ⵎⴰⵙⵙ ⴰⵅⵏⵏⵓⵛ : ⵜⴰⵏⴱⴰⴹⵜ ⵜⵙⵙⵎⵖⵔ ⵙ ⵜⵖⵜⴰⵙⵜ ⵜⴰⴳⵍⴷⴰⵏⵜ ⵉⵙⵎⴰⴷⴷⵓⴷⵏ ⵉⵅⴼ ⵓⵙⴳⴳⵯⴰⵙ ⴰⵎⴰⵣⵉⵖⵜ ⴷ ⵉⵛⵜ ⵜⴼⵓⴳⵍⴰ ⴷ ⵜⴰⵏⴰⵎⵓⵔⵜ

04 ⵎⴰⵢⵢⵓ 2023 Version Imprimable

ⵕⵕⴱⴰⵟ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ, ⵉⵍⴰ ⵜⴰⵏⴱⴰⴹⵜ ⵜⵙⵙⵎⵖⵔ ⵙ ⵜⵖⵜⴰⵙⵜ ⵜⴰⴳⵍⴰⵏⵜ ⵉⵙⵎⴰⴷⴷⵓⴷⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵉⵛⵜ ⵜⴼⵓⴳⵍⴰ ⴷ ⵜⴰⵏⴰⵎⵓⵔⵜ ⴷ ⵉⵛⵜ ⵜⵏⵓⵕⵥⵎⵜ ⵙ ⵜⵉⵖⵔⴰⴷ.

ⴳ ⵡⴰⵡⴰⵍ ⵏⵏⵙ, ⵉⵏⵏⴰ ⵎⴰⵙⵙ ⴰⵅⵏⵏⵓⵛ, ⵙ ⵓⵣⵎⵓⵣⵣⵓ ⵏ ⵓⴳⵔⴰⵡ ⵏ ⵓⵙⵇⵇⵉⵎ ⴰⵎⵏⴱⴰⴹ, ⵙ ⵎⵉⵏ ⵉⵇⵇⵏⵏ ⴰⴽⴷ ⵓⵎⵉ ⵉⴳⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⴰⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵔⴱⴱⵉ, ⵉⴹⴳⴰⵎ ⵏ ⵓⴽⵔⴰⵙ, ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ, ⴷ ⵉⵛⵜ ⵜⵏⵓⵕⵥⵎⵜ ⴷ ⵜⴰⵎⴰⴷⴷⵓⴷⵜ ⵙ ⵜⵉⵖⵔⴰⴷ, ⴰⵎ ⴰⵏⵓⵕⵥⵎ ⵏ ⵎⵓⵃⵔⵔⴰⵎ ⵏ ⵓⵙⴳⴳⵯⴰⵙ ⴰⵀⵉⵊⵔⵉ, ⴷ ⵉⵅⴼ ⵏ ⵓⵙⴳⴳⵯⴰⵙ ⵏ ⵜⵍⴰⵍⵉⵜ, ⵙ ⵓⵄⴼⴼⴰⵔ ⵏⵏⵙ ⵙ ⵜⵖⵜⴰⵙⵜ ⴰⴷ ⵜⴰⵎⵣⵔⵓⵢⴰⵏⵜ ⵙ ⵉⵏⵓⵎⴰⴽ ⵉⵎⵇⵇⵔⴰⵏⵏ, ⵉ ⴷⵉ ⵏⵜⵜⵡⴰⵍⴰ ⵜⵉⵎⵅⵙⴰ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⵉ ⵉⵡⵡⴹⵏ ⴰⴷ ⵜⵙⵙⵓⵔⴼ ⴰⵟⵟⴰⵚ ⵏ ⵉⵚⵓⵕⴰⴼ ⴷⴳ ⵓⴳⵏⴰⵔ ⴰⴷ ⵏ ⵉⵙⴳⴳⵓⵙⴰ ⵉⵣⵔⵉⵏ, ⵙⴳ ⵡⴰⵙⵙ ⵍⵍⵉ ⵉ ⵉⴳⴳⴰ ⵉⵏⴰⵡ ⵏ ⵓⵊⴷⵉⵔ ⴰⵔ ⵓⵙⵎⴰⴷⴷⵓⴷ ⵏⵏⵙ ⴳ ⵓⴷⵓⵙⵜⵓⵔ ⴷ ⵡⴰⵎⵉ ⵉⵜⵜⵡⴰⴳⴳ ⵓⵙⵍⴳⵏ ⵏⵏⵙ ⵏ ⵡⵓⴷⵓⵙ ⵃⵎⴰ ⴰⴷ ⴼⵄⵄⵍⵏ ⵓⴷⵎ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⵉⵜⵜⵡⴰⵃⵙⴰⴱⵏ ⴷ ⵜⴰⵔⵏⵏⴰⵡⵜ ⵉ ⵢⴰⵏ ⵓⴼⵔⴷⵉⵙ ⵙⴳ ⵉⴼⵔⴷⵉⵙⵏ ⵉⵎⵇⵇⵔⴰⵏⵏ ⵏ ⵜⵏⵜⵜⵉⵜ ⵜⴰⵎⵖⵔⴰⴱⵉⵜ ⵉⴱⴱⵓⵖⵍⴰⵏ ⵙ ⵜⴰⵔⴳⵉⵡⵉⵏ ⵏⵏⵙ ⵉⵎⵙⴱⴹⴰⵏ.

ⵉⵔⵏⵉ ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ « ⵜⴰⵏⴱⴰⴹⵜ ⵜⵙⵙⵎⵖⵔ ⵙ ⵜⵖⵜⴰⵙⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⵉ ⵉⵜⵜⵅⵙⵏ ⴰⴷ ⵉⵙⵎⴰⴷⴷⵓⴷ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵉⵛⵜ ⵜⴼⵓⴳⵍⴰ ⴷ ⵜⴰⵏⴰⵎⵓⵔⵜ ⴷ ⵡⴰⵙⵙ ⵏ ⵜⵏⵓⵕⵥⵎⵜ ⵙ ⵜⵉⵖⵔⴰⴷ, ⵙ ⵓⵢⴰ ⵜⴰⵏⴱⴰⴹⵜ ⵉⵍⵍⴰ ⴼⵍⵍⴰⴷ ⴰⴷ ⵜⴹⴼⴰⵕ ⵎⴰⵔⵔⴰ ⵉⵙⵓⵔⴰⴼ ⵃⵎⴰ ⴰⴷ ⵜⴼⵄⵄⵍ ⵜⵎⴰⵣⵉⵖⵜ, ⵙ ⵓⴹⴼⴰⵔ ⵉ ⵉⵏⵖⵎⵉⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜⵜ ⵢⴰⵔⵉ ⵕⴱⴱⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%8F%E2%B5%93%E2%B5%9B-%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%9C%E2%B5%99%E2%B5%99%E2%B5%8E%E2%B5%96%E2%B5%94-%E2%B5%99-%E2%B5%9C%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%89%E2%B5%99%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%8F-%E2%B5%89%E2%B5%85%E2%B4%BC-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B7-%E2%B5%89%E2%B5%9B%E2%B5%9C