ⵉⵣⴰⵢⴷ ⵎⴰⵙⵙ ⵎⵢⵢⴰⵕⴰ ⴳ ⵢⴰⵏ ⵉⴳⵉⵡⵔ ⴰⵏⴰⵎⵓⵏ ⵏⵏⴰ ⵉⵥⵍⵉⵏ ⵙ ⵓⵕⵥⵥⵓⵎ ⵏ ⵜⵡⵡⵓⵔⵉⵡⵉⵏ ⵏ ⵜⵙⵙⵓⵜⵍⵜ ⴰⴷ ⵜⴰⴱⵕⵍⴰⵎⴰⵏⵉⵜ, ⵎⴰⵙⴷⴷ ⵜⴰⵙⵏⵜⴰⵢⵜ ⴰⴷ ⵜⴷⴷⴰⴷ ⴰⴼⴰⴷ ⴰⴷ ⵉⵎⵙⴰⵡⴰⴹ ⵓⵙⵇⵇⵉⵎ ⴷ ⵉⵡⴷⴰⵏ ⴰⴽⴽⵯ ⵙ ⵓⵙⴷⴷⵉⴷ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⵏⵏⴰ ⵉⵣⴷⵉⵏ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .
ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⴷ ⴰⴷⴰⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴷⴷⴰⴷ ⵙ ⵜⵣⵎⵎⴰⵔ ⵏ ⵓⵣⴷⴰⵢ ⴳⵔⴰⵙ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷⴷⵓ ⵏ ⵓⵜⵓⵢ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ .
ⴰⴼⴰⴷ ⴰⴷ ⵉⴹⴼⵓⵕ ⴰⵡⴷ ⵓⵙⵇⵇⵉⵎ ⵏ ⵉⵎⵛⵛⵓⵉⵡⵕⵏ ⵜⴰⵖⴰⵔⴰⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏⵏⴰ ⵉⵙⴽⵔⵏ ⴰⵙⵓⵖⵍ ⵖⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⴳ ⵜⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵙⴳⴳ ⵜⵡⵉⵍⴰ ⵜⵓⵏⴱⵉⴷⵜ ⵜⵉⵙⵙ ⵢⴰⵏ ⴷ ⵎⵔⴰⵡⵜ .
ⵔⴰⴷ ⵏⵙⵙⴽⵯⵜⵉ ⵎⴰⵙⴷⴷ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵙⵙⴳⵎⴹ ⴳ ⵓⵙⴳⴳⵯⴰⵙ ⵏ 2019 ⵅⴼ ⵓⵙⵍⴳⵏ ⵏⵏⴰ ⵉⵣⴷⵉⵏ ⴷ ⵓⵙⵏⵚⴱ ⵏ ⵉⵙⵍⴳⴰⵏⵏ ⵉⵙⵏⵎⴰⵍⴰⵢⵏ ⵏ ⵡⴰⴷⴰⴼ ⴷ ⵓⵙⵏⵚⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴳⵔ ⵏ ⵓⵙⵙⵍⵎⴷ ⴷ ⵉⴳⵔⴰⵏ ⵢⴰⴹⵏⵉⵏ ⴷ ⵉⵣⵡⴰⵔⵏ ⴳ ⵜⵓⴷⵔⵜ ⵏⵏⵖ .
ⴰⵡⵜⵜⴰⵙ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⴰⴼⴰⴷ ⴰⴷ ⵉⵙⵏⵚⴱ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⴽⵉⴳⴰⵏ ⵏ ⵉⴳⵔⴰⵏ , ⴷ ⵉⵜⴳⴰⵔⵏ ⵉⵣⴷⵉⵏ ⴷ ⵓⵙⵏⵚⴱ ⴰⴷ, ⴷ ⵓⵙⵙⵉⴷⴼ ⵏⵏⵙ ⴳ ⵉⴳⵔ ⵏ ⵓⵙⵙⵍⵎⴷ ⴷ ⵉⴳⵔ ⵓⵏⴱⵉⴹ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ , ⴷ ⵉⴳⵔ ⵏ ⵜⵏⴰⵖⵎⴰⵙⵜ ⴷ ⵓⵎⵢⴰⵡⴰⴹ ⴷ ⵉⴳⵔⴰⵏ ⵏ ⵓⵙⵏⴼⵍⵓⵍ ⴰⴷⵍⵙⴰⵏ ⴷ ⵜⵎⵙⵙⵓⴳⵓⵔⵉⵏ ⵓⵍⴰ ⵜⵉⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵓⵍⴰ ⴰⵡⴷ ⵉⵏⵙⴰⵜⵏ ⵉⵏⴰⵎⵓⵏⵏ.