Published on MAPNews (https://www.mapnews.ma/am)

Accueil > ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴱⵓⵔⵜⵓⵖⴰⵍ ⵉⵙⵏⵓⴱⴳ ⵎⴰⵙⵙ ⴰⵅⵏⵓⵛ

ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴱⵓⵔⵜⵓⵖⴰⵍ ⵉⵙⵏⵓⴱⴳ ⵎⴰⵙⵙ ⴰⵅⵏⵓⵛ

12 ⵎⴰⵢⵢⵓ 2023 Version Imprimable
ⵍⵉⵛⴱⵓⵏⴰ - ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴱⵔⴷⵇⵇⵉⵣ ⵎⴰⵙⵙ ⵎⴰⵕⵙⵉⵍⵓ ⵔⵉⴱⵉⵍⵓ ⴷⵉ ⵙⵓⵣⴰ ⴳ ⵜⴷⴳⴳⵯⴰⵜ ⵏ ⵡⴰⵙⵙ ⵏ ⵓⴽⵡⴰⵙ ⴳ ⵉⵖⵔⵎ ⵏ ⵍⵉⵛⴱⵓⵏⴰ, ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵎⵖⵔⵉⴱⵉ ⵄⴰⵣⵉⵣ ⴰⵅⵏⵓⵛ.


ⵉⴷⵔⴰ ⴳ ⵓⵙⵏⵓⴱⴳ ⴰⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⴰⵎⴰⵣⴰⵏ ⵏ ⵜⴳⵍⴷⵉⵜ ⴳ ⵍⴱⵓⵔⵜⵓⵖⴰⵍ ⵎⴰⵙⵙ ⵄⵜⵎⴰⵏ ⴰⴱⵓⵃⵏⵉⵏⵉ.

ⵔⴰⴷ ⵜ ⵉⵙⵙⵉⵅⴼⵜ ⵎⴰⵙⵙ ⴰⵅⵏⵓⵛ, ⵏⵏⴰ ⵉⵙⴽⵔⵏ ⴰⵔⵣⴰⴼ ⵉ ⵍⴱⵓⵔⵜⵓⵖⴰⵍ ⴷ ⵢⴰⵏ ⵓⴷⵡⴰⵍ ⵉⵍⴰⵏ ⴰⵜⵉⴳ, ⵎⵏⵉⴷ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵍⴱⵓⵔⵜⵓⵖⴰⵍ ⴰⵏⵟⵓⵏⵢⵓ ⴽⵓⵙⵜⴰ ⴰⵙⵙ ⴰⵏ ⵏ ⵓⵙⵉⵎⵡⴰⵙ ⴰⴳⵔⴰⵡ ⴰⴷ ⵉⴳⴰ ⵡⵉⵙⵙ 14 ⴷⴷⴷⵓ ⵏ ⵜⵎⴰⵜⴰⵔⵜ - ⵍⵎⵖⵔⵉⴱ, ⵍⴱⵓⵔⵜⵓⵖⴰⵍ ⴰⵙⴷⵓⵙ ⵏ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵜⴰⵎⴷⵢⴰⵏⵜ.

ⴰⴷⵡⴰⵍ ⴰⵎⵖⵔⵉⴱⵉ ⴳⵉⵙ ⵎⴰⵙⵙ ⵏⴰⴷⵢⴰ ⴼⵜⵜⴰⵃ ⵍⵄⴰⵍⴰⵡⵉ,ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵙⴼⵍⵙ, ⴷ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵢⴰⵏⵉⵏ ⴷ ⵜⵡⵡⵓⵔⵉ ⴷ ⵜⵣⵎⵎⴰⵔ, ⴷ ⵎⴰⵙⵙⴰ ⴼⴰⵟⵉⵎⴰ ⵣⵣⵀⵕⴰ ⵄⵎⵎⵓⵕ , ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵇⵇⴱⵓⵔⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴷ ⵎⴰⵙⵙ ⵄⴱⴷⵍⵍⴰⵟⵉⴼ ⵍⵎⵉⵕⴰⵡⵉ, ⴰⵎⴰⵡⵙⴰⵙ ⵏ ⵓⵙⵙⵍⵎⴷ ⴰⵎⴰⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ.

ⵎⴽⵍⵍⵉ ⴳⵉⵙ ⵜⵍⵍⴰ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ ⵜⴰⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵏ ⵜⴰⵔⵏⴰ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ , ⴷ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ,ⴰⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵜⴷⵔⴰⵡⵜ ⵉⴷⵓⵙⵏ ⴳⵔ ⵜⵎⵉⵣⴰⵔ ⴰⴷ ⵙ ⵓⵙⵎⴰⵢⵏⵓ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵏⵏⴰ ⵉⵙⴽⵔⵏ ⴳ ⵍⴱⵓⵔⵜⵓⵖⴰⵍ ⵢⴰⵏ ⵙⴳ ⵎⵔⴰⵡ ⵉⵎⴷⵔⴰⵡⵜ ⵉⵎⵣⵡⵓⵔⴰ ⵏ ⵍⵎⵖⵔⵉⴱ.

ⵉⴷⴷⴰⴷ ⵓⵏⵎⵓⵇⵇⴰⵔ ⴰⴷ ⵏⵏⴰ ⵉⴳⴰⵏ ⵡⵉⵙⵙ 14 ⴷⴼⴼⵉⵔ ⵍⵍⵉⵖ ⵉⴽⴽⴰ ⵙⴹⵉⵙ ⵉⵙⴳⴳⵯⴰⵙⵏ ⵅⴼ ⵜⵙⵙⵓⵜⵍⵜ ⵉⵣⵔⵉⵏ , ⴰⴼⴰⴷ ⴰⴷ ⵜⴷⵓⵙ ⵜⵣⴷⴰⵢⵜ ⴳⵔ ⵍⵎⵖⵔⵉⴱ ⴷ ⵍⴱⵓⵔⵜⵓⵖⴰⵍ , ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⴰⴷⵎⵙⴰⵏ ⴷ ⵓⵎⵢⴰⵡⴰⵙ ⴳⵔ ⵉⴳⵔⴰⵏ , ⴷ ⵓⵙⵏⵓⵏⴼ ⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵉ ⵢⴰⵜ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵏⵏⴰ ⵉⵎⵢⴰⵏⴰⵡⵏ ⴰⴼⴰⴷ ⴰⴷ ⴼⵓⴽⴽⵓⵏ ⵉⵎⵓⴽⵔⵉⵙⵏ ⵏⵏⴰ ⵉⵍⵍⴰⵏ ⴳ ⵜⵙⴳⴰ ⴰⴷ ⵜⴰⵏⵎⵏⴰⴹⵜ.

ⵔⴰⴷ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴳ ⵓⴳⵔⴰⵡ ⴰⴷ ⴼ ⴽⵉⴳⴰⵏ ⵏ ⵉⴳⵔⴰⵏ ⵉⵎⵢⴰⵏⴰⵡⵏ.

ⵔⴰⴷ ⴳⵉⵙ ⵉⵜⵜⵓⵙⴽⴰⵔ ⴰⵡⴷ ⵢⴰⵏ ⵓⵙⴳⵔⴰⵡ ⴳⵔ ⵜⴰⵎⵓⵏⵜ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴷ ⵜⴼⵉⴷⵉⵕⴰⵍⵉⵜ ⵏ ⵜⵎⵙⵙⵏⵜⵉⵜⵉⵏ ⴳ ⵍⴱⵓⵔⵜⵓⵖⴰⵍ ⴷⴷⵓ ⵏ ⵜⵎⴰⵜⴰⵔⵜ-ⴰⴼⴰⴷ ⴰⴷ ⴰⴽⴽⵯ ⵏⵙⴽⵓ ⵢⴰⵜ ⵜⴷⵎⵙⴰⵉⴱⵓⵖⵍⴰⵏ ⴷ ⵓⴱⵓⵖⵍⵓ ⴰⵎⴰⵙⵙⴰⵔ. 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%8D%E2%B4%B1%E2%B5%93%E2%B5%94%E2%B5%9C%E2%B5%93%E2%B5%96%E2%B4%B0%E2%B5%8D-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B