ⵔⴰⴷ ⵢⵉⵍⵉ ⴳ ⵓⵏⵎⵓⵇⵇⴰⵔ ⴰⴷ ⵏⵏⴰ ⵔⴰⴷ ⵉⵙⵙⵏⵜⵉ ⵙⴳ ⵜⵙⴰⵔⴰⴳⵜ ⵜⵉⵙⵙ ⵙⵏⴰⵜ ⴷ ⵎⵔⴰⵡ ⵜⵉⵎⵙⴽⴰⵔⵉⵏ ⵏⵏⴰ ⵉⵍⵍⴰⵏ ⴳ ⵜⵙⵜⵔⴰⵜⵉⵊⵉⵢⵜ ⵏ ⵜⴰⵙⵓⵜ ⵜⴰⵣⴳⵣⴰⵡⵜ ⵏⵏⴰ ⵉⵔⴰⵏ ⴰⴷ ⵉⵙⴷⵓⵙ ⵜⵉⵢⴰⴼⵓⵜⵉⵏ ⵏ ⵓⵎⵙⵖⵉⵡⵙ ⴰⵣⴳⵣⴰⵡ, ⵙⵍⴰⵡⵏ ⴰⴽⴽⵯ ⵜⵉⴷ ⵉⵣⴷⵉⵏ ⴰⴽⴷ ⵓⴱⵓⵖⵍⵓ ⴷ ⵜⵙⵓⵜⵍⵜ ⵏ ⵢⵉⴳⵔ ⵏ ⵜⴼⵍⵍⴰⵃⵜ.
ⵎⴽ ⵍⵍⵉ ⵙ ⵔⴰⴷ ⵉⵙⴰⵡⵍ ⴰⵡⴷ ⵅⴼ ⵉⵡⵜⵜⴰⵙⵏ ⵏⵏⴰ ⵜⵙⵔⵙ ⵜⵙⵜⵔⴰⵜⵉⵊⵉⵢⵜ ⴰⴼⴰⴷ ⴰⴷ ⵜⵙⵓⵍ ⵜⵏⵙⵙⵉⵅⴼⵜ ⴷ ⵓⴼⵔⴰ ⵏ ⵜⵉⵔⵎⵜ, ⵙ ⵎⴰⴷ ⵉⵎⵙⴰⵙⴰⵏ ⴰⴽⴷ ⵜⵎⴰⵎⴽⵉⵏ ⵏⵏⴰ ⵉⵍⵍⴰⵏ ⵖⵓⵔ ⵜⵙⴳⴳⵡⵉⵏ ⴷ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.
ⵔⴰⴷ ⵉⵜⵜⴰⵡⵙⴽⴰⵔ ⵢⴰⵏ ⵓⵣⵓⵣⵣⵔ ⵓⵙⵔⵉⴷ ⵏ ⵓⵏⵎⵓⵇⵇⴰⵔ ⴰⴷ ⴳ ⵜⴱⴰⴷⵓⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ (ⵎ24, M24) ⴷ ⵓⵙⵏⵢⵓⴷⴷⵓ ⴰⵎⵖⵔⵉⴱⵉ ⵏ ⵉⵏⵖⵎⵉⵙⵏ (ⵔⵉⵎ ⵔⴰⴷⵢⵓ) ⵏⵏⴰ ⵉⴹⴼⵕⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ, ⴳ (ⵎⴰⴱ- ⵓⵙⵔⵉⴷ) ⴳ ⵓⵙⵓⵏ ⵏ ⵜⵙⵏⵓⵔⴰⵢⵜ (ⵎⴰⴱ ⵉⴽⵙⴱⵔⵉⵙ.ⵎⴰ) ⴷ ⵜⵙⵏⴰ ⵏⵏⵙ ⴳ ⵓⵙⵓⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ (ⴰⴼⴰⵢⵙⴱⵓⴽ).
ⵔⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵢⴰⵏ ⵓⵙⴰⵢⵔⵓⵔ ⵅⴼ ⵉⵙⵏⵜⴰⵍ ⵏ ⵖⵉⵍⴰⴷ ⴳ ⵉⴳⵔⴰⵏ ⵏ ⵜⵙⵔⵜⵉⵜ ⴷ ⵜⴷⵍⵙⴰ ⴷ ⵡⴰⵎⵓⵏ, ⴰⵡⴷ ⵜⴰⴷⵔⴰⵡⵜ ⵏ ⵉⵙⵎⴷⵢⴰⵏ ⵏ ⵜⵏⴱⴰⴹⵜ ⵜⴰⴳⴷⵓⴷⴰⵏⵜ ⴷ ⵉⵡⵔⵉⴽⵏ ⵙⴳ ⵜⵓⴳⵜⵜ ⵏ ⵉⴳⵔⴰⵏ, ⴷ ⵉⵙⵎⴷⵢⴰⵏ ⵏ ⵓⵙⵏⵖⵎⵙ.