ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵏ ⵓⵙⴳⵔⴰⵡ ⵏ ⵕⵕⴱⴰⵟ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ , ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵡⵉⵙⵉ ⴷ ⵡⴰⵎⵎⴰⵙ ⴰⵎⴰⴹⵍⴰⵏ ⵏ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ -ⵍⵢⵓⵏⵉⵙⴽⵓ - ⴳ ⵙⵉⵏ ⵡⵓⵙⵙⴰⵏ , ⵎⴰⵙⴷ ⵜⴰⵎⴰⵎⴽⵜ ⵎⵏⵉⴷ ⵏ ⵡⴰⵎⵓⵏ ⴰⵎⴰⴹⵍⴰⵏ ⵜⴳⴰⵜⵜ ⵜⴰⴷⵉⴱⵍⵓⵎⴰⵙⵉⵜ ⵏⵏⴰ ⵉⵜⵜⵓⵙⴽⴰⵏ ⵙ ⵜⵣⵎⵎⴰⵔ , ⵙⴳ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵢⴰⵡⴰⴹ ⴷ ⵓⵎⵙⴰⵙⴰ ⵏ ⵉⵜⴳⴰⵔⵏ ⵉⵎⴰⴹⵍⴰⵏⵏ , ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⴰⵏⴰⵎⵓⵏ ⴷ ⵓⴷⵎⵙⴰⵏ ⴳ ⵎⴰⴷ ⵉⵥⵍⵉⵏ ⵙ ⵉⵏⵓⵃⵢⵓⵜⵏ ⵉⵏⴰⵎⵓⵏⵏ ⴷ ⵡⴰⵔ ⵜⴰⵏⴼⵔⵓⵜ ⵜⴰⴷⵎⵙⴰⵏⵜ ⵎⵏⵉⴷ ⵏ ⵉⵡⴰⵍⵍⵏ ⵏⵏⵖ ⴰⵙⵙ ⵅⴼ ⵡⴰⵙⵙ .
ⵉⵣⴰⵢⴷ ⵓⵎⴰⵡⵙⴰⵙ ⴱⵓⵕⵉⵟⴰ ⵉⵏⵏⴰ ⴳ ⵉⴳⵔ ⴰⴷ , ⵎⴰⵙⴷ ⵡⵉⵏⵏⴰ ⵏⵏⴰⵏⵉⵏ ⵎⴰⵙ ⴳⴰⵏ ⵉⵎⴰⵙⴰⵢⵏ ⵏ ⵉⵙⵔⴼⴰⵏ ⵏ ⵓⴼⴳⴰⵏ ⴳ ⵉⴼⵔⵉⵇⵢⴰ ⵎⴰⵙ ⵓⵔ ⵙⴽⵔⵏ ⵙ ⵉⵜⴳⴰⵔⵏ ⵉⵎⴰⴹⵍⴰⵏⵏ ⴳ ⵉⴳⵔ ⴰⴷ ⵏ ⵉⵣⵔⴼⴰⵏ ⴷ ⵓⵡⵇⵇⵕ ⵏⵏⵙⵏ ⴳ ⵓⵙⵡⵉⵔ ⴰⵎⴰⴹⵍⴰⵏ .
ⴳ ⵉⴳⵔ ⴰⴷ ⵏⵉⵜ , ⵉⵏⵏⴰ ⵎⴰⵙ ⴷ ⵓⵔ ⵢⵓⵙⵉ ⴰⴷ ⵢⵉⵍⵉ ⵓⵎⴰⵙⴰⵢ ⴰⵡⵍⴰⵡⴰⵍ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ , ⵓⵔ ⵉⵍⵍⴰ ⴽⵔⴰ ⵏ ⵓⴱⵔⵉⴷ ⵢⴰⴹⵏ ⴱⵍⴰ ⴰⵎⵔⴰⵔⴰ ⵏ ⵡⴰⵡⴰⵍ ⴳⵔ ⵉⵎⵙⵜⴳⴳⴰⵔⵏ ⴰⴽⴽⵯ ⴳ ⵉⴳⵔ ⴰⴷ .
ⵉⵣⴰⵢⴷ ⵉⵏⵏⴰ , ⵎⴰⵙ ⵏⵙⴽⴰ ⵅⴼ ⵓⵡⵏⵏⵉ ⴰⵎⴰⴹⵍⴰⵏ ⴰⴼⴰⴷ ⴰⴷ ⵏⵉⵍⵉ ⴳ ⵓⵙⵡⵉⵔ ⴰⵎⴰⴹⵍⴰ ⵏⵏⴰ ⵉⵣⴷⵉⵏ ⴷ ⵉⴳⵔ ⵏ ⵓⵏⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ .
ⴳ ⵎⴰⴷ ⵉⵥⵍⵉⵏ ⵙ ⵓⵎⵢⴰⵏⴰⵡ ⵏ ⵉⵎⵙⵜⴳⴳⴰⵔⵏ ⴰⵙⵙ ⴰⴷ , ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⵉⵇⵇⴰⵏ ⴼ ⵉⴼⵔⵉⵇⵢⴰ ⴰⴷ ⵜⵙⵏⵎⴰⵍⴰ ⵉⵅⴼ ⵏⵏⵙ ⴷ ⵜⵙⵙⴷⵓⵙ ⵜⵉⵣⵎⵎⴰⵔ ⵏⵏⵙ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⴼ ⵓⵎⵔⴰⵔ ⵏ ⵡⴰⵡⴰⵍ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵅⴼ ⵔⴰⴷ ⵢⵉⵍⵉ ⵓⵎⵔⴰⵔⴰ ⵉⴷⵔⴰⵏ ⴳ ⵉⵙⴳⴳⵯⴰⵙⵏ ⴷ ⴽⴽⴰⵏⵉⵏ ⴷⴰⵜ .
ⴳ ⵉⴳⵔ ⴰⴷ , ⵉⵏⵏⴰ ⵓⵎⴰⵡⵙⴰⵙⴰ ⵎⴰⵙⴷ ⵉⵇⵇⴰⵏ ⴰⴷ ⵜⵜⵓⵙⴽⴰⵔⵏⵜ ⵜⵎⵢⴰⵇⵇⴰⵏⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⵔⵙ ⵏ ⵜⵉⵏ ⴼⵢⵉⵏⵏⴰ ⴰⴼⴰⴷ ⴰⴷ ⵉⴷⵓⵙ ⵓⵏⵎⴰⵍⵍⵓ ⴰⵎⴰⴹⵍⴰⵏ ⴰⴼⴰⴷ ⴰⴷ ⵏⵙⵡⵉⵏⴳⵎ ⴳ ⵜⵎⴰⵎⴽⵜ ⵏ ⵓⵙⵎⴰⵜⵜⵉ ⵏ ⵉⵎⵓⴽⵔⵉⵙⵏ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵙⵢⴰⴼⴰ ⴰⴼⵔⵉⵇⵉ ⴳ ⵜⴼⵔⴽⵜ ⴰⴷ ⵜⴰⵎⴰⵢⵏⵓⵜ ⴷ ⵓⵙⴷⵓⵙ ⵏ ⵉⵜⴳⴰⵔⵏ ⵉⵎⴰⴹⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ .
ⴳ ⵜⵙⴳⴰ ⵢⴰⴷⵏⵉⵏ , ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵔ ⵉⵙⵙⴷⵓⵙ ⵜⴰⴷⵉⵏⴰⵎⵉⵜ ⵏⵏⵙ ⵜⴰⵏⴰⵎⵓⵔⵜ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴼⴰⴷ ⴰⴷ ⵜⴳ ⵜⴰⵎⵙⴱⵓⵖⵍⵓⵜ ⵏ ⵜⵏⴼⵍⵉⵜ ⴰⴼⴰⴷ ⴰⴷ ⴷⴷⵔⵏ ⵉⵣⵔⴼⴰⵏ ⴰⴽⴽⵯ ⵉⵎⴰⴷⴰⵏⵏ ⴷ ⵉⵙⵔⵜⴰⵏⵏ ⵓⵍⴰ ⵉⴷⵎⵙⴰⵏⵏ ⴷ ⵡⵉⵏ ⵜⴷⵍⵙⴰ ⵡⵍⴰ ⵜⴰⵡⵏⵏⴰⴹⵜ .
ⵉⵣⴰⵢⴷ ⵉⵏⵏⴰ ⵎⴰⵙ ⵜⵍⴽⵎ ⵜⵉⵣ ⵖⵉⵍⴰⴷ ⴰⴷ ⵏⵙⴽⵓ ⵢⴰⵏ ⵓⵡⴰⴱⴽ ⴰⵙⵍⴳⴰⵏ , ⵉⵇⵇⴰⵏⴷ ⴼ ⵜⵎⴰⵣⵉⵔⵜ ⵏⵏⵖ ⴰⴷ ⵏⵏ ⵜⴳ ⵜⵉⵣⵎⵎⴰⵔ ⴷⵓⵙⵏⵉⵏ ⴰⴼⴰⴷ ⴰⴷ ⵜⵙⴽⵓ ⵜⵉⵏⴰⴼⵓⵜⵉⵏ ⵏⵏⵙ ⴰⴼⴰⴷ ⴰⴷ ⵜⵙⴽⵔ ⵜⵉⵎⵍⴷⵉⵡⵉⵏ ⵜⵉⵎⴰⵢⵏⵓⵜⵉⵏ ⵜⵙⴽⵓ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵜⴷⵉⴱⵍⵓⵎⴰⵙⵉⵜ ⵜⴰⵎⴰⵢⵏⵓⵜ ⴳ ⵓⵙⴳⵔⴰⵡ ⴰⴷ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵎⴰⴷ ⴷ ⵢⴰⵣⴹⵏ ⴳ ⴱⵡⵉⵏⵓⵚⴰⵢⵕⵉⵚ .
ⵉⵙⵎⴷ ⵎⴰⵙⵙ ⴱⵓⵕⵉⵟⴰ ⴰⵡⴰⵍ ⵏⵏⵙ ⵎⴰⵙⴷ ⵜⴰⵎⵙⵉⵔⵜ ⵉⵖⵓⴷⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵖⴷ ⴽⵔⴰ ⵏ ⵓⵙⵏⵜⵍ ⵢⴰⴹⵏ ⵓⵔ ⵖⵉⵏ ⴰⴷ ⴳⵉⵏ ⵉⵏⴰⴳⴰⵏ ⴼ ⵡⵉⵏⵏⴰ ⵜⵜⵉⵏⵉⵏⵉⵏ ⵉⵙⴷ ⵏⵜⵜⵏⵉ ⴰⴷ ⵜⵏ ⵉⵙⴽⴰⵔⵏ , ⵎⴰⵛⴰⵏ ⴰⴷ ⴳⵉⵏ ⴰⴷⴷⵓⵔ ⵉ ⵡⵉⵏⵏⴰ ⵜⵏ ⵉⵜⵜⵡⵇⵇⴰⵕⵏ .
ⵔⴰⴷ ⵉⵍⵉⵏ ⴽⵉⴳⴰⵏ ⵏ ⵜⵙⵎⵎⴰⵍⵉⵏ ⴳ ⵓⵙⴳⵔⴰⵡ ⴰⴷ ⴷ ⵜⵙⵏⵜⴰⵢⵉⵏ ⵉⵖⵓⴷⴰⵏ , ⵏⵏⴰ ⵔⴰⴷ ⵉⴳ ⴰⴷⵙⵍⴰⵏ ⵏ ⵓⵙⵏⴱⴹ ⴰⵎⴰⴹⵍⴰⵏ ⵏⵏⴰ ⵔⴰⴷ ⵉⴼⵔⴳ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴱⵓⵖⵍⵓ ⵏⵏⵙⵏ .