Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⴰⵎⴰⵙ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⴰⵎⴰⵙ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ

16 ⵉⴱⵔⵉⵔ 2023 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵏⵜⵜⴰ ⴰⴽⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵜⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ ⴰⵙⵙ ⵏ ⵓⵙⴰⵎⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⴹⴹⴰⵕⵍⴱⵉⴹⴰ , ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵕⵎⴹⴰⵏ.

ⵜⴰⵎⵙⵉⵔⵜ ⵏ ⴰⵙⵙ ⴰⴷ ⴰⵎⵏⵉⴷ ⵏ ⵓⴳⵍⴷⵓⵏ ⵏ ⵉⵎⵓⵎⵏⵏ ⵉⵙⴽⵔⵜ ⵎⴰⵙⵙ ⴰⴱⵓⴱⴰⴽⵔ ⵣⵣⵓⴱⵉⵔ ⵎⴱⵡⴰⵏⴰ ⵙⴳ ⵜⴰⵏⵥⴰⵏⵢⴰ, ⵉⵙⴰⵡⵍ ⵅⴼ ⵓⵙⵏⵜⵍ ⵏ " ⵜⴰⵎⴰⵜⴰⵔⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⴷ ⵜⵉⵍⵉⵜ ⵏⵏⵙ ⴳ ⵓⵙⵡⵉⵏⴳⵎ ⵏ ⵓⵙⵖⴰⵏ ⵖⵓⵔ ⵉⵎⴰⵙⵙⴰⵏⵏ ⵏ ⵓⴳⵎⵎⴰⴹ ⵏ ⵜⴼⵔⵉⵇⵜ : ⵜⴰⵏⵥⴰⵏⵢⴰ ⵙ ⵓⵎⴷⵢⴰ, ⵙⴳ ⵡⴰⵡⴰⵍ ⵏ ⵕⴱⴱⵉ ⴳ ⵚⵚⵓⵔⵜ ⵏ النساء : " يا أيها الذين آمنوا أطيعوا الله وأطيعوا الرسول وأولي الأمر منكم".

 ⴳ ⵜⵣⵡⵉⵔⵉ ⵏ ⵜⵎⵙⵉⵔⵜ ⴰⴷ , ⵉⵏⵏⴰ ⵓⵎⵙⵙⵉⵡⵍ ⵎⴰⵙ ⴷ" ⵙⴳ ⵜⵖⴰⵡⵙⵉⵡⵉⵏ ⵏⵏⴰ ⵉⵥⵉⵍⵏ ⵎⴰⵙ ⵏⴳⴰ ⵉⵎⵓⵙⵍⵎⵏ ⵏⴹⴼⵕ ⴰⴱⵔⵉⴷ ⵏ ⵜⵓⵙⵙⵏⴰ ⵙ ⵍⵇⵔⴰⵏ, ⵎⴽ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵏⴹⴼⵕ ⵉⵏⵙⵙⵉⵅⴼⵏ ⵏⵏⵖ ⵏⵏⴰ ⵉⴳⴰⵏ ⵉⵎⴰⵔⴰⵏ ⵏ ⵓⵔⵇⵇⴰⵙ ⵏ ⵕⴱⴱⵉ ⵜⴰⵥⴰⵍⵍⵉⵜ ⵏ ⵕⴱⴱⵉ ⴷ ⵓⴼⵔⴰ ⵖⵉⴼⵙ ⴳ ⵓⵙⵙⵉⵡⴹ ⵏ ⵜⴱⵔⴰⵜ ".

ⵉⵏⵏⴰ ⵎⴰⵙ ⴷ ⵜⴰⴳⵍⴷⵓⵏⵜ ⵏ ⵉⵎⵓⵎⵏⵏ ⵜⴳⴰ " ⵢⴰⵜ ⵜⴼⵔⵉⵙⵜ ⵜⵉⵏⵥⴻⵥⵜ , ⵏⵏⴰ ⵉⴳⴰⵏ ⵜⴰⵔⴰⵢⵜ ⵏ ⵜⵖⴰⵡⵙⵉⵡⵉⵏ ⵏ ⵓⵙⵖⴰⵏ ⴷ ⵓⵃⵟⵟⵓ ⵏ ⵉⵏⴱⴰⴹⵏ ⵏⵏⵙ ⵙ ⵎⴰⴷ ⵉⵎⵙⴰⵙⴰⵏ ⴰⴽⴷ ⵜⵉⵏⴷⵉⵜⵉⵏ ⵏ ⵍⵉⵙⵍⴰⵎ, ⵎⴽ ⵍⵍⵉ ⵙ ⵉⵏⵏⴰ ⵕⴱⴱⵉ ⴳ ⵓⴷⵍⵉⵙ ⵏⵏⵙ ⴰⵅⴰⵜⴰⵔ :" يا أيها الذين آمنوا أطيعوا الله وأطيعوا الرسول وأولي الأمر منكم".

ⴰⵏⴰⵎⴽ ⵏ ⵎⴰ ⴰⴷ ⵎⴽ ⵍⵍⵉ ⵙ ⵉⵏⵏⴰ ⵓⵎⵙⵙⵉⵡⵍ ⵉⴳⴰ , ⴰⵎⵙⴰⵙⴰ ⴷ ⵜⴰⵎⵓⵏⵜ ⵏ ⵉⵎⴰⵙⵙⴰⵏⵏ ⵎⴰⵙ ⵓⵔ ⵉⵥⴹⴰⵔ ⴰⴷ ⵢⵉⵍⵉ ⵢⴰⵏ ⵡⴰⵎⵓⵏ ⴰⵏⴼⴳⴰⵏ ⴷ ⵜⵉⵍⵉⵜ ⵏ ⵓⴼⴳⴰⵏ ⵉⴳ ⵓⵔ ⵉⵍⵍⴰ ⵓⴹⴼⵓⵔ ⵏ ⵉⴷ ⴱⴰⴱ ⵏ ⵓⵏⴱⴰⴹ ⵏⵏⴰ ⵉⵜⵜⴰⵡⵣⵏ ⵅⴼ ⵍⵉⵎⵓⵕⴰⵜ ⵏ ⵓⴳⴷⵓⴷ , ⵙⴳ ⵖⵉⵏ ⴰⴳ ⴷ ⵢⵓⵛⴽⴰ ⴰⴳⵍⴷⵓⵏ ⵏ ⵉⵎⵓⵎⵏⵏ ⵄⵓⵎⴰⵕ ⴱⵏⵓ ⵍⵅⴰⵟⵟⴰⴱ ⵉⵕⴹⴰ ⴼⵍⵍⴰⵙ ⵕⴱⴱⵉ ⵉⵍⵉⵏ ⵉⵎⴹⴼⴰⵔⵏ ⵏⵏⵙ ⵉⵎⵓⵙⵍⵎⵏ.

ⵉⵙⴷⴷⵉⴷ ⵎⴰⵙ ⴷ " ⵍⵎⵖⵔⵉⴱ ⴰⴳⵯⵔⵔⴰⵎ ⵢⵓⵎⵥ ⴱⴰⵀⵔⴰ ⴳ ⵎⴰ ⴰⴷ, ⵙⴳ ⵜⴰⵙⵓⵜ ⵜⵉⵙⵙ ⵙⵏⴰⵜ ⵍⵀⵉⵊⵔⵉ ⴳ ⵓⵣⵎⵣ ⵏ ⴰⴷⴰⵔⵉⵙⴰ, ⵜⵙⵓⵍ ⵜⵣⴷⴰⵢⵜ ⵜⵉⵡⴹ ⴰⵣⵎⵣ ⵏ ⵉⴳⵍⴷⴰⵏ ⵏ ⵜⵏⴱⴰⴹⵜ ⵜⴰⵄⴰⵍⴰⵡⵉⵢⵜ ⵜⴰⴳⵯⵔⵔⴰⵎⵜ, ⵙ ⵜⵓⴳⴳⴰ ⵏ ⵜⵏⵙⵙⵉⵅⴼⵜ ⵏⵏⵓⵏ ⵏ ⵜⵎⵔⵙⵍⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⴷ ⵓⵃⵟⵟⴰ ⵏⵏⵓⵏ ⵅⴼ ⵜⵎⴰⵜⴰⵔⵜ ⵏⵏⵙ, ⴷ ⵉⵡⵉⵣ ⵏⵏⵓⵏ ⵅⴼ ⵓⵙⴽⴰⵔ ⵏ ⵜⵏⵔⵔⴰⵎⵜ ⵏⵏⵙ, ⴷ ⵎⴰ ⴰⴷ ⴰⵙ ⵜⴻⵜⵜⴰⵡⵙⵙⴰⵏⵎ ⴳ ⵓⵎⴰⴹⴰⵍ ⴰⵎⵓⵙⵍⵎ ⵎⴽ ⵍⵍⵉ ⵙ ⵉⴳⴰ ⵢⴰⵏ ⴳ ⵉⵏⴱⴷⴰⴷⵏ ⵏ ⵓⴳⴷⵓⴷ ⵏⵏⴰ ⴰⵡⵏ ⵉⴼⴽⴰ ⵕⴱⴱⵉ".

ⴳ ⵎⴰⴷ ⵉⵥⵍⵉⵏ ⵙ ⵜⵉⵍⵉⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⴳ ⵓⵙⵡⵉⵏⴳⵎ ⵏ ⵓⵙⵖⴰⵏ ⴳ ⵜⵎⵉⵣⴰⵔ ⵏ ⵜⴼⵔⵉⵇⵜ, ⵉⵏⵏⴰ ⵍⵎⵓⴼⵜⵉ ⵏ ⵜⴰⵏⵥⴰⵏⵢⴰ ⵎⴰⵙ " ⵡⵓⵏⵏⴰ ⵉⵥⵕⴰⵏ ⵜⴰⵎⴰⵔⵊⵉⵄⵉⵢⵜ ⵏ ⵓⵙⵖⴰⵏ ⵏ ⵉⵎⴰⵙⵙⴰⵏⵏ ⵏ ⵜⴼⵔⵉⵇⵜ ⵔⴰⴷ ⵉⵥⵕ ⵎⴰⵙ ⴳⵉⵙ ⵉⵙⵜⴰⵢⵏ ⵏⵏⴰ ⵉⵍⵍⴰⵏ ⴳ ⵍⵎⴰⴷⴰⵀⵉⴱ ⴷ ⵜⴰⵎⵓⵏⵜ , ⴳ ⵎⴰⴷ ⵉⵥⵍⵉⵏ ⵙ ⵍⴰⵛⵄⴰⵔⵉⵢⵢⴰ ⵏⵏⴰ ⵉⴳⴰⵏ ⵉⵙⵏⵓⴱⴱⵓⵛⵏ ⵏⵏⵙ ⵜⴰⴳⵍⴷⵓⵏⵜ ⵏ ⵉⵎⵓⵎⵏⵏ ⵏⵏⴰ ⴰⵡⵏ ⵉⴼⴽⴰ ⵕⴱⴱⵉ, ⵎⵉⵏⵣⵉ ⴰⵡⴰⵍ ⵅⴼ ⵎⴰ ⴰⴷ ⵉⴳⴰ ⵙⴳ ⴷⴰⵔ ⵉⵎⵙⵏⵓⴱⴱⵛⵏ ⵏ ⵍⴰⵛⴰⵄⵉⵔⴰ .

ⵉⵙⴷⴷⵉⴷ ⵎⴰⵙ ⴷ ⵜⴰⴳⵍⴷⵓⵏⵜ ⵏ ⵉⵎⵓⵎⵏⵏ ⵙ ⵜⵉⵍⵉⵜ ⵏⵏⵙ ⴳ ⵓⵙⵡⵉⵏⴳⵎ ⵏ ⵓⵙⵖⴰⵏ ⵖⵓⵔ ⵉⵎⴰⵙⵙⴰⵏⵏ ⵏ ⵉⴷ ⴱⴰⴱ ⵏ ⵙⵙⵓⵏⵜ ⴷ ⵜⴰⵎⵓⵏⵜ. ⴷ ⵜⴰⵎⵢⵉⵎⴰⵏⵜ ⵙⴳ ⵉⵎⴰⵙⵙⴰⵏⵏ ⵏ ⵜⴼⵔⵉⵇⵜ ⴳ ⵡⴰⵏⵙⴰ ⵏⵏⵙ ⴳ ⵓⵙⵏⵓⴱⴱⵛ ⵏ ⵍⵉⵙⵍⴰⵎ ⴷ ⵓⴷⵖⴰⵔ ⵏⵏⵙ ⴳ ⵜⵎⵙⵉⵔⵜ ⵏ ⵜⵎⵢⵉⵎⴰⵏⵜ, ⵉⵜⵜⴰⵡⴼⴽⴰ ⴰⵙ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵜⴳⴰ ⴰⵡⴷ ⵍⴰⵎⴰⵏⵜ ⵏⵏⴰ ⴰⵡⵏ ⵉⴼⴽⴰ ⵕⴱⴱⵉ ⴳ ⴽⵔⴰ ⵉⴳⴰⵜ ⵜⴰⵙⴳⴰ, ⵎⵉⵏⵣⵉ ⵜⴰⴳⵍⴷⵓⵏⵜ ⵏ ⵉⵎⵓⵎⵏⵏ ⴰⴷ ⵏⵏⴰ ⴰⵡⵏ ⵉⴼⴽⴰ ⵕⴱⴱⵉ ⵜⴻⵜⵜⴰⵡⴱⴷⴰⵔ ⴳ ⵍⵇⵔⴰⵏ .

ⴷ ⵎⴽ ⵍⵍⵉ ⵙ ⵉⴹⴼⵔ ⵓⴳⴷⵓⴷ ⵏ ⵉⵎⴰⵙⵙⴰⵏⵏ ⵏ ⵜⴼⵔⵉⵇⵜ ⴰⴽⴽⵯ ⵍⵎⴰⴷⵀⴰⴱ ⵍⴰⵛⵄⴰⵔⵉ, ⵜⴰⴳⵍⴷⵓⵏⵜ ⵏ ⵉⵎⵓⵎⵏⵏ ⵖⵓⵔⵙ ⵢⴰⵏ ⵓⴷⵖⴰⵔ ⵏ ⵡⴰⵎⵎⴰⵙ ⴳ ⵓⵙⵡⵉⵏⴳⵎ ⵏⵏⵙⵏ ⵏ ⵓⵙⵖⴰⵏ.

ⴳ ⵓⵙⴰⵜⵉ ⴰⴷ , ⵉⵙⵙⴽⵯⵜⵉ ⴷ ⵎⴰⵙⵙ ⴰⴱⵓⴱⴰⴽⵔ ⵣⵣⵓⴱⵉⵔ ⵎⴱⵡⴰⵏⴰ ⵎⴰⴷ ⵉⵙⵎⵓⵏⵏ ⵍⵎⵖⵔⵉⴱ ⴰⴳⵯⵔⵔⴰⵎ ⴰⴽⴷ ⵜⴼⵔⵉⵇⵜ ⵙⴳ ⵜⵣⴷⴰⵢⵉⵏ ⵏ ⵓⵙⵖⴰⵏ ⴷ ⵢⵉⵎⴰⵏ ⴷ ⵜⵖⵔⵎⴰⵏⵜ, ⵎⵉⵏⵣⵉ ⵉⵎⵖⴰⵔⵏ ⵏ ⵚⵚⵓⴼⵉⵢⴰ ⴰⴽⴽⵯ ⴳ ⵜⵓⴳⵜⵜ ⵏ ⵜⵎⵉⵣⴰⵔ ⵏ ⵜⴼⵔⵉⵇⵜ ⴰⵔ ⵜⵜⴰⵏⵏⴰⵢⵏ ⵎⴰⵙ ⵜⴳⴰ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⵢⴰⵜ ⵜⵎⵔⵙⵍⵜ ⵏⵏⴰ ⴰⵙⵏ ⵉⴳⴰⵏ ⴰⴷⴷⵓⵔ, ⵎⴰ ⴰⴷ ⵙ ⵓⴱⴷⴷⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵃⵎⴰ ⴰⴷ ⵜⴳ ⵜⴼⵔⵉⵇⵜ ⴰⵎⵎⴰⵙ ⵏ ⵓⵙⵎⴽⵍ ⵏⵏⵙ, ⴰⵡⴷ ⵜⵓⴳⵜⵜ ⵏ ⵉⵎⵓⵙⵍⵎⵏ ⵏ ⵜⴼⵔⵉⵇⵜ ⵖⵓⵔⵙⵏ ⵜⴰⵣⴷⴰⵢⵜ ⵙ ⵜⵎⵔⵙⵍⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⴳ ⵍⵎⵖⵔⵉⴱ ⵙⴳ ⵉⵎⵓⴷⴷⵓⵜⵏ ⵏ ⵜⵓⵙⵙⵏⴰ ⴷ ⵉⵎⵖⴰⵔⵏ ⵏ ⵚⵚⵓⴼⵉⵢⴰ ⴷ ⵙⵙⵓⵏⵜ.

ⵉⵙⴷⴷⵉⴷ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵉⵙⴽⴰⵔ ⵎⴰⴷ ⵖⵉⴼⵙ ⵉⵍⵍⴰⵏ ⵉ ⵜⴼⵔⵉⵇⵜ, ⵙ ⵎⴰⴷ ⵉⵙⵎⵓⵏⵏ ⵍⵎⵖⵔⵉⴱ ⴰⴽⴷ ⵜⴼⵔⵉⵇⵜ ⵙ ⵜⵣⴷⴰⵢⵉⵏ ⵏ ⵢⵉⵎⴰⵏ ⵏⵏⴰ ⵉⵜⵜⴰⵡⵙⵏ ⵅⴼ ⵓⵙⴷⵓⵙ ⵏ ⵜⴰⵢⵔⵉ ⴷ ⵓⴹⴼⵓⵕ ⵏ ⵓⴳⵍⴷⵓⵏ ⵏ ⵉⵎⵓⵎⵏⵏ ⴰⴷ ⵜ ⵉⵏⵚⵕ ⵕⴱⴱⵉ.

ⵉⴹⴼⵕ ⴰⵡⴰⵍ ⵏⵏⵙ , ⵢⵉⵏⵉ " ⵉⵍⴰ ⴰⵖ ⵡⴰⴷⴷⵓⵔ ⴰⵅⴰⵜⴰⵔ ⵏⴽⵯⵏⵉ ⴰⵢⵜ ⵜⴼⵔⵉⵇⵜ ⴳ ⵜⵎⵔⵙⵍⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⴳ ⵜⵎⵉⵣⴰⵔ ⵉⴼⵔⵉⵇⵢⴰ ⵙ ⵓⵎⴰⵜⴰ ⵎⴽ ⵍⵍⵉ ⴳⴰⵏ ⵍⴰⵊⴷⵓⴷ ⵏⵏⵖ ⴰⴷ ⵏⴹⴼⵕ ⵜⴰⵎⴰⵣⵉⵔⵜ ⵏ ⵍⵎⵖⵔⵉⴱ, ⵎⵉⵏⵣⵉ ⵜⴳⴰ ⵍⴰⵎⴰⵏⵜ ⵏⵏⴰ ⵙ ⴷ ⵉⵇⵇⴰⵏ ⵉⵎⵓⵙⵍⵎⵏ ⴰⴽⴽⵯ ⴰⴷ ⵙ ⵜⵜ ⵙⵙⴰⵏⴼⵏ, ⵎⴰ ⴰⵏ ⴰⴼ ⵙⵙⵏⵜⵉⵏ ⵉⵜⵙⵏ ⵏ ⵜⵎⵏⴰⴹⵉⵏ ⵏ ⵜⵏⵣⵔⵓⴼⵜ ⴰⴷ ⴹⴼⵕⵏ ⴰⴳⵍⴷⵓⵏ ⵏ ⵉⵎⵓⵎⵏⵏ ⴳ ⵍⵎⵖⵔⵉⴱ.

ⴳ ⵓⵙⴰⵜⵉ ⴰⴷ , ⵉⵙⵏⵉⵎⵎⵔ ⵎⴰⵙⵙ ⴰⴱⵓⴱⴰⴽⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵅⴼ ⵜⵙⵏⵜⴰⵢⵉⵏ ⵏⵏⴰ ⵉⵙⴽⴰⵔ ⵃⵎⴰ ⴰⴷ ⵉⴼⴽ ⵢⴰⵜ ⵜⵡⵍⴰⴼⵜ ⵉⵥⵉⵍⵏ ⵏ ⵍⵉⵙⵍⴰⵎ ⵖⵓⵔ ⴰⵎⵓⵏ ⴰⴳⵔⴰⵖⵍⴰⵏ, ⴷ ⵓⵙⵎⴽⵍ ⵙ ⵜⴳⵎⵎⵉ ⵏ ⵓⵥⵕⴼ ⵏ ⵍⵇⵓⵙⴷ ⴰⴳⵯⵔⵔⴰⵎ, ⵃⵎⴰ ⴰⴷ ⵉⴼⴽ ⵜⵉⵡⵉⵙⵉ ⵉ ⵉⵎⵣⴷⴰⵖⵏ ⵏ ⴼⴰⵍⵉⵙⵟⵉⵏ ⴳ ⵜⵎⴷⵉⵏⵜ ⵜⴰⴳⵯⵔⵔⴰⵎⵜ, ⴰⵡⴷ ⵜⵓⵙⴽⴰ ⵏ ⵡⴰⵎⵎⴰⵙ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵓⵎⵙⴰⵡⴰⵍ ⵏ ⵜⵖⵔⵎⴰ ⴳ ⵛⵛⵉⵍⵉ ⴰⵙⴳⴳⵯⴰⵙ ⵏ 2004 ⵎⵉⵏⵣⵉ ⵉⵔⴰ ⵜⴰⴱⵔⵉⴷⵜ ⵏ ⵓⵎⵙⴰⵡⴰⴹ ⴰⵖⵔⵎⴰⵏ ⵊⴰⵔ ⵍⵎⵖⵔⵉⴱ ⴷ ⴰⵎⵉⵔⵉⴽⴰ ⵜⴰⵍⴰⵜⵉⵏⵉⵜ.

ⴳ ⵜⵙⴳⴰ ⵏⵏⵉⴹⵏ, ⵉⵙⴰⵡⵍ ⵓⵙⵙⵉⵡⴹ ⵅⴼ ⵉⵏⴱⴷⴰⴷⵏ ⵏ ⵓⵙⵡⵉⵏⴳⵎ ⴰⵎⵓⵙⵍⵎ ⵏⵏⴰ ⵉⵍⵍⴰⵏ ⴳ ⵜⴳⴷⵓⴷⴰⵏⵜ ⵏ ⵜⴰⵏⵥⴰⵏⵢⴰ, ⵙ ⵜⵡⵓⵔⵉ ⴷ ⵜⵣⵎⵎⴰⵔ ⵏ ⵉⵙⵍⵡⴰⵢⵏ ⴷ ⵉⵎⴰⵙⵙⴰⵏⵏ ⵏⵏⴰ ⵉⵔⴰⵏ ⴰⴷ ⵏⴽⵔⵏ ⵙ ⵓⵙⵡⵉⵏⴳⵎ ⵏ ⵓⵙⵖⴰⵏ , ⵉⵙⴰⵡⵍ ⵖⵉⴷ ⵅⴼ ⵜⵙⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏ ⵉⵎⴰⵙⵙⴰⵏⵏ ⵏ ⵜⴼⵔⵉⵇⵜ ⵏⵏⴰ ⵢⵉⵡⵙⵏ ⴳ ⵓⵙⵎⵓⵏ ⵏ ⵉⵎⴰⵙⵙⴰⵏⵏ ⵉⵎⵓⵙⵍⵎⵏ ⴳ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏⵏⵉⴹⵏ ⵃⵎⴰ ⴰⴷ ⴰⵡⵙⵏ ⴳ ⵜⵓⵙⵙⵏⴰ ⵙ ⵜⵉⵏⴷⵉⵜⵉⵏ ⵏ ⵍⵉⵙⵍⴰⵎ ⴷ ⵓⴼⵙⴰⵔ ⵏⵏⵙⵏⵜ.

 

 

 

 

Dernière modification : 16 ⵉⴱⵔⵉⵔ 2023
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B4%B0%E2%B5%8E%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F