ⵎⴽ ⵍⵍⵉ ⵙ ⵉⵏⵏⴰ ⵎⴰⵙⵙ ⴱⴰⵢⵜⵜⴰⵙ ⴰⵡⴷ ⴳ ⵢⴰⵏ ⵓⵎⵙⴰⵡⴰⵍ ⵏ ⵓⵎⵔⴰⵔⴰ ⵅⴼ ⵉⵙⵇⵇⵙⵉⵜⵏ ⵏ ⵉⵏⵖⵎⴰⵙⵏ, ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵏⵏⴰ ⵉⵙⴽⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵢⵉⵍⵉ "ⵓⴽⵓⵔⴰⵢ ⵙ ⵓⴼⵓⵙ ⵏ ⵓⵣⵣⴰⵍ" ⴰⵡⴷ ⴰⵙⵏⴰⵎ ⵏ ⵉⵏⵓⴼⵏ ⴰⴽⴽⵯ ⵏⵏⴰ ⵉⵣⴷⵉⵏ ⵙ ⵡⴰⵜⵉⴳ ⵏ ⵉⵙⴰⴷⵓⵔⵏ, ⴷ ⵉⵏⵏⴰ ⵎⴰⵙ ⴷ ⵓⵏⵓⴼ ⵏⵏⴰ ⵔⴰⴷ ⵉⵜⵜⴰⵡⵣⵎⵎⴰⵎ ⴳ ⵓⵙⴰⵜⵉ ⴰⴷ ⵔⴰⴷ ⵜⵉⵍⵉ ⴳ ⵓⵙⵏⵜⵍ ⵏ ⵓⴹⴼⵓⵔ ⴰⵏⴱⴹⴰⵏ.
ⴳ ⵎⴰⴷ ⵉⵥⵍⵉⵏ ⵙ ⵓⴳⵙⵓⵎ ⴰⵣⴳⴳⵯⴰⵖ, ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴽⵔ ⵙⵏⴰⵜ ⵜⵡⵡⵓⵔⵉⵡⵉⵏ ⵜⵉⵎⴰⴷⴷⵓⴷⵉⵏ , ⵜⴰⵎⵣⵡⴰⵔⵓⵜ ⴰⵙⴷⴷⵉⴷ ⵏ ⵜⴼⴳⵓⵔⵉⵏ ⵏ ⵡⴰⵙⴰⵖ ⵏ ⵜⵖⴰⵡⵙⵉⵡⵉⵏ ⴰⴷ ⴳ ⴱⵕⵕⴰ, ⴷ ⵜⵓⴽⴽⵙⴰ ⵏⵏⵙⵏⵜ ⴼ ⵡⴰⵜⵉⴳ ⵉⵣⴰⵢⴷⵏ, ⵉⵏⵏⴰ ⵎⴰⵙⴷ ⵙⵏⴰⵜ ⵜⵖⴰⵡⵙⵉⵡⵉⵏ ⴰⴷ ⵔⴰⴷ ⵜⴱⴰⵢⵢⵏ ⵜⵢⴰⴼⵓⵜ ⵏⵏⵙ ⴳ ⵎⴰⵏⵏ ⵓⵔ ⵢⴰⴳⴳⵓⴳⵏ .
ⴳ ⵎⴰⴷ ⵉⵥⵍⵉⵏ ⵙ ⵜⵎⵉⵟⴰⵛ, ⵉⵏⵏⴰ ⵎⴰⵙⵙ ⴱⴰⵢⵜⵜⴰⵙ ⵎⴰⵙⴷ ⴰⵢⵍⵍⵉ ⵉⵜⵜⵓⵥⵓⵏ ⴰⵙⴳⴳⵯⴰⵙ ⴰⴷ ⵢⵓⵜⵉ ⵓⵜⵓⵢ ⵏⵏⴰ ⵉⵜⵜⵓⵥⵥⴰⵏ ⴰⵙⴳⴳⵯⴰⵙ ⵏⵏⴰ ⵉⵣⵔⵉⵏ ,ⵉⵙⵙⴰⵖⵓⵍ ⵓⵍⵓⵢ ⵏ ⵡⴰⵜⵉⴳ ⵏ ⵎⴰⵟⵉⵛⴰ ⴰⵙⴳⴳⵯⴰⵙ ⴰⴷ ⵙ ⵓⵙⵖⴰⵍ ⵏ ⵓⵚⵎⵎⵉⴹ ⵏⵏⴰ ⵜⵙⵙⵏ ⵜⴳⵍⴷⵉⵜ, ⵉⵏⵏⴰ ⵎⴰⵙⴷ ⵜⴰⵏⴱⴰⴹⵜ ⵔⴰⴷ ⵜⵙⴽⵔ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴰⴼⴰⴷ ⴰⴷ ⵜⵙⵙⴰⴽⵯⵉ ⴰⵜⵉⴳ ⵏⵏⵙ , ⴷ ⵔⴰⴷ ⵜⴼⵔⴽ ⵜⴰⵣⵎⵔⵜ ⵏ ⵜⵓⵙⵖⴰ ⵏ ⵉⵏⵎⵓⵔⵉⵢⵢⵏ .
ⵍⵍⵉⵖ ⵉⴱⴷⵔ ⵜⵉⵖⴰⵡⵙⵉⵡⵉⵏ ⵏⵏⴰ ⵜⵙⴽⵔ ⵜⵏⴱⴰⴹⵜ ⴰⴼⴰⴷ ⴰⴷ ⵜⵙⵙⴰⴽⵯⵉ ⴰⵜⵉⴳⵏ , ⵏⵏⴰ ⵉⵥⵍⵉⵏ ⵙ ⵓⴳⴼⴰⵢ ⴳ ⵉⴳⴰⴷⴰⵣⵏ, ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⴰⵏⴱⴰⴹⵜ ⵜⵔⴰⵔ ⵜⴰⵖⴹⴼⵜ ⵙ ⵜⵣⵎⵔⵜ ⵏ ⵜⵓⵙⵖⴰ ⵏ ⵉⵏⵎⵓⵔⵉⵏ ⴰⴽⴽⵯ ⴳ ⵜⴳⵍⴷⵉⵜ ⵏⵏⵖ , ⵙⵍⴰⵡⴰⵏ ⴰⴽⴽⵯ ⴳ ⵜⵉⵣⵉ ⵢⴰⴷ , ⵉⵣⴰⵢⴷ ⵉⵏⵏⴰ ⵎⴰⵙⴷ ⵎⴰⵙⴷ ⵜⴰⵏⴱⴰⴹⵜ ⵜⵙⴽⵔ ⵙ ⵜⵓⵎⵍⴰⵢⵉⵏ ⵏ ⵓⵏⵙⵙⵉⵅⴼ ⵏⵏⵙ ⴳ ⴽⵉⴳⴰⵏ ⵏ ⵉⴳⵔⴰⵏ .