Published on MAPNews (https://www.mapnews.ma/am)

Accueil > ⴰⵢⵜ ⵎⵍⵍⵓⵍ.. ⵜⴰⵡⴰⵍⴰ ⵜⵉⵙ 15 ⵏ ⵓⵏⵎⵓⴳⴳⴰⵔ ⵏ ⵙⵓⵙ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⴳⵣⵍⴰⵍ ⵙⴳ 02 ⴰⵔ 06 ⵎⴰⵢⵢⵓ ⴷ ⵢⵓⵛⴽⴰⵏ.

ⴰⵢⵜ ⵎⵍⵍⵓⵍ.. ⵜⴰⵡⴰⵍⴰ ⵜⵉⵙ 15 ⵏ ⵓⵏⵎⵓⴳⴳⴰⵔ ⵏ ⵙⵓⵙ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⴳⵣⵍⴰⵍ ⵙⴳ 02 ⴰⵔ 06 ⵎⴰⵢⵢⵓ ⴷ ⵢⵓⵛⴽⴰⵏ.

28 ⵎⴰⵕⵚ 2023 Version Imprimable
ⵕⵕⴱⴰⵟ - ⵜⵙⵙⵏⵓⴳⵡ ⵜⴰⵎⴷⵉⵏⵜ ⵏ ⴰⵢⵜ ⵎⵍⵍⵓⵍ (ⵉⴼⴼⵓⵙ ⵓⵖⵍⵍⵓⵢ) ⵜⴰⵡⴰⵍⴰ ⵜⵉⵙⵙ ⵙⵎⵓⵙⵙ ⴷ ⵎⵔⴰⵡ ⵏ ⵓⵏⵎⵓⴳⴳⴰⵔ ⵏ ⵙⵓⵙ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⴳⵣⵍⴰⵍ ⵙⴳ 02 ⴰⵔ 06 ⵎⴰⵢⵢⵓ ⴷ ⵢⵓⵛⴽⴰⵏ, ⵉⵜⵜⵡⴰⴳⴳⵏ ⵙⴳ ⵓⵣⵣⵓⵍⴰⵯ ⵏ ⴽⵓⵎⵉⴷⵢⴰ ⵏ ⵓⵙⵏⴼⵍⵓⵍ ⵏ ⵜⵥⵓⵕⵉ ⵙ ⵜⴷⵔⴰⵡⵜ ⴰⴽⴷ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⵜⵎⴷⵉⵏⵜ, ⴷ ⵜⵖⵉⵡⴰⵏⵜ ⵏ ⵜⵓⵜⵍⴰⵢⵉⵏ ⴷ ⵜⵥⵓⵕⵉⵡⵉⵏ ⴷ ⵜⵓⵙⵙⵏⵉⵡⵉⵏ ⵜⵉⵏⴼⴳⴰⵏⵉⵏ ⵏ ⵉⴱⵏ ⵣⵓⵀⵔ ⴰⵢⵜ ⵎⵍⵍⵓⵍ, ⵙ ⵡⴰⵏⵏⴰⵍ ⵙⴳ ⵡⴰⵎⵎⴰⵙ ⵏ ⵙⵉⵏⵉ ⴰⵎⵖⵔⴰⴱⵉ.

ⵉⵏⵏⵇ ⵓⵙⵉⵡⴹ ⵏ ⵜⵎⵙⵙⵓⴳⵓⵔⵜ ⵏ ⵓⵏⵎⵓⴳⴳⴰⵔ, ⵎⴰⵙ ⴷ ⵜⴰⴳⵔⴰⵡⵜ ⵏ ⵜⵎⵥⵕⴰ ⴷ ⵓⵙⵜⴰⵢ ⵏⵏⴰ ⴳ ⵉⵍⵍⴰ ⵉⵎⵓⵣⴰⵢⵏ ⴳ ⵉⴳⵔ ⵏ ⵜⵎⴳⵓⵔⵉ ⵏ ⵙⵉⵏⵉ ⵜⵥⵕⴰ 1500 ⵏ ⵓⴼⵉⵍⵎ ⵏⵏⴰ ⵉⵙⵙⵎⴷⴰⵢⵏ 96 ⵏ ⵜⵎⵓⵔⵜ, ⵜⵙⵜⵉ ⴰⴽⴷ ⵜⵎⵙⵙⵓⴳⵓⵔⵜ ⵏ ⵓⵏⵎⵓⴳⴳⴰⵔ ⵙ ⵛⴰ ⵏ ⵉⵙⴱⴷⴰⴷⵏ ⴷ ⵉⵎⴰⵙⴷⴰⵏⵏ 40 ⵏ ⵓⴼⵉⵍⵎ ⴷ ⴰⴳⵣⵍⴰⵍ, ⴳ ⵡⴰⵏⴰⵡ ⵏ ⵓⴼⵉⵍⵎ ⴰⵎⵓⵏⴳⴰⵍ ⴰⴳⵣⵍⴰⵍ ⴷ ⵓⴼⵉⵍⵎ ⵓⵏⵜⵉⵎ ⴰⴳⵣⵍⴰⵍ ⴷ ⵓⴼⵉⵍⵎ ⴰⵏⴰⵎⵓⵔ ⴰⵇⵓⴹⴰⴹ.

ⴰⴷ ⴰⴷⴼⵏ ⵉⴼⵉⵍⵎⴰⵡⵏ ⵉⴷⵔⵓⵯ ⴳ ⵜⵡⴰⵍⴰ ⵜⵉⵙⵙ 15 ⴰⵎⵃⵉⵣⵡⴰⵔ ⵜⵓⵏⵚⵉⴱⵜ ⵃⵎⴰ ⴰⴷ ⴰⵡⵢⵏ ⵜⵉⵎⵙⵖⵓⵔⵉⵏ ⵏ ⵓⵏⵎⵓⴳⴳⴰⵔ,, ⵉⵥⵍⵉⵏ ⵙ ⵡⴰⵏⴰⵅ ⵏ ⵓⴼⵉⵍⵎ ⴰⵎⵓⵏⴳⴰⵍ ⴰⴳⵣⵍⴰⵍ, ⵜⴰⵙⵎⵖⵓⵔⵜ ⵏ ⵙⵓⵙ ⵜⴰⴳⵔⴰⵖⵍⴰⵏⵜ ⵏ ⵓⴼⵉⵍⵎ ⴰⵎⵓⵏⴳⴰⵍ ⴰⵇⵓⴹⴰⴹ, ⵜⴰⵙⵎⵖⵓⵔⵜ ⵏ ⵙⵓⵙ ⵏ ⵜⴳⵔⴰⵡⵜ ⵏ ⵜⵏⴼⴳⵓⵔⵜ ⵏ ⵓⴼⵉⵍⵎ ⴰⵎⵓⵏⴳⴰⵍ ⴰⵇⵓⴹⴰⴹ, ⴷ ⵜⵙⵎⵖⵓⵔⵜ ⵏ ⵙⵓⵙ ⵏ ⵓⵙⵉⵏⴰⵔⵢⵓ ⵉ ⵢⵓⴼⵏ ⵓⴼⵉⵍⵎ ⴰⵎⵓⵏⴳⴰⵍ ⴰⵇⵓⴹⴰⴹ.

ⴳ ⵎⴰⴷ ⵉⵥⵍⵉⵏ ⵉ ⵡⴰⵏⴰⵡ ⵏ ⵓⴼⵉⵍⵎ ⵓⵏⵜⵉⵎ ⴰⵇⵓⴹⴰⴹ, ⴰⴷ ⵎⵃⵉⵣⵡⴰⵔⵏ ⵉⴼⵉⵍⵎⴰⵡⵏ ⵃⵎⴰ ⴰⴷ ⴰⵡⵢⵏ ⵜⴰⵙⵎⵖⵓⵜⵜ ⵏ ⵙⵓⵙ ⵜⴰⴳⵔⴰⵖⵍⴰⵏⵜ ⵏ ⵓⴼⵉⵍⵎ ⵓⵏⵜⵉⵎ ⴰⵇⵓⴹⴰⴹ, ⵜⴰⵙⵎⵖⵓⵔⵜ ⵏ ⵓⵙⵡⵍⴼ ⵏ ⵙⵉⵏⵉ ⵏ ⵓⴼⵉⵍⵎ ⵓⵏⵜⵉⵎ ⴰⴳⵣⵍⴰⵍ.

ⵜⵉⵙⵎⵖⵓⵔⵉⵏ ⴳ ⵡⴰⵏⴰⵡ ⵏ ⵓⴼⵉⵍⵎ ⴰⵏⴰⵎⵓⵔ ⴰⵇⵓⴹⴰⴹ, ⴷ ⵜⴰⵙⵎⵖⵓⵔⵜ ⵏ ⴰⵢⵜ ⵎⵍⵍⵓⵍ ⵏ ⵓⴼⵉⵍⵎ ⴰⵎⵓⵏⴳⴰⵍ ⴰⵇⵓⴹⴰⴹ ⴷ ⵜⵙⵎⵖⵓⵔⵜ ⵏ ⴰⵢⵜ ⵎⵍⵍⵓⵍ ⵏ ⵓⵙⵓⴼⵖ ⵏ ⵙⵉⵏⵉ.

ⴰⵏⵎⵓⴳⴳⴰⵔ ⴰⴷ ⵏ ⵙⵓⵙ ⵏ ⵓⴼⵉⵎⵎ ⴰⵇⵓⴹⴰⴹ, ⵉⵜⵜⵓⵙⴽⴰⵔⵏ ⴳ ⵡⴰⵢⵢⵓⵔ ⵏ ⵎⴰⵢⵢⵓ ⵏ ⴽⵓⵏ ⴰⵙⴳⴳⵯⴰⵙ, ⵉⴳⴰ ⵙⴳ ⵜⵓⵎⴰⵏⵉⵏ ⵜⵉⴷⵍⵙⴰⵏⵉⵏ ⵅⴼ ⵜⴰⵊⵓⵏⴷⴰⵜⵉⵏ ⵉⵎⵓⵙⵙⵓⵜⵏ ⵏ ⵓⵙⴳⴳⵯⴰⵙ ⴳ ⵍⵎⵖⵔⵉⴱ, ⵉⵥⵍⵉⵏ ⴳ ⵓⴼⵙⴰⵔ ⵏ ⵉⴼⵔⴰⵙⵏ ⵢⵓⴼⵏ ⴳ ⵙⵉⵏⵉ ⵜⴰⵄⵔⴰⴱⵜ ⴷ ⵜⵎⴰⴹⵍⴰⵏⵜ ⴳ ⵉⴳⵔ ⵏ ⵓⴼⵉⵍⵎ ⴰⴳⵣⵍⴰⵍ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%A2%E2%B5%9C-%E2%B5%8E%E2%B5%8D%E2%B5%8D%E2%B5%93%E2%B5%8D-%E2%B5%9C%E2%B4%B0%E2%B5%A1%E2%B4%B0%E2%B5%8D%E2%B4%B0-%E2%B5%9C%E2%B5%89%E2%B5%99-15-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B5%99%E2%B5%93%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B4%B0%E2%B5%94%E2%B5%93-%E2%B4%B0%E2%B4%B3%E2%B5%A3%E2%B5%8D%E2%B4%B0%E2%B5%8D-%E2%B5%99%E2%B4%B3-02-%E2%B4%B0%E2%B5%94-06-%E2%B5%8E%E2%B4%B0%E2%B5%A2%E2%B5%A2%E2%B5%93