴰⵏⵏ ⵉ ⵉⵜⵜⴳⴳ ⵓⵙⵉⵏⴰⴳ, ⵉⵔⵏⴰ ⵉⵏⵏⴰ ⵉⵍⴰ ⴰⵙⴳⴳⵯⴰⵙ ⴰⴷ ⵜⴱⴷⴷ ⵜⵎⵔⵙⵍⵜ ⴰⴷ ⵅⴼ ⵓⵏⵓⵕⵥⵎ ⵅⴼ ⵉⵊⵊⵏ ⵜⴼⵔⴽⵜ ⴷ ⵜⴰⵎⴰⵢⵏⵓⵜ ⵣⴳⴳⴰ ⵜⵎⵍⴰⴷⴰⵙ ⴰⴽⴷ ⵛⴰ ⵏ ⵜⵖⴰⵡⵙⵉⵡⵉⵏ ⵉⵇⵇⵏⵏ ⵙ ⵓⵙⵓⴳⵓⵔ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵜⵎⴳⵓⵔⵉⵡⵉⵏ ⵜⵉⴷⵍⵙⴰⵏⵉⵏ ⴳ ⵉⵙⴳⴳⵓⵙⴰ ⵉⵣⵔⵉⵏ.

ⴳ ⵓⵢⴰ, ⵉⵣⵎⵎⴻⵎ ⵉⵍⴰ ⴰⵙⴼⵓⴳⴳⵍ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⴳⴳⵯⴰⵙ ⴰⴷ ⵉⵃⴹⵕ ⴷⵉⵙ ⴷⴷⵔⵉⵣ ⴰⴳⵔⴰⵡⴰⵏ, ⴰⵖⵏⵏⵉⵊ ⴰⴽⵍⴰⵙⵉⴽⵉ, ⴷ ⵓⵖⵏⵏⵉⵊ ⴰⵜⵔⴰⵔ, ⵉⵜⵜⵡⴰⵙⵙⵏⵏ ⵙ ⵉⵎⵙⴱⴹⵉ ⴳⵔ ⵜⵉⵙⴰⵜⴰⵍⵉⵏ ⵉ ⴷ ⵉⵙⵄⴷⴷⴰⵏ ⴷⴷⴳⴳ ⴰ ⵏ ⵡⴰⵏⴰⵡⵏ ⵏ ⵜⵥⵓⵕⵉ.

ⵉⴼⴼⵖ ⴳ ⵓⵎⴳⴳⴰⵔⵓ ⴳ ⵜⵎⵏⵏⴰ ⵏⵏⵙ, ⵉⵍⴰ ⴰⵙⵉⵏⴰⴳ ⵢⵓⵙ ⴷ ⵃⵎⴰ ⴰⴷ ⵢⵉⵍⵉ ⴷ ⵉⵛⵜ ⵜⵎⵔⵏⵉⵡⵜ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴰⴷ ⵙⴳⵄⴷⵏ ⵙⴳ ⵉⵊⵊⵏ ⵓⴼⵔⴷⵉⵙ ⵙⴳ ⵢⵉⴷⵍⵙ ⴰⵎⵖⵔⴰⴱⵉ ⵙ ⵡⵓⴷⵎⴰⵡⵏ ⵏⵏⵙ ⵉⵎⵙⴱⴹⴰⵏ ⴷ ⵜⵏⴼⵍⵉⵜ ⵏ ⵜⵏⴼⴰⵍⵉⵏ ⵏ ⵜⵉⴷⵍⵙⴰⵏⵉⵏ ⵜⵉⵎⴰⵢⵏⵜⵉⵏ ⴰⵎ ⵜⴰⵙⴽⵍⴰ, ⴰⵎⵣⴳⵓⵏ ⴷ ⵙⵉⵏⵉ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%89%E2%B5%99%E2%B4%BC%E2%B5%93%E2%B4%B3%E2%B4%B3%E2%B5%93%E2%B5%8D-%E2%B5%99-%E2%B5%A1%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%8F%E2%B4%B0%E2%B5%A1-%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B5%89