Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ  ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ  ⴳ ⵡⴰⵢⵢⵓⵔ ⵏ ⵕⵎⴹⴰⵏ

29 ⵎⴰⵕⵚ 2023 Version Imprimable
ⵕⵕⴱⴰⵟ - ⵉⵏⵙⵙⵉⵅⴼ ⵍⴰⵎⵉⵔ ⵏ  ⵉⵎⵓⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵢⴰⴷ ⵉⵎⴰⵏ ⴷ  ⴱⴰⴱ ⵏ ⵜⵓⵜⵜⴰⵢⵜ ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ  ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵡⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⴽⵕⴰⵙ ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ  ⴳ ⵔⵔⴱⴰⵟ, ⵜⴰⵎⵙⵉⵔⵜ ⵜⴰⵎⵣⵡⴰⵔⵓⵜ ⵙⴳ ⵓⵙⴷⴷⵉ ⵏ ⵜⵎⵙⵉⵔⵉⵏ ⵜⵉⵃⴰⵙⴰⵏⵉⵢⵉⵏ ⵜⵉⵕⵎⴹⴰⵏⵉⵏ. 

ⵉⵡⵛⴰ ⵜⴰⵎⵙⵉⵔⵜ ⵜⴰⵎⵣⵡⴰⵔⵓⵜ, ⴳⵔ ⵉⴼⴰⵙⵙⵏ ⵏ ⵓⴳⵍⴷⵓⵏ ⵏ ⵉⵎⵓⵎⵏⵏ, ⵎⴰⵙⵙ ⵃⵎⴰⴷ ⵜⵜⵓⴼⵉⵇ, ⴰⵡⵣⵉⵔ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵜⵉⵎⵙⵍⵎⵉⵏ, ⵎⴰⵏⵉ ⵉⵙⵙⴼⵙⵉ ⴰⵙⵏⵜⵍ "ⵉⴳⵓⵎⵎⴰⵢ ⵏ ⵓⴼⵍⴰⵙ ⴳ ⵜⵓⴷⵔⵜ ⵏ ⵓⴼⴳⴰⵏ", ⵙⴳ ⵎⴰⴷ ⵉⵏⵏⴰ ⵕⴱⴱⵉ ⵙ ⵜⴰⵙⵓⵔⵜ ⵏ ⵜⵣⵉⵣⵡⵉⵜ "ⵡⴰⵏⵏⴰ ⵉⵙⴽⵔⵏ ⴽⵔⴰ ⵉⴼⵍⵃⵏ ⵉⴳⴰ ⴰⵡⵜⵎ ⵏⵖⴷ ⵜⴰⵡⵜⵎⵜ ⴰⴷ ⵜ ⵏⵙⴷⴷⵔ ⵢⴰⵜ ⵜⵓⴷⵔⵜ ⵉⵃⵍⴰⵏ ⴰⴷ ⵜⵏ ⵏⵊⴰⵣⴰ ⵢⵓⴼ ⵎⴰⴷ ⵜⵜⵓⵖⴰ ⵜⵜⴳⴳⵏ". 

ⵉⵏⵏⴰ ⵓⵙⵍⵎⴰⴷ ⴳ ⵓⵎⵣⵡⴰⵔⵓ ⵏ ⵜⵎⵙⵉⵔⵜ ⵎⴰⵙ ⴷ ⵜⵓⴷⵔⵜ ⵉⴼⵓⵍⴽⵉⵏ ⵉ ⵉⴼⴽⴰ ⵔⴱⴱⵉ ⴰⵡⴰⵍ ⵏⵏⵙ ⴳ ⵍⵇⵓⵕⴰⵏ, ⵉⵙⵙⵔⵙ ⴷⵉⵙ ⵙⵏⴰⵜ ⵏ ⵜⴼⴰⴷⵉⵡⵉⵏ ⵃⵎⴰ ⴰⴷ ⴰⵡⴹⵏⵜ, ⴰⴼⵍⴰⵙ ⴷ ⵜⵡⵓⵔⵉ ⵉⵛⵏⴰⵏ, ⵉⵎⵎⵍ ⴷ ⵉⵍⴰ ⵜⴼⴰⴷⴰ ⵜⴰⵎⵣⵡⴰⵔⵓⵜ ⵉⵇⵇⵏ ⵙ ⵓⴼⵍⴰⵙ ⴷ ⵎⴰⴷ ⵢⵓⵊⵊⴰ ⴳ ⵉⴳⵓⵎⵎⴰ ⵏ ⵜⵓⴷⵔⵜ ⴰⴷ ⵉⵚⴱⵃⵏ, ⵎⵉⵏⵣⵉ ⵜⴰⵖⵎⴰⵙⵔⵜ ⵏⵏⵙ ⵜⴰⵎⵣⵡⴰⵔⵓⵜ ⵎⴰⵍⴰ ⵉⵎⵙⴰⵔ ⵏⵉⵛⴰⵏ, ⴰⴷ ⵉⵙⵙⵀⵡⵏ ⵅⴼ ⵓⴼⴳⴰⵏ ⴰⴷ ⵢⴰⵡⴹ ⵉⵏⴰⵡⵏ ⵏ ⵜⴼⴰⴷⵉⵡⵉⵏ ⵜⵉⵙ ⵙⵏⴰⵜ ⵉⴳⴰⵏ ⵜⴰⵡⵓⵔⵉ ⵉⴼⵓⵍⴽⵉⵏ.

 ⵉⵏⵏⴰ ⵎⴰⵙⵙ ⵜⵜⵓⴼⵉⵇ ⵉⵍⴰ ⵉⵏⵏⵉ ⵉⴼⵙⵙⵔⵏ ⵍⵇⵓⵔⴰⵏ, ⵙⵙⴼⵔⵓⵏ ⵜⴰⵙⵓⵔⵜ ⴰⴷ, ⵉⴱⴷⵔ ⴷ ⵎⴰⵙ ⵟⵟⴰⴱⴰⵕⵉ ⵉⵏⵏⴰ ⵎⴰⵙ ⴷ "ⵜⵓⴷⵔⵜ ⵉⵚⴱⵃⵏ ⵜⴳⴰ ⵜⵓⵎⵔⵜ, ⴷ ⵜⵎⵏⵏⴰ ⵜⵉⵎⵣⵡⵓⵔⴰ ⴳⵉⵙⵏⵜ ⴷ ⵜⵓⴷⵔⵜ ⵏ ⵍⵇⴰⵏⴰⵄⴰ, ⵉⵏⵏⴰ ⵜⴰⵄⴰⵍⴱⵉ : "ⴷ ⵜⴰⵥⵢⵓⴹⵉ ⵏ ⵟⵟⴰⵄⴰ", ⵉⵏⵏⴰ ⵍⴱⴰⵖⴰⵡⵉ " ⴷ ⵔⵔⵣⵇ ⵏ ⵍⵃⵍⴰⵍ", ⵉⵏⵏⴰ ⵓⴷⵉⵎⴰⵛⵇⵉ: "ⵜⵓⴷⵔⵜ ⵉⵚⴱⵃⵏ ⵉⵙⵎⵓⵏⴰⵏ ⵊⴰⵔ ⵡⵓⴷⵎⴰⵡⵏ ⵏ ⵓⵣⵡⵓⵏⴼⵓ ⵣⴳ ⵎⵔⵔⴰ ⵉⵖⵣⴷⵉⵙⴰ". ⵉⵏⵏⴰ ⴱⵏ ⵄⴰⵛⵓⵔ "ⵡⴰ ⴷ ⴰⵡⴰⵍ ⵎⵉⵏⵉ ⵜⵜⵏⴳⴰⴷⴷⴰⵏ ⵉⵡⵜⵎⴰⵏ ⴷ ⵜⵎⵖⴰⵔⵉⵏ, ⴷ ⵉⵊⵊⵏ ⵏ ⵡⴰⵡⴰⵍ ⵙ ⵍⵅⵉⵔ ⵏ ⴷⴷⵓⵏⵉⵜ ⴷ ⵕⵕⴹⴰ ⵙ ⵎⵉⵏ ⴷ ⴰⵙⵏ ⵉⴱⴹⴰ ⵕⴱⴱⵉ ⴷ ⵓⵙⵉⵜⵎ ⵏⵏⵙ ⵉⴽⵏⴰⵏ ⵙ ⵜⴷⵓⵙⵉ ⴷ ⵜⵣⵎⵎⴰⵔ ⴷ ⵍⵄⵉⵣⵣ ⵏ ⵍⵉⵙⵍⴰⵎ ⴳ ⵉⵅⴼⴰⵡⵏ ⵏⵏⵙⵏ".

 ⴷⴳ ⵓⵙⴼⵙⵉ ⵏⵏⵙ ⵏ ⵜⵙⵓⵔⴰⵜ, ⵉⵏⵏⴰ ⴰⵡⵣⵉⵔ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵜⵎⵙⵍⵎⵉⵏ ⵉⵍⴰ ⵉⵅⵙⵙ ⴰⴷ ⵏⴽⵙⵉ ⴰⵖⵣⵉⴷⵉⵙ ⴰⵏⵉⵎⴰⵏ ⴳ ⵜⵡⴰⵛⵉⵜ, ⵙ ⵓⵢⵏⵏⵉ ⵉⵏⵜⵜⴰⴼ ⴰⵇⴰⴷⵉ ⴷ ⵓⵙⵏⵉⵎⵎⵔ ⴳ ⵍⵇⵓⵔⴰⵏ ⴰⵎⵇⵇⵔⴰⵏ. ⵉⴱⴷⵔ ⴷ ⴳ ⵓⵙⴰⵜⴰⵍⴰ ⴰⴷ ⵎⴰⵙ ⴷ ⵎⴰ ⵉⵜⵜⵓⵙⴽⵔⵏ ⵎⴰⵙ ⴷ ⵔⴱⴱⵉ ⵓⵔ ⵉⵅⵍⵉⵇ ⴷⴷⵏⵢⴰ ⵖⵉⵔ ⵖⵉⴽⴰⵏ, ⵉⵅⵍⵇ ⵜⵜ ⵜⴽⵏⴰ, ⵉⴳⴳⴰ ⴳⵉⵙ ⴱⵏⴰⴷⵎ ⵉⵔⴰⵔ ⵜⵜ ⴷ ⵍⵅⵍⵉⵇⵜ, ⵢⵓⵣⵏ ⵉ ⵎⴷⴷⵏ ⵉⵔⵇⵇⴰⵙⵏ ⵏⵏⵙ, ⵎⴰⵛⴰ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⴰⵙⵏ ⵎⴰⵙ ⴷ ⴷⴷⵓⵏⵢⴰ ⵜⴳⴰ ⵜⴰⵖⴷⴷⴰⵔⵜ, ⵉⵅⵙⵙ ⵎⴷⴷⵏ ⴰⴷ ⵙⵜⵉⵏ ⴷⴷⵏⵢⴰ ⵢⴰⴹⵏⵉⵏ, ⵎⴰⵛⴰ ⴷⴷⵏⵢⴰ ⴰⵔ ⵜⵖⵔⵔⵓ ⵎⴷⴷⵏ ⴱⵣⵣⴰⴼ. 

ⵉⵏⵏⴰ ⴳ ⵉⴳⵔ ⴰⴷ, ⵎⴰⵙ ⴷ ⴰⵙⵎⵓⵏⵉ ⵏⵜⵜⴰ ⵉⴳⴰⵏ ⴰⴳⵓⵎⵎⴰⵢ ⵏ ⵓⴼⵍⴰⵙ, ⴰⴷ ⵏⵄⴱⴷ ⵙⵉⴷⵉ ⵕⴱⴱⵉ ⴰⵎⴽ ⵉⵏⵏⴰ ⵙⵉⴷⵉ ⵕⴱⴱⵉ "ⵉⵏⵉ ⵏⵜⵜⴰ ⵕⴱⴱⵉ ⵡⴰⵃⴷⵙ" ⴰⴷ ⵏⵎⵎⵍ ⵜⴰⵡⵃⴷⴰⵏⵉⵜ ⵏ ⵙⵉⴷⵉ ⵕⴱⴱⵉ ⴳ ⵜⵎⴳⴳⴰ ⵏⵏⵙ ⴷ ⵜⵡⵚⵚⴰⴼ ⵏⵏⵙ, ⵎⴰⵎⴽ ⵉⵏⵏⴰ ⵎⴰⵙ ⴷ ⵉⴼⵇⵉⵔⵏ ⵙⵎⵎⴰⵏ ⵉⴳⵓⵢⵢⴰ ⵏⵏⵙⵏ ⴰⵢⵜ ⵏ ⵓⵙⵎⵓⵏⵉ ⵉⵥⵍⵉⵏ ⵉⴳⴰⵏ ⴰⵙⵎⵓⵏⵉ ⵓⵔ ⵉⵜⵜⴱⴷⴷⵉⵏ ⵖⵔ ⵡⵡⴰⵡⴰⵍ, ⵎⴰⵛ ⵙ ⵜⵡⵚⵚⴰⴼ ⵏ ⵜⵡⵓⵔⵉ. 

ⵙⴳ ⵉⵊⵊⵏ ⵓⵖⵣⴷⵉⵙ ⵏⵏⵉⴹⵏ, ⵉⵏⵏⴰ ⵎⴰⵙⵙ ⵜⴰⵡⴼⵉⵇ ⵎⴰⵙ ⴷ ⴰⵎⴰⵥⴰⵏ ⴷ ⵍⵅⴷⵢⴰⵎ ⵏⵏⵙ ⵉⵅⵙⵙ ⴰⴷ ⴰⵙ ⵉⴱⵍⵍⵖ ⵍⴱⴰⵢⴰⵏ, ⴰⴷ ⵉⴱⴷⴷⵍ ⵍⵃⴰⵍ ⵏ ⵍⵎⵓⵙⵜⴰⵊⵉⴱⵉⵏ ⴳ ⵓⵙⵙⴳⵎⵉ ⵏ ⵢⵉⵎⴰⵏ ⵉⵙⵎⵎⴰ ⴰⵙ ⵍⵇⵓⵕⴰⵏ "ⵜⵜⴰⵣⴽⵉⵢⴰ" ⴰⴷ ⵜⵏ ⵉⵙⵙⵍⵎⴷ ⵎⴰⴷ ⵉⵍⵍⴰⵏ ⴳ ⵓⴷⵍⵉⵙ ⵏ ⵍⴰⵃⴽⴰⵎ ⵎⵉⵏ ⵅⴼ ⵢⵓⵎⵕ ⴷ ⵎⵉⵏ ⵅⴼ ⵉⵏⵀⴰ ⴰⴷ ⴰⵙⵏ ⵉⵙⵙⵍⵎⴷ ⵜⵓⵏⵥⵉⵥⵜ ⴷ ⵎⴰⴷ ⵉⵍⵍⴰⵏ ⴳ ⵓⴷⵍⵉⵙ ⴷ ⵢⵖⴰⵡⵙⵉⵡⵉⵏ ⵉⴼⵓⵍⴽⵉⵏ ⴷ ⵢⵉⵎⴰⵏ. ⵉⴱⴷⴷ ⵖⵔ ⵎⵉⵏ ⵉⵏⵏⴰ ⵙ "ⵜⴰⵣⴽⵉⵢⵢⴰ" ⵉ ⵖⴰ ⵕⴰⵃⵏ ⴰⵣⴳⵏ ⴰⵎⵇⵇⵔⴰⵏ ⵏ ⵉⵎⵙⵙⴼⵔⵏ ⵉⵅⵙⵙ ⴰⴷ ⵢⵉⵏⵉ ⴰⵙⵙⵣⴷⴳ ⵙⴳ ⵛⵛⵉⵔⴽ, ⴰⴷ ⵉⴽⴽⵙ ⵍⵄⵉⴱⴰⴷⴰ ⵏ ⵍⴰⵚⵏⴰⵎ ⵏⵏⴰ ⵉⵍⵍⴰⵏ ⴳ ⵜⵡⵏⵏⴰⴹⵜ ⵏ ⵎⴽⴽⴰ, ⵉⵅⵙⵙ ⴰⴷ ⵢⵉⵏⵉ ⵎⴰⵙ ⴷ "ⴰⵙⵙⴼⵙⵉ ⴰⴷ ⴰⵙⴽⵍⴰⵏ ⵉⵃⵚⵔⵏ, ⵎⴰⵏⵉ ⵉⴽⴽⵙ ⵅⴼ ⵢⴰⵜ ⵜⴳⵔⴰⵡⵜ ⵙ ⵓⵙⵎⵏⴰⴷ ⵏ ⵍⵇⵓⵔⴰⵏ ⵉⴳⴰⵏ ⵉⵙⵎⵏⴰⴷⵏ ⵉⵙⴳⵎⴰⵏⵏ ⴳ ⵍⵉⵙⵍⴰⵎ, ⵄⴰⵡⴷ ⴰⴷ ⵉⴱⵄⵄⴷ ⵉ ⴱⵏⴰⴷⵎ ⵉ ⵍⴰⵚⵏⴰⵎ ⵏⵏⴰ ⵉⴽⵙⵙⵉ ⴱⵏⴰⴷⵎ ⴰⴽⴷ ⵓⵖⵣⴷⵉⵙ ⵏⵏⵙ, ⵎⴰⵏⵉ ⵉⵅⵙⵙ ⴰⴷ ⵢⴰⵏⴼ ⵉ ⵜⵙⵓⵎⵖⴰ ⵉⴳⴰⵏ ⵚⵚⴰⵏⴰⵎ ⵏ ⵢⵉⵎⴰⵏ". 

ⵉⴱⴷⵔ ⴷ ⴰⵎⵙⵙⵉⵡⵍ ⴳ ⵓⵙⴰⵜⴰⵍ ⴰⴷ, ⵙ ⵓⵔⵎⵎⵓⵙ ⵏ ⵢⵉⵎⴰⵏ ⴳ ⵍⵀⵉⴷⴰⵢⴰ ⵏ ⵍⵇⵓⵔⴰⵏ, ⵎⴰⵏⵉ ⵉⵏⵏⴰ ⴰⴱⴷⴰⵔ ⵏ ⵍⵇⵓⵔⴰⵏ ⵅⴼ ⵢⵉⵎⴰⵏ, ⴳ ⵉⵙⴽⴽⵔⵏ ⵏⵏⵙ ⵏ ⴽⵕⴰⴹ, ⵜⴰⵍⵍⵉ ⵉⵇⵇⴰⵔⵏ ⵜⵉⵄⴼⴼⴰⵏⵉⵏ ⴷ ⵍⵍⵡⴰⵎⴰ ⴷ ⵜⴰⵍⵍⵉ ⵉⵙⵙⴰⵎⴰⵏⵏ, ⵉⵏⵏⴰ ⴱⵍⵍⵉ ⴽⵔⴰ ⵏ ⵉⵎⵓⵙⵙⵏⴰⵡⵏ ⴼⵚⵚⵍⵏ ⴳ ⵍⴰⵃⵡⴰⵍ ⵏⵏⵙ ⵓⵔⴰⵏ ⴰⵙ ⴰⵟⵟⴰⵚ ⵏ ⵉⴷⵍⵉⵙⵏ ⴷ ⵜⵡⵔⵉⵇⵉⵏ ⵉⴱⴷⴷⵏ ⵅⴼ ⵓⴳⵓⵎⵎⴰ ⵏ ⵜⵎⵅⵙⴰ, ⵜⵉⵎⵅⵙⴰ ⵏ ⵕⴱⴱⵉ ⴷ ⵓⵔⵇⵇⴰⵙ ⵏⵏⴰ ⴷ ⵜⵎⵅⵙⴰ ⵏ ⵉⵎⵓⵎⵏⵏ, ⴰⵙⵙⵍⵎⴷ ⵏ ⵓⴷⵍⵉⵙ ⵎⴰⵛⵉ ⵏ ⵜⵓⵙⵙⵏⴰ ⵡⴰⵀⴰ, ⵎⴰⵛⴰ ⵉⵅⵙ ⴰⴷ ⵣⵣⴰⴳⵙ ⵉⵏⵉ ⵓⵍⴰ ⴷ ⵜⴰⵡⵓⵔⵉ. 

ⵉⵏⵏⴰ ⵄⴰⵡⴷ ⴰⵡⵣⵉⵔ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵜⵎⵙⵍⵎⵉⵏ ⴰⵡⴰⵍ ⵏ "ⵜⵖⵏⵏⴰⵏⵜ" ⵉⵍⵍⴰⵏ ⵙ ⵡⴰⵟⵟⴰⵙ ⴳ ⵜⵓⴷⵔⵜ ⵏ ⵢⵉⴹ ⴰ, ⵎⴰⵏⵉ ⵉⵏⵏⴰ ⵉⵍⴰ ⴷ ⵜⴰⵣⴽⵉⵢⴰ ⴷ ⵏⴻⵜⵜⴰⵜ ⴷ ⴷⴷⵙⴰⵙ ⵏ ⵜⴰⵡⵃⵉⴷ ⵉⵅⵅⴷⵎ ⴰⵎⵓⵎⵏ ⴰⴱⴷⴷⵍ ⴰⴳⵏⵙⴰⵏ ⵎⴰⵏⵉ ⵉⵜ ⵜⵜⴱⴷⴷⴰⵍ ⴰⴳⴰⵎⴰ ⵏⵏⵙ ⵖⵔ ⵓⴳⴰⵎⴰ ⵏ ⵍⵅⵉⵔ, ⴰⴷ ⵉⴱⴷⴷⵍ ⵜⴰⵖⵏⵏⴰⵏⵜ ⵙ ⵍⵅⵉⵔ ⵖⵔ ⵜⵡⴰⵏⵏⵖⵏⵉⵜ ⵉⵎⵍ ⴷ ⵉⵍⴰ ⵜⴰⵣⴽⵉⵢⴰ ⴷ ⵜⴰⵙⴳⵎⵉ "ⴰⴷ ⵜⵙⵙⵓⴼⵓⵖ ⵜⵓⴷⵔⵜ ⵉⴼⵓⵍⴽⵉⵏ ⵉⴱⴷⴷⵏ ⵅⴼ ⵓⵙⵍⵍⴻⵍⵜ ⵜⴳⴰ ⵜⴰⴳⵔⴰⵡⵏⴰⵜ ⴽⵟⵕ ⵙⴳ ⵜⵡⵎⴷⴰⵏⵜ". 

ⵉⵏⵏⴰ ⵎⴰⵙⵙ ⵜⵜⴰⵡⵖⴼⵉⵇ ⵎⴰⵙ ⴷ "well-being" ⵉ ⵜⵜⵓⵖⴰ ⵉⵍⵍⴰⵏ ⴰⵎⵓⵏ ⴰⵎⴰⵔⵉⴽⴰⵏⵉ ⴷ ⵉⴱⴷⴷⵍ ⵏ ⵡⴰⵎⵓⵏⵏ ⵉ ⵢⵓⴳⵓⵔⵏ ⵙ ⴷⴰⵜ, ⵉⵏⵏⴰ ⵉⵍⴰ ⴰⵔⵎⵉⵉⵙ ⵉⵜⵜⵡⴰⵍⴰ ⵓⵍⴰ ⵜⵓⵎⴰⵏⵜ ⵏ ⴷⴰⵅⴻⵍ ⵜⴻⵜⵜⴰⵡⵉⵏ ⵅ ⵜⵜⴰⵡⴰⵣⵓⵏ ⵊⴰⵔ ⵍⴰⵜⴰⵔ ⵉⵚⴱⵃⴰⵏⵏ ⴷ ⵜⵄⴼⴼⴰⵏⵉⵏ ⴳ ⵜⵖⵓⵏⵡⵉⵏ ⵊⴰⵔ ⵎⵉⵏ ⵉⵍⵍⴰⵏ ⵉⴼⵓⵍⴽⵉⵏ ⴷ ⵡⴰⵔ ⴰⴼⵓⵍⴽⵉ ⵏ ⵜⵓⴷⵔⵜ ⵏ ⵎⵉⴷⴷⵏ ⵏ ⵡⵓⵍ.

 ⵎⴰ ⵜⵣⵎⵎⵔ ⴰⴷ ⵜⵉⵍⵉ ⵜⵓⴷⵔⵜ ⵉⴼⵓⵍⴽⵉⵏ ⵖⵔ ⵉⵎⵙⵍⵎⵏ ⵏⵖⴷ ⵓⵀⵓ ⴷⴰⵔ ⵉⵎⵙⵍⵎⵏ ⴳ ⵓⵙⴰⵜⴰⵍ ⵏⵏⵖ ⵏ ⵢⵉⴹⴰ, ⵉⵣⵎⵎⴻⵎ ⵎⴰⵙ ⵜⴰⵡⴼⵉⵇ ⵉⵍⴰ ⵉⵎⵙⵍⵎⵏ ⵅⴼ ⵜⵖⵉⵍⵉⵜⵉⵏ ⵉⵙⴳⴳⵎⵏ, ⵓⵍⴰ ⴷ ⵉⵊⵊⵏ ⵎⴰ ⵉⵣⵎⵎⵔ ⴰⴷ ⵉⵙⵙⵉⵡⵍ ⴳ ⵎⴰⴷ ⵉⴱⴰⵢⵏⵏ ⵏ ⵓⴼⵍⴰⵙ ⵏⵏⵙⵏ, ⵎⴰⵛⴰ ⴰⵎⴰⵏⵏⴰⵢ ⵓⵍⴰⴱⵓⴷⴷⴰ ⴰⴷ ⵉⵣⵎⵎⴻⵎ ⵉⵍⴰ ⴰⵣⴳⵏ ⴰⵎⵇⵇⵔⴰⵏ ⵏⵏⵙⵏ ⵓⵔ ⵣⵎⵎⵔⵏ ⴰⴷ ⴰⵡⴹⵏ ⵖⵔ ⵎⵉⵏ ⵉⵙⵎⵓⵏⴰⵏ ⴽⴰⵔ ⵎⵉⵏ ⵉⵍⵍⴰⵏ ⴷ ⵍⴽⵉⴼⴰⵢⴰ ⴷ ⵍⵇⴰⵏⴰⵄⴰ ⴷ ⵍⵄⵉⵣⵣⴰ ⵎⴰⵛⴰ ⵅⵣⵣⵔⵏ ⵙⵍⴰⵡⴰⵏ ⴰⴽⴽ ⵜⴰⵍⵖⴰ ⵏ ⵜⵓⴷⵔⵜ ⴷ ⵎⵉⵏ ⵉⵇⵇⵏⵏ ⵖⵔ ⵎⵉⵏ ⵉⵜⵜⵜⵓⴷⵔⵏ ⴷ ⵜⴰⵥⵢⵓⴹⵉ. 

ⵉⵏⵏⴰ ⵄⴰⵡⴷ ⵎⴰⵙ ⴷ ⴰⵎⵅⵓⵎⴱⵍ ⴰⴷ ⵓⵔ ⵉⵇⵇⴰⵔ ⵎⴰⵙ ⴷ ⵉⵎⵙⵍⵎⵏ ⴼⵕⵕⴷⵏ ⴳ ⴷⴷⵉⵏ, ⵎⴰⵛⴰ ⴰⵔ ⵉⵎⵎⴰⵍ ⵛⴰ ⵏ ⵜⵎⵓⴽⵔⵉⵙⵉⵏ ⵏⵏⴰ ⴳ ⵍⵍⴰⵏⵜ ⴳ ⵓⵎⵣⵔⵓⵢ ⵏ ⴷⴷⵉⵏ ⵏⵏⵙⵏ, ⴷ ⵉⵎⵅⵓⵎⴱⴰⵍ ⵏⵏⵙⵏ ⴷ ⵜⴰⵢⵏⵉⵜ ⴳ ⵜⵖⴰⵡⵙⵉⵡⵉⵏ ⴷ ⵓⵣⴳⵏⴰⵏ ⵓⵔ ⴼⴽⵉⵏ ⵜⴰⵢⵏⵉⵜ ⵉ ⵉⵇⵇⵏⵏ ⵖⵔ ⵍⴽⵓⵍⵍⵉⵢⴰⵜ ⵣⵣⴰⴳⵙⵏ ⴰⵡⴰⴹ ⵖⵔ ⵎⵉⵏ ⵉⵏⵏⴰ ⵏ ⵍⴰⵍⵍⴰⵖ ⴷ ⵢⵉⵎⴰⵏ ⴷ ⵎⵉⵏ ⴰⵙⵏ ⵉⴼⴽⵉⵏ ⵅⴼ ⵜⵡⵓⵔⵉ ⵉⵚⴱⵃⵏ.

Dernière modification : 29 ⵎⴰⵕⵚ 2023
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%95%E2%B4%B0%E2%B5%99-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C%C2%A0-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94