Published on MAPNews (https://www.mapnews.ma/am)

Accueil > ⴰⵏⵇⵇⵉⵙ ⵏ (GAFI) ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴷⵔⵉⵎⴰⵏⵜ ⵙ ⵓⵎⵙⴰⵙⴰ ⵏ ⵉⴳⵎⴰⵎⵏ ⵏⵏⵙ ⴳ ⵓⴼⵓⵖ ⵏ ⵍⵎⵖⵔⵉⴱ ⴳ ⵜⵏⴼⵓⵍⵜ ⵜⴰⵎⵍⵍⵉⵖⴷⵉⵜ

ⴰⵏⵇⵇⵉⵙ ⵏ (GAFI) ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴷⵔⵉⵎⴰⵏⵜ ⵙ ⵓⵎⵙⴰⵙⴰ ⵏ ⵉⴳⵎⴰⵎⵏ ⵏⵏⵙ ⴳ ⵓⴼⵓⵖ ⵏ ⵍⵎⵖⵔⵉⴱ ⴳ ⵜⵏⴼⵓⵍⵜ ⵜⴰⵎⵍⵍⵉⵖⴷⵉⵜ

24 ⴱⵕⴰⵢⵕ 2023 Version Imprimable
ⵕⵕⴱⴰⵟ - ⵜⵏⵏⴰ ⵜⵔⴰⴱⴱⵓⵜ ⵏ ⵓⵙⵡⵓⵔⵉ ⴰⴷⵔⵉⵎⴰⵏ (GAFI) ⵙ ⵓⵎⵙⴰⵙⴰ ⵏ ⵉⴳⵎⴰⵎⵏ ⵏⵏⵙ , ⴳ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏⵏⴰ ⵉⵜⵜⵓⵙⴽⴰⵔⵏ ⴳ ⴱⴰⵔⵉⵣ ⴳⵔ 20 ⴰⵔ 24 ⴱⵕⴰⵢⵕ ⴰⴷ , ⵎⴰⵙ ⵉⴼⴼⴰⵖ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⴹⴼⵓⵕ ⵏⵖⴷ ⴰⵢⵏⵏⴰ ⵎⵓ ⵜⵜⵉⵏⵉⵏ ⵜⴰⵏⴼⵓⵍⵜ ⵜⴰⵎⵍⵍⵉⵖⴷⵉⵜ .

ⵉⵏⵏⴰ ⵓⵙⵉⵡⴹ ⵏ ⵜⵏⴱⴰⴹⵜ ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙⴷ ⴰⵡⵏⵏⵉ ⵏ ⵜⵔⴰⴱⴱⵓⵜ ⵉⴷⴰⴷⴷ ⴷⴼⴼⵉⵔ ⵏ ⵓⵙⵙⴰⵜⵉⴳ ⵏ ⵓⵎⵢⴰⴷⴰⵙ ⵏ ⵓⵏⵎⴰⵍⵍⵓ ⴰⵏⴰⵎⵓⵔ ⴷ ⵉⵜⴳⴰⵔⵏ ⵉⵎⴰⴷⵍⴰⵏⵏ ⵏⵏⴰ ⵉⵣⴷⵉⵏ ⴷ ⵓⵏⵣⴰⵖ ⵏ ⵓⵙⵙⵉⵔⴷ ⵏ ⵉⴷⵔⵉⵎⵏ ⴷ ⵓⵙⴷⵔⵉⵎ ⵏ ⵉⵖⵡⵡⴰⵖⵏ ⵙⴳ ⵍⵍⵉⵖ ⵉⵜⵜⵓⵙⵡⵡⵓⵔⵉ ⵙ ⵜⴽⴰⵕⴹⴰ ⵏ ⵓⴱⵔⵉⴷ ⴰⵡⵡⵓⵔⴰⵏ ⵏⵏⴰ ⵉⵣⴷⵉⵏⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⴷⴰⵔ ⵜⵔⴰⴱⴱⵓⵜ ⴷⴷⵅ ⴳ ⴱⵕⴰⵢⵕ 2021 .

ⵉⴷⴷⴰⴷ ⵓⵡⵏⵏⵉ ⵏ ⵜⵔⴰⴱⴱⵓⵜ ⵏ ⵓⵙⵡⵓⵔⵉ ⴰⴷⵔⵉⵎⴰⵏ ⵙⴳ ⵜⵖⴰⵡⵙⵉⵡⵉⵏ ⵏⴰⵏ ⵏⵏⴰ ⵉⵎⵙⵜⴳⴳⴰⵔⵏ ⵉⴷⵓⵙⵏ ⵏ ⵜⵔⴰⴱⴱⵓⵜ ⴳ ⵓⵏⵇⵇⵉⵙ ⵏⵏⵙⵏ ⵙⴳ ⵍⵍⵉⵖ ⵙⴽⵔⵏ ⵢⴰⵏ ⵓⵔⵣⴰⴼ ⵖ ⵡⴰⵢⴷⴰ ⵏⵏⴰ ⵙⴽⵔⵏ ⵉ ⵍⵎⵖⵔⵉⴱ ⴳⵔ 16 ⴷ 18 ⵉⵏⵏⴰⵢⵔ 2023 .

ⵉⵙⵙⴷⵓⵙ ⵓⵏⵇⵇⵉⵙ ⵏⵏⴰ ⵙ ⵉⴼⴼⴰⵖ ⵍⵎⵖⵔⵉⴱ ⴳ ⵜⴰⵏⴼⵓⵍⵜ ⵜⴰⵎⵍⵍⵉⵖⴷⵉⵢⵜ ⴰⵡⵏⵏⵉ ⴰⵙⵔⵜⴰⵏ ⵏ ⵜⴳⵍⴷⵉⵜ ⵙⴳ ⵓⵎⵙⴰⵙⴰ ⴷ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵓⵏⵣⴰⵖ ⴳ ⵓⵃⵟⵟⵓ ⴰⴷⵔⵉⵎⴰⵏ ⴷ ⵓⵙⴷⵔⵉⵎ ⵏ ⵜⵖⵡⵡⴰⵖⵜ ⴷ ⵉⵜⴳⴰⵔⵏ ⵉⵎⴰⴷⵍⴰⵏⵏ ⴳ ⵜⵉⵣⵉ ⵉⵜⵜⵓⵙⵔⴰⵙⵏ .

ⵉⵙⴷⴷⵉⴷ ⵓⵙⵉⵡⴹ ⵎⴰⵙ ⴷ ⵜⴰⵖⵜⵙⵜ ⵏ ⵓⴼⴼⵓⵖ ⵏ ⵍⵎⵖⵔⵉⴱ ⵉ ⵓⵙⴰⵔⵓ ⵏ ⵓⴹⴼⵓⵔ ⵏⵖⴷ ⵎⴰⴷ ⵉⵜⵜⵡⴰⵙⵙⴰⵏ ⵙ ⵜⵍⴳⴰⵎⵜ ⵜⵓⵏⴳⴰⵍⵜ ⵉⴳⴰ ⵢⴰⵜ ⵜⴰⵢⴰⴼⵓⵜ ⵏ ⵜⵉⵣⵎⵎⴰⵔ ⴷ ⵜⵎⵙⴽⴰⵔⵉⵏ ⵜⵉⵎⵣⵡⵓⵔⴰ ⵏⵏⴰ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵉⵙⵡⴰⵍⴰⵜⵏ ⵉⵎⴰⵜⵜⴰⵢⵏ ⵏ ⵓⴳⵍⵍⵉⴷ, ⵏⵏⴰ ⵉⴳⴰⵏ ⵜⵓⴳⵜⵜ ⵏ ⵜⵎⵙⴽⴰⵔⵉⵏ ⵜⵉⵣⵔⴼⴰⵏⵉⵏ ⴷ ⵉⵙⵏⵎⴰⵍⴰⵏ ⴷ ⵉⵙⵡⵓⴷⴷⵓⵜⵏ ⵏⵏⴰ ⴷ ⵜⵣⵣⵓⴳⵣ ⵜⵏⴱⴰⴹⵜ ⴷ ⵜⵎⵔⵙⴰⵍ ⵏ ⵡⴰⵎⵓⵔ ⵙ ⵜⵣⴷⴰⵢⵜ ⴷ ⵜⵎⵀⵍⵜ ⵜⴰⵏⴰⵎⵓⵔⵜ ⵏ ⵉⵎⴰⵙⵙⴰⵜⵏ ⵉⵥⵕⴰⵏ ⴷ ⵢⵉⴳⵔ ⴰⵎⵥⵍⴰⵢ.

ⵉⵣⴰⵢⴷ ⵓⵙⵉⵡⴹ,ⵎⴰⵙⴷ ⵍⵍⵉⵖ ⵉⴼⴼⴰⵖ ⵍⵎⵖⵔⵉⴱ ⴳ ⵜⵏⴼⵓⵍⵜ ⵜⴰⵎⵍⵍⵉⵖⴷⵉⵜ ⴷⴰⵔⵙ ⵜⴰⵡⵡⵓⵔⵉ ⴼ ⵓⵙⵜⴰⵢ ⴰⵙⵔⵜⴰⵏ ⵙ ⵜⵖⴰⵔⴰⵙⵜ ⵉⴷⵓⵙⵏ ⴷ ⵓⵙⵏⴼⴰⵔ ⵏ ⵉⴱⴰⵏⴽⵏ ⵉⵏⵎⵏⴰⴹⵏ ⴷ ⴰⵔ ⵢⴰⴽⴽⴰ ⴰⴷⴷⵓⵔ ⵉ ⵜⴳⵍⴷⵉⵜ ⴰⴼⴰⴷ ⴰⴷ ⵜⵏⵣⵖ ⵎⵏⵉⴷ ⵏ ⵜⵎⵔⵙⴰⵍ ⵜⵉⵎⴰⴹⵍⴰⵉⵏ ⴷ ⵓⵙⵙⴰⵔⵓ ⵏ ⴱⵕⵕⴰ ⴷ ⵓⵏⴰⵎⵓⵔ 

ⴰⴼⴰⴷ ⴰⴷ ⵉⵙⵙⴷⵓⵙ ⴰⵢⵏⵏⴰ ⵉⵜⵜⴰⵡⵙⴽⴰⵔⵏ ⴳ ⵜⵡⵡⵓⵔⵉⵡⵉⵏ ⴳ ⵉⵙⴳⴳⵯⴰⵙⵏ ⵉⵣⵔⵉⵏ , ⵉⵙⵙⴷⵓⵙ ⴰⵡⴷ ⴰⵡⵏⵏⵉ ⵏ ⵉⵏⵣⴰⵖ ⵏ ⵍⵎⵖⵔⵉⴱ ⴼ ⵓⵙⵙⵉⴷⵔⴷ ⵏ ⵉⴷⵔⵉⵎⵏ ⴷ ⵓⵙⴷⵔⵉⵎ ⵏ ⵜⵔⵓⴱⴱⴰ ⵏ ⵉⵖⵡⵡⴰⵖⵏ ⵉⴳ ⵢⴰⵏ ⵓⵜⴳⴰⵔ ⵏ ⵜⵙⵏⵜⵓⵜⵉⵏ ⴷ ⵜⵙⵜⵕⴰⵜⵉⵊⵉⵜ ⵏⵏⴰ ⵉⵜⵜⴰⵔⵉⵏ ⴰⵏⵎⴰⵍⵍⵓ ⴰⴷⵔⵉⵎⴰⵏ ⴰⵏⴰⵎⵓⵔ ⴳ ⵜⵡⴰⵖⵉⵜⵉⵏ ⵜⵉⴷⵔⵉⵎⴰⵏⵉⵏ .

 

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%8F%E2%B5%87%E2%B5%87%E2%B5%89%E2%B5%99-%E2%B5%8F-gafi-%E2%B5%9C%E2%B4%B0%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B4%B7%E2%B5%94%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B5%99-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F%E2%B5%8F%E2%B5%99-%E2%B4%B3-%E2%B5%93%E2%B4%BC%E2%B5%93%E2%B5%96-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3