ⵉⵙⴰⵍⴰ ⵓⵔⵣⴰⴼ ⴰⴳⵍⴷⴰⵏ ⵉ ⵎⴰⵍⵉ : ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵓⵣⵉⵏⵜ ⵏ ⵓⵙⵏⵉⵎⵎⵔ ⵉ ⵢⵓⵏⵙⵙⵉⵅⴼ ⵏ ⵎⴰⵍⵉ ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵜⴰ

22 ⵛⵓⵜⴰⵏⴱⵉⵔ 2013 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ,ⵢⴰⵜ ⵜⵓⵣⵉⵏⵜ ⵏ ⵓⵙⵏⵉⵎⵎⵔ ⵉ ⵢⵓⵏⵙⵙⵉⵅⴼ ⵏ ⵎⴰⵍⵉ ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵜⴰ ⴳ ⵜⴳⵉⵔⴰ ⵏ ⵓⵔⵣⴰⴼ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵉ ⵜⵎⴰⵣⵉⵔⵜ ⴰⴷ ⵍⵍⵉⵖ ⵉⴷⵔⵓ ⴳ ⵓⵙⵓⵔⵙ ⵏ ⵓⵏⵙⵙⵉⵅⴼ ⵏ ⵓⵡⴰⵏⴽ.

ⴳ ⵜⵓⵣⵉⵏⵜ ⴰⴷ ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴱⴰⵀⵔⴰ ⴰⵏⵙⵙⵉⵅⴼ ⵏ ⵎⴰⵍⵉ ⵅⴼ ⵓⵙⵏⵓⴱⴳ ⵍⵍⵉ ⴰⵙ ⵉⵜⵜⵓⵙⴽⴰⵔⵏ ⴷ ⵓⴽⴰⴱⴰⵔ ⵍⵍⵉ ⴷⵉⴷⵙ ⵉⵎⵓⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⵣⵉⵏⵜ ⵎⴰⵙ ⵔⴰⴷ ⵙⵙⵏⵏ ⵉⵎⵢⴰⵙⵙⵏ ⵏ ⵜⴰⴳⵎⴰⵜ ⴷ ⵜⵉⴷⴷⵓⴽⵍⴰ ⵍⵍⵉ ⵍⵍⴰⵏⵉⵏ ⴳⵔ ⵍⵎⵖⵔⵉⴱ ⴷ ⵎⴰⵍⵉ ⵢⴰⵜ ⵜⵎⴷⵔⴰⵡⵜ ⴳ ⵎⵏⵏⴰⵡ ⵉⴳⵔⴰⵏ ⵖ ⵉⵙⴳⴳⵯⴰⵙⵏ ⵍⵍⵉ ⵔⴰⴷ ⵢⴰⵛⴽ.

ⵉⴽⴽⴰⵜⵜⵏ ⴱⴰⴱ ⵏ ⵡⴰⴷⴷⵓⵔ ⵉⵙⴰⵍⴰ ⴰⵙⵙ ⵏ ⵓⵙⴰⵎⴰⵙ ⴰⵔⵣⴰⴼ ⵍⵍⵉ ⵉⵙⴽⵔ ⵉ ⵎⴰⵍⵉ ⵙ ⵓⵣⵎⵣⵣⵓ ⵏ ⵓⵙⵓⵔⵙ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵜⵎⴰⵣⵉⵔⵜ ⵏ ⵎⴰⵍⵉ.

ⴳ ⵓⵣⵣⵓⴳⵯⵣ ⴰⴳⵔⴰⵖⵍⴰⵏ ⵏ ⴱⴰⵎⴰⴽⵓ ⵉⵣⵣⵓⵍ ⵓⵏⵙⵙⵉⴼⵅ ⵏ ⵎⴰⵍⵉ ⴱⴰⴱ ⵏ ⵡⴰⴷⴷⵓⵔ.

ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵔⵣⴰⴼ ⴰⴷ ⵢⴰⵏ ⵓⴽⴰⴱⴰⵕ ⵉⴳⴰⵏ ⴰⵎⵙⴷⴷⵓⵔ, ⵍⵍⵉ ⵖ ⵍⵍⴰⵏ ⵙⵍⴰⵡⴰⵏ ⴰⴽⴽⵯ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵟⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⴼⵓⴰⴷ ⵄⴰⵍⵉ ⵍⵀⵉⵎⵎⴰ.

ⵍⵍⴰⵏ ⴷⵉⴳⵙ ⵓⵍⴰ ⵉⴳⵯⵎⴰⵎⵏ ⴰⴹⵏⵉⵏ ⵏ ⵜⵏⴱⴰⴹⵜ ⴷ ⵡⵉⵏ ⵜⵙⵔⴷⴰⵙⵜ.

Dernière modification : 22 ⵛⵓⵜⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B4%B0%E2%B5%8D%E2%B4%B0-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89-%E2%B5%8E%E2%B4%B0%E2%B5%8D%E2%B5%89-%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%89%E2%B5%8E%E2%B5%8E%E2%B5%94-%E2%B5%89-%E2%B5%A2%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%8E%E2%B4%B0%E2%B5%8D%E2%B5%89#comment-0