Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⴰⵎⴰⵜⴰⵢ ⴷ ⵓⵎⵙⵜⴳⴳⴰⵔ ⵏ ⵜⴷⵓⵙⵉⵡⵉⵏ ⴷ ⵉⵙⵔⴷⴰⵙ ⵉⴳⵍⴷⴰⵏⵏ ⵉⴼⴽⴰ ⵜⵓⵎⵍⴰⵢⵉⵏ ⵏⵏⵙ ⴰⵙⵙ ⴰⴷ ⵉ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⴰⵎⴰⵜⴰⵢ ⴷ ⵓⵎⵙⵜⴳⴳⴰⵔ ⵏ ⵜⴷⵓⵙⵉⵡⵉⵏ ⴷ ⵉⵙⵔⴷⴰⵙ ⵉⴳⵍⴷⴰⵏⵏ ⵉⴼⴽⴰ ⵜⵓⵎⵍⴰⵢⵉⵏ ⵏⵏⵙ ⴰⵙⵙ ⴰⴷ ⵉ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ

15 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵏⵙⵙⵉⵅⴼ ⴰⵎⴰⵜⴰⵢ ⴷ ⵓⵎⵙⵜⴳⴳⴰⵔ ⵏ ⵜⴷⵓⵙⵉⵡⵉⵏ ⵜⵉⴳⵍⴷⴰⵏⵉⵏ ⴳ ⵡⴰⵙⵙ ⵏ ⵓⵙⴰⵎⴰⵡ ⴰⵡⵏⵏⵉ ⵏⵏⵙ ⵉ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ.


"ⴰⵜⵉⴳⵏ ⵏⵏⵓⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵓⵏⵣⴰⵖ ⵅⴼ ⵜⴳⵍⴷⵉⵜ ⴷ ⵜⴰⵎⵓⵏⵜ ⵏⵏⵙ ⵙⴳ ⵜⵎⵢⴰⵇⵇⴰⵏⵜ ⴷ ⵜⴳⴰⵍⵍⵉⵜ ⵏ ⵍⵎⴰⵙⵉⵔⴰ, ⴰⴷ ⵉⴳⴰⵏ ⵙⴳ ⵜⵖⴰⵡⵙⵉⵡⵉⵏ ⵏⵏⴰ ⴰⵖ ⵢⵓⵊⵊⴰⵏ ⴰⴷ ⵙⵉⵡⵏ ⵏⵉⵍⵉ ⴰⴷⴷⵓⵔ ⵏⴱⵓⵔⵣ ⵙⵔⵓⵏ ⴳ ⵎⴰⴷ ⵉⵣⵍⵉⵏ ⵙ ⵜⵙⵔⴷⴰⵙⵜ ⵏⵏⵓⵏ ⵏ ⵡⴰⴽⴰⵍ ⵏⵖⴷ ⵉⴳⵏⵏⴰ ⵡⵍⴰ ⵜⵉⵏ ⵡⴰⵎⴰⵏ, ⵏⵏⴰ ⵉⵜⵜⴰⵡⵣⵏ ⵢⵉⴹ ⴷ ⵓⵣⴰⵍ ⵅⴼ ⵜⵏⴰⴼⵓⵜ ⵏ ⵜⴰⵎⵓⵏⵜ ⵏ ⵜⴳⵍⴷⵉⵜ ⵏⵏⵖ ⴷ ⵉⵜⴳⴰⵔⵏ ⴰⴽⴽⵯ ⵉⵏⴰⵎⵓⵔⵏ", ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

"ⴰⴷⴼⵓⵕ ⵏ ⵓⵎⴰⵢⵏⵓ ⵏⵏⴰ ⵉⵍⵍⴰⵏ ⴳ ⵉⴳⵔ ⴰⴷ ⴷ ⵓⵎⵙⴰⵙⴰ ⴷ ⴰⵢⵏⵏⴰ ⴰⴽⴽⵯ ⵉⵙⴰⵕⵏ ⵙ ⵓⵙⴽⴽⵉⵔ ⵏ ⵜⵏⴰⴼⵓⵜⵉⵏ ⵏⵏⵖ ⴷ ⵜⵡⵡⵓⵔⵉ ⵜⴰⵙⵓⵍⴰⵏⵜ ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵙ ⵜⵖⴰⵔⴰⵙⵜ ⵉⴳⴰⵏ ⵜⴰⵡⵡⵓⵔⴰⵏⵜ", ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

"ⴰⵏⴼⴰⵍ ⴰⵊⵢⵓⵙⵜⵕⴰⵜⵉⵊⵉ ⵏⵏⴰ ⵉⵙⴰⵕⵏ ⴳ ⵓⵎⴰⴹⴰⵍ ⵉⵙⵖⴰⵡⵙⴰ ⵙ ⵓⴼⵔⴰⴽ ⴷ ⵓⵙⵎⵔⵙ ⵏ ⵓⵏⵍⵍⵉ ⴰⴼⴰⴷ ⴰⴷ ⵜⵙⵙⴷⵓⵙⵎ ⵉⵜⴳⴰⵔⵏ ⵏ ⵓⵏⵣⴰⵖ ⴷ ⵍⵓⵊⵉⵙⵜⵉⴽ ⴷⴼⴼⵉⵔ ⵍⵍⵉⵖ ⴷⴰⵔⵏⵖ ⵉⵎⴰⵙⵙⵏ ⵉⵜⵉⵇⵏⵉⵏ ⵉⵜⵔⴰⵔⵏ ⴳ ⵉⴳⵔⴰⵏ ⵎⵢⴰⵏⴰⵡⵏⵉⵏ ⵏⵏⴰ ⴳ ⵍⵍⴰⵏ ⵡⵉⵏⵏⴰ ⴳⴰⵏⵉⵏ ⵓⵟⵟⵓⵏⴰⵏⵏ ⵏⵏⴰ ⵉⴳⴰⵏ ⵢⴰⵏ ⵓⴹⴼⵓⵕ ⵏ ⵓⵎⴰⵢⵏⵓ ⵏ ⵓⵣⵎⵣ ⴰⴷ ⴷ ⵓⵏⴼⴰⵍ ⵏⵏⴰ ⴳⵉⵙ ⵉⵙⴰⵕⵏ", ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⴰⴷ, ⵉⵔⵏⴰ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⵎⴰⵙⴷⴷ ⴱⵍⴰ ⵉⵎⴰⵙⵙⵏ ⵉⵜⵔⴰⵔⵏ ⵏⵏⴰ ⵉⵜⵜⵓⵙⴽⴰⵔⵏ ⵙ ⵜⴷⵔⴰⵡⵉⵏ ⴷ ⵜⵎⵢⴰⵇⵇⴰⵏⵉⵏ ⴷ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⴰⴼⴰⴷ ⴰⴷ ⵢⵉⵍⵉ ⵓⴷⴼⵓⵕ ⵉ ⵓⴱⵓⵖⵍⵓ ⵏ ⵜⵎⴳⵓⵔⵉ ⵜⴰⵏⴰⵎⵓⵔⵜ, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵜⵓⵎⵍⴰⵢⵉⵏ ⵏⵏⵙ ⵜⵉⵎⴰⵜⴰⵢⵉⵏ ⵉ ⵓⵙⴽⴽⵉⵔ ⵏ ⵡⴰⵎⵎⴰⵙ ⴰⴳⵍⴷⴰⵏ ⵏ ⵉⵔⵣⵣⵓⵜⵏ ⵏ ⵓⵏⵣⴰⵖ ⵏⵏⴰ ⵉⵡⴰⵍⴰⵏ ⵉ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵣⵔⴰⵡⵉⵏ ⵏ ⵉⵙⵔⴷⴰⵙ ⵉⵎⴰⵜⴰⵢⵏ , ⵜⵉⵍⴰⵍ ⵏⵏⴰ ⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵢⴰⴷⴰⵙ ⵏ ⵜⵓⵙⵙⵏⴰ ⴷ ⵜⵙⵜⵔⴰⵜⵉⵊⵉⵢⵉⵏ ⵏ ⵓⵙⵎⵔⵙ ⵏ ⵜⵉⵜⵉⵇⵏⵉⵢⵢⵉⵏ ⵎⵏⵉⴷ ⵏ ⵉⵎⵓⴽⵔⵉⵙⵏ ⵏⵏⴰ ⵔⴰⴷ ⵢⵉⵍⵉ ⴳ ⵓⵙⴰⵜⵉ ⵏ ⵓⴼⵔⴰⴳ ⴷ ⵓⵙⴽⴽⵉⵔ ⵏ ⵢⴰⵏ ⵡⴰⵢⴷⴰ ⴰⵙⵔⴷⴰⵙ.

ⵉⵔⵏⴰ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⵎⴰⵙⴷ ⴰⵙⵔⵓⵙ ⴷ ⵓⵙⴽⵓ ⵏ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴷ ⵓⴼⵔⴰ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ, ⵏⵏⴰ ⵉⵍⴰⵏ ⵜⵉⵍⴰⵍ ⵏ ⵓⵙⴷⵓⵙ ⵏ ⵜⵡⵉⵙⵉ ⵜⴰⵙⵔⴷⴰⵙⵜ ⴰⴷ ⵢⵉⵡⵙⵏ ⴳ ⵓⵙⴽⴽⵉⵔ ⵏ ⵜⵣⴷⴰⵢⵉⵏ ⴷ ⴽⵉⴳⴰⵏ ⵏ ⵉⵎⵏⴰⴷⵏ ⵜⵉⵡⵙ ⴰⵡⴷ ⴳ ⵓⵙⴷⵓⵙ ⵏ ⵜⴷⵓⵙⵉ ⵏⵏⵖ ⵏⵏⴰ ⵉⴳⴰⵏ ⵉⵙⵔⴷⴰⵙ ⵏⵏⴰ ⵉⵜⵜⴰⵡⵙⵏ ⴳ ⵓⵣⵓⵣⵣⵔ ⵏ ⵓⴼⵔⴰ ⴷ ⵜⵏⴼⵔⵓⵜ ⵙⴳ ⵉⵙⵍⴳⴰⵏⵏ ⵉⵎⴰⴹⵍⴰⵏⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⴰⵙⵔⵓⵙ ⵏ ⵉⵜⴳⴰⵔⵏ ⴰⴷ ⵏ ⵜⵏⴼⵔⵓⵜ ⴷ ⵓⴼⵔⴰ ⴰⴼ ⵜⵕⵥⵎ ⵜⵙⵔⴷⴰⵙⵜ ⵜⴰⴳⵍⴷⴰⵏⵜ ⴼ ⵡⴰⵢⴷⴰ , ⵜⵙⴽⵔ ⴽⵉⴳⴰⵏ ⵏ ⵜⴷⵔⴰⵡⵉⵏ ⴷ ⵉⵙⵔⴷⴰⵙ ⵏ ⵜⵎⵓⵔⴰ ⵢⴰⴹⵏ ⴳ ⵓⵙⴰⵜⵉ ⵏ ⵓⴼⵔⴰⴳ ⵏ ⵓⴼⵔⴰ ⴷ ⵓⵙⴷⵓⵙ ⵏ ⵡⴰⵏⵏⴰⵍ ⴰⵎⴰⴹⵍⴰⵏ ⴷ ⵓⴼⵔⵉⵇⵉ ⴳ ⵉⴳⵔ ⵏ ⵓⵙⵎⵓⵜⵜⴳ ⴳ ⵉⵙⵉⵏⴰⴳⵏ ⵉⵎⵖⵔⵉⴱⵉⵏ ⴷ ⵜⵉⵏⵎⴰⵍ ⵏⵏⵙ ⵜⵉⵙⵔⴷⴰⵙ.

ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⵙ ⵓⵙⵏⵉⵎⵎⵔ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵉⵙⵙⵓⵜⵔ ⴰⵙⵏ ⴰⵎⵓⵔⵙ ⴰⵎⴰⵜⴰⵢ ⵉ ⵜⵏⴰⴼⵓⵜⵉⵏ ⵏ ⵓⵏⵣⴰⵖ ⵅⴼ ⵡⴰⵜⵉⴳⵏ ⵉⵏⴰⵎⵓⵔⵏ ⵏⵏⴰ ⵅⴼ ⵜⵙⴽⴰ ⵜⵡⵊⴰ ⵜⴰⵙⵔⴷⴰⵙⵜ ⵜⴰⴳⵍⴷⴰⵏⵜ ⵙ ⵡⴰⵎⵎⴰⵥ ⴷ ⵓⵏⵙⵙⵉⵅⴼ ⵏⵏⵙⵏ ⴷⴷⵓ ⵏ ⵜⵎⴰⵜⴰⵔⵜ ⵜⴰⵏⴰⵎⵓⵔⵜ ⵜⴰⴳⵯⵔⵔⴰⵎⵜ : ⵕⴱⴱⵉ-ⴰⵎⵓⵔ-ⴰⴳⵍⵍⵉⴷ. 

Dernière modification : 15 ⵎⴰⵢⵢⵓ 2023
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B4%B7-%E2%B5%93%E2%B5%8E%E2%B5%99%E2%B5%9C%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89%E2%B5%A1%E2%B5%89%E2%B5%8F-%E2%B4%B7-%E2%B5%89%E2%B5%99%E2%B5%94%E2%B4%B7%E2%B4%B0%E2%B5%99-%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%8F-%E2%B5%89%E2%B4%BC%E2%B4%BD%E2%B4%B0