Published on MAPNews (https://www.mapnews.ma/am)

Accueil > ⵜⵉⵣⵔⴰⵡⵉⵏ ⵏ ⵜⵙⵏⵉⵍⵙⵜ ⵜⵉⵎⴰⵣⵉⵖⵉⵏ ⴷⴰⵔⵙ ⵉⵎⴰⵍ ⵉⴱⵓⵖⵍⴰⵏ ( ⴰⵎⵔⵣⵓ )

ⵜⵉⵣⵔⴰⵡⵉⵏ ⵏ ⵜⵙⵏⵉⵍⵙⵜ ⵜⵉⵎⴰⵣⵉⵖⵉⵏ ⴷⴰⵔⵙ ⵉⵎⴰⵍ ⵉⴱⵓⵖⵍⴰⵏ ( ⴰⵎⵔⵣⵓ )

20 ⵎⴰⵕⵚ 2023 Version Imprimable
ⵕⵕⴱⴰⵟ - ⵉⵏⵏⴰ ⵓⵎⵔⵣⵓ ⴷ ⵓⵙⵍⵎⴰⴷ ⴰⵙⴷⴰⵡⴰⵏ ⴳ ⵜⴷⵙⴰⵡⵉⵜ ⵏ ⵍⴰⵢⴷⵏ ⴳ ⵀⵓⵍⴰⵏⴹⴰ, ⵓⵥⵍⴰⵢ ⴳ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ, ⵎⴰⵙⵙ ⵎⴰⵕⵜⵉⵏ ⴽⵓⵙⵍⵉⵏⴳ ⴽⵓⵙⵎⴰⵏ,ⴳ ⵓⵙⵙⴰⵏ ⵣⵔⵉⵏ ⴳ ⵕⵕⴱⴰⵟ ⵎⴰⵙⴷ ⵜⴰⵙⵏⵉⵍⵙⵜ ⵜⴰⵎⴰⵣⵉⵖⵜ ⴷⴰⵔⵙ ⵉⵎⴰⵍ ⵉⴱⵓⵖⵍⴰⵏ ⵛⵉⴳⴰⵏ .

ⵉⵙⵎⴰⵍ ⵎⴰⵙⵙ ⴽⵓⵙⵎⴰⵏ ⴳ ⵜⵉⵏⴰⵡⵜ ⵅⴼ ⵓⵙⵏⵜⵍ ⵏ ⵜⵣⵔⴰⵡⵉⵏ ⵅⴼ ⵜⵙⵏⵉⵍⵙⵜ ⵏ ⵜⵎⴰⵣⵉⵖⵜ ⴳ ⵍⵎⵖⵔⵉⴱ ⴰⴷⴷⴰⴷ ⵏ ⵜⵓⵜⵍⴰⵢⵜ ⴷ ⵜⵎⴰⵍⵍⴰⵙⵜ ⴳ ⴼⵉⴳⵉⴳ , ⵎⴰⵙⴷ ⴽⵉⴳⴰⵏ ⵏ ⵉⵎⵔⵣⵓⵜⵏ ⴰⵔ ⵙⵡⵡⵓⵔⵉⵏ ⴳ ⵉⴳⵔ ⴰⴷ , ⴳ ⵍⵎⵖⵔⵉⴱ ⵏⵖⴷ ⴼⵕⴰⵏⵚⴰ ⵓⵍⴰ ⵀⵓⵍⴰⵏⴹⴰ, ⵎⴰ ⴰⵏⵏ ⴰⴷ ⵉⵙⵔⴳⵏ ⵉ ⵓⵎⵢⴰⵏⴰⵡ ⵏ ⵉⵔⵣⵣⵓⵜⵏ, ⴰⵎⵢⴰⵏⴰⵡ ⴰⴷ ⵉⴷⵓⵙ ⴽⵉⴳⴰⵏ ⴷ ⵉⵍⴰ ⴰⵜⵉⴳ ⵢⴰⵜⵜⵓⵢⵏ .

ⴳ ⵉⴳⵔ ⴰⴷ ⵏⵉⵜ , ⵉⵏⵏⴰ ⵎⴰⵙⴷ ⵜⵉⵣⵎⵎⴰⵔ ⵏⵏⴰ ⵉⴳⴰⵏ ⵜⵉⴽⴰⴷⵉⵎⵉⵢⵢⵉⵏ ⴰⴷ ⵉⴼⴽⴰⵏ ⵉ ⵓⵙⵏⵜⵍ ⴰⴷ ⵢⴰⵏ ⵡⴰⵜⵉⴳ ⵉⴷⵓⵙⵏ ⵏⵏⴰ ⵔⴰⴷ ⵢⴰⵡⵙ ⴳ ⵓⵎⵢⴰⴷⴰⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⴰⵡⵜⵜⴰⵙ ⵏ ⵓⵔⵣⵣⵓ ⵏⵏⵙ ⴰⵙⴷⵓⵙ ⵏ ⵜⵎⴰⵍⵍⴰⵙⵜ ⴳ ⵉⴳⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴰ ⵏ ⴼⵉⴳⵉⴳ , ⵉⵏⵏⴰ ⵎⴰⵙ ⵢⴰⴷ ⵉⵍⴰ ⵓⵔⵣⵣⵓ ⵅⴼ ⵜⵎⴰⵣⵉⵖⵜ ⵏ ⴼⵉⴳⵉⴳ ⵙⴳ ⴷⴰⵔ ⵉⵎⵔⵣⵓⵜ ⵉⵎⵖⵔⵉⴱⵉⵏ, ⵣⵓⵏⴷ ⴼⵓⵡⴰⴷ ⵙⴰⵄⴰ, ⴱⵏⵄⴱⴱⴰⵙ, ⵎⵓⵃⵎⵎⴰⴷ ⵢⵄⵓ, ⴷ ⵃⴰⵙⴰⵏ ⴱⵏⵄⵎⴰⵕⴰ .

ⵍⵍⵉⵖ ⵉⴱⵉⴷⴷ ⴳ ⵡⴰⵢⴷⴰ ⴰⵏⴰⵎⵓⵏ ⵏ ⵜⵙⵏⵉⵍⵙⵜ ⵏ ⵓⵔⵣⵣⵓ,  ⵉⵏⵏⴰ ⵓⵎⵔⵣⵓ ⴰⵀⵓⵍⴰⵏⴹⵉ ⵎⴰⵙⴷ ⴼⵉⴳⵉⴳ ⵜⴳⴰ ⵢⴰⵏ ⵓⵥⵏⵉⴳ ⵏⵏⴰ ⴳ ⵜⵜⵓⵙⵎⵔⴰⵔⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ  ⵏⵏⴰ ⵎⵓ ⵙⵙⵓⵜⵍⵏ ⵉⵕⵃⵃⴰⵍⵏ ⵏⵏⴰ ⵙⴰⵡⴰⵍⵏⵉⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵖⵉⵍⴰ ⵉⵎⵣⴷⴰⵖ ⵏⵏⵙ ⴰⴽⴽⵯ  ⵙⵙⵏⵏ ⴷⴰ ⵙⴰⵡⴰⵍⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷⴷⴰⵔⵉⵊⴰ, ⵉⵏⵏⴰ ⵎⴰⵙⴷ ⵜⴰⵎⴰⵍⵍⴰⵙⵜ ⵏ ⵜⵙⴳⴰ ⴷⴷⵖ ⴰⵔⴷ ⵜⵜⴰⵡⵉ ⴰⵎⴰⵡⴰⵍ ⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵣⵓⵏⴷ ⴰⴽⴽⵯ ⵜⴰⵏⵜⴰⵍⵉⵡⵉⵏ ⵢⴰⴹⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⴰⵏⵎⵓⵇⵇⴰⵔ ⴰⴷ ⵉⴷⴷⴰⴷ ⴳ ⵓⵙⴰⵜⵉ ⵏ ⵓⵏⵏⵓⵕⵥⵎ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵜ ⵏ ⵉⴷⵔⵉⵣⵏ ⴷ ⵜⴰⵢⵙⵉ ⵅⴼ ⵉⵏⵎⵎⴰⵙⵙⵓⵜⵏ ⵉⴽⴰⴷⵉⵎⵉⵏ ⴷ ⵡⵉⵏ ⴱⵕⵕⴰ,ⴰⵡⵜⵜⴰⵙ ⵏⵏⵙ ⴰⴼⴰⴷ ⴰⴷ ⵙⵙⵏⵏ ⵉⵏⵍⵎⴰⴷⵏ ⴷ ⵉⵎⵔⵣⵓⵜⵏ ⵅⴼ ⵓⵎⵣⵔⵓⵢ ⴷ ⵜⵓⵙⵙⵏⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%89%E2%B5%A3%E2%B5%94%E2%B4%B0%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B5%8F%E2%B5%89%E2%B5%8D%E2%B5%99%E2%B5%9C-%E2%B5%9C%E2%B5%89%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%89%E2%B5%8F-%E2%B4%B7%E2%B4%B0%E2%B5%94%E2%B5%99-%E2%B5%89%E2%B5%8E%E2%B4%B0%E2%B5%8D-%E2%B5%89%E2%B4%B1%E2%B5%93%E2%B5%96%E2%B5%8D%E2%B4%B0%E2%B5%8F-%E2%B4%B0%E2%B5%8E%E2%B5%94%E2%B5%A3%E2%B5%93