ⵎⴽⵍⵍⵉ ⵉⴷⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴷⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵙ ⵉⵙⵎ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵜⴰⵜⵜⵓⵢⵜ ⵜⵉⵙⵙ 36ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵢⵜ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⴰⴷⵉⵙ ⴰⴱⴰⴱ ⵓⵙⵙⴰⵏ ⵏ 18 ⴷ 19 ⴱⵕⴰⵢⵕ ⴰⴷ .
ⴰⴷⵡⴰⵍ ⴰⵎⵖⵔⵉⴱⵉ ⵏⵏⴰ ⵢⵉⵡⵙⵏ ⴳ ⵓⴱⵔⴰⴳⵔⴰⵡ ⴰⴷ ⴳⵉⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴷⴰⵔ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⴰⵢⵎⵓⵏⵜ ⵜⴰⴷⵎⵙⴰⵏⵜ ⵏ ⵉⴼⵔⵉⵇⵢⴰ ⵏⵏⴰ ⵉⵡⴰⵍⴰⵏ ⵉ ⵜⵎⵜⵜⴰ ⵉⵎⵓⵏⵏ , ⵎⴰⵙⵙ ⵎⵓⵃⵎⵎⴰⴷ ⵄⵕⵓⵛⵉ , ⴷ ⵓⵎⵙⵇⴰⴷ ⴰⵏⵎⵀⴰⵍⴰ ⴰⵎⴰⵜⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵎⴰⵙⵙ ⵎⵓⵃⵎⵎⴰⴷ ⵎⵜⵇⴰⵍ .
ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵓⵙⴳⴳⴷ ⵏ ⵜⵙⵏⵓⵔⴰⵢⵉⵏ ⴷ ⵜⵎⵔⵙⴰⵍ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⴷ ⵉⵜⴳⴰⵔⵏ ⵏ ⵓⴼⵔⴰ ⴳ ⵉⴼⵔⵉⵇⵢⴰ ⵙ ⵓⵎⴰⵜⴰ , ⴷ ⵓⵙⴽⴽⵉⵔ ⵏ ⵓⴷⵖⴰⵔ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵜⵔⴰⴱⴱⵓⵜ ⵜⵉⵙⵙ 20, ⵓⵍⴰ ⵜⴰⵙⵙⴰⵙⵜ ⵏ ⵓⵙⴰⴷⵓⵔ ⴰⵎⴰⴹⵍⴰⵏ, ⵓⵍⴰ ⴰⵎⵓⴽⵔⵉⵙ ⵏ ⴽⵓⵕⵓⵏⴰ ⴷ ⵓⵏⵎⴰⵍⵍⵓ ⴰⵎⵔⴰⵡⴰⵏ ⵏ ⵓⵙⴽⴽⵉⵔ ⵏ ⵜⵏⴰⴼⵓⵜⵉⵏ ⵏ ⴷ ⵜⵎⵙⵙⴽⵜⵉⵜ ⵏ 2063 ⵓⵍⴰ ⵜⵉⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵜⵙⴱⴱⴰⴱⵜ ⵏ ⵉⴼⵔⵉⵇⵢⴰ ZLECAF , ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴰⵡⴷ ⴼ ⵉⵙⵏⴼⴰⵍ ⵏ ⵓⵏⵣⵡⵉ .