ⵉⵣⴰⵢⴷ ⵎⴰⵙⵙ ⴱⴰⵢⵜⵜⴰⵙ ⴳ ⵓⵎⵙⴰⵡⴰⵍ ⵏⵏⵙ ⴷ ⵉⵏⵖⵎⴰⵙⵏ ⴳ ⵜⵉⵏⴰⵡⵜ ⵜⴰⵏⴰⵖⵎⴰⵙⵜ ⴷⴼⴼⵉⵔ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⵓⵏⴱⵉⴹ ⵎⴰⵙⴷ ⴰⵙⵏⴼⴰⵕ ⵏ ⵓⵙⵍⴳⵏ 83-21 ⵏⵏⴰ ⵉⵣⴷⵉⵏ ⵙ ⵜⵎⴰⴷⵔⴰⵡⵉⵏ ⵜⵉⵏⵎⵏⴰⴹⵉⵏ ⵎⵢⴰⵏⴰⵡⵏⵉⵏ ⴳ ⵜⵏⴰⴼⵓⵜⵉⵏ ⵏⵏⵙⵏⵜ, ⵏⵏⴰ ⵅⴼ ⵜⵙⴳⵎⴹ ⵜⵏⴱⴰⴹⵜ ⵉⵣⴷⵉⵏ ⴷ ⵓⴼⵔⵔⵓ ⵏ ⵡⴰⵜⵉⴳ ⵏ ⵡⴰⵙⵉⴷ ⵙⴳ ⴷⴰⵔ ⵉⵏⵎⵓⵔⵉⵢⵢⵏ ⵉⵎⵖⵔⵉⴱⵉⵏ
ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⴰⵙⵏⴼⴰⵕ ⵏ ⵓⵙⵍⴳⵏ ⵔⴰⴷ ⵉⵜⵜⵓⴼⵙⴰⵔ ⵎⵏⵉⴷ ⵏ ⵜⴰⵢⵎⵓⵏⵜ ⵏⵏⴰ ⵙⵔⵙⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⵕⵏ ⴰⴼⴰⴷ ⴰⴷ ⵜ ⵖⵔⵏ ⵙⴱⵓⵖⵍⵓⵏⵜ, ⵔⴰⴷ ⴳⴳⵉⵡⵙⵏ ⵎⴰⵏ ⴰⵖⵓⴷⵓ ⴰⴷ ⵉⵍⵍⴰⵏ ⴷⴰⵔ ⵓⵙⵍⴳⵏ ⴰⴷ .
ⵉⵙⴷⵙⵉⴷ ⴰⵡⴷ ⵅⴼ ⵓⵙⵓⵖⵏ ⵏ ⵓⵙⵏⵎⴰⵍⴰ ⵏ ⵢⵉⴳⵔ ⵏ ⵓⴱⵟⵟⵓ ⵏ ⵡⴰⵎⴰⵏ ⴷ ⵓⵥⴰⵕⵓⵕ, ⴷ ⵓⵣⵣⵓⴳⵣ ⵉⵎⵉⴽ ⵙ ⵉⵎⵉⴽ ⵉ ⵓⵚⵏⴼⴰⵕ ⵅⴼ ⵓⵃⵟⵟⵓ ⵏ ⵉⵎⵢⴰⵙⴰⵜⵏ ⵏ ⵓⵙⵓⵔⴰ ⴰⵏⴰⵎⵓⵔ ⵏ ⵡⴰⵎⴰⵏ ⴷ ⵓⵥⴰⵕⵓⵕ, ⴰⵡⴷ ⵜⵉⵙⴰⵔⵡⵉⵏ ⴳ ⵓⵙⴰⵜⵉ ⴰⵏⴰⵎⵓⵔ.
ⵉⵜⵜⴰⵡⵏⵏⴰ ⵎⴰⵙ ⴷ ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵣⵏ ⴳ ⵜⴳⵉⵔⴰ ⴰⴷ ⵅⴼ ⵓⵚⵏⴼⴰⵕ ⵏ ⵓⵙⵍⴳⵏ ⵉⵣⴷⵉⵏ ⴰⴽⴷ ⵜⴷⵔⴰⵡⵉⵏ ⵜⵉⵙⴳⴰⵡⴰⵏⵉⵏ ⵏⵏⴰ ⴷ ⵖⵓⵔ ⵜⵓⴳⵜⵜ ⵏ ⵜⵡⵓⵔⵉⵡⵉⵏ, ⴰⵡⵜⵜⴰⵙ ⵏⵏⴰⵙ ⵉⴳⴰⵜ ⴰⵙⵎⴽⵍ ⵏ ⵜⵏⵎⵎⴰⵔ ⴰⴽⴽⵯ ⵏⵏⴰ ⵉⵍⵍⴰⵏ ⵖⵓⵔ ⵢⵉⴳⵔ ⵏ ⵓⴱⵟⵟⵓ ⵏ ⵡⴰⵎⴰⵏ ⵉⵣⴷⴷⵉⴳⵏ ⵉ ⵜⵉⵙⵙⵉ ⴷ ⵓⵥⵓⵕⴰⵕ, ⵏⵏⴰ ⵉⵙⵏⴼⵍⵏ ⴱⵍⴰ ⵜⴰⵎⴰⵎⴽⵜ ⵏ ⵜⵎⵔⴰⵔⵓⵜ ⵙ ⵢⴰⵜ ⵜⵏⵔⵉⴷⵜ ⴷ ⵢⵓⵙⴰⵏ ⴰⴽⴷ ⵏ ⵜⵓⵜⵔⵉⵡⵉⵏ ⵉⴳⴳⵓⵜⵏ ⵅⴼ ⵡⴰⵏⵙⴰⵜⵏ ⴰⴷ ⵉⴷⵙⵍⴰⵏ.
ⵎⴽ ⵍⵍⵉ ⵔⴰⴷ ⵉⵙⴽⵔ ⵓⵚⵏⴼⴰⵕ ⴰⴷ ⴰⴷ ⵉⵙⵔⵙ ⵢⴰⵜ ⵜⵎⴰⵎⴽⵜ ⵏ ⵓⵙⵡⵓⴷⴷⵓ ⴷ ⵡⴰⵏⴰⵡ ⵏ ⵜⴷⵔⴰⵡⵉⵏ ⵜⵉⵙⴳⴰⵡⴰⵏⵉⵏ ⵏⵏⴰ ⵖⵓⵔ ⵜⵓⴳⵜⵜ ⵏ ⵜⵡⵓⵔⵉⵡⵉⵏ, ⵏⵏⴰ ⵉⴳⴰⵏ ⵢⴰⵏ ⵓⵙⴰⵜⵉ ⴰⵔⵙⵍⴰⵏ ⴰⴷ ⵉⴹⴼⵔ ⵜⵉⵣⵎⵎⴰⵔ ⵏ ⵉⵎⵙⴽⵛⵓⵎⵏ ⴰⴽⴽⵯ ⴰⴼⴰⴷ ⴰⴷ ⵏⵙⵙⵖⵍⵉ ⴳ ⵓⵙⵡⵉⵔ ⵏ ⵓⵙⵡⵓⴷⴷⵓ ⵏ ⵡⴰⵏⵙⴰⵜⵏ ⴰⴷ .