Published on MAPNews (https://www.mapnews.ma/am)

Accueil > ⵣⴰⵢⵏⴰⴱ ⵙⴰⵍⵎⴰ ⴱⴰⵃⵔⵉ, ⵜⴰⵎⵙⵙⴼⵓⵖⵜ ⵏ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⴳ ⵉⴼⵔⴰⵏ, ⵜⴰⵎⵣⵔⴰⵡⵜ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵎⵥⵏ ⵜⵉⵡⵙⵉ ⵏ McCall MacBain

ⵣⴰⵢⵏⴰⴱ ⵙⴰⵍⵎⴰ ⴱⴰⵃⵔⵉ, ⵜⴰⵎⵙⵙⴼⵓⵖⵜ ⵏ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⴳ ⵉⴼⵔⴰⵏ, ⵜⴰⵎⵣⵔⴰⵡⵜ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵎⵥⵏ ⵜⵉⵡⵙⵉ ⵏ McCall MacBain

20 ⵉⴱⵔⵉⵔ 2023 Version Imprimable
ⵉⴼⵔⴰⵏ - ⵜⴳⴰ ⵣⴰⵢⵏⴰⴱ ⵙⴰⵍⵎⴰ ⴱⴰⵃⵔⵉ ⵜⴰⵎⵙⵙⴼⵓⵖⵜ ⵏ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⴳ ⵉⴼⵔⴰⵏ, ⵜⴰⵎⵣⵔⴰⵡⵜ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵎⵥⵏ ⵜⵉⵡⵙⵉ ⵏ McCall MacBain, ⴳ ⵜⵙⴷⴰⵡⵉⵜ ⵏ ⵎⴰⴽⵊⵉⵍ ⴳ ⵎⵓⵏⵔⵢⴰⵍ ⴳ ⴽⴰⵏⴰⴷⴰ, ⵜⴳⴰ ⴰⵡⴷ ⵢⴰⵜ ⵙⴳ ⵎⵔⴰⵡ ⵏⵏⴰ ⵙ ⵜⵜ ⵢⵓⵎⵥⵏ ⴳ ⵓⵎⴰⴹⴰⵍ.

ⵜⵏⵏⴰ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⴳ ⵉⴼⵔⴰⵏ ⴰⵙⵙ ⴰⴷ ⴰⴽⵕⴰⵚ ⵎⴰⵙ ⵔⴰⴷ ⵜⵙⴼⵓⴳⵍⵓ ⵙ ⵓⵎⵓⵔⵙ ⴰⴷ ⴰⵙⵍⵉⴷ ⵏⵏⴰ ⵜⵉⵡⴹ ⵜⴰⵎⵙⵙⴼⵓⵖⵜ ⵏⵏⵙ ⵣⴰⵢⵏⴰⴱ ⵙⴰⵍⵎⴰ ⴱⴰⵃⵔⵉ ⵏⵏⴰ ⵉⴳⴰⵏ ⵜⴰⵎⵣⵔⴰⵡⵜ ⵜⴰⵎⵣⵡⴰⵔⵓⵜ ⵙⴳ ⵎⵔⴰⵡ ⵏⵏⴰ ⵢⵓⵎⵥⵏ ⵜⵉⵡⵙⵉ ⵏ McCall MacBain ⴳ ⵜⵙⴷⴰⵡⵉⵜ ⵏ ⵎⴰⴽⵊⵉⵍ ⴳ ⵎⵓⵏⵔⵢⴰⵍ ⴳ ⴽⴰⵏⴰⴷⴰ ⴳ ⵓⵎⴰⴹⴰⵍ.

ⵜⵉⵡⵙⵉ ⴰⴷ ⵜⴳⴰ ⵜⴰⵙⵎⵖⵓⵔⵜ ⵜⴰⵎⵣⵔⵓⵢⵜ ,ⵢⵉⵡⴹ ⵡⴰⵜⵉⴳ ⵏⵏⵙ 200 ⵎⵍⵢⵓⵏ ⴷⵓⵍⴰⵕ ⵏ ⴽⴰⵏⴰⴷⴰ( ⵎⴰⴷ ⵉⴳⴰⵏ ⵎⵍⵢⴰⵕ ⴷ ⵓⵣⴳⵏ ⵏ ⴷⵉⵀⵎ ⴰⵎⵖⵔⵉⴱⵉ) ⵉⴼⴽⴰⵜ ⵊⵓⵏ ⵡⵎⴰⵔⵙⵉ ⴰⵙⴳⴳⵯⴰⵙ ⵏ 2019 , ⵜⴳⴰ ⵜⵉⵡⵙⵉ ⵜⵉⵙⵙ ⵙⵏⴰⵜ ⵜⴰⴷⵙⵍⴰⵏⵜ ⴳ ⵓⵎⵣⵔⵓⵢ ⵏ ⴽⴰⵏⴰⴷⴰ.

ⵙ ⵜⵡⵉⵙⵉ ⵏ ⵓⵙⵎⵓⵜⵜⴳ ⴷ ⵓⵙⴱⵖⵙ ⵅⴼ ⵜⴰⵜⵜⵓⵢⵜ ⵏⵏⴰ ⵜⴰⴽⴽⴰ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ, ⵜⵥⴹⴰⵕ ⵣⴰⵢⵏⴰⴱ ⴰⴷ ⵜⴳ ⵉⵅⴼ ⵏⵏⵙ ⵊⴰⵔ ⵜⵓⴳⵜⵜ ⴳ ⵓⵎⴰⴹⴰⵍ ⵃⵎⴰ ⴰⴷ ⵜⴰⵎⵥ ⵜⵉⵡⵙⵉ ⴰⴷ ⵏⵏⴰ ⵔⴰⴷ ⴰⵙ ⵢⴰⵡⵙ ⴰⴷ ⵜⵙⵎⴷ ⴰⵎⴰⵚⵟⵕ ⵏⵉⵖ ⴽⵔⴰ ⵏ ⵜⵓⴳⴳⴰ ⵜⴰⵣⵣⵓⵍⴰⵏⵜ ⴳ ⵜⵙⴷⴰⵡⵉⵜ ⵏ ⵎⴰⴽⵊⵉⵍ, ⵙⴳ ⵜⴷⵔⴰⵡⵜ ⴳ ⵓⵖⴰⵡⴰⵙ ⵏ ⵓⵙⵡⴰⵍⴰ ⴷ ⵓⵙⵎⵓⵜⵜⴳ ⴷ ⵓⵙⴷⵓⵙ ⵏ ⵜⴰⵜⵜⵓⵢⵜ.

ⵜⵖⵔⴰ ⵣⴰⵢⵏⴰⴱ ⵜⴰⵀⵏⴷⴰⵙⵜ ⴳ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ, ⵜⴳ ⵙⴳ ⵜⵎⵣⵡⵓⵔⴰ, ⵜⵡⴰⵍⴰ ⴰⵙⵡⵓⴷⴷⵓ ⵏ ⵓⵙⴰⴳⵔⴰⵡ ⵏ ⵉⴳⵏⵏⴰ ⵏⵏⴰ ⵉⵙⵏⵎⴰⵍⴰⵏ ⴰⵏⵎⵓⴳⴳⴰⵔ ⴳ ⵉⵎⴰⵍⴰⵙ ⵉ 5000 ⵏ ⵉⵡⴷⴰⵏ, ⵎⴽ ⵍⵍⵉ ⵙ ⵜⵙⵙⵉⵏⵅⴼ ⴰⴽⴰⴱⴰⵕ ⵏ ⵍⵎⵉⴽⴰⵜⵔⵓⵏⵉⴽ ⵅⴼ ⵜⴷⵔⴰⵡⵜ ⴳ ⵉⵎⵃⵉⵣⵡⴰⵔⵏ ⵉⴳⵔⴰⵖⵍⴰⵏⵏ ⵏ ⵔⵓⴱⵓⵜⵉⴽ.

ⵎⴽ ⵍⵍⵉ ⵙ ⵜⴱⴷⴷ ⵅⴼ ⵜⵙⵇⵇⵉⵎⵜ ⵏ ⵜⵎⵀⴰⵍ ⵉⵥⵍⵉⵏ ⵙ ⵓⵎⵃⵉⵣⵡⴰⵔ ⴰⵏⴰⵎⵓⵔ ⵏ ⵔⵓⴱⵓⵜⴰⵜ ⴳ ⵜⵙⴷⴰⵡⵉⵜ ⵏⵏⵙ ⴳ ⵙⵉⵏ ⵉⵙⴳⴳⵯⴰⵙⵏ, ⵜⵙⵡⵓⵔⵉ ⴰⵡⴷ ⵙ ⵓⵣⴳⵏ ⵏ ⵡⴰⵜⵉⴳ ⴳ ⵜⵙⴷⴰⵡⵉⵜ.

ⵜⵏⵏⴰ ⵣⴰⵢⵏⴰⴱ ⵙⴰⵍⵎⴰ ⴱⴰⵃⵔⵉ "ⵜⵉⵔⵎⵉⵜ ⵉⵏⵓ ⴳ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⴳ ⵉⴼⵔⴰⵏ ⴰⴷ ⴳⵉ ⵉⵥⵥⴰⵏ ⵜⵉⵏⴷⵉⵜⵉⵏ ⵏ ⵡⴰⵎⵓⵏ ⴷ ⵜⵎⴰⴼⴰⵢⵜ".

ⵎⴽ ⵍⵍⵉ ⵙ ⵜⵏⵏⴰ ⴰⵡⴷ " ⴷⴰⵔ ⵙⵏⵉⵎⵎⵔⵖ ⴰⴱⴷⴰ ⵜⴰⵙⴷⴰⵡⵉⵜ ⵉⵏⵓ ⵜⴰⵢⵎⵎⴰⵜ ⵎⵉⵏⵣⵉ ⵓⵔ ⵉⵢⵉ ⵜⴼⴽⴰ ⵖⴰⵙ ⵜⵓⵙⵙⵏⴰ ⴷ ⵜⵙⵓⴳⴰⵔ ⵃⵎⴰ ⴰⴷ ⵎⵓⵔⵙⵖ, ⵎⴰⵛⵛ ⵜⵙⵎⵢⴰⵙⵙⴰⵏ ⵉⵢⵉ ⴷ ⵉⵡⴷⴰⵏ ⵏⵏⴰ ⵉⵢⵉ ⵉⵙⴱⵖⵙⵏ ⵃⵎⴰ ⴰⴷ ⴼⴽⵖ ⵓⴳⴳⴰⵔ ⵉ ⵡⴰⵎⵓⵏ ⵉⵏⵓ".

ⴳ ⵎⴰⴷ ⵉⵍⵍⴰⵏ ⴳ ⵓⵙⵉⵡⴹ, " ⵜⴰⵎⴰⵜⴰⵢⵜ ⵜⴰⵎⵣⵔⵓⵢⵜ ⴰⴷ ⵏ ⵍⵎⵖⵔⵉⴱ ⵜⵎⵍⴰ ⴷ ⵜⴰⵡⵓⵔⵉ ⵏⵏⴰ ⵜⵙⴽⵔ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ ⵃⵎⴰ ⴰⴷ ⵜⵙⵎⵓⵜⵜⴳ ⵉⵙⵍⵡⴰⵢⵏ ⵏ ⵉⵎⴰⵍ, ⵙ ⵜⴱⵔⵉⴷⵉⵏ ⵏ ⵓⵙⵙⵍⵎⴷ ⵏⵏⴰ ⵜⵙⴽⴰⵔ ⵜⵎⵔⵙⵍⵜ ⴰⴷ.

ⵜⵜⴰⵡⵙⵜⴰⵢⵏ ⵡⵉⵏⵏⴰ ⵢⵓⵎⵥⵏ ⵜⴰⵉⵡⵙⵉ ⵙⴳ ⵜⵡⵓⵔⵉ ⵏⵏⵙ ⴷ ⵜⵣⵎⵎⴰⵔ ⵏⵏⵙⵏ ⴷ ⵉⵎⴰⵏ ⵏⵏⵙⵏ ⴷ ⵜⴷⵓⵙⵉ ⵏⵏⵙⵏ ⵜⴰⴽⴰⴷⵉⵎⵉⵜ ⴷ ⵓⵙⵡⵉⵏⴳⵎ ⵏⵏⵙⵏ.

ⵜⵏⵏⴰ ⵏⴰⵜⴰⵛⴰ ⵙⴰⵡⵀ, ⵜⴰⵏⵙⵙⵉⵅⴼⵜ ⵏ ⵜⵉⵡⵙⵉⵏ ⵏ McCall MacBain, ⵎⴰⵙ ⴷ "ⴰⵙⵜⴰⵢ ⵏ ⵣⴰⵢⵏⴰⴱ ⵉⴳⴰ ⴰⵙⵙⵉⵎⵖⵔ ⵏ ⵜⵉⵣⵉ ⴷ ⵜⵣⵎⵔⵜ ⵏⵏⴰ ⵜⴼⴽⴰ ⵃⵎⴰ ⴰⴷ ⵜⵙⴳⴰⴷⴷⴰ ⵜⵓⴷⵔⵜ ⵏ ⵡⵉⵢⵢⴰⴹ, ⵎⴰ ⴰⴷ ⴰⵔ ⵜ ⵉⵎⵎⴰⵍ ⴰⵙⵙⵍⵎⴷ ⵉⵥⵉⵍⵏ ⵏⵏⴰ ⴰⵙ ⵜⴼⴽⴰ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ".

ⵎⴽ ⵍⵍⵉ ⵙ ⵜⵏⵏⴰ ⵎⴰⵙⵙⴰ ⵙⴰⵡⵀ "ⵉⵎⵅⴰⵙⵏ ⵏⵏⵖ ⵓⵔ ⴰⵔ ⵙⵏⵓⴱⴱⵓⵛⵏ ⵖⴰⵙ ⵙ ⵜⵣⵎⵔⵜ ⵜⴰⴽⴰⴷⵉⵎⵉⵜ, ⵎⴰⵛⵛ ⵔⴰⵏ ⵜⵉⴼⵔⴰⵙ ⵏ ⵜⵏⵙⵙⵉⵅⴼⵜ ⴰⵎ ⵜⴰⵎⵢⵉⵎⴰⵏⵜ ⴷ ⵓⴼⵔⴰ ⴷ ⵜⵡⵓⵔⵉ ⴷ ⵜⵣⵎⵎⴰⵔ ⵅⴼ ⵓⵙⵙⵕⵇⴱ ⵏ ⵓⴽⴰⴱⴰⵔ ⴰⴷ ⴱⴷⴷⵏ ⵅⴼ ⵓⵣⵔⴰⵢ ⵏ ⵜⵏⵎⵎⴰⵔ".

ⵉⴳⴰ ⵓⵎⵓⵔⵙ ⵏ ⵣⴰⵢⵏⴰⴱ ⴰⴷⴷⵓⵔ ⵉ ⵜⵙⴷⴰⵡⵉⵜ ⵏ ⴰⵅⴰⵡⴰⵢⵏ, ⴰⵡⴷ ⴰⴷ ⵜⴼⴽ ⴰⵏⴰⵔⵓⵣ ⵉ ⵉⵎⵣⵔⴰⵡⵏ ⵉⵎⵖⵔⴰⴱⵉⵢⵏ ⴰⴷ ⴰⵎⵥⵏ ⴰⴱⵔⵉⴷ ⵏⵏⵙ ⴰⴼⴰⴷ ⴰⴷ ⵉⵡⴹⵏ ⴰⵙⵡⵉⵔ ⴰⴷ.

ⴳ ⵓⴱⵔⵉⴷ ⵏ ⵓⵙⵏⵓⴱⴱⵛ ⵅⴼ ⵉⵎⴰⴼⴰⵢⵏ ⵏⵏⵉⴹⵏ, ⵔⴰⴷ ⵜⴼⴽ ⵜⵙⴷⴰⵡⵉⵜ ⵎⴰⴽⵊⵉⵍ ⴷ ⵜⴰⵡⵙⵉ ⵏ McCall MacBain 96 ⵏ ⵜⴰⵡⵙⵉ ⵏ ⵓⴽⵛⵛⵓⵎ , ⵉⴳⴰ ⵡⴰⵜⵉⴳ ⵏ ⴽⵔⴰ ⵉⴳⴰⵜ ⵢⴰⵜ ⵎⴰⴷ ⵉⴳⴰⵏ 5000 ⴰⵔ 20 ⵉⴼⴹ ⵏ ⴷⵓⵍⴰⵕ ⴰⴽⴰⵏⴰⴷⵉ ⵉ ⵉⵎⴰⴼⴰⵢⵏ ⵏⵏⴰ ⵓⵔ ⵙⵜⵉⵏ .

ⴳⴰⵏⵜ ⵜⵡⵉⵙⴰ ⴰⴷ ⵏ 126 ⵏ ⵓⵙⴳⴳⵯⴰⵙ ⴰⴷ ⵎⴰⴷ ⵉⴳⴰⵏ 3,3 ⵎⵍⵢⵓⵏ ⴽⴰⵏⴰⴷⵉ ⵉ ⵜⵖⴰⵡⵙⵉⵡⵉⵏ ⵏ ⵜⵓⴷⵔⵜ ⴷ ⵓⵙⵙⵍⵎⴷ, ⵔⴰⴷ ⵜⵙⵎⴷ ⵙ ⵓⵖⴰⵡⴰⵙ ⵏ ⵓⵙⵡⴰⵍⴰ ⴷ ⵓⵙⴷⵓⵙ ⵏ ⵜⴰⵜⵜⵓⵢⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%A3%E2%B4%B0%E2%B5%A2%E2%B5%8F%E2%B4%B0%E2%B4%B1-%E2%B5%99%E2%B4%B0%E2%B5%8D%E2%B5%8E%E2%B4%B0-%E2%B4%B1%E2%B4%B0%E2%B5%83%E2%B5%94%E2%B5%89-%E2%B5%9C%E2%B4%B0%E2%B5%8E%E2%B5%99%E2%B5%99%E2%B4%BC%E2%B5%93%E2%B5%96%E2%B5%9C-%E2%B5%8F-%E2%B5%9C%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%8F-%E2%B4%B0%E2%B5%85%E2%B4%B0%E2%B5%A1%E2%B4%B0%E2%B5%A2%E2%B5%8F-%E2%B4%B3-%E2%B5%89%E2%B4%BC%E2%B5%94%E2%B4%B0%E2%B5%8F-%E2%B5%9C%E2%B4%B0%E2%B5%8E%E2%B5%A3%E2%B5%94%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F%E2%B5%8F%E2%B4%B0