Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⵎⴰⵙⵙ ⴰⵅⵏⵓⵛ ⴰⵏⵙⵙⵉⵅⴼ ⵏ ⵜⵎⵔⵙⵍⵜ "ⴽⵓⵏⵕⴰⴷ ⴰⴷⵉⵏⴰⵡⵕ" ⵜⴰⵍⵎⴰⵏⵉⵜ

ⵉⵙⵏⵓⴱⴳ ⵎⴰⵙⵙ ⴰⵅⵏⵓⵛ ⴰⵏⵙⵙⵉⵅⴼ ⵏ ⵜⵎⵔⵙⵍⵜ "ⴽⵓⵏⵕⴰⴷ ⴰⴷⵉⵏⴰⵡⵕ" ⵜⴰⵍⵎⴰⵏⵉⵜ

18 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵉⵙⵏⵓⴱⴳ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴳⵔⴰⵡⴰⵏ ⵏ ⵉⵏⵙⵉⵎⴰⵏⵏ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ ⵎⴰⵙⵙ ⵏⵓⵕⴱⵉⵔⵜ ⵍⴰⵎⵕⵜ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ ’’ⴽⵓⵏⵕⴰⴷ ⴰⴷⵉⵏⴰⵡⵕ’’ ⵜⴰⵍⵎⴰⵏⵉⵜ, ⵢⴰⵏ ⵙⴳ ⵉⵏⵎⵎⴰⵙⵙⵓⵜⵏ ⴳ ⵓⴽⴰⴱⴰⵕ ⵏ ⵓⵖⵔⴼ ⴰⵡⵕⵓⵃⵃⵉ (PPE) ⴷⴰⵔⵙ ⵜⴰⵣⴷⴰⵢⵜ ⵉⴷⵓⵙⵏ ⴷ ⵓⴽⴰⴱⴰⵕ ⵏⴰⵎⵓⵔ ⵏ ⵉⵏⵙⵉⵎⴰⵏⵏ.

ⵉⵏⵏⴰ ⵓⵙⵉⵡⴹ ⵏ ⵓⴽⴰⴱⴰⵕ ⵎⴰⵙⴷⴷ ⴰⵏⵎⵓⵇⵇⴰⵔ ⴰⴷ ⵉⴷⴷⴰⴷ ⴳ ⵓⵙⴰⵜⵉ ⵏ ⵜⵉⵍⴰⵍ ⵜⵉⴷⵉⴱⵍⵓⵎⴰⵙⵉⵢⵉⵏ ⵏ ⵓⴽⴰⴱⴰⵕ ⴳ ⵜⵏⴰⴼⵓⵜⵉⵏ ⵜⵉⵎⴰⵜⴰⵢⵉⵏ ⵏ ⵓⴽⴰⴱⴰⵕ ⴷ ⵓⵙⴷⵓⵙ ⵏ ⵜⴷⵔⴰⵡⵉⵏ ⵏⵏⵙ ⴷ ⵉⴽⴰⴱⴰⵕⵏ ⵢⴰⴹⵏ ⵏⵏⴰ ⵜⵏ ⵉⵙⵎⵓⵏⵏ ⴳ ⵉⵡⵜⵜⴰⵙⵏ ⵉⵎⴰⵙⵙⴰⵔⵏ ⵏⵏⵙⵏ.

ⴳ ⵓⵙⵏⵜⵉ ⵏ ⵓⵏⵎⵓⵇⵇⴰⵔ ⴰⴷ, ⵙⵙⴷⵓⵙⵏ ⵉⵎⵏⴰⴷⵏ ⵙ ⵙⵉⵏ ⵜⴰⵜⵜⵓⵢⵜ ⵏ ⵜⵣⴷⴰⵢⵉⵏ ⵏⵏⴰ ⵉⵍⵍⴰⵏ ⴳⵔ ⵜⵎⵉⵣⴰⵔ ⵏⵏⵙⵏ ⵙ ⵙⵏⴰⵜ, ⵏⵏⴰ ⵅⴼ ⵉⵙⵜⴳⴳⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴷ ⵎⴰⵙⵙ ⴼⵕⴰⵏⴽ ⵡⴰⵍⵜⵕ ⵛⵜⴰⵢⵏⵎⴰⵢⵕ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⴼⵉⴷⵉⵕⴰⵍⵉⵜ ⵜⴰⵍⵎⴰⵏⵉⵜ.

ⵙ ⵜⵎⵍⴷⴰ ⴰⴷ, ⵉⵙⵙⵎⵖⵕ ⵎⴰⵙⵙ ⵏⵓⵔⴱⵉⵕⵜ ⵙ ⵓⵍⵎⵙⴰⵙⴰ ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ, ⴷⴷⵓ ⵓⵙⵏⴱⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ, ⵉⵙⵙⴷⵓⵙ ⴰⵡⴷ ⵙ ⵉⵙⴳⴳⴷⵏ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ , ⴷ ⵓⵙⴷⵓⵙ ⵏ ⵓⵏⵎⴰⵍⵍⵓ ⴰⴷⵉⵎⵓⵇⵔⴰⵜⵉ ⴷ ⵜⵣⵎⵎⴰⵔ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵏⴼⵍⵉⵜ ⵜⴰⴷⵎⵙⴰⵏⵜ ⵜⴰⵏⴰⵎⵓⵏⵜ.

ⴳ ⵜⵙⴳⴰ ⵏⵏⵙ, ⵉⵙⵙⴷⵓⵙ ⵎⴰⵙⵙ ⴰⵅⵏⵓⵛ ⵙ ⵓⵙⵡⵉⵔ ⵏ ⵜⵣⴷⴰⵢⵉⵏ ⵉⴷⵓⵙⵏ ⴳⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⴷ ⴽⵉⴳⴰⵏ ⵏ ⵜⵎⵓⵔⴰ ⵏ ⵓⵕⵓⴱⴱⴰ ⵉⵙⵙⴷⵓⵙ ⴰⵡⴷ ⴼ ⵓⴱⵓⵖⵍⵓ ⵏⵏⴰ ⵜⵙⵙⵏ ⵜⵣⴷⴰⵢⵜ ⵏⵏⴰ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⴼ ⴽⵉⴳⴰⵏ ⵏ ⵉⵡⴰⵏⴽⵏ ⵏ ⵡⴰⵎⵎⴰⵙ ⴷ ⵉⵣⵣⵍⵎⴹ ⵏ ⵓⵕⵓⴱⴱⴰ.

ⵎⴽⵍⵍⵉ ⵉⵙⵏⵉⵎⵎⵔ ⵎⴰⵙⵙ ⵍⴰⵎⵕⵜ, ⴷ ⵜⵎⵔⵙⵍⵜ ⵏ ’’ⴽⵓⵏⵕⴰⴷ ⴰⴷⵉⵏⴰⵡⵕ’’ ⵓⵍⴰ ⴰⴽⴰⴱⴰⵕ ⵏ ⵓⵖⵔⴼ ⴰⵡⵕⵓⴱⴱⵉ (PPE) ⵅⴼ ⵜⵉⵍⴰⵍ ⵏⵏⵙⵏ ⴰⴼⴰⴷ ⴰⴷ ⴼⵔⴳⵏ ⵙⵙⴷⵓⵙⵏ ⵜⴰⵣⴷⴰⵢⵜ ⵏⵏⴰ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵓⵕⵓⴱⴱⴰ ⵍⵍⵉⵖ ⵍⵍⴰⵏ ⴽⵔⴰ ⵏ ⵉⵏⵎⵎⴰⵙⵙⵓⵜⵏ ⴳ ⵓⴳⵏⵙ ⵏ ⵓⴱⵕⵍⴰⵎⴰⵏ ⵏ ⵓⵔⵓⴱⴱⴰ ⵓⵔ ⵔⴰⵏⵜ ⴰⵎⵓⵔⵙ ⴳ ⵉⴳⵔ ⴰⴷ , ⵙⵍⴰⵡⴰⵏ ⴰⴽⴽ ⵎⴰⵙⴷ ⵉⵎⵏⴰⴷⵏ ⴰⴷ ⵙ ⵙⵉⵏ ⴷⴰⵔⵙⵏ ⵉⵎⴰⵍ ⵏ ⵜⵣⴷⴰⵢⵉⵏ ⴳ ⵉⴳⵔ ⵏ ⵓⵣⵡⴰⴳ ⴷ ⵜⵏⴼⵔⵓⵜ , ⵎⴰ ⴰⵏⵏ ⴰⴼⵇ ⵉⵇⵇⴰⵏ ⴰⴷ ⵎⵓⵏⵏ ⵙⴽⵔⵏ ⵜⵉⴷⵔⴰⵡⵉⵏ ⵉⵛⵛⴰⵕⵏ.

ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ, ⵎⵙⴰⵙⴰⵏ ⵉⵎⵏⴰⴷⵏ ⴰⴷ ⵎⴰⵙⴷ ⵉⵇⵇⴰⵏ ⴰⴷ ⵙⵙⴷⵓⵙⵏ ⵜⵉⵣⴷⴰⵢⵉⵏ ⴷ ⵜⴷⵔⴰⵡⵉⵏ ⴰⴷ ⴳⵔ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴷ ⵜⵎⵔⵙⵍⵜ ’’ⴽⵓⵏⵕⴰⴷ ⴰⴷⵉⵏⴰⵡⵕ’’ ⵜⴰⵍⵎⴰⵏⵉⵜ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵉⴳⵔ ⵏ ⵜⵄⵓⵔⵎⴰ ⴷ ⵜⵎⵖⴰⵔⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B5%8D%E2%B5%9C-%E2%B4%BD%E2%B5%93%E2%B5%8F%E2%B5%95%E2%B4%B0%E2%B4%B7-%E2%B4%B0%E2%B4%B7%E2%B5%89%E2%B5%8F%E2%B4%B0%E2%B5%A1%E2%B5%95-%E2%B5%9C%E2%B4%B0%E2%B5%8D%E2%B5%8E%E2%B4%B0%E2%B5%8F%E2%B5%89%E2%B5%9C