ⵜⴰⵎⵙⵉⵔⵜ ⵏ ⴰⵙⵙ ⴰⴷ ⵉⵙⴽⵔⵜ ⵎⴰⵙⵙ ⵎⵓⵃⵎⵎⴰⴷ ⵎⵛⵛⴰⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵎⵓⵔⴰⵏ ⵏ ⵜⵎⵏⴱⴰⴹⵜ ⵍⴼⵉⴷⴰ ⵎⵔⵙ ⵚⵍⵟⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ, ⵉⵙⴰⵡⵍ ⴳⵉⵙ ⴰⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵢⴰⵏ ⵓⵙⵏⵜⵍ ⵏⵏⴰ ⵉⴳⴰⵏ : ⴰⵙⵔⵖⵓⴷ ⵙ ⵡⴰⵎⵎⴰⵥ ⵙ ⵓⵎⵢⴰⵡⴰⵙ ⵏ ⵕⴱⴱⵉ ⴷ ⵙⵙⵓⵏⵜ ⵏ ⵓⵔⵇⵇⴰⵙ ⵏⵏⵙ, ⵉⵙⵙⵏⵜⵉ ⵙⴳ ⵍⵃⴰⴷⵉⵜ ⴰⴳⵔⵔⴰⵎ ⵙⴳ ⵍⵉⵎⴰⵎ ⵎⴰⵍⵉⴽ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ ⵎⴰⵙ ⵜ ⵢⵢⵡⴹ ⵎⴰⵙ ⵉⵏⵏⴰ ⵓⵔⵇⵇⴰⵙ ⵏ ⵕⴱⴱⵉ ⵎⵓⵃⵎⵎⴰⴷ ⵜⴰⵥⴰⵍⵍⵉⵜ ⵏ ⵕⴱⴱⵉ ⴷ ⵓⴼⵔⴰ ⴼⵍⵍⴰⵙ :" تركت فيكم أمرين، لن تضلوا ما تمسكتم بهما: كتاب الله وسنة نبيه".
ⵉⵙⵙⴽⵯⵜⵉ ⴷ ⵎⴰⵙⵙ ⵎⵛⵛⴰⵏ ⵎⴰⵙ ⴷ ⵍⵃⴰⴷⵉⵜ ⴰⴷ ⵉⴳⴰ ⵙⴳ ⵉⵙⵎⵓⵏⵏ ⵏ ⵜⴳⵓⵔⵉ ⵏ ⵓⵔⵇⵇⴰⵙ ⵏ ⵕⴱⴱⵉ ⵜⴰⵥⴰⵍⵍⵉⵜ ⵏ ⵕⴱⴱⵉ ⴷ ⵓⴼⵔⴰ ⴼⵍⵍⴰⵙ, ⴷ ⵎⴰⵙ ⴳⵉⵙ ⵜⵓⴳⵜⵜ ⵏ ⵜⵖⴰⵡⵙⵉⵡⵉⵏ ⴰⵎ ⴰⵎⵎⴰⵥ ⴳ ⵓⵎⵢⴰⵡⴰⵙ ⵏ ⵕⴱⴱⵉ ⴷ ⵙⵙⵓⵏⵜ ⵏ ⵓⵔⵇⵇⴰⵙ ⵏⵏⵙ, ⴰⵡⴷ ⴰⴹⴼⵓⵔ ⴳ ⵓⴱⵔⵉⴷ ⵏⵏⵙ, ⵎⴽ ⵍⵍⵉ ⵙ ⵉⵍⵍⴰ ⴳ ⵍⵃⴰⴷⵉⵜ ⴰⴷ ⴰⵏⴰⵎⴽ ⵏ ⴰⴷⵡⴰⵙ ⴷ ⵜⴰⵍⵉⵍⵜ ⵜⵍⵍⴰ ⵖⵓⵔ ⵡⴰⵏⵏⴰ ⵢⵓⵎⵥⵏ ⴳ ⵓⴷⵍⵉⵙ ⴷ ⵙⵙⵓⵏⵜ, ⵎⵉⵏⵣⵉ ⵃⴹⴰⵏ ⴷ ⵔⴰⴷ ⵉⵍⵉⵏ ⴰⵙⴽⴽⴰ ⵢⴰⵡⵎ ⵍⵇⵏⵢⴰⵎⴰ.
ⵉⵙⴷⴷⵉⴷ ⵎⴰⵙⵙ ⵎⵛⵛⴰⵏ ⴳ ⵜⵎⵙⵉⵔⵜ ⵏⵏⵙ ⵎⴰⵙ ⵉⴳⴰ ⵍⵇⵔⴰⵏ ⴷ ⵙⵙⵓⵏⵜ ⵢⴰⵏ ⵉⵥⵉⴽⵔ ⵉⴷⵓⵙⵏ, ⴷ ⴳⴰⵏ ⴰⴱⵔⵉⴷ ⵏ ⵜⵍⵉⵍⴰ, ⵉⵏⵏⴰ ⴰⵡⴷ ⵎⴰⵙ ⵉⵃⴹⴰ ⵕⴱⴱⵉ ⵍⵇⵔⴰⵏ ⴷ ⵉⵏⵏⴰ جل في علاه:" إنا نحن نزلنا الذكر وانا له لحافظون", ⵎⵉⵏⵣⵉ ⵢⴰⵔⵉⵜ ⵕⴱⴱⵉ ⴰⵎⵇⵔⴰⵏ ⴰⴼⴰⴷ ⴰⴷ ⴳⵉⵙ ⵓⵔ ⵉⵣⵓⵢⴷ ⵏⵉⵖ ⴰⴷ ⴳⵉⵙ ⵉⵏⴰⵇⵙ ⴽⵔⴰ, ⵉⴼⴽ ⴰⵡⴰⵍ ⵉ ⵓⵔⵇⵇⴰⵙ ⵏⵏⵙ ⴰⴷ ⵉⵖⴰⵎⴰ ⴱⵍⴰ ⴰⵙ ⵉⴳⴳⵔ ⵓⴼⵓⵙ ⵏ ⵉⵙⵏⴼⴰⵍⵏ.
ⵙⵙⵓⵏⵏⴰ ⵜⴰⵏⴰⴱⴰⵡⵉⵜ, ⴰⵎⴽ ⵉⵏⵏⴰ ⵓⵎⵙⵙⵉⵡⵍ, ⵜⴳⴰ ⵢⴰⵏ ⵓⵥⵓⵕ ⵙⴳ ⵉⵥⵓⵕⴰⵏ ⵏ ⴷⴷⵉⵏ ⴰⵎⵙⵍⵎ ⵜⴳⴰ ⴰⵖⴱⴰⵍ ⵡⵉⵙ ⵙⵉⵏ ⴹⴰⵕⵜ ⵉ ⵍⵇⵕⴰⵏ, ⵜⵇⵇⵏ ⵙ ⵓⴷⵍⵉⵙ ⵏ ⵕⴱⴱⵉ, ⴰⴷ ⴰⵙ ⵜⵙⵙⴼⵔⵓ ⵉⵍⵓⴳⴰⵏ ⵏⵏⵙ ⴰⵔ ⵜ ⵜⵙⵉⵙⵙⴼⵉⵡ, ⵉⵏⵏⴰ ⵎⴰⵙ ⴷ ⵓⵔ ⵉⵥⴹⴰⵕ ⴰⴷ ⵉⵙⵡⵉⵏⴳⵎ ⴰⵔⵎⴰⵙ ⵏ ⵓⴷⵍⵉⵙ ⵏ ⵕⴱⴱⵉ ⴱⵍⴰ ⵓⵖⵓⵍ ⵙ ⵙⵙⵓⵏⵜ ⵏ ⵎⴰⵙⵙ ⵏⵏⵖ ⴰⵔⵇⵇⴰⵙ ⵏ ⵕⴱⴱⵉ, ⵓⵔ ⵏⵖⵉⵢ ⴰⴷ ⵜⵜ ⵏⴰⴷⵊ ⴳ ⵜⵓⵙⵙⵏⴰ ⵏ ⵍⴰⵃⴽⴰⵎ ⵏ ⵛⵛⵔⵄ.
ⵉⴱⴷⴷ ⵎⴰⵙⵙ ⵎⵛⵛⴰⵏ ⴳ ⵢⵉⴳⵔ ⴰⴷ ⵖⵔ ⵓⵣⵎⵎⴻⵎ ⵏ ⵙⵙⵓⵏⵜ ⵜⴰⵏⴰⴱⴰⵡⵉⵜ, ⵎⴰⵏⵉ ⵉⵏⵏⴰ ⵎⴰⵙ ⴷ ⴰⵔⵇⵇⴰⵙ ⵏ ⵕⴱⴱⵉ ⵉⵏⵀⴰ ⴰⴷ ⴰⵔⵓⵏ ⵍⴰⵃⴰⴷⵉⵜ ⵃⵎⴰ ⵓⵔ ⵜⵜⵙⵓⵔⵏ ⴰⴽⴷ ⵍⵇⵕⴰⵏ, ⵎⴰⵛⴰ ⵉⵏⵏⴰ ⴰⵙⵏ ⵉ ⴽⵔⴰ ⵏ ⵉⵎⴷⴷⵓⴽⴰⵍ ⵏⵏⵙ ⵃⵎⴰ ⴰⴷ ⴰⵔⴰⵏ ⵍⴰⵃⴰⴷⵉⵜ.
ⵉⵎⵍⴰ ⵎⴰⵙ ⴷ ⴹⴰⵕⵜ ⵉ ⵡⴰⴽⵓⴷ ⵏ ⵓⵔⵇⵇⴰⵙ , ⵜⵣⵓⵣⵣⵔ ⵜⵎⴰⵣⵉⵔⵜ ⵜⴰⵎⵙⵍⵎⵜ, ⵉⵣⵣⵓⵣⵔ ⵓⵙⵔⵙ ⵏ ⵍⵃⴰⴷⵉⵜ, ⵙⵍⴰⵡⵏ ⴰⴽⴽⵯ ⵎⴰⵏⵉ ⵎⵎⵓⵜⵏ ⵉⵎⵓⵙⵙⵏⴰⵡⵏ, ⵙ ⵓⵢⴰ ⵉ ⴷ ⵢⵓⵙⴰ ⵄⵓⵎⴰⵔ ⴱⵏ ⵄⴱⴷⵍⵄⴰⵣⵉⵣ ⵢⵓⵎⵕ ⴰⴷ ⵊⵎⵄⵏ ⴰⴷ ⴹⴼⴰⵕⵏ ⵍⵃⴰⴷⵉⵜ ⵏ ⵓⵔⵇⵇⴰⵙ ⵏ ⵔⴱⴱⵉ, ⴰⴷ ⵜ ⵣⵎⵎⴻⵎⵏ ⵃⵎⴰ ⵓⵔ ⵉⵊⵍⵍⵓ, ⵅ ⵎⴰⵏⴰⵢⴰ ⵉⵙⵡⵍ ⵓⵎⵓⵙⵙⵓ ⵏ ⵓⵣⵎⵎⴻⵎ ⵏ ⵍⵃⴰⴷⵉⵜ ⵢⵓⴷⵙ ⵎⵍⵉⵃ.
ⵎⴰⵏⵉ ⵉⵏⵏⴰ ⵓⵎⵙⵙⵉⵡⵍ ⴳ ⵜⵎⵙⵉⵔⵜ ⵏⵏⵙ ⴰⵏⴰⵡ ⵏ ⵉⵏⵏⵉ ⵉⵜⵜⵎⵙⵓⵔⵔⵓⴼⵏ ⴰⴽⴷ ⵙⵙⵓⵏⴰ, ⵉⵎⵍⴰ ⵛⴰ ⵣⵣⴰⴳⵙⵏ ⵏⴽⵔⵏ ⵙⵙⵓⵏⵜ ⵏⵉⵛⴰⵏ, ⴷ ⵢⴰⴹⵏ ⴽⴽⵙⵏ ⵉⵏⵏⵉ ⵓⵔ ⵉⵍⵉⵙ ⵓⴳⴳⴰⵔ ⵏ ⵢⴰⵏ, ⴷ ⵉⵏⵏⵉ ⴰⵢⵜ ⴽⵕⴰⴹ ⵏⵏⴰ ⵉⵙⵙⵉⵣⵡⵉⵔⵏ ⴰⵏⵍⵍⵉ ⵅⴼ ⵍⵃⴰⴷⵉⵜ. ⵉⵏⵏⴰ ⵎⴰⵙ ⴷ ⴳ ⵙⵙⵓⵏⴰⵜ ⵉⵅⵚⵚ ⴰⴷ ⵏⴰⵎⵥ ⴰⴱⵔⵉⴷ ⴰⵏⴰⵎⵎⴰⵙ ⴰⴷ ⵏⴽⴽⵙ ⴽⵓⵍⵍⵓ ⵎⴰ ⵉⵅⵛⵏⵏ ⴳⵉⵙ, "ⵖ ⵡⴰ ⵉⴳⴰⵏ ⴷ ⵜⴰⴱⵔⵉⴷⵜ ⵏⵏⴰ ⵅⴼ ⴱⴷⴷⵏ ⵉⵎⵓⵙⵙⵏⴰⵡⵏ ⵏⵏⵓⵏ ⴳ ⵜⴳⵍⴰ ⵏⵏⵉⵏ ⵜⴰⴳⵔⵔⴰⵎⵜ ⴰ ⵎⵓⵍⴰⵢ ⴳ ⵓⵎⵙⵓⵔⵔⵓⴼ ⴰⴽⴷ ⵙⵙⵓⵏⵜ, ⴰⴷ ⴰⵙⵉⵏ ⵙ ⵎⵉⵏ ⵉⵚⵃⴰⵏ ⴰⴷ ⴽⴽⵙⵏ ⵎⵉⵏ ⵉⵄⵄⵓⴼⴼⵏⵏ, ⴰⴷ ⴰⴳⴳⵓⴳⵏ ⵉ ⴽⵓⵍⵍⵓ ⵎⴰ ⵉⵜⵜⵎⵅⴰⵍⴰⴼⵏ ⴷⴷⵉⵏ ⵏⵖⴷ ⵍⵉⵊⵎⴰⵄ ⵏ ⵉⵎⵙⵍⵎⵏ".
ⴳ ⵓⵎⵏⴰⴹ ⴰⴷ, ⵉⵏⵏⴰ ⵓⵎⵙⵙⵉⵡⵍ ⵎⴰⴷ ⵜⵉⵣⵎⵎⴰⵔ ⵏ ⵓⴳⵍⴷⵓⵏ ⵏ ⵉⵎⵓⵎⵏⵏ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵉⵅⴼ ⵍⵃⴰⴷⵉⵜ ⵏ ⴱⴰⴱⴰⵙ ⴰⵎⵇⵇⵔⴰⵏ ⵎⴰⵙⵙ ⵏ ⵉⵎⴰⵣⴰⵏⵏ, ⵎⴰⵏⵉ ⵉⵙⵙⵎⵖⵔ ⵙ ⵎⵉⵏ ⵉⵜⵜⵡⴰⴳⴳⵏ ⴳ ⵜⵉⵣⵉ ⵏⵏⵙ ⴷ ⴰⵙⴳⵄⵄⴷ ⵙ ⴷⴷⵉⵏ ⵏ ⵔⴱⴱⵉ ⴷ ⵙⵓⵏⵏⵜ ⵏ ⴱⴰⴱⴰⵙ ⴰⵎⵇⵇⵔⴰⵏ ⴰⵔⵇⵇⴰⵙ ⵏ ⵔⴱⴱⵉ.
ⵉⵏⵏⴰ ⴳ ⵓⵎⵏⴰⴹ ⴰⴷ, ⵉⵍⴰ ⵡⵏⵏⵉ ⵉⴹⴼⴰⵏ ⵉⵏⴰⵡⵏ ⵏ ⵓⴳⵍⵍⵉⴷ ⴰⴷ ⵢⴰⴼ ⵛⵛⵓⵔⵏⵜ ⵙ ⵍⵃⴰⴷⵉⵜ ⵏ ⵏⵏⴰⴱⵉ, ⴰⵢⴰ ⵉⵎⵎⴰⵍ ⴷ ⴰⵏⵉⵛⵜ ⵙⵓⵏⵏⴰ ⵜⵃⴰⴹⵕ ⴳ ⵜⵎⵓⵖⵍⵉ ⵏ ⵓⴳⵍⵍⵉⴷ ⵉ ⵢⵓⵍⵍⵖⵏ ⴳ ⵜⵓⵚⴽⵉⵡⵉⵏ ⴷ ⵜⴰⴹⴼⴰⵔ ⵉ ⵜⴽⵍⵉ ⵜⴰⵏⴰⴱⴰⵡⵉⵜ.
ⵎⴰⵏⵉ ⵉⵏⵏⴰ ⴰⵙⵍⵎⴰⴷ ⵎⵛⵛⴰⵏ ⵉⵍⴰ ⵜⵉⵎⵙⵉⵔⵉⵏ ⵜⵉⵃⴰⵙⴰⵏⵉⵢⵉⵏ ⵙⵙⵎⵖⴰⵔⴰⵏⵜ ⵙ ⵓⴳⵍⴷⵓⵏ, ⵎⵉⵏ ⵜⵜ ⵉⵜⵜⵊⵊⴰⵏ ⴰⴷ ⵉⵍⵉⵏⵜ ⴷ ⵜⴰⵎⵣⴳⵉⴷⴰ ⴳ ⵍⵃⴰⴷⵉⵜ ⵏ ⵙⵙⵓⵏⵏⴰ ⴷ ⵓⵙⴷⴷⵔ ⵏⵏⵙ.
ⵉⵔⵏⵉ ⵉⵏⵏⴰ ⵎⴰⵙ ⴷ ⵜⵓⵎⵍⴰⵢⵜ ⵜⵉⵙ ⴽⵕⴰⴹⵜ ⵏ ⵜⵣⵎⵎⴰⵜⵔ ⵏ ⵓⴳⵍⵍⵉⴷ ⴷ ⵜⵡⵓⵔⵉ ⵏ ⵍⵃⴰⴷⵉⵜ ⵎⴰⵏⵉ ⵢⵓⵎⵕ ⵓⴳⵍⵍⵉⴷ ⴳ ⵓⵃⵃⵇⵇⴻⵇ ⵏ ⵍⵎⵡⴰⵟⵟⴰⴰ ⵏ ⵍⵉⵎⴰⵎ ⵎⴰⵍⵉⴽ ⵉⵙⵎⵓⵏⴰⵏ ⴳⵔ ⵜⴼⵔⴰⵢ ⵏⵏⵙ ⵎⴰⵔⵔⴰ ⵎⵉⵏ ⵉⵚⵃⴰⵏ ⵏ ⵍⵃⴰⴷⵉⵜ, ⵉⵏⵏⴰ ⵎⴰⵙ ⴷ ⵉⵏⵏⵉ ⵉⵖⵔⵉⵏ ⴰⵙⵙⴰ ⴰⴷ ⵇⵇⴰⵔⵏ ⵎⴰⵙ ⴷ ⵜⵓⵏⵖⵍⵉⵜ ⵏⵏⴰ ⵅⴼ ⵜⴱⴷⴷ ⵜⴰⵢⵎⵎⵓⵏⵜ ⵜⴰⵎⵓⵙⵙⵏⴰⵡⵜ ⵏ ⵓⵙⵇⵇⵉⵎ ⴰⵎⴰⵜⴰⵢ ⴷ ⵜⵓⵏⵖⵉⵍⵜ ⵉⵚⴱⵃⵏ ⵇⴰⵄ.
ⴳ ⵜⴳⵉⵔⴰ ⵏ ⵜⵎⵙⵉⵔⵜ ⴰⴷ, ⵙⴳ ⵜⵎⵙⵉⵔⵉⵏ ⵜⵉⵃⴰⵙⴰⵏⵉⵢⵉⵏ, ⵉⵙⵍⵍⵎ ⵅⴼ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⵉⵙⵍⵎⴰⴷⵏ ⴰⵎ ⵎⵓⵃⵎⵎⴰⴷ ⴰⵃⵎⴰⴷ ⵎⵓⵃⵎⵎⴰⴷ ⵃⵙⵉⵏ, ⵍⵎⵓⴼⵜⵉ ⴰⵎⵇⵇⵔⴰⵏ ⵏ ⵍⵇⵓⴷⵙ ⴷ ⵜⵎⵉⵣⴰⵔ ⵏ ⴼⵉⵍⵉⵙⵟⵉⵏ, ⴷ ⵃⴰⵙⴰⵏ ⴱⵏ ⵎⵓⵃⵎⵎⴰⴷ ⵙⴰⴼⴰⵔ, ⴰⵙⵍⵎⴰⴷ ⴳ ⵜⵙⴷⴰⵡⵉⵜ ⵏ ⵓⴳⵍⵍⵉⴷ ⵄⴱⴷⵍⵄⴰⵣⵉⵣ ⴳ ⵜⴳⵍⴷⵉⵜ ⵜⴰⵄⵔⴰⴱⵜ ⵜⴰⵙⴰⵄⵓⴷⵉⵜ, ⴷ ⵎⵓⵅⵜⴰⵔ ⵍⵎⵓⴼⵜⵉ ⵍⵃⴰⵙⴰⵏⵉ, ⴰⵙⵍⵎⴰⴷ ⵏ ⵍⵃⴰⴷⵉⵜ ⴳ ⵍⵓⵔⴷⵉⵏ, ⴷ ⵍⵃⴰⵊⵊ ⵓⵍⵉ ⵏⴰⴷⵓ ⴰⵙⵍⵡⴰⵢ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵉⵎⵙⵍⵎⵏ ⵏ ⴽⵉⵏⵉⵢⴰ, ⴷ ⴱⵉⵏⵢⴰⵎⵉⵏ ⵉⵔⵓⵍ ⴰⴳⵎⵎⴰ ⴳ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵖⴰⵡⵙⵉⵡⵉⵏ ⵜⵉⵜⵓⵔⴽⵉⵢⵉⵏ.
ⴰⵎⴽ ⵉⵙⵍⵍⵎ ⵅⴼ ⵓⴳⵍⵍⵉⴷ ⴷⵉⴽⵔ ⴰⵔⵔⴰⵃⵍⴰⵏ, ⴰⵙⵍⵎⴰⴷ ⴰⵙⴷⴰⵡⴰⵏ ⴷ ⵓⵏⵎⵀⴰⵍ ⵏ ⵡⴰⵎⵎⴰⵙ ⴰⴷⵍⵙⴰⵏ ⴰⵎⵙⵍⵎ ⴰⵀⵉⵏⴷⵉ ⴳ ⵏⵢⵓⴷⵉⵍⵀⵉ, ⴷ ⵙⴰⵄⵉⴷ ⵀⵉⴱⴰⵜ ⴰⵍⵍⴰⵀ ⴽⴰⵎⵍⵉⴼ, ⴰⵏⵎⵀⴰⵍ ⵏ ⵓⵙⵉⵏⴰⴳ ⵏ ⵜⵖⵔⵎⴰ ⵜⴰⵎⵙⵍⵎⵜ ⴳ ⵎⵓⵙⴽⵉ ⴷ ⵄⴱⴷⵍⵄⴰⵣⵉⵣ ⴱⵏ ⵎⵓⵃⵎⵎⴰⴷ ⴱⵏ ⵚⴰⵍⵃ ⵍⵃⴰⵡⴰⴹⵉ, ⴰⵏⵙⵙⴼⴰⵡ ⴳ ⵜⵡⵉⵣⵔⵜ ⵏ ⵜⵖⴰⵡⵉⵙⵉⵡⵉⵏ ⵜⵉⵎⵙⵍⵎⵉⵏ ⴳ ⵄⵓⵎⵎⴰⵏ ⴷ ⵄⴱⴷⵍⵍⴰⵀ ⴱⵏ ⴷⵔⵉⵙ ⵎⵉⴳⴰ, ⴰⵙⵍⵡⴰⵢ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵉⵎⵓⵙⵙⵏⴰⵡⵏ ⴳ ⵏⵏⵉⵊⵔ, ⴷ ⵙⵉⴷⵉ ⵎⵓⵃⵎⵎⴰⴷ ⵎⵉⴳⴰ ⴰⴳⵎⴰⵎ ⵏ ⵜⵙⵟⵟⴰ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵉⵎⵓⵙⵙⵏⴰⵡⵏ ⵉⴼⵔⵉⴽⴰⵏⵏ ⴳ ⴱⵓⵔⴽⵉⵏⴰⴼⵙⵓ.